Ali

[Adel Etaybe @Adel_Etaybe]

خسرت مليون ونص، أو كسبت تلاتة مليون؟ الإجابة تعتمد على النظارة اللي لابسها!

تخيل كده.. نفس الأرقام ونفس الأداء بس لو حسبت تكاليفك بالطريقة الكلية، هتطلع صافي ربح مليون ونص.

ولو حسبتها بالطريقة الحدية أو المباشرة، هتلاقي صافي الربح تلاتة مليون وميتين ألف!
ليه الاختلاف الرهيب ده؟
عملنا مقارنة حرة وبشكل بسيط جداً بين الطريقتين:
1- التكاليف الكلية Traditional Absorption: دي الطريقة الثقيلة اللي بتهتم بكل مليم اندفع.. بتعتبر كل التكاليف المباشرة وغير المباشرة جزء من تكلفة المنتج. بتنفع للتقارير الرسمية، بس بتخبي عليك الحقيقة وقت اتخاذ القرار.

2- التكاليف الحدية Marginal Costing: دي الطريقة السريعة والذكية اللي بتعرفك على بلاطة كل منتج بيكسبك كام فعلاً بعد ما تشيل تكلفته المباشرة اللي هو هامش المساهمة. دي اللي بتنفعك وقت التسعير، ووقت ما تقرر هتزود إنتاج ولا توقفه.
الفرق بينهم مش بس في الرقم النهائي.. الفرق في مين بيتحمل تكلفة المصنع الثابتة.

في الكلية، المصنع بيتقسم على كل قطعة، حتى اللي لسه متخزنة. في الحدية، تكلفة المصنع بتتشال كخصم لمرة واحدة، فبتشوف هامش المساهمة الحقيقي بوضوح.
بصوا هنا وقارنوا بنفسكم وشوفوا:
ازاي بيظهر هامش المساهمة Contribution Margin في الحدية.
إزاي نقطة التعادل Break-Even Point بتبان واضحة مع التكاليف المتغيرة والثابتة.
ومعدلات الأمان Margin of Safety اللي بتقولك قد إيه أنت بعيد عن الخطر.

الخلاصة:

فاكر لما قلتلك ليه هناك فروق بين انظمة التكاليف فى القطاعات المختلفة زي المطاعم والتصنيع كمثال!!! عشان كدا الطريقتين مهميييين، بس للقرارات التشغيلية اليومية.. التكاليف الحدية هي اللي بتنورلك الطريق!

عشان كده المحاسب الاداري الشاطر هو اللي بيعرف يستخدم النظارة الصح في الوقت الصح.

*** السؤال المهم ليه بإعتقادك تغير Net Profit من طريقة لأخري؟

#محاسبة_إدارية #إدارة_التكاليف #Margin_of_Safety #Break_Even #تحليل_مالي #نصيحة_مالية #Adel_Etaybe

[قواعد @1_Q_k]

الرجوع ع المعاصي ..

[Adel Etaybe @Adel_Etaybe]

المشكلة الاكبر تبدأ من غياب نظام متكامل يربط الريسبي بالقرار.
بالتالي كل طبقة بتجيب على اسئلة بجملة : ايه اللي حصل ؟ وليه ؟ وهنعمل ايه الآن؟
عشان كدا بفضل الله أبني أنظمة متكاملة بنظام الطبقات اللى تختلف من مودل لأخر بتدفق تسلسلي من الريسبي حتى P&L وباقي التقارير الإستراتيجية.

[Adel Etaybe @Adel_Etaybe]

التكاليف كخريطة في 3 دقائق

[قواعد @1_Q_k]

الاستجابة المستمرة للشهوة تزيدك جوعاً ولا تمنحك شبعاً

[Adel Etaybe @Adel_Etaybe]

*KPI for revenues
مؤشرات رئيسية مهمة للايرادات

1-Average_Check
(AC) or ATP
متوسط قيمة الفاتورة
total revenues/ total orders
2- AWOC
#Average_Weekly_Order_Count
متوسط الاوردارات الاسبوعية لكل مطعم او فرع لو فى اكثر من مطعم
= عدد الاوراردات الاسبوعية ÷ عددالمحلات او الفروع
3- AWUS
#Average_Weekly_Unit_Sales
متوسط مبيعات الفرع بالاسبوع الواحد
حاصل ضرب AWOC× AC

