ٰ

جيت عابر سبيل وصرت راعي طويله

[ٰ @Alanazii76]

كمّ لي وأنا منْك لا داسم ولا ظافر
يا ويل قلبي عليك .. ومنْك يا ويله

جيتك من أقصى الدروب وبكره مسافر
على مواويل ، يا دنيا .. من أنتي له

عطني من الوصل .. لو بروس الأظافر
إن شفتك اليوم .. والاّ شفتك الليله

[ٰ @Alanazii76]

لا تشافيت يا جرحي ولا أمسيت طيّب
ساترك لجل ما تفرح عيون التشفّي

شيّبتني ملمّات الدهر قبل أشيّب
يا سنيني متى باخذ من العمر شفّي ؟

آه يا حلمي اللي دونه أصحى وأغيّب
و غايةٍ دونها طول الصبر ما يكفّي

ليت ما بيني وبين العدوّ القريّب
مثل ما بيني وبين الحبيب المقفّي

[ٰ @Alanazii76]

من فرحتي في وصالك يوم طليتي
حتى حدود الفضا ما تاسع أجنحتي

لا أنا تمسّكت فيك و شفت عافيتي
ولا تخلصت منك وشفت مصلحتي

كنت بـ رحابة يديك أشعر بـ حريتي
ما فوقي الا السما والغيم من تحتي

واليوم حتى مجيّك كل ما جيتي
ما يشبه ألا مراحك كل ما رحتي ..

[ٰ @Alanazii76]

اللهم صلّ وسلم على نبينا محمد

[عبدالله السراهيد @Alsraheed]

" ذاكرة نسّاي"

-

الايام ( ظلما ) والليالي عديمة راي
مشاويرها " حرمان " ودروبها حرة

خذت مني أغلى ما تمنيت في دنياي
و خلّت لي اللي ما تعوّذت من شره

أنا بخير والله .. لو معي ذاكرة نساي
ماهي بالحنين ولوعة الوجد مضطرة

تفاصيل ماترحم وقوفي ولا ممشاي
وجعها يجي ويروح .. ويعاود الكرة

سلامي على المتحكمة بزعلي ورضاي
وعلى الغرة اللي ( طوّقتني ) على غرة

ولا هان عودٍ شوفته تطلق محيّاي
نسيم الهبوب .. يداعبه كل ما مره

هذي جرته في مرتع الصدر رايح جاي
من أبسط حقوق الحر خطواته الحرة

يا محبوبتي لا زال كوعي على مركاي
تحلويت صكات الليالي .. وهي مرّة

أنا آجر قلبي مع طريقك وآجر خطاي
وآخاف أجرحه ويسيل دمي على الجرة

تغرّبت حتى عن ربوعي وعن مرباي
أحس الوطن ما فيه عارض ولا حرة

بعدك الليالي صوتها صوت عازف ناي
يهيّض جروح القلب .. ويقلّب صوره

اذا ما بقى ؛ ( حنّيةٍ ) تستعيد قواي
حنانيك بـاللي يقطع الشوق بالمرة

وقوف الحياد أستنقصه من سنين صباي
أشوف آهله فـ الغالب أصغر من الذرة

لا شان الزمان يضرّني واحد من عداي
ولا غاليٍ ؛ لا " سرّ وضعي " ولا ضرّه

لو الموت مرّة ما تعنّيت في دنياي
أنا آشوف لي حيّين ماتوا مية مرة

[ٰ @Alanazii76]

يا كثر صورك اللي ما نساها بالي النسّاي
لو ان عمري معك مرّت سنينه مثل أسابيعه

حبيبي كيف امرّ بشارعك ما تدري اني جاي !
و انا أعرف الصباح اللي يجيبك من ذعاذيعه

[ٰ @Alanazii76]

عذري معي لو إني أقول وش قلت ؟
من شاف زينك ما يبي شيّ غيره

حاولت .. أركّز في كلامك ولا أحتلت
المُلهيات اللي في وجهك كثيره

[ٰ @Alanazii76]

اللهم صلّ وسلم على نبينا محمد

[جمال بندر @JamalBander]

القصايد على بنت الاكابر تليق
شيخة المترفات وفاتنة عصرها
.
ان بغت تنقذ اللي في هواها غريق
بصرها وان بغت ما تنقذه بصرها
.
ودي ارتاح واخذي لي زفير و شهيق
وارفع الراية البيضا على نصرها
.
يوسفيّة جمال وهرمزيّة مضيق
مشكلة هرمز انه فيه من خصرها
.
ما تشوفون شبّوا فيه حرب وحريق
مثل ما سووا الخطّاب في قصرها ؟

