engahmedissam

[Wael Al-Emam / وائل الإمام @wael_alemam]

🛑 محمد الدماطي عبر فيسبوك

[𓄂العمــدة𓆃🥏 @vibmurad77]

هو انا ليه ببقي مبسوط و انا بتفرج عالڤيديو ده 🔥🇪🇬💣 المفروض نعتمد اغنية عنبه نشيد وطني الفتره الجايه 😄🇪🇬

[Mohamed Fares Taman @mohamedfares07]

سوف يجيء يوم نجلس فيه لنقص ونروي، ماذا فعل كل منا في موقعه، وكيف حمل كل منا أمانته، وأدى دوره، وكيف خرج الأبطال من هذا الشعب وهذه الأمة في فترة حا لكة، ساد فيها الظلا م، ليحملوا مشاعل النور و ليضيئوا الطريق . حتى نستطيع أن نعبر الجسر ما بين اليأ س والرجاء ". 🇪🇬

ذكرى النصر ❤️

[‏النادي الأهلي @AlAhly]

نحتفل اليوم بذكرى نصر أكتوبر المجيد ✌🏻

كل عام ومصر دائمًا بخير 🇪🇬

[Wael Al-Emam / وائل الإمام @wael_alemam]

محمد الدماطي عضو مجلس إدارة الاهلي

[Bajad 🇪🇬🇸🇦🏹 @B_ejad1]

لقطات نادره من حرب اكتوبر 1973

تسلمي يا ام الدنيا ✌🏾🇪🇬♥️
الله اكبر ،الله اكبر، الله اكبر

[Mohamed @Mo74m3d]

ربنا ابتلاني بصديق خاين نصب عليه في شراكة كانت بينا ومبلغ كبير وسرقني وقال كلام في حقي لا يرضي الله

( قولتلو قدام الناس الكلام ده يرضي ربنا قالي اه يرضية قولتلو طيب أنا عايزك تعرف حاجه أنا مهما عملت مش هعرف اعمل اللي هيعمله فيك ربنا وأنا خصيمك قدامة )

الشخص الفاجر ده جالي وانا باخد متعلقاتي قالي اشتغل معايه بمرتب مردتش عليه وانا ماشي قالي انت عمرك ما هتعرف تبتدي حياتك ( حرفيا مفيش جنية في جيبي وهو عارف )

قعدت في البيت ثلاث شهور من غير شغل كنت ببص للسما ما بين ثقتي في الله وبين قهري واقوله يارب عملت معاية كدة ليه ده أنا معملتش حاجه غلط في حياتي ولا ليا في سجاير ولا مخدر ولا حريم والا اي سكة حرام

انت بتعمل معاية كدة ليه أنا عملتلك ايه ، ثلاث شهور بكلمة كنت متضايق وواثق في نفس الوقت

( كل ما افتكر الكلام ده بضحك والله )

بعدها بكم سنة بقيت أبص للسما في نفس المكان واضحك من كثرة الرزق بحساب ومن غير حساب واديلو 🤣
ربنا ملكني في ارضه وعوضني فوق ما اتخيل

الشخص ده حياته اتدمرت اتجوز وطلق ومنبوذ من كل اللي حواليه وربنا ابتلاه في صحتة وبشوفة قدامي مكسور ( مبيصعبش عليه ولا هيصعب )

عايز اوصل لاي ظالم و خاين مصيرك هيبقي كدة واي حد اتظلم واتقهر صدقني اوعي تفكر في تدبيرك وخلي ربنا يدير ويدبر وكل امرك لله وهتلاقي معجزات بتحصل واقف واتفرج واضحك وبس 😉

[وسام سالم @Wesam_Salem22]

مهما تحاول في الدنيا الواسعة .. عمرك ما هتنسي جرح التاسعة

[Mohamed Fares Taman @mohamedfares07]

ولك الحمد يا الله بعد الرضا، ولك الحمد حتى تمتلئ أرواحنا يقينًا بأن ما اخترته لنا خيرٌ مما تمنيناه لأنفسنا.