-يمكن انها تختلف هذه المؤشرات بالمطاعم حسب عوامل عديدة، مثل نوع المطعم، وموقعه، ومستوى الخدمة اللى بيقدمه، وظروف السوق.
* أهمية هذه المؤشرات
المؤشرات دي مهمة لأنها بتعطي معلومات حول أداء المطعم. يمكن استخدامها فى قياس نمو ايراداتك
ومؤشر للتوسع بفروعك
على سبيل المثال، لو كان متوسط قيمة الفاتورة للمطعم منخفضًا، يمكن للمطعم محاولة زيادة حجم الوجبات أو تقديم أطباق إضافية أو رفع أسعار المنيو.
وإذا كان متوسط سعر الوجبة للمطعم مرتفعًا، يمكن للمطعم محاولة تقديم خصومات أو عروض ترويجية لجذب المزيد من الزبائن.
وإذا كان متوسط عدد الطلبات الأسبوعية للمطعم منخفضًا، يمكن للمطعم محاولة زيادة الاداء التشغيلي أو تقديم عروض ترويجية لجذب المزيد من العملاء.

*وللحديث بقية عن Budget واقسامها وعمل Plan كامل لها مع اعداد ملف للتطبيق انتظرووووونا بأمر الله ومشيئته

#المطاعم #الأداء_المالي #المبيعات #الطلب

[Ali @AliD145]

@Adel_Etaybe الله ينفع دائما ياستانا

[Ali @AliD145]

النمو الحقيقي هو قدرتك على تحويل المبيعات دي لتدفقات نقدية فعلية من خلالعمل وبرط نظام مالي وتشغيلي متكامل

[Adel Etaybe @Adel_Etaybe]

أسوأ كارثة خفية بتعطل أي كيان اعمال بيحاول يتوسع، هي إن الإدارة المالية تكون شغالة في وادي.. والمبيعات والتسويق في وادي تاني خالص. النتيجة؟ إيرادات بتزيد، وكاش بيختفي، وقرارات بتتاخد في الضلمة.

عشان نعالج الفجوة دي، صممت نظام الذكاء الاستراتيجي ده.. 50 محور مترابط بيمثلوا العقل المدبر لأي شركة قابضة "Holding Company"
ولكن الاول يا ترى إيه الفرق بين شركة بتنمو بالصدفة وشركة بتنمو بخطة محكمة؟

السر دايما في وجود نظام مركزي بيقرا كل زوايا البيزنس. لان كتير من الشركات بتغرق في تفاصيل التشغيل اليومية وبتنسى تربط ده بالاستراتيجية المالية والتسويقية الشاملة، وده اللي بيخلق فجوة كبيرة بين الأرقام وبين القرارات على أرض الواقع.

عشان كده، النظام الاستراتيجي ده وهو 50 محور مترابط بيمثلوا العقل المدبر لأي كيان اقتصادي أو مجموعة قابضة تمتلك أو تدير جزئيا أو كليا شركة أو شركات أخرى.

النظام ده هو مش مجرد جداول مالية تقليدية، ده منظومة متكاملة بتبدأ من تحديد البصمة الوراثية للشركة (Holding DNA)، وبتمر بتحليل المنافسين، واقتصاديات الوحدة (Unit Economics)، ومسارات الإيرادات المعقدة، لحد ما توصل لتقارير مجلس الإدارة وخطط التوسع الجغرافي وحوكمة الشركات.

ليه الشركات الكبيرة والمتوسطة محتاجة نظام زي ده؟

عشان يوفر رؤية استراتيجية متكاملة لمتخذي القرار بدمج رؤى الإدارة المالية مع إدارات الإيرادات والتسويق.

عشان يحول البيانات الخام والمقابلات مع العملاء لخطط عمل واضحة وتكتيكات تسعير مدروسة.

عشان يقلل المخاطر ويعظم العائد على الاستثمار، من خلال تتبع دقيق لتكلفة الاستحواذ على العميل (CAC) والقيمة الدائمة ليه (LTV).

النتائج اللي بيحققها النظام ده بتتلخص في تحكم كامل في مسارات الإيرادات، بناء قرارات على أسس رقمية دقيقة لا تقبل الشك، وقدرة حقيقية على التوسع بخطى ثابتة سواء عن طريق فتح فروع جديدة، أو الفرنشايز، أو حتى الاستحواذ.
** وبصدق هذا من فضل الله ثم من بركة التعامل مع ادارات متخصصة في ااستراتجيات التسويق بتغذي عندك Business Acumen وتكون قادر على الربط الفعال .
إيه أكتر تحدي بيواجهك في ربط أرقام إدارتك المالية بخطط النمو الاستراتيجية؟ شاركني رأيك في التعليقات.

