AFG Embassy Russia

په مسکو کې د افغانستان سفارت رسمي پاڼه - The Official Account of the Afghanistan Embassy in Moscow

[AFG Embassy Russia @AfghanEmbRussia]

په مسکو کې د ا.ا.ا سفیر ښاعلي مولوي حسن گل حسن، د سنټ پیټرزبورگ نړیوال اقتصادي فورم د گډون په مهال د روسیې فدراسیون صدراعظم له مرستیال ښاغلي الکسي اوورچوک، د روسیې د سوداگرۍ او صنایعو خونې رییس سرگي کاتیرین او یو شمېر نورو روسي چارواکو سره جلا، جلا ولیدل.
په یادو لیدنو کې د دوه اړخیزو اقتصادي او سوداگریزو اړیکو د پراختیا، د افغان سوداگرو لپاره د فرصتونو د زیاتوالي، او په سنټ پیټرزبورگ کې د مېشتو او زده‌کړیال افغانانو د ملاتړ په اړه خبرې وشوې.

[AFG Embassy Russia @AfghanEmbRussia]

په مسکو کې د ا.ا.ا سفیر مولوي گل حسن حسن د سنټ پیټرزبورگ نړیوال اقتصادي فورم (SPIEF-2026) کې گډون وکړ.

ښاغلي سفیر د فورم په څنډه کې له روسي چارواکو، اقتصادي استازو او د شانگهای همکاریو سازمان له ځانگړي استازي سره د افغانستان او روسیې ترمنځ د اقتصادي او سوداگریزو همکاریو، افغاني صادراتو او سیمه‌ییزو اړیکو په اړه خبرې وکړې.

په ورته مهال؛ د اقتصادي اړیکو په پراختیا او د گډو همکاریو پر دوام ټینگار وشو.

[AFG Embassy Russia @AfghanEmbRussia]

په مسکو کې د ا.ا.ا. لوی سفیر مولوي گل حسن حسن، د سنکټ پیټرزبورگ ښار ته د سفر په مهال له مېشتو هېوادوالو سره وکتل. په دې ناسته کې د افغانانو د سوداگریزو، ټولنیزو او قونسلي ستونزو په اړه خبرې وشوې او گډونوالو خپلې غوښتنې او وړاندیزونه له سفیر سره شریک کړل.
ښاغلي سفیر ډاډ څرگند کړ، چې د افغانانو د ستونزو حل او په روسیه کې ورته د اړینو خدمتونو او اسانتیاوو رامنځ ته کول لومړیتوب دی. هغه د خپلو څرگندونو په لړ کې د افغانانو ترمنځ پر یووالي، همغږۍ او متقابلې همکارۍ هم ټینگار وکړ.

[AFG Embassy Russia @AfghanEmbRussia]

په مسکو کې د ا.ا.ا. لوی سفیر ښاغلي مولوي گل حسن حسن له هغو افغان لوبغاړو سره چې روسیې ته د المپیکي ځوانانو په اتم نړیوال فورم کې د گډون لپاره د افغانستان د المپیک، بدني روزنې او لوبو د عمومي رییس ښاغلي مولوي احمد الله وثیق په مشرۍ راغلي وو، په خپل کاري دفتر کې وکتل.

ښاغلي سفیر د هېواد د استازیتوب له امله له لوبغاړو مننه وکړه او لوبې یې د ملتونو ترمنځ د نږدېوالي او د هېواد د مثبت انځور د وړاندې کولو مهمه وسیله یاده کړه او په پای کې یې لوبغاړي د لاسته راوړنو له امله وستایل.

[AFG Embassy Russia @AfghanEmbRussia]

د افغانستان د دفاع وزیر د مسکو سفارت له ودانۍ څخه لیدنه وکړه.

د افغانستان اسلامي امارت قدرمن دفاع وزیر مولوي محمد یعقوب مجاهد روسیې ته د خپل رسمي سفر پر مهال په مسکو کې د افغانستان سفارت له ودانۍ او اداري څانګو څخه لیدنه وکړه او د سفارت له دیپلوماتانو او کارکوونکو سره یې ناسته ترسره کړه.

