تركي

[تركي @Alharbi_173]

بينك وبين الخلق تكفيك الأخلاق
وبينك وبين الله صلاتك صلاتك
الأوله تفتح لك افاق و افاق
والثانيه معنى لقيمة حياتك

[تركي @Alharbi_173]

طلّي علي مثل القمر يومه يويق من السحاب
احتاج ابدد ظلمت الليل العتيم بطلتك

[تركي @Alharbi_173]

لا وقفّت بين المعزَّة .. والإذلال
كبرك مُباح وكبريايك فضيله

لا تندب حظوظك ولاتبكي اطلال
واللي تخلّى عنك- .. لا تنتمي له

أرحل ولو تضيع السنوات ترحال
تلثينن عز الأدمي .. في رحيله

[تركي @Alharbi_173]

خلك أبخل رجل في سوق الكلام
وخلك أجبن رجل في طعن القفا

وإن بغيت تكون في رأس السنام
أحسب ألف حساب من كلمة أفا

[تركي @Alharbi_173]

يغريني النضج والأدب واللفظ الرزين والغنى اللغوي

وقيل على سياق ذلك

"يطيب لي حكي الفهيم المستوي
ذربٍ ليا سولف جاه عقلي واندمج"

[تركي @Alharbi_173]

يا نور عمري .. لا طفت كل الأنوار
يا بدري الساري ونجماته الخرس

هذا أنا .. غيم وعواصيف وغبار
وادورك في ضجة الأرض بالهمس

صدري سما وضلوعي أغصان الأشجار.
وحبك .. تسلل بينها كنه الشمس

[تركي @Alharbi_173]

الحياه اقصر من اني اعشقك حتى النخاع
روح .. جعل اللي مقفي بك ماعاد يرجعك

[تركي @Alharbi_173]

مُرهق من الشوق والذكرى تسللني
ل آخر لقى يوم عينك بان خافيها !

يا نصفي اللي توقعته / يكملني :
ما فيه ركعة فرح بعدك ، اصليها !

غيابك الطايش ، الملعون ، حولني
ل إنسان لا مرّته ضحكه يطفيها !

[تركي @Alharbi_173]

توكل لاتوادع رح عسى درب الجفا المسهوج
يصادف درب فرق عقبها .. ماتلمحك عيني

[تركي @Alharbi_173]

ب اشارك الريح السفر كل ما ضقت
وأن رقت : شاركت المطر في هطوله .. !

[تركي @Alharbi_173]

يا أطيب قلبّ ألا يا أغلى من الياقوت والألماس
يا أكثر شيء فالدنيا على ….الدنيا مصالحني

[تركي @Alharbi_173]

لا تسيّر علي مسيار " عابر سبيل".
وانت بين الضلوع العوج راعي محل

[تركي @Alharbi_173]

سولف إن جاء مجال الهرج دقه وجلّه
ساعدتك الظروف تعيش دور البطولة

ف التفاصيل .. وغياب الحجج والأدلّة
كل من زاد فيه النقص ، يشعب ذلوله

ودّي إنّك تطيب وتاخذ المدح !.. كلّه
لكن الطيب .. شي ما يجيك ب سهولة

أوسع من الطريق الضيّق .. اللي تدلّه
وأعمق من الكلام الفاضي اللي تقوله

[تركي @Alharbi_173]

يا أهل الغياب اللي نسونا و رحلوا
حنا بخير .. و يا حلو طعم الغياب

تجاهلونا .. واجرحونا .. و ازعلو
الجرح أسمى من سواليف العتاب

بوجيهنا الماء .. لا تمدّون الدلو
و بشفاهنا نبرة .. على حد العذاب

وقت السكوت ، اللي بعد كلمة ألو
سكة سفر مجهول .. ما فيها إياب

[تركي @Alharbi_173]

لا زلت عالق ؛ والحياه تهزّني بالذكريات؛
بالأسئلة مثل: (وش أكثر بيت شعر تردده)؟

أنا اقتباسٍ يُختزل ف "أضحى قتيلاً بالفلات"
عمق التجلي لكل سالم بين حرب وعربده!

أنا ملامح مؤلمة جداً في لوحة تضحيات
فيها التفاصيل الصغيرة غامضه ومعقده

[تركي @Alharbi_173]

ما كنّه إلا سجدة التايب بعد هجر الصلاة
من أبشع الندبات في عمره قطاعة مسجده
خطاه شي تجسّده في صومعة قلبٍ رفات
مثل الوشوم اللي عبارة عن خطيئة أفئدة

[تركي @Alharbi_173]

البعد حمّاي الغلا بعض الاوقات
لاصار كـثـر الـقـرب مابـه مسـرّه

[تركي @Alharbi_173]

السبت 22 أغسطس ، أما بعد وكالعاده /

معك من وين ما ودك بلا مرسئ ولا ميقاف
معك لو مالت اوراق الشعور المنهك الذاوي

معك حتئ لو سنين الحنين الماضيات عجاف
معك حتئ و أنا مدري علينا الوقت وش ناوي

[تركي @Alharbi_173]

على دارهم مريت يا مال فرقا العين
عليها تهب الرياح والدار .. مهجوره

[تركي @Alharbi_173]

وان ما حصل ود على غاية الكيف
لا خير في شي يجي ب الكلافه .