[Ali @AliD145]

@Adel_Etaybe تسلم ايدك
فعلا النمو الحقيقي هو قدرتك على تحويل المبيعات دي لكاش فلو فعلي من خلال عمل وربط نظام مالي وتشغيلي متكامل

[Adel Etaybe @Adel_Etaybe]

اتهمت إني نقلت التسعير بالمطاعم من AI وأنا صراحة كنت أتمنى ده عشان كان هيوفر عليا ساعات في بطون الكتب.
قبل ما تقول ده كلام AI خليني أوريك من فين جه فعلاً
الكتاب اسمه Food and Beverage Cost Control وده مرجع مهني اكاديمي متخصص صادر عن Wiley للنشر ومعتمد في أبرز برامج إدارة الفنادق والمطاعم حول العالم
الصفحة اللي قدامك دي صفحة 210 من أصل 431 من الفصل السادس اللي عنوانه Managing Food and Beverage Pricing وتحته عنوان فرعي واضح Factors Influencing Menu Price
العوامل العشر اللي شاركتها مش من خيالي ومش من خيال أي AIهي مستخرجة حرفياً من المرجع ده.
والنهارده عندي حاجة أهم من الرد
أتمنى والله أتمنى يكون كلامي من AI
لأن ده كان هيعني إني ما اتعبتش ساعات بدور في كتاب من 431 صفحة عشان أوصل لفصل واحد عن سؤال واحد محدد وللاسف قد تكون مش كفاية فتضطر تشوف مراجع تانية
بس الحقيقة إن المعرفة المتخصصة الحقيقية لسه مدفونة في بطون الكتب المدفوعة وكل مختص بيحترم نفسه عارف إنك مش هتوصلها بسهولة أو بمجانية.
وبحكم استخدامي الجيد لل AI وباحترافية فى المهنة عارف مشكلته ومشكلة مخرجاته وانها هي Miss-Information... أنتِ لما بتطلب حاجة منه بأي شيء بيجبلك كل امعلومات اللي موجودة على الـ Web الكاملة جيدة وغير جيدة " حاطب ليل" وانتا وحظك.
* يافندم المختص مبيتكلمش من غير مرجع و References
والفرق هنا مش في مين اللي استخدم AIالفرق في مين اللي بيعرف يفرق بين محتوى متخصص مدعوم بمراجع أكاديمية وبين محتوى معاد تدوير
*** بشكل عااام
AI أداة خارقة وأنا بستخدمه كل يوم بس الفارق هو إيه اللي بتحط فيه من مدخلات وإزاي بتتحقق من اللي بيطلعه أنا بحط فيه كتب متخصصة وبسأله أسئلة خبير وبعدين بتحقق من المصادر بإيدي
وده مش ضعف ده منهج
واللي بيشوف في التخصص كلام AI ده معناه إنه ما قراش كتاب متخصص من أوله لآخره.
أنا مش زعلان إنك قلت ده كلام AI أنا زعلان إنك ما عرفتش تفرق
والمفاجاة انا سبيتها للاخر فالتسعير انا كنت نشره من قبل عصر AI اصلا وعامل اعادة نشر الان ولو انت متابع على الصفحة هتجد دا ولكن اردت ان اتكلم بشكل عام لتأصيل الامر .
*** والان خلصنا من نغمة دا كلام AI هيطلع لينا نغمة دا كلام كتب 😂

[ريما @5P55J]

من انتصر على غريزته في سره، أورثه الله هيبة في علانيته

[Ali @AliD145]

@Adel_Etaybe كما تعلم ضعف المحتوي عن Cost Control فى عالمنا العربي
هل ترشح لي الكتاب؟

[Ali @AliD145]

@Adel_Etaybe تسلم ومرجع هام جدا الله يحفظك

[Ali @AliD145]

دليل عملي للبدجت بقطاع الضيافة

[Adel Etaybe @Adel_Etaybe]

