احتلال الأماكن خلّى فيها انحلال
واحتلالك لقلبي هو اماني وابيه
لمي الفوضه اللي بالشغب لا تزال
تدمي ضلوع صدرً قلبه ماله شبيه
لا زهمتيه لبى لو ماله مجال
ولا تركتيه جابه شي ماتطلبيه
شوق لهفه وله فاقت حدود الخيال
واستجارت بواقع انتي من ترغبيه
البدر العوني
الله يعين اللي على الغبن صبار
والله يعين اللي حياته أليمه
من بدل ارخامه في ممشاه بالقار
حافي ويمشي واللواهيب ضيمه
تفطرن رجلين عمره ولا صار
يمشي مثل ممشاه مشيه سليمه
وعكازه اللي عاكزً به با الاقدار
يا منكسر يا ناشبً في خريمه
البدر العوني
يالنجاره فوق كرسيّه وش اللي جايبك
انعطب كرسي حياته صارت اطرافه هشيم
رحمتك يا الله واستر عبدك اللي طالبك
فوق الارض وتحت الارض ويوم بالعرض العظيم
البدر العوني
مايكفيني ترا الكيبورد في كتب المشاعر
دامها من قلبي العاشق وفكر" لك جيوشه
لو اشوفك صرت حاكم مالك الدنيا وشاعر
الردا والعيب والتقصير لا يمكن تنوشه
البدر العوني
انا ماني عدد يقسم او اني ناقص" بالطرح
ولا تضرب علومي في علوم" جيت ناقلها
تاكد من مصادرك وحذاري لا تسبب جرح
جروح العمر جرح" منك يسواها ويعادلها
البدر العوني
(( صـكــت بــصــدري ))
خيط الامل لا مسكته جا من يقصه
يكسر مجاديف عمري فبحر حسراتي
واصير بالغبن من حصه الى حصه
كني طفل في مدارس صدمة الذاتي
البدر العوني
في تفاصيل الحديث وجذبها باحساس عالي
شبهتنا باللي ادرك ليلة القدر وجزاها
قلت مالك من شبيه انتي على العليا معالي
وشبهتني مكفرات اذنوبها واكبر خطاها
البدر العوني