م. ابو ليان

مهتم باحدث اساليب البناء ( شماعة هذا طلب العميل صارت مكشوفه ) عمل المعماري يستمر لمئات السنين ( قاعدة كل ما بحثت عن الارخص كل ما تحمل عواقبها المبنى )

[م. ابو ليان @Abulayan_Dev]

@EngRiyadh44 تسليم المفتاح اكبر غلط

[م. ابو ليان @Abulayan_Dev]

@EngRiyadh44 مشكلتك مو ترويبة

مشكلتك المبلط سيء ومكان الصفايه غلط

[م. ابو ليان @Abulayan_Dev]

@archayoubali1 وجهة نظري يشطب الطعام + منطقه خارجيه اللي بالنص
ثم يسحب المجلس للخلف لتصبح المساحة الحرة بالامام
يجب توفير 30٪ مساحة بالامام لحديقه كجلسه خارجيه + ديوانيه بدورة مياه
ويشطب السائق لان حتى النساء الان يقودو ماعاد احد بحاجة غرفة سائق

[م. ابو ليان @Abulayan_Dev]

@DENA160 @trhz55 @drehimm @bander_al7arbi @BNDR555 كثيرة جداً 12

ولكن تعتمد على المصادر عندك

اذا عندك شريط اضاءة مخفي واضاءة طبيعيه مع الشباك او الباب

اشوف 6 حبات استرب لايت كافية
اذا فيه نقص بالمصادر الاخرى زودها الى 8 لمبات

وتزيد البشاعة اذا توزيعها غلط مثل الصوره وطريقة تعليمها ع الجدار لازم تبعد عن الجدار

[م. ابو ليان @Abulayan_Dev]

@maged__8 @sult3n666 @jabertoon خلني اشرح لك النقطه اللي تقصدها
تصاميم النسخ واللصق ابو 3 الاف ، قديمة ، مكرره ، هدر مساحات ، وبشعه
الخ

التصميم الجيد اللي تدفع في البداية يوفر عليك في
1- معرفة ميزانيتك ويبني عليها
2- يقلل المسطحات ويستغل المساحات
3- تصميم عصري غير مكرر وعلى ذوقك
4- واجهه احدث وتكلفة اقل
الخ

[م. ابو ليان @Abulayan_Dev]

@rnge300 الحل التاسيس يكون بالشكل الصح والابتعاد عن نظام النسخ والصق

خزان الفايبر الارضي ومضخة سكالا وعلى البيت دايركت بدون خزانات علوية

الماء يكون دافي طوال السنه والسباكة معلقة
هذا افضل نظام للماء

هذا النظام للمدن فقط اللي ما تنقطع عنها الكهرب

[م. ابو ليان @Abulayan_Dev]

@iMansourF كل معظله ولها حل لكن للاسف الوزير فاشل

1- حل مشكلة ارتفاع الاراضي = فرض رسوم لكل ارض اضافيه
لكل مواطن ارض وحدة فقط بدون رسوم

2- حل مشكلة مواد البناء = شهادة اعفاء من الضريبه عبر بوابة الاسكان تسقط الضريبه عن المشتري لمواد البناء

3- المشتري للجاهز وهو مدعوم معفي من الضريبه 100٪

[م. ابو ليان @Abulayan_Dev]

@AAssAA0112 @3bdullhEng القياس

[م. ابو ليان @Abulayan_Dev]

@abwebdalrhmn انا ضد خروج مواصير تصريف السطح والملاحق على الحوش نهائياً حتى لو تحط صفاية ما تنفع

الافضل تصرفها للشارع دايركت من تحت البلاط نفس صفايات تصريف الاحواش

وايضاً ضد من يشبك تصريف الامطار مع الصرف الصحي ويخالف نظام البلديه

[م. ابو ليان @Abulayan_Dev]

@crooz7 @jenaideb اكيد تقدر تفصل بالمقاس والشكل واللون اللي تبي

[م. ابو ليان @Abulayan_Dev]

@khaledalharttyy @jenaideb يا عزيزي احنا نتكلم عن مقارنه بين احواض الفايبر والخرسانه

اما موضوع انواع الاشجار اللي تعيش في احواض سواءً بالحوش او السطح
هي كثيره ولكنها شجيرات وليست اشجار

الاشجار مثل اشجار الظل حتى بالسور الخارجي خطيره بسبب العروق فما بالك في الاحواض

السدر
لسان العصفور
اللبخ
الفكس
الخ

[م. ابو ليان @Abulayan_Dev]

@alswelm2030 ونسينا اهم نقطه

توفير قيمة المظله او غرفه الخزان وكذلك الخزانات وكذلك معالجات الحرارة من صوف صخري او مراوح وما شابهها

[م. ابو ليان @Abulayan_Dev]

@alswelm2030 بالنسبة لي الخزان الارضي فايبر طبعاً واكره المسلح

الاسباب
1- توفير كهرب بمضخه من اسفل عكس العلوي دينموا اسفل ومضخه من اعلى
2- تجنب حرارة الشمس ومعالجاتها
3- تجنب التلوث البصري للشكل

بالنسبة لانقطاع الكهرب شبه مستحيل بالمدن
واللي خايف يحط خزان صغير كاحتياط ويفرغ شهري لعدم تعفنه

[م. ابو ليان @Abulayan_Dev]

@NazhahAl الفخار ما يصلح لعدة اسباب

1- ينكسر بسهوله اذا نمت الاشجار
2- ماده مسامية تسرب المياه
3- شكله بشع

لو قلت نصلح معالجات للفايبر افضل
مثل نكثر البيتموس عن التربة
او نحط فخار داخله الخ

مع ان كثير زارعين فيه بدون مشاكل

[م. ابو ليان @Abulayan_Dev]

@my_house2015 المسبح للقصور ذات المساحات الكبيره
او الاستراحات فقط

المنازل الصغيره ما يصلح ابداً لعدة اسباب

1- خطر جداً على الاطفال
2- يضيق المساحات
3- فواتير مياه باهضه
4- تمل منه اول سنتين
5- يجمع اوساخ واتربه
6- متعب في التنظيف

[م. ابو ليان @Abulayan_Dev]

@alswelm2030 ما نقدر نشكل على كيفنا
التناسق وجعل المبنى كتلة واحده مترابطة بالالوان والستايل هي اهم ميزه في المباني

تم اختيار لونين رمادي اذا ستايل المبنى من الرماديات
وتم اختيار لونين بيج اذا ستتيل المبنى اقرب للبيج

[م. ابو ليان @Abulayan_Dev]

@drehimm من اسواء المخططات اللي شفتها

المدخل ❌
المغاسل ❌
مدخل المجلس بالاخير سلامات

ماعاد اقدر اكمل خلاص دام هذي بدايته

انصحك يالغالي بمخططات وزارة الاسكان
اما هذا فهو من مخططات النسخ واللصق