أغنيت نفسي وَ درب العزّ مغنيني
عن واقعٍ ،، من وراه الكبد مندبله
صار الخطأ والمجامل شيء روتيني
كلٍ يبي الطيب بـ التزوير ينسب له
ما الله على مجامل الغاوين حاديني
نفسي على الصدق معتاده ومنجبله
أسميّ / وتركيبتي – وَ الوازع الديني
لا أغواني أبليس ! ردّتني على القبله
لا يردّك شيء عن . . ليلة فراقي
كان لك قلبٍ تبي تشفي غليله
خذّ معك خوفي وصبري واشتياقي
واترك عيوني تشيل اللي تشيله
ولا تدوّر مثل قلبي « منت لاقي »
القلوب اللي مثل قلبي ؟ قليله.
وأقفيت وانا اكبر مْن التبرير والعذر السمين
حتى لو إني خاطري ما كل شيّ يصبّره
القلب يكسره اللسان . . ؟ ولا تجبّره اليدين
ماهوب عظمٍ !!، كل يومٍ تكسره وتجبّره
حيث إنه اوّل شخص يسقط من عيوني مرتين
وانا عيوني من سقط منها ما عاد تعبّره.
@saleh_neshaira