ښاغلي وزیر د سفر په جریان کې د سفارت د همکارانو له هڅو، منظمې همغږۍ، داسلامي امارت څخه په روسیه هیواد کې دښې استازولۍ او پر وخت چمتووالي د ستاینې سربېره د افغان ځورېدلي ولس لپاره د معیاري، اغېزمنو او پر وخت قونسلي او اداري خدماتو پر وړاندې کولو ټینګار وکړ.

[AFG Embassy Russia @AfghanEmbRussia]

د نېکمرغه لوی اختر د رارسېدو په مناسب د رخصتۍ اعلان.
اعلان رخصتي به مناست فرارسیدن عید قربان.
لوی اختر مو مبارک شه.
عید قربان مبارک.

[AFG Embassy Russia @AfghanEmbRussia]

په مسکو کې د ا.ا.ا سفیر مولوي گل حسن حسن د قفقاز د پانگونې په نړیوال فورم کې گډون وکړ.

افغان سفیر د فورم په څنډه کې د داغستان له ولسمشر سره هم وکتل او پر بېلابېلو دوه اړخيزو موضوعاتو يې ورسره خبرې وکړې.

په ورته مهال؛ ښاغلي سفير پيتيوگورسک ته د سفر په لړ کې هلته له مېشتو افغانانو سره هم وليدل او د سوداگرۍ د ودې ترڅنگ يې د شته ستونزو د حل په برخه کې په گډو همکاريو ټينگار وکړ.

[AFG Embassy Russia @AfghanEmbRussia]

په مسکو کې د ا.ا.ا. سفیر مولوي گل حسن حسن د روسیې د مرکزي بانک د لومړي مرستیال ولادیمیر چیستیخین سره وکتل.

په دې کتنه کې د دواړو لورو ترمنځ د بانکي او اقتصادي همکاریو پر پراختیا خبرې وشوې.

افغان سفیر د بانکي سکتور د پرمختگ، تخنیکي همکاریو او مسلکي روزنې د پياوړتيا هيله څرگنده کړه او د مستقیمو بانکي اړیکو پر رامنځته کېدو، د پیسو د لېږد بهیر پر اسانتیا او چټکتيا او هم سوداگرو ته د لازمو اسانتياوو پر برابرولو يې ټینگار وکړ.

په ورته مهال؛ روسي لوري د بانکي سیستم د پیاوړتیا او اړوند اسانتیاوو په برخه کې د همکارۍ ډاډ ورکړ.

[AFG Embassy Russia @AfghanEmbRussia]

په مسکو کې د ا.ا.ا سفیر ښاغلي مولوي گل حسن حسن د افغان سوداگرو سره د کتنو په دوام دا ځل د سیوستوپول بازار په افغان سوداگریز مرکز کې له یوشمېر سوداگرو سره وکتل.

په دې کتنه کې د افغانستان او روسيې ترمنځ د سوداگریزو اړیکو پر پراختیا، د ټرانزیت او ټرانسپورتي اسانتیاوو په رامنځته کولو او په دې لړ کې د شته ستونزو د حل په اړه بحث او د نظرونو تبادله وشوه.

ښاغلي سفیر افغان سوداگر وهڅول، چې له هېواد سره د سوداگرۍ پراختیا ته پاملرنه زیاته کړي او په دې لړ کې د ستونزو د حل لپاره خپله همغږي پیاوړې کړي.

په پای کې، د ستونزو د حل او سوداگریزو فعالیتونو د ښه‌والي لپاره یو شمېر رغنده وړاندیزونه شریک شول او د دوامداره همکاريو ډاډ څرگند شو.

[AFG Embassy Russia @AfghanEmbRussia]

په مسکو کې د ا.ا.ا. سفیر ښاغلي گل حسن حسن د «روسیې–اسلامي نړۍ د ستراتیژیک لیدلوري» کلنۍ غونډه کې گډون وکړ.

ياده غونډه چې د کازان نړیوال اقتصادي فورم د معلوماتو په موخه جوړه شوې وه، په کې د روسيې فدراسيون د لوړپوړو چارواکو سربېره، د بېلابېلو اسلامي هېوادونو استازو گډون او وېناوې درلودې.