[Mohamed Nabil @mnabil100]

علي خطي موقف حسام ضد الشناوي افتكرت تلقائي اننا احنا السبب الرئيسي لهز الثقة بإننا بندي فرصة لاي حد تافه يساعد في ده

عشان كدا هكون اول واحد ينقد نفسه ويصحح غلطه وهعمل دعم مطلق لكل ما يمثل الاهلي حتي لو ضد قناعاتي

انا كتبت رأي فني في عموتة هيخليني ابقي متحيز للرأي ده وبتراجع عنه وهعمل الآتي 👇

🚨 صاحب هذا الحساب يدعم الجهاز الفني بشكل مطلق، ويدعمه بكل قوة حتى الوصول للنجاح إن شاء الله. ❤️🦅

فبالنسبة لي صفحة الجدل اتقفلت، وبدأت صفحة الدعم والمساندة. ✅

من النهارده لازم نتعامل مع الراجل على إنه مدرب الأهلي وعقده مستمر ونوفر له كل عوامل النجاح، وكأن الأهلي جاب أفضل مدرب في العالم. لأن الحقيقة إننا كجمهور وإعلام أهلاوي نقدر نكون جزء من النجاح، ونقدر - لا قدر الله - نكون جزء من صناعة أجواء سلبية تعطل أي مشروع.

🔴 عموتة يملك من الخبرات والنجاحات ما يجعله يستحق فرصة كاملة وثقة كاملة.

ودورنا الطبيعي دلوقتي:
✅ الدعم
✅ المساندة
✅ الصبر
✅ التقويم والنقد الموضوعي وقت الحاجة

وليس:
❌ التربص
❌ تصفية الحسابات
❌ انتظار أول تعثر للانقضاض
❌ الدخول في معارك إثبات مين كان صح ومين كان غلط

لأن المرحلة الحالية ليست وقت الانتصار لوجهات النظر، ولا الإصرار عليها، ولا البحث عن إثبات المواقف القديمة... بل وقت الانتصار للأهلي فقط. 🦅

كلنا لازم نبقى في صف واحد خلف النادي ومدربه ولاعبيه.

كمان لازم نحمي الفريق من إعلام فاسد ومترصد، ومن سيناريوهات الفتن والتسخين ومحاولات ضرب الاستقرار اللي هتبدأ من النهاردة، لأن نجاح الأهلي لا يرضي الجميع.

📌 ادعم مدربك.
📌 ساند فريقك.
📌 واصبر على مشروعك.

أما التقييم الحقيقي، فمكانه الملعب... وليس السوشيال ميديا. 🦅❤️

[🦅🦅Noura Al-Hakim @hkem_el]

شادي حبشي عامل حلقه جامده جدا اتمنى كل جمهور الاهلى العظيم يسمعها

[‏النادي الأهلي @AlAhly]

الاستثنائي ♾️🦅

[هَرَمْ @1DeDios13_]

١- انت مقدم خدمة مدفوعة في معاملة تعاقدية، بتعمل اكل وتبيعه وانا بدفع تمنه واشتريه منك.. لحظة ما دفعت تمنه مبقاش يخصك، بقى بتاعي ومن حقي اكله، احرقه، اكله للبط، اقول رأيي فيه..

٢- الجو العرقان بتاع "مفيييش حااااجة اسمها احسن حاجة في مصر، مصر دي كبييييرة اوي"
التضرع ل الكيان الأكبر في محاولة استجداء خطاب وطني في كلام عن الاكل ده اسلوب رخيص اوي، انت هتستهشد علينا ولا ايه ما تروق يا ريس ده انت صاحب مطبخ يعني مش المشير احمد اسماعيل، ده انت شوية وكنت هتشغل السلام الجمهوري..
انت مجرد مقدم خدمة في مصر، لا تمثل مصر ولا الكلام الحمصي ده، بالذات ان احنا في مش في مسابقة دولية يعني.

