᷂القنوف

" كاسبه لب المدايح وتيجان الوقار "

[᷂القنوف @Al8noof]

تنبيه / " لا يوجد مقصود في اشعاري "
- قراءه مُمتعه للجميع

[᷂القنوف @Al8noof]

واللي وهب عينك من الجنه رحابٍ ماتضيق
أن الزمان من أبتسامة وجهك العذب أبتسم

[᷂القنوف @Al8noof]

يوم جاء وجهك صباحٍ فيه ما للضيق داعي
جادت الدنيا سلام، وسافرت بالعين قرّة

للسّماء قبلة عيونك، لأوَّل دروبك مساعي
لآخرك نجمٍ قديم، وفي وهَج وجهك مجرّة

كيف أشوفك في فتور من الهوى وأنت اِندفاعي
شايفٍ فيك أجمل أيّامي ملذّات، ومسرّة

[᷂القنوف @Al8noof]

يا لقاي بذاتي المتغرّبه ، عن ذاتي
يارضا نفسي على خير الزمان وشرّه

أنت جيت وجابك الله عقب طول شتاتي
وعوّدت فيك السنين الذابله مخضرّه

نظرتي ، ذوقي ، سواليفي ، غناي ، سكاتي
ودي أعرف لـ إرتباط اللي معك وش سرّه

فيك من حزني ، كثر مافيك من ضحكاتي
فيه أحد قال أنت تشبهني قبل هالمرّه

[᷂القنوف @Al8noof]

الحمدلله صرت متعوّد على كل الظروف
لو كان نفسي في بعض الأحيان تتبع غيّها

حتى الحياه إللي من أول كنت الحّقها حسوف
ماعاد أفكر لا فـ واجدها .. ولا فـ شويّها

سلمي مع ظروف الليالي مثل سلمي للضيوف
لا جاتني صكّات بقعا .. قلت : يالله حيّها

[᷂القنوف @Al8noof]

حدّه رموشها يهدّون الشجاع القوي
وعيونها اللي يشوفها يضيع مساره

والشامه اللي تحت الشفايف بشوي
يا سبحان من خلقها واحسن اختياره

من ملامح الوجه و القوام الأنثوي
ودك تذكر اسم الله عليه وتعيد تكراره

لو قامت تمخطر بزينها يم البدوي
لعن ايام ضيعها مع البل وام الحواره
-نجود عبدالعزيز

[᷂القنوف @Al8noof]

أحب الأربعاء وعيّونها والشمس والأمطار
وأحب الحب وأخوضه بـ سيفي تحت رأيتها

[᷂القنوف @Al8noof]

تمر أسماء غيرك مالها موقع منْ الإعراب
و يمر أسمك سحابة في جفاف الروح مسكوبّة

[᷂القنوف @Al8noof]

يحاوطك المطر من كل يمه ، وتهواك النود
و أنا روحي عليك من الوله وَلها مثل ماهي

وحيدٍ دون ضحكك لو بقى فالعالمين حشود
غلاك اللي تربّع في حشاي . . الآمر الناهي

رجاي من البشاير ما يسر الخاطر المعقود
و أنا قلبي تحت رحمة هواك و طرفك الساهي

[᷂القنوف @Al8noof]

عسى غرّ السحايب يوم تقبل بالحيا والخير
ما تقفي لين تروي داركم و تربّع فياضه

[᷂القنوف @Al8noof]

أنتِ عذيَّة .. و العذيَّة و المطر على وِفاق
و أنا بدويٍّ وين ما هلّ المطر شدّ و نزَل

[᷂القنوف @Al8noof]

وجيه البشر من شكل واحد مهيب أشكال
ياكثر الوجيه .. ووجهك الفارق لحاله

على مثل وجهك ينبنى الشعر والأمال
وفي عينك أحيآ ! لو يقولون قتّاله

قبل لاتفل مجدلٍ ، ماعليه جْدال
هو الليل قبل الشمس تشرق وتغتاله

ماعرف الحسد لكن على عنقك السلسال
حسدته على طيب الإقامه والإطلاله

[᷂القنوف @Al8noof]

عشان الضحكة اللي ما لها بين الخلايق نِدّ
أسوق أقصى معاذير الغلا ، وأشدِّد ركابي

لو إنه ما وقف بيني وبينك فـ البسيطة : حَدّ
أنا اللي واقفٍ بيني وبينك دمعة أهدابي

أنا أولى بالهوَى ، ودموع عينك ، والهدب ، والخدّ !
مع إن العبرة اللي في خفايا صوتك أولى بي

[᷂القنوف @Al8noof]

" عيدكم مُبارك " ،
و كل عام وأنتم بخير تقبل الله
منا ومنكم صالح الأعمال ✨

[᷂القنوف @Al8noof]

حبي الشجاع اللي يقولك:

خذيتك من عيون اللي يبونك مرجلة وعناد
مثل ما ياخذ البحّار من جوف البحر دره

[᷂القنوف @Al8noof]

لو يسبقوني بالمعايد و السلام
ما يسبقوني بالضمير و بالحضور

يعايدونك بـ الرسايل و الكلام
و أعايدك من قلب و إحساس و شعور

أنت البدايه و النهايه و الختام
خذني من أول نظره ليوم النشور

عيدك مبارك كل عيد و كل عام
و عيدي بدونك من دبورٍ في دبور

[᷂القنوف @Al8noof]

يقولون الزين مايكمل ونقصه دايما أجمل
وأنا أشوفك الأكمل وغيرك نقصهم عادي

ترا حبي لك خرافي ويصنف بأنه الأمثل
تعدى كوكب الدنيا وتربع داخل فؤادي

وترا حبي لعيونك لايفنى ولا ينمل
كأنه مولدي لأول ومربى كل أعيادي

تسقي من عذويتها كل البحر لما تطل
ويصبح موجه المالح قراح يروي الصادي

[᷂القنوف @Al8noof]

تمرّ السنين و كل حاجة على المعتاد
هذا دربك أدلّه .. و ذا بيتك أدلّه

توقف ملذّات العمر مابين شرب و زاد
ولا الذّ من صوتك إلا جا على حلّه

جعل كل يومٍ مضى لي معاك .. يعاد
أنا ما يكفّيني معك ما مضى كلّه

[᷂القنوف @Al8noof]

ياربّي ليا وقّفت عندك وباسمي حاف
تحفّاني برحمة لا وزنت ولا كِيلت

أخاف أتمادى بين الإقبال و الإنكاف
وأنا أشيل لي سيّات ما أظنّها شِيلت

أوكلك نفسي لاتكلني يدين ضعاف
وأعوّل عليك ظروف لولاك ما عِيلت

يا ربّي وانا عبدٍ ضعيف وعلي خلاف
تنوّلني اللي من مساعيّ ما نِيلت

[᷂القنوف @Al8noof]

25 / فبراير

هذي كويت الثقافة والرخا والرّغد
درة شعوب الخليج وقرة اعيانها 🇰🇼

[᷂القنوف @Al8noof]

مبارك عليكم الشهر ، أعاننا الله وإياكم على صيامه وقيامه إيماناً واحتساباً 🌙✨