[ٰ @Alanazii76]

ياقلب عثا فيك الزمان وطواك الياس
لاتبدّي ملام الا على وضعك الحالي

تشوف المحبة شي اساسي على ايّ اساس
مادام المحبة تدبل الكبد من تالي

تحدك على الضيق وتحدك على الهوجاس
وانا كل " داعي شوق " ياثر على حالي

يهوّن علي الشعر لا انفضوا الجلاس
يضمد جروحي وتطمن على احوالي

[ٰ @Alanazii76]

قالت : أنت اللي فتن وصفه خدينات القلايد ؟
قلت : أنا اللي يفتنه عاتق ولا تاويه لبّة

قلبي المتبول عند الغانيات أضحى وقايد
كل ما رمّد لهيبه مرّته عنقاء تشبّه

الوكاد إنّي لقيت اللي على الغزلان قايد
ما لهذا الزين وصف ولا لهذا السحر غبّة

[ٰ @Alanazii76]

اللهم صلّ وسلم على نبينا محمد

[ٰ @Alanazii76]

ترا السنين الي تروح اغلب لياليها هدو
مغلفه بالكلمة الزينة وبالوجه السعيد

يستاهل الغالي ملامحها رضو ولا قعدو
انا وش الي جابني للحب غير اني عنيد

احارب اكثر من ثغر وواجه اكثر من عدو
وارجع بعدها للغلا الواحد وللثغر الوحيد

[ٰ @Alanazii76]

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

- عبدالله السراهيد

[ٰ @Alanazii76]

قلة الاهتمام : اول دروب التجافي
وطالب الاهتمام ينقّصه ما يزيده

قولي ايّة عذر / ايّة عذر منك كافي
اي جمله غلط ؟ بتصير جمله مفيده

يالحبيبه وش الدنيا سوى حضن دافي ؟
وعاشقٍ يصنع من يدينك الجرد قيده

آه يالفاتنه لو تدركين اختلافي
انا فرصة عمر - ماني بـ فرصه سعيده !

- بندر الدويش

[ٰ @Alanazii76]

تهلي في خطاويك النسايم و السحاب يهل
واغني لك بصوتي بين . . براقه و رعادّه

قمر لكن تطل احلا بكثير من القمر لا طل
وانا اوجد لك من ابيات الشعر مايصعب إيجاده

قلايد من عقود الياسمين ومن عقود الفلُ
لعنقك وانت عنقك يستحق اكثر من قلاده

[جزل @1Jazil]

انت الشعور اللي ماقد حسيت فيه
و أنت الكلام .. اللي ماقد قلته لأحد !
- عبدالله السراهيد

[أيمن الرويلي @ARowili]

تدلّع ، عسى من يكسحك؟ يكتسيه النوح
واذا قمت لك ، متى ماحبّيت؟ قل طحْ لي

ولافيه غيرك .. لاتدلّع علي مسموح
اذا ابطيت واجد فدوتك لاتوضّح لي

على الدرب يمّك؟ كم تميلح لي المملوح
وتمنّيت لو إنّك مكانه تميلح لي

رسم جسمك الله بس من دون حبر ولوح
سواءً لبست الابيض ، الاحمر ، الكحلي

على كثر ماتجرح؟ أحسّك سفينة نوح
مصير الفرج بنهاية الدرب يفتح لي

لذلك أحسّ ورود ماصرت أحسّ جروح
كأن الورود لـ كبر منزلك تشرح لي !

أنا أقدر أردّ القلب عن سكّتك واروح
لو ان الغلا ماهو من السهل يسمح لي

ولكن حرام آخفّي احساسي المفضوح
واشوف إنّ قلبك يوم أجاريه ينضح لي

على كثر ماحولي من الناس؟ إنت الروح
وأشوف انّ ماغيرك من الناس
يصلح لي.

[حمد العيباني @3IBANI]

قال اعالجك قلت الحزن خابر علاجه
لا نشدت الطبيب ولا نشدت المجرّب

عند غروٍ يقوده للمواصل مزاجه
يقترب لا ابتعدت .. ويبتعد يوم اقرّب

[ٰ @Alanazii76]

قلة الاهتمام : اول دروب التجافي
وطالب الاهتمام ينقّصه ما يزيده

قولي ايّة عذر / ايّة عذر منك كافي
اي جمله غلط ؟ بتصير جمله مفيده

يالحبيبه وش الدنيا سوى حضن دافي ؟
وعاشقٍ يصنع من يدينك الجرد قيده

آه يالفاتنه لو تدركين اختلافي
انا فرصة عمر - ماني بـ فرصه سعيده !

- بندر الدويش