٣- امي وخالتي عمتي بيخلوني اقول رأيي في الاكل عادي وبيسألوني وانا بتغدا ايه رأيي في الاكل، امك وخالتك وعمتك بيخلوك تاكل زيك زي المفرش اللي على السفرة ده شيء انا مش مسؤول عنه دي مشاكلك العائلية.

٤- انا مش محتاج ابقى واخد دبلومة سلامة غذاء عشان اقولك ان جودة اكلك متدنية، انا مش بطلع لك شهادة علمية.. مش محتاج شهادة خبرة من جاموسة عشان اقولك ان اللحمة طعمها يقرف..

٥- اتمنى كل واحد فيكم يبقى شاطر في شغله؟ هو سيادتك وزير العمل ولا ايه؟ وبالنسبة لشخص طالع مسجل فيديو يهاجم فيه ناس بتقول رأيها في خدمة مدفوعة، انت اللي محتاج تفهم شغلك يا ريس مش احنا خالص.. انت بياع، انا اللي اقولك شغلك حلو ولا وحش.

مش عاوز حد يقول رأيه في الاكل اللي بيتباع عندك في المحل روح اعمل علف و اكله للبهايم، دول هياكلوا اللي يتحط لهم ومش هيقولوا رأيهم..

لكن طول ما انا دافع جنيه هقول رأيي بالشكل اللي يعجبني، مش عاجبك متبيعليش.. او انتم تقريبًا اتعودتوا على القبيضة.

[Mohamed Fares Taman @mohamedfares07]

أرجعوا للي كتبته عن الشناوي من كام يوم، وإنتوا تفهموا قصة الشناوي كويس.

وللمرة التانية، السؤال: إنتوا عايزين إيه من محمد الشناوي؟

في كأس العالم، الشناوي انضم للمنتخب، وكان اللي بيلعب أساسي واحد من ولادنا برضه، هو مصطفى شوبير، اللي كنا فخورين بيه. وكان الشناوي داعم لمصطفى شوبير، ومفيش تصريح واحد أو موقف سلبي حصل منه.

ماتش إيران، رغم الموقف وأحداثه، الشناوي في الماتش اللي بعده قدام أستراليا كان هو اللي بيسخن مصطفى شوبير خلال الإحماء، وكان هو اللي واقف على الخط بيديله تعليمات في ركلات الترجيح.

الشناوي كان بيحلم يلعب ولو دقيقة واحدة في كأس العالم، عشان يبقى الحارس الوحيد في تاريخ مصر اللي شارك فعليًا في بطولتين كأس عالم، ورغم إن ده محصلش، ما نزلش حتى ستوري ولا حرف يقول فيه إنه زعلان.

بغض النظر عن الشناوي اتستبعد للإصابة أو لسبب فني، محدش اعترض على اختيارات كابتن حسام حسن. ده حق أصيل له.

إنما معلش يا كابتن حسام…

الشناوي إمتى كان منتهي؟؟

الشناوي الموسم اللي فات، 2026، مع الأهلي كان لاعب 19 ماتش، ومصطفى شوبير لعب 20 ماتش. يعني إنت أخدت الاتنين حراس اللي بيشاركوا مع الأهلي.

وقبلها، موسم 2025، الشناوي كان لاعب مع الأهلي 36 ماتش.

يا كابتن حسام، إنت مجاملتش الشناوي.

الشناوي راح المنتخب عشان خبراته وتاريخه مع المنتخب. إنت أخدت من الأهلي 2 حراس، الاتنين اترشحوا لجائزة أحسن لاعب داخل القارة، مش بس أحسن حارس.

وبدليل إن الشناوي، في الموسم اللي إنت بتقول عليه، هو اللي لعب معاك كأس الأمم أساسي، ولعب 5 ماتشات من 6 في البطولة.

وقبل كأس العالم، كنت محتار هتبدأ بمين، وأديت كل حارس من ولادنا، الشناوي ومصطفى، شوط في مباراة روسيا.

