A.A.A

[A.A.A @AhmadGo909]

لا تاخذك كثر الحسايف على شي
الرزق بيد الله مثل منت شايف

دامك بخير وتشرب وتاكل وحي
مافيه شيٍ يستحق الحسايف

[A.A.A @AhmadGo909]

يالله وانا أدعيك تكتب لنا الخير 
وأعوذ بك من شر النفوس وجهلها

يا كافلٍ رزق البشر مشبع الطير
اغفر لـ نفسٍ قصرت في .. عملها

[A.A.A @AhmadGo909]

راعي المعروف والفعل الجزيل
اكرمه باخلاق طيبك واشكره

مافي احد ملزوم في رد الجميل
لكن جميل الناس احذر تنكره .

[A.A.A @AhmadGo909]

@DXBMediaOffice والله ما قصر منك شي كل ما شفناك ندعي الله يا عسى عمرك طويل ......

[A.A.A @AhmadGo909]

راح الزمان اللي به الخير مرغوب 
والطيّب اللي بالمواصل يبادر 

وجانا زمان يجمّع الناس بـ ( قروب) 
آطيبهمْ اللي لاتضايق .. يغادر .

[A.A.A @AhmadGo909]

تجمل ترا والله مال للجميل انكـار 
ولا ينكـره من كان في راسـه مـروّه

عسى راعي ابشر ماتقفي به الاقدار
ولا ينقطـع ذكـره ولا تنطفي ضـوّه .

[A.A.A @AhmadGo909]

الحاجه اللي دونها منة الناس
خليتها وأرجي من الله عوضها

الناس لو تقدر على كتم الأنفاس
كان منعت حتى الهواء من بعضها

[A.A.A @AhmadGo909]

مدام لك ربٍ عن الخلق يكفيك
لا تشتكي للخلق قاصي وداني

اسجد وقل يارب ماخاب راجيك
وابشر بتحقيق الرجاء والاماني .

[A.A.A @AhmadGo909]

أعتزلت الناس والدنيا .. وجيتك
أنت الأول والأساسي و الضروري

لو معاي أكثر من شعوري عطيتك
بس أنا ماعندي أكثر من شعوري .

[A.A.A @AhmadGo909]

يالله دخيلك من طعون المناقيد 
ومن غلطة العاقل وقل المروّه

ومن كلمةٍ تفهم على غير ماريد 
يمسك طرفها منْك خبلٍ مفوّه .

[A.A.A @AhmadGo909]

ماهوب كل صاحب يفك المكارب
ولا كل من يركب على الخيل خيال

بعض البشر تلقاه لحيه وشارب
لكن قسم ب الله ماهو ب رجال

[A.A.A @AhmadGo909]

كل ماضاقت ، ، مساليك الحياه 
مالقيت اطيب من علاج السجود

يالله اجعلني من اصحاب الصلاه 
قبل تجعلني من، اصحاب اللحود

[A.A.A @AhmadGo909]

عليك في طيب النوايا والصلاه
ولا تنشغل في ذا الحياه الفانيه

ترا الحياه الاوله ماهي حياه
رتب أمورك للحياه الثانيه .

[A.A.A @AhmadGo909]

يا رفيقي وانت خابرني صريح
لا تجادلني تراها قافله

في النهايه ما يصح الا الصحيح
لو سهت بعض القلوب الغافله

قل لصعبات الليالي تستريح
العمر والرزق ربي كافله

والكلاب اللي لها صوت وفحيح
لو تنابح ما تضر القافله .

[A.A.A @AhmadGo909]

الردي لامن خدمته .. و مـوضوعه كبير
لا هو بذاكر جميلك و يمكن يجحده

والسنافي لو خدمته وموضوعه صغير 
شفت معروفك .. يبّين على وجه ولده .

[A.A.A @AhmadGo909]

يارب ثبتنا على الشرع والدين
الموج عاتي والعواصف عنيفه

تغيرت كل القيم والقوانين
الوقت شاحب والليالي مخيفه

وقت العجايب وانقلاب الموازين
وراعي الردا يسن رمحه وسيفه

راعي المعاصي يضحك بصاحب الدين
والكاشفه تضحك بستر العفيفه

[A.A.A @AhmadGo909]

يالله برزقٍ مادرا عنْه مغتاب
ولا حال من دونه خبيث السريره

يقضي لوازمنا ويفتح لنا باب
على الحياة المزهره والمنيره

[A.A.A @AhmadGo909]

هذا الزمن لاعاد تشره على الناس 
ولا تعاتب كل " ما شفت زله "
ٰ
كثر التشره والعتب يوجع الراس 
من جاز لك جز له ومن شان خله .

[A.A.A @AhmadGo909]

والله اني للمشاكل ما سعيت
ولا تبعت الواردة و الصادره
ٰ
من كثر ما شفت فالناس و لقيت
القلوب البيض .. عمله نادرة

[A.A.A @AhmadGo909]

« مايموت الودّ لو مات الكلام »
لك مكان وذكريات ولك شعور

ما انت عابر في حياتي والسلام
انت حتى في غيابك لك حضور .