أستجواب

~ فداك اللاش

[أستجواب @AldlbhyHdaj]

تجي و تروح كأنك بالغلا واثق
مزاجيتك بالوصل ترا ما أدانيها.!

- سعد علوش

[غـرورك @ghoroork_]

والله انك على بالي لين تغفى عيوني
و إن غفت عيوني تحلمت فيك

[مغرم :) @i90xi_]

يوم اتصل وألقاه مغلق ، واسكر
بكيت لك / كثر البكا والمناديل

اذا بصدرك قلب ! ، روح وتذكر
ضحكاتنا / على طريق الفحيحيل )؛

[أستجواب @AldlbhyHdaj]

# دائما الرجل الحر
يحاول بقدر المستطاع ما يخلي للرياجيل معروف في بطنه وهذي من شيم الكرام ، وقيل في سياق ذالك :

-سعود مبارك يقول :
عطايا النشاما في رقاب النشاما دين
ما يفرح بها الا واحد ما يثمنها .

-عكاش العتيبي يقول :
مايجعل الاحرار مثل المماليك
الا معاريف الرجال في بعضها .

[أستجواب @AldlbhyHdaj]

ياما قطعت الطريق الموحش لحالي
في حزتن تذبح الساعه عقاربها

مايرخص العمر غير اللي فقد غالي
ومازاد روس الدهاه الا تجاربها

يمناي يمناي لا عمي ولا خالي
يوم المصايب تفتلي شواربها .

[أستجواب @AldlbhyHdaj]

بتمرك الذكرى بطارف لياليك
وتعلمك معنى القلوب العظيمه

لحظه ما ندري تسعدك او تبكيك
بس الأكيد ان المشاعر أليمه

أصعب شعور ان تدعي الله ينسيك
من كنت تدعي يا عسى الله يديمه .

[أستجواب @AldlbhyHdaj]

كتبت فيك القصيد وطالت الطرقى
وغنيت بك أجمل بيوتٍ على ألحاني

لابد عقب الوصل بـ نطري الفرقى
ولابد عقب الوصال اعيش وحداني

"قم التفت ياحبيبي بعيني الغرقى
واشره على قلبي كانه حب له ثاني"

[أستجواب @AldlbhyHdaj]

ماقدر أردّ البحر .. واغيّر امواجه
لكني أقدر اغير ، وجهة شراعي ..

[أستجواب @AldlbhyHdaj]

عن مايرخص خاطري صديت عايف
الكرامه ما يجي فيها تعدي

ليه الحق عمري الفايت حسايف ؟
والحسايف ما تجيب ولا تودي .

[هديب @3tb6w]

- مساء الخير ، تصبحون على خير💤

والي على العين لو صديت يطرفني
اقسم لوقع على الثنتين واطرفها

والي يحاول بكثر القول يضعفني
الموج ما يقدر الضلعان يجرفها

والي سهرته وشال النوم من جفني
والله غالي ودوك العين حلفها

كم مهرتٍ حاولت بالعسف تحذفني
ما طولت في ثواني صرت اعسفها

[أستجواب @AldlbhyHdaj]

يوم الردي بفراش مكحولة العين
عديت بالمسرى .. ثلاثين ديرة .

~ بندر بن سرور

[أستجواب @AldlbhyHdaj]

يوم سألتك هو متى وقت اللقى
كان ردّك لي " يجيب الله مطر "

والمطر مالي الشّوارع وش بقى
مابقى شيّ غير حضنك و العطر .

[أستجواب @AldlbhyHdaj]

تدور الخرايط كلها والأراضي السبّع
و يمرونك أغلبهم ~ و شرواي ما مرّك .

[أستجواب @AldlbhyHdaj]

لاحبك عتيبي تغني يالجفول
وعطيه من زود المحبه والولاء

تراه لامن جاك فالحب مهبول
ياخذك بالقوه من يدين الملاء

سوالفه فالبل وفي حب الخيول
ولا على ابن حميد ولاابا العلا

ومعاشرً لهل المواقف والفعول
ومحشمً سمعته عن درب البلا

وايات غيداً في مزاياها تصول
من حبك الصادق يقضبها الخلا

[أستجواب @AldlbhyHdaj]

نفسي عزيزه واظنك تعرف وداري
النفس ماتحشم إلا من يحشمها .

[أستجواب @AldlbhyHdaj]

احرمتني يا كامل الزين لقياك
وتهت فوصالك و تيهتني

مكنّي ياحبيبي ومد يمناك
وارتاح في شوفك وترتاح فيني.

يازين طاريك يحبيبي وذكراك
مجنون انا حبك وجننتني .

~ أستجواب

[أستجواب @AldlbhyHdaj]

ضيعتني مثل تكفى في حلوق الرياجيل
لا سندوها على الي ماهوب كفوً لها .

[أستجواب @AldlbhyHdaj]

اعطيتك قلب يوم غيرك تمناه
ماينام الليل من حرصه عليك .

طار النوم حسبي الله

٤:٠٠ص

[أستجواب @AldlbhyHdaj]

يالله دخيلك من صواديف الأيام
ويالله عسى فالأمر خير وخيره

العمر يمشي والمواعيد قدام
ولافاتت الاولى تبقى الاخيره .

[أستجواب @AldlbhyHdaj]

@majed_almhl بندر أبن سرور
يوم قال :
واحدٍ يحاول بالردا بنت عمه
واحدٍ يحاول ستر عذرا عوانيه .