ولعب مصطفى وتألق، وإنت عارف إن معاك على الدكة حارس يشيل في أي وقت، بخبرات واسم الشناوي.

فاللي اتقال النهاردة ده عيب… وعيب أوي والله.

اختياراتك حقك، إنما اللي اتقال منك ده مش حقيقة، ومش واقع، لا بالأرقام ولا بالأحداث اللي حصلت.

يا كابتن حسام، إنت كان مفترض تكبّر حارس كبّرك في كل المواقف دي، وكان قد المسؤولية وتعامل كقائد.

فمستحيل تكون دي طريقة رد الجميل… مستحيل.

[Wael Al-Emam / وائل الإمام @wael_alemam]

🛑 تخفيض التذاكر لازم يحصل في الأندية كمان زي المنتخب اللي عمل الثالثة ب 20 جنيه .. نسبة تذكرتي من التذاكر لازم تقل وهتكسب أكتر زي النادي اللي هيستفيد من الدعم الجماهيري الزيادة اللي هيحصل

عودة الجماهير للملاعب محتاج الكل يفكر ويشتغل وأتوقع ان مباراة المنتخب التذاكر هتخلص وهيكون الملعب شكله حلو ودا محصلش من وقت كبير في مباريات المنتخب🇪🇬

[Wael Al-Emam / وائل الإمام @wael_alemam]

ربيع ياسين راجل كبير بيحترم نفسه وخلقه ضيق ومالوش في حوارات التريند والهات وخد ومكانه في قناة الأهلي .. ياريت أخوانا في قناة الأهلي يعملوا عقد لكابتن ربيع ياسين يوفر ليه دخل ثابت بدل مايروح يقعد في مكان مش هيعرف يتعامل فيه .

[أسامة السويسي @swisii]

الاستاذ المسؤول الإعلامي للجنة الحكام عاوزنا نسيب التحكيم في حاله وزعلان عشان بننتقد محمد الغازي.
بس مش واخد باله من حاجتين:
الأولى: أن انتقاد التحكيم حق أصيل لنا.. طالما في الحدود ودون مخالفة للأكواد الإعلامية.
ثانيا: بغض النظر عن أداء الغازي فقد ارتكب كارثة هو مصطفى السعدي بخرق برتوكول حكم الفيديو المساعد.
بس واضح أن الاستاذ زياد مش متابع وشايف أن الغازي كان على المستوى المطلوب.

[Mohamed Fares Taman @mohamedfares07]

أنا قلت مع إبراهيم فايق إن في Game إعلامي واضح بيتعمل مع الأهلي

أنا مقدرش أقول إن الأهلي فنيا مميز لا في سلبيات لازم تتعالج وفي شغل لازم يتعمل وقلق جمهور الأهلي مبرر إنما مش دي المعادلة اللي الإعلام بيعملها مع باقي الفرق

الإعلام لما بيتكلم عن سلبيات فرق الدوري والمدربين بيتكلم عن الأهلي وبس

محدش بيتكلم إن الزمالك في كل ماتش المهدي سليمان رجل المباراة وإن ده مؤشر سلبي

محدش ضغط مكوينا وقاله كسبت المصري 1 / 0 وكان المصري أفضل ولا ان بيراميدز كسب الجونة 1 / 0 بهدف ذاتي من مدافع الجونة

لا السلبيات بتتقال عند الأهلي وبس والضغط على الأهلي وبس وباقي الفرق الكل عامل مش واخد باله

[‏النادي الأهلي @AlAhly]

نهاية المباراة 🦅

فريقنا يحصد ثلاث نقاط جديدة في مشوار الدوري 👌

[‏النادي الأهلي @AlAhly]

🗓️ في مثل هذا اليوم من عام 2013 🦅

فريقنا يفوز على الزمالك برباعية.. ضمن مشوار التتويج بالنجمة الثامنة من دوري أبطال إفريقيا 🌟