د غونډې په څنډه کې ښاغلي سفیر د تاتارستان جمهوریت له رئیس رستم مینیخانوف سره ولیدل، په دې ليدنه کې پر دوه اړخیزو اړیکو خبرې وشوې او هم د کازان په فورم کې د افغان استازو پر دوامداره گډون ټینگار وشو.

[AFG Embassy Russia @AfghanEmbRussia]

په مسکو کې د ا.ا.ا. سفیر مولوي گل حسن حسن، د روسیې د نړیوال امنیتي فورم په مقدماتي ناسته کې گډون وکړ.

په دې مقدماتي ناسته کې چې د بېلابېلو هېوادونو سفيرانو او استازو گډون کړی و، په کې د راتلونکي فورم د بحثونو په اړه لومړني معلومات وړاندې شول.

دغه فورم چې د مې له ۲۶مې تر ۲۸مې پورې په مسکو کې ترسره کېږي، ټاکل شوې ده، په دې فورم کې به پر نړیوال امنیت، سیمه‌ییزو همکاریو او مهمو سیاسي موضوعاتو بحثونه وشي.

[AFG Embassy Russia @AfghanEmbRussia]

د روسیې فدراسیون د بریانسک ښار له توقیف‌ځای څخه اوه تنه افغان بندیان خپل هېواد ته ولېږدول شول.

په مسکو کې د افغانستان اسلامي امارت لوی سفارت د کوربه هېواد له اړوندو ادارو سره د همغږۍ او پرله‌پسې هڅو په پایله کې، هغه اوه تنه افغان هیوادوال چې د قانوني اسنادو د نشتوالي له امله توقیف شوي وو، د اړینو حقوقي او اداري مراحلو تر بشپړېدو وروسته نن خپل هېواد ته واستول شول.

افغان سفارت تل هڅه کوي څو په خپله کاري حوزه کې د افغان اتباعو، په ځانګړي ډول د توقیف شویو کسانو، ستونزو ته رسېدنه وکړي او د هغوی د خلاصون او بېرته ستنېدو لپاره خپلې ډیپلوماټیکې هڅې لا پیاوړې وساتي.

[AFG Embassy Russia @AfghanEmbRussia]

په مسکو کې د افغانستان اسلامي امارت لوی سفارت د هغو بې اسرې سلگونو شهیدانو لپاره د فاتحې مراسم ترسره کړل، چې په کابل کې پر یو ملكي روغتون د پاکستاني فوځي رژیم د ظالمانه بمبارۍ له امله شهیدان شول.

په دې مراسمو کې، د سفارت مستشار، ښاغلي حافظ عبدالله یاسر، د افغانستان پر ملکي وگړو د پاکستاني فوځي رژیم د ړندو بمباریو په ځانگړې توگه د روژې برکتي میاشتې په ۲۸مه شپه په کابل کې د روږدو پر ملکي روغتون برید چې د ۴۰۰ شهیدانو سربېره یې سلگونه ملکي هېوادوال زخمیان او ژوند یې ور زیانمن کړ، گډونوالو ته معلومات وړاندې کړل او دغه ظالمانه عمل یې په سختو ټکو وغندلو او په وړاندې یې د افغانانو پر یووالي، اتفاق او ورورولۍ ټینگار وکړ.

دغه مراسم شهیدانو ته د مغفرت او ټپیانو ته د ژر روغتیا په دعاوو پای ته ورسېدل.

[AFG Embassy Russia @AfghanEmbRussia]

په مسکو کې د ا.ا.ا د سفارت مستشار حافظ عبدالله یاسر د افغان سوداگریز مرکز له لوري د روژه ماتې په مراسمو کې گډون وکړ.

په دې مراسمو کې هلته مېشتو افغانانو، سوداگرو، محصلینو او د یوشمېر علماوو په گډون د مسکو لوی مفتي او نورو مسلمانانو حضور درلود.

ښاغلي ياسر په خپله وينا کې د یووالي او ورورولۍ په اهميت ټينگار وکړ او په کابل يې د پاکستان وروستی برید او هم د ملکي وگړو مرگ ژوبله د بشري ارزښتونو خلاف عمل وبله او زياته يې کړه؛ چې نړیوال باید پر دې ډول پېښو سترگې پټې نه کړي او خپل مسوولیت ادا کړي.