أكبر سبب “صامت” لخسارة الأرباح في التشغيل؟ (Hospitality )
ليس ضعف المبيعات… بل إدارة التشغيل بدون بدجت واضح.
في الضيافة (فنادق/مطاعم/قاعات وغيرهم) الطلب يتقلب يوميًا وموسميًا، وأي قرار بدون أرقام يتحول بسرعة إلى: هدر مخزون، زيادة عمالة، تسعير غير مناسب، أو مفاجآت في التدفق النقدي.
البدجت هي مش ملف إكسل… هي نظام إدارة.
وهذه أهم النتائج التي تحققها عندما تُبنى بشكل صحيح:
1) تقديرات منظمة مش توقعات عامة
• توقع الإيرادات حسب الأقسام والفترات
• تقدير المصروفات (ثابت/متغير/شبه متغير)
• تحديد احتياج العمالة والمشتريات بدقة
2) أهداف تشغيلية قابلة للقياس
بدل ماتفكر فقط فى انك تزيد المبيعات تتحول الأهداف إلى مؤشرات واضحة مثل:
• إشغال مستهدف + ADR
• Food Cost كنسبة من المبيعات
• Labor Cost حسب حجم النشاط
3) رقابة أداء عبر تحليل الانحراف (Variance Analysis)
الأهم ليس وجود انحراف… بل فهم سببه:
• هل المشكلة “سعر/تكلفة”؟ أم “حجم/عدد ضيوف”؟
وبالتالي اتخاذ إجراء تصحيحي سريع (Scheduling، تسعير، ضبط هدر، تفاوض موردين…).
4) مرونة أعلى مع البدجت المتغيرة (Flexible Budget)
بدل بدجت ثابتة تنهار عند أول تغير في الإشغال، يصبح لديك سيناريوهات جاهزة (60% / 70% / 80%) تساعدك تتصرف بسرعة وبأقل تكلفة.

لمن يصلح الدليل والمادة :-
1- الإدارة التنفيذية والعليا (Executive Management)

ليه؟: لأنها المسؤولة عن الاعتماد النهائي للموازنات والتأكد من توافقها مع الرؤية الاستراتيجية للمنشأة.

الاستفادة: يساعدهم الدليل في ربط الأنشطة التشغيلية بالنتائج المالية وتوفير إطار لاتخاذ قرارات تخصيص الموارد بحكمة.

2- الادارة المالية والمحاسبة (Finance & Accounting) الادمن

ليه؟: هي الجهة المنوط بها إضفاء الطابع الرسمي على الموازنة وتنسيق العملية بين مختلف الأقسام.

الاستفادة: يوفر لهم أدوات تقنية متقدمة مثل تحليل الانحراف وطرق التنبؤ الكمي (كالمتوسطات المتحركة وتحليل الانحسار) لضمان دقة الأرقام وتقليل الفجوات المالية.

3- مدراء الأقسام التشغيلية (Department Heads)
يعتمد الدليل "النهج التصاعدي" (Bottom-Up Approach)، مما يجعل هؤلاء المدراء هم حجر الزاوية.

قسم الغرف (Rooms Division): لتوقع إيرادات الإشغال وتخطيط تكاليف العمالة والمستلزمات.

قسم الأغذية والمشروبات (F&B): لضبط "تكلفة الفود" (Food Cost) التي تمثل تحدياً كبيراً، وجدولة العمالة بناءً على حجم الطلب المتوقع.

إدارة الصيانة (Maintenance): لتحديد أولويات الإنفاق بين الإصلاحات الضرورية والتحسينات التجميلية بناءً على ميزانية "خط القطع" في الموازنة الصفرية.

4-إدارة التسويق والمبيعات (Marketing & Sales)

ليه؟: لأن البدجت يبدأ بتقدير حجم المبيعات المتوقع.

الاستفادة: يساعدهم في فهم "العوامل المحددة" (Limiting Factors) مثل سعة المنشأة، مما يوجه حملاتهم التسويقية لتحقيق أقصى استفادة من السعة المتاحة دون تجاوز القدرة التشغيلية.

5 -إدارة الموارد البشرية (HR)

ليه؟: العمالة هي أكبر بند تكلفة متغيرة في قطاع الضيافة.

الاستفادة: بيوضح الدليل كيفية تطبيق الجدولة الاستراتيجية (Strategic Scheduling) والتدريب المتقاطع لتقليل تكاليف العمالة بنسبة 2-5% دون المساس بجودة الخدمة.

