في جمله اتقالتلي من فترة غالبا بتوصف اللي بيحصل معايا حاليا
من كتر ما بتبدي مصالح الناس علي مصالحك هتبص تلاقي نفسك ضيعت ف الاخر و محدش هيشكرك ولا هيقدر اللي عملته
بقالي فترة بقابل سوء معامله من ناس انا كنت بقدرهم و بقف جمبهم واوقات كنت بعطل حاجات عندي علشانهم
اكتشفت في الاخر اني اكتر حد جيت عليه هو نفسي واكتر واحد مقدرتوش هو انا واني وقت م كنت محتاجهم جمبي ملاقتش حد
بقيت اقعد ٣ او ٤ ايام محدش من اللي كنت فاكرهم صحابي يرن عليا ..بقيت حاسس بالوحدة
كل اللي بيكلمني بيكون علشان عايز حاجة اساعده فيها او اعملهالو
الدنيا ادتني درس ف عيلتي
وادتني درس ف قرايبي
وادتني درس ف صحابي
واللي اتعلمته من دا كله ان محدش بيستجدع معايا زي م انا بستجدع معاهم
وان محدش باقيلك غير نفسك