په پای کې، په روسیه کې مېشتو افغانانو د یووالي او گډ دریځ په ملاتړ ټینگار وکړ.

[حافظ ضياء احمد تکل @ZiaAhmadtkl]

کابل مېشتو بهرنیو سفيرانو، ډيپلوماټانو او د نړيوالو سازمانونو له استازو سره ناسته کې د پاکستاني فوځي رژيم له لوري په مکرره توګه، د افغانستان د هوايي حريم نقض، تجاوزنو او جنګي جنايتونو په اړه د ا.ا.ا بهرنيو چارو وزير وينا:
Address by Foreign Minister of Afghanistan at a meeting with Kabul-based ambassadors, diplomats, and representatives of international organizations, concerning the repeated violations of Afghanistan’s airspace, acts of aggression, and war crimes by the Pakistani military regime:

[Ministry of Foreign Affairs - Afghanistan @MoFA_Afg]

په پای کي دواړو لوریو د دورته تماسونو او د نظر د تبادلې پر دوام ټينګار وکړ.

[Ministry of Foreign Affairs - Afghanistan @MoFA_Afg]

د روسیې د بهرنیو چارو وزیر سرګي لاوروف د سیمې د وضعیت په اړه اندېښنه څرګنده کړه او ټینګار یې وکړ چې ستونزې باید د سیاسي ډیالوګ له لارې حل شي. نوموړي زیاته کړه چي روسیه چمتو ده چې د کړکېچ د حل په برخه کې مرسته وکړي.

[Ministry of Foreign Affairs - Afghanistan @MoFA_Afg]

محترم مولوي امیر خان متقي د پاکستان له لوري د افغانستان د حاکمیت پر وړاندې د وروستیو تېریو په اړه د افغانستان موقف شریک کړ او ټینګار یې وکړ چې د افغانستان اسلامي امارت د ستونزو د حل لپاره دیپلوماتیکو لارو ته لومړیتوب ورکوي، خو د خپل ولس او خاورې د دفاع حق خوندي ګڼي.

[Ministry of Foreign Affairs - Afghanistan @MoFA_Afg]

د ا.ا.ا د بهرنیو چارو وزیر، محترم مولوي امیر خان متقي، د روسیې فدراسیون د بهرنیو چارو له وزیر، ښاغلي سرګي لاوروف، سره ټیلیفوني خبرې وکړې.

په دې تماس کې دواړو لورو د افغانستان او روسیې ترمنځ د دوه اړخیزو اړیکو، اقتصادي همکاریو او د سیمې د وروستیو تحولاتو په اړه بحث وکړ.

[AFG Embassy Russia @AfghanEmbRussia]

په مسکو کې د افغانستان اسلامي امارت سفیر او فوق العاده استازي، ښاغلي مولوي گل حسن حسن، د افغانستان لپاره د روسیې د فدراسیون د ولسمشر له ځانگړي استازي، ښاغلي ضمیر کابلوف، سره وکتل.

په دې لیدنه کې دواړو لوریو د افغانستان او روسیې ترمنځ د دوه اړخیزو اړیکو پر وضعیت او د همکاریو پر پراختیا خبرې وکړې. ښاغلي سفیر د پاکستان له اړخه د افغانستان د حریم د نقض او د افغانستان اسلامي امارت رسمي دریځ په اړه معلومات وړاندې کړل.

همداراز یې د هغو روسي رسنیو ناسمو نشراتو ته هم اشاره وکړه چې د افغانستان له واقعیتونو لرې معلومات خپاره کړي وو.
ښاغلي ضمیر کابلوف د افغانستان او پاکستان وروستۍ شخړې د اندېښنې وړ وبللې او ټینگار یې وکړ چې ستونزې باید د خبرو اترو او ډیپلوماسۍ له لارې حل شي. نوموړي څرگنده کړه، چې د اړتیا په صورت کې یې هېواد د افغانستان او پاکستان تر منځ د ستونزو د حل په برخه کې منځگړي رول ته چمتووالی لری.