[!IMPORTANT]باختصار: الدليل يحول الموازنة من "سلطة مالية" تفرضها الإدارة، إلى "مسؤولية مشتركة" يشارك فيها الجميع لضمان استدامة الربحية.

وأخيرًا: البدجت الجيدة تخلق لغة مشتركة بين التشغيل والمالية وكافة الاقسام .
النتيجة: قرارات أسرع، مساءلة أوضح، وربحية أكثر استدامة.
قمت بتجهيز ملف مختصر/عملي (عربي وإنجليزي) يلخص:
أنواع البدجت، دورة البدجت (5 خطوات)، ZBB، وتحليل الانحراف والتنبؤ (Moving Average & Regression) مع أمثلة ضيافة.
حاولت فيه يكون مستند لمصادر علمية دون الاستناد الى الخبرة العملية فقط وبشكل عملي يساعد المختصين على تنظيم اعمالهم بشكل بروفيشنال وفعّال

إذا تريد الدليل :
شارك اخوانك ليعم النفع وارفق ايميلك للارسال.

واخيرا من قال لأخيه جزاك الله خيرا فقد أبلغ فى الثناء

#Budgeting #Hospitality #Hotels #Restaurants #Finance #Accounting #Operations #FandB #RevenueManagement

[Ali @AliD145]

@Adel_Etaybe مين الجهة المسؤولة عن التسعير بالشركات قسم التكاليف ولا التشغيل ولا المالية؟

[قواعد @1_Q_k]

الانضباط الصارم هو أعلى درجات حب الذات واحترامها.

[Adel Etaybe @Adel_Etaybe]

أشهر طرق التسعير بالمطاعم-:
اعادة نشر لاهم الطرق
#Cost_Plus
الطريقة الاولي *(تسعير أبو ثلاثة)
وهى عبارة عن قسمة تكلفة الطبق لديك على نسبة فود كوست التي غالبا تكون بين 25% الى 35% فلو لدينا طبق تكلفته 5 ريال وبنسعّره بناء على استراتيجية Cost Plus
Food sales (selling price) of that item= Cost of specific food item sold/ Food cost % of that item
-Sale price = 5/30%
مايعادل 17 ريال سعر البيع للطبق
ومن مميزات الاستراتيجية انها بسيطة جدا مع ضمان تحقيق الربح
ولكن من عيوبها اهمال السوق وجعلك داخل فقاعة صغيرة لاتعلم مالذى يدار حولك
* والسؤال الذي يطرح نفسه هل العميل ملزم بالشراء بهذا السعر لان صاحب المطعم اختار ان يضرب التكلفة في 3 او 4 ؟؟

*الطريقة الثانية وهى -:
#Market_Minus*
وهى استراتجية اكثر ديناميكة لتسعير المنيو
وهى معرفة سعر الطبق في السوق والتسعير على أساسه
بمعنى سعر الطبق 16 ريال لدى المنافسين اذا فأنت امام 3خيارات
يكون سعرك اقل من سعر السوق (15) فتعمل استقطاب للزبائن
او يكون سعرك اعلى من السوق(17) ودا يقابلها خدمة جيدة او جودة منتج افضل من السوق او يكون سعرك مثل السو ق(16)

الطريقة الثالثة وهى
#loss_leader*
تسعير منتج ذو جودة عالية ومحبب للعملاء بسعر منخفض لاستقطابهم، مع توفير منتجات جانبية بأسعار مرتفعة لتحقيق ربح إضافي.

4- (#Pricing_by_Demand_Analysis):
تسعير حسب تحليل الطلب
هذه الاستراتيجية تعتمد على فهم عميق لطلب الزبائن عند تحديد الأسعار. يشمل ذلك فهم متى يكون الطلب أكبر وما هي العوامل التي تؤثر على ارتفاع أو انخفاض الطلب. بناءً على هذا التحليل، يمكن تحديد الأسعار بشكل يجذب المزيد من الزبائن في الفترات التي يكون فيها الطلب أقوى.
مثال عملي:
إذا كانت هناك فترات ذروة في المطعم خلال عطلة نهاية الأسبوع، يمكنك زيادة أسعار بعض الوجبات أو تقديم عروض خاصة لتحفيز الزبائن على زيارة المطعم خلال تلك الفت ارت. يمكن أيضًا خفض الأسعار خلال فت ارت منخفضة الطلب)الركود( لتشجيع الزبائن على الزيارة في تلك الأوقات.

5- (Pricing by Psychological Pricing Method):التسعير النفسي-
من أهم المد ارس فعالية وحساسية تستند هذه الاستراتيجية إلى دراسة كيفية استجابة الزبائن للأسعار على مستوى نفسي.
ومن أهم القواعد التي تخص هذا الأمر ان العميل إن لم يستطع تمييز المنتج او الخدمة بالحواس الخمسة حينها سيكون السعر هو الحادسة السادسة فى التقييم.
وتتضمن النقاط التالية:
-أسعار مثل 9:
عادةً ما يشعر الزبائن بأن الأسعار التي تنتهي بالرقم 9 أقل نفقة. على سبيل المثال، سعر 19.99 ريال يبدو أقل تكلفا من 20 ريال.
-تجنب الأسعار الكاملة:
يمكنك تجنب الرقم 5 ومضاعفاته مثل 5 :10:15 وهكذا لسهولة حفظها من العميل وصعوبة تغيير السعر مستقبلا.
6-(#Pricing_by_Portion_Cost):
تسعير بتكلفة البورشن-6
هذه الاستراتيجية تركز على تحديد الأسعار بناءً على حجمPortion الواحد. يمكن تقسيم تكلفة المكونات على عدد الحصص لتحديد سعر البيع .
وهي مقاربة للمدرسة الاولي ولكن بناء على الحجم وليس التكلفة.
*ختامًا:يمكن دمج هذه الاستراتيجيات لتحقيق أفضل أداء في التسعير، ولكن يجب أن تكون الاستراتيجية متناسقة مع موقع المطعم وسمات الزبائن المستهدفين.

والسؤال الاهم هل الطرق دي قابلة للتطبيق ام فقط كلام كتب!!! . طب تحب تشوفها مني مطبّقة على نظام ديناميكي تشوف مخرجاته !!!
بنتظركم
تحياتي،،، Adel-Etaybe

[قواعد @1_Q_k]

المقياس الحقيقي لدرجة وعيك..

[Ali @AliD145]

@Adel_Etaybe فعلا بنسرع كل حاجة ياستاذنا

[Adel Etaybe @Adel_Etaybe]

الفيديو المرفق مش مجرد شرائح بتتحرك.. ده فهرس لعُصارة سنين من المراجع العلمية المهنية و التعب والخبرة الميدانية. وقبل كل شيء هو توفيق الله .

اللي هتشوفوه في الثواني دي هو استعراض لموسوعة مهنية متكاملة صممتها على أعلى معيار متاح تحت ايدينا ومُكيّف بالمللي ليناسب سوقنا المحلي.

لكن.. ورغم المجهود ده، أنا وقّفت إنتاج وتطوير النوعية دي من المواد المرجعية العميقة من اكثر من عام!

ليه؟
لأننا للأسف بقينا في عصر الاستهلاك السريع للمعلومة. عصر الناس بقت بتستعجل فيه كل حاجة، لدرجة إننهم بيسمعوا رسايل الواتساب الصوتية لأقرب الناس لينا على سرعة 1.5x أو 2x !

السرعة دي خلقت حالة من الملل السريع من القراءة، وخلّت الأغلبية تدور على كبسولة الـ 30 ثانية، أو شيت الإكسل الجاهز اللي بيطلع أرقام سحرية بدون ما يفهموا اللوجيك اللي وراه.

بناء العقلية (Mindset) في بيئة الاعمال، وفهم معايير الصناعة، وتأسيس أنظمة تعيش وتكبر مع الشركات.. مستحيل يتبني على سرعة 2x. المعرفة العميقة عاملة زي الأكل اللي بيستوي على نار هادية، محتاجة صبر، قراءة، وتأمل في التفاصيل.. مش (Fast-Food Knowledge).

المادة العلمية موجودة، والخبرة بفضل الله تم توثيقها.. لكن التحدي الحقيقي دلوقتي مش في توافر المعلومة، التحدي في صبر المتلقي على استيعابها.

وهنا سؤالي ليكم:
هل شايفين إن المعرفة السريعة والـ (Trends) كسبت الجولة خلاص؟ ولا لسه في مساحة للمهنيين اللي بيقدروا قيمة القراءة العميقة والمراجع التأسيسية؟ شاركوني رأيكم