حايل لو أن العمر ينعاد ويطوَّل
ما اخترت غيره ولاني بالنظر غادي
نفوده أطيب نفاه وضلعه يهوّل
والعادي اللي بغيره به مهو عادي
تغزلوا به كثير اليوم ومن اوّل
على حسن كل مابه كم حدا حادي
حتى سحابه لضمّة شمّخه : حوّل
بنت الجبل والقصايد وردة بلادي
#حائل_الأجمل#عبدالله_الدهيثم
الضّرورة : تبيح محرّمـات الامـور
ومن بليْ بضْررين اختار لادنى ضرر
لو حدا الوقت حِرّ لـ ما كَلَـنّ النسور
ما صِغر له مقـام ، ولا مقامه : كِبـر
وقَطْعة الكف ماهي مثل شَق الصدور
لو مَحَد عـارف اللي يورده لـ القبـر
#عبدالله_الدهيثم
أنا اشكر اللي عَزّ فضله عَبده عن ادنى الفضول
واغناه عقب العافية .. بالستر عن مدّ اليدين
ما يحتري لصحون غيره لو هم من اهل الفعول
ولا من على رقبته سيوف بساحة من المعدمين
أنعَم عليه بما كفاه .. وشَرح نعماته : يطول
وإن مَدّ وهّاب العطايا .. ما يمدّ إلا سمين
عطاه -جلّ- من الرضا: ما يترك الساخط ذهول
ومن القناعة والشكر .. ما فاق بِعد الفرقدين
ما جاع مَدح المادحين ولا نِقل له همّ زول
غنيّ باللي يملك .. ولا يلتفت لـ الشاتمين
ويقول ما يفقه يشوف : إنه فِقه فيما يقول
ولا همّه إلا خالقه والخلق لـ امره خاضعين
الخلق يَتعب من عطى لارضاتهم كل المثول
وليا رضي منهم فهيم اغنى عن اِرضا الجاهلين
والله مخيّرنا نقيّم .. ما نشوفه : بـ العقول
إن ما بدى منّا خطا .. لو ما بنا اللي كاملين :
من يِقبل الله حَيّـه .. ويلقى المعزّة والقبول
ومن يدبر بكيفه، و ذِلّ النفس طرد المدبرين
ليه نتدرّى الخلق؟ واتلانا على النَّعش محَمول
ولا عندهم جنة ورزق ، او عن جحيمه مانعين
قلته وأنا ماني طليق .. ولا مع الزَّمل معَقول
حَمـد وثنـا لـ الله .. ولا حنّا بخلقه : شامتين
اللي وهب عقب الدروس العلم له عبده يقول
الشكر لك يا معطي عن الكايدة : حِرزٍ مكين
يرجي رضاك ولو حصل، ما ضره الاف الزعول
ويطلب عَسَاه من القليل (الذاكرين، الشاكرين)
#عبدالله_الدهيثم
ما خاب منهو قدوته عبدالله
ما قـال لكبار البـلاوي كـافي
#قصيدة سابقة للشاعر زيدان فلاح الشامان جزاه عنا كل خير، ورحم الله الذين رحلوا عنا في التصوير وحفظ الأحياء .
دَرَسْنا بفضل الله على صِغر سنّ، سنين
على يَـد حَشيـمٍ قبل ندرس ... تربّينـا
بجنّات عَدنٍ جعله يشوف شوف العين
مقامه ، و يا ماجد : لك الخلد ، داعينا
عسى الله يبيحه كثر ما قال عَبد آمين
حقوقه، لو نحجّ نحبي عنه : ما اوفينا
#عبدالله_الدهيثم#شعر#قصيدة
حاجتينٍ قولهن واجب، قبل يِنسينا
وقتنا، وابليس واعوانه بوسط الساحه :
(ما بحول الله وقـوّة قدرته يعيينا
شي من حمل الحياه وكل حمله زاحه)
و كذبتين .. الله يبيح اللي بهن بالينا :
السكوت من الرضا، واهل العقول براحه
#عبدالله_الدهيثم#شعر
#إيضاح لأبناء العمومة الأعزاء ومن هم في حكمهم : "أود الإيضاح أن الحساب الوحيد الذي يمثلنا على منصة إكس (تويتر سابقًا) والذي يعتدّ به وبما يُنشر عبره بإسم عشيرة المختار من الغفيلة هو الحساب المرفق في نهاية التغريدة، ونحن مسؤولين عما ينشر من خلاله مسؤولية مباشرة ، أما بقية الحسابات التي تحمل اسم العشيرة فهي لا تمثلنا بأي صفة، ولسنا مسؤولين عما يصدر عنها من محتوى أو آراء أو تصريحات أو تجاوزات وتبعات ذلك، بل القائمين عليها والداعمين لها هم من يتحملون كامل المسؤولية عن ما ينشر من خلالها أو يعاد نشره ، ويأتي هذا الإيضاح انطلاقاً من استشعار المسؤلية تجاه جمع الكلمة والحرص على تقديم مصلحة العشيرة الكريمة على كل غايةٍ شخصية .
رابط الحساب الرسمي المعتد به :
https://t.co/do8OzFimUY
والله ولي التوفيق...
سلّم على النّفس الرضيّه واترك المسمومه
وخله تبيد بـ ما حَوَت , والعلم عند القاري
لا تنخدع .. والكثرة بقول الولي مذمومه
شف وش ورا اكثر قال تنزيل العليم الباري
ركز على حلمك ، و خَـلّ العالم المحرومه
اللي طموحه بالقشور .. وسلعةٍ لـ الشاري
#عبدالله_الدهيثم
إنّا لله وإنّا إليه راجعون
بقلوب مؤمنه بقضاء الله
إنتقل إلى رحمة الله تعالى ابن العم/هوّاش محيسن الربيطة المختاري.
وسيصلى عليه غداً الأحد بعد صلاة العصر في الجامع الكبير برفحاء..
اللهم أعف عنه ووسع مدخله وأغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس..اللهم اجعل ما أصابه تكفيراً لخطاياه ورفعة لدرجاته، اللهم اربط على قلوب أهله ومحبيه .
العمر يمضي والحياه ان طَوّلت معدومه
ومصير وقتـك لَكْ بيـوم يبيّن المتواري
في كلّ حيـنٍ مع مروره نكتسب معلومه
أمّـا اختيـار ندوّره .. ولّا تصيـر اجبــاري
اشوف لي شيّن قَلَب نَهْج العرب وسلومه
واخلّ تركيب التعامل بـ الزمـان الجـاري
الليـل مِنصف .. والسّمـا مـا بيّننّ نجومـه
والقـاع متشابـه ولا بـه مـا يـدلّ السّـاري
المِحتِرم خايف بـ عين الجاهل ومفهومه
يظنّ ما يطري بـ قلبه .. عند غيره طـاري
نفسٍ تحشمه تحتسب لاجره غدت ماثومه
وامسى على قـلّ المَعَرفه مستميت وضاري
بعض العلل حقّـه تكافحها : كما الجرثومه
والعِرف قِلّـه .. يِنظر لراعيه : مثـل العـاري
سلّم على النّفس الرضيّه واترك المسمومه
وخلّه تبيد بـ ما حَوَت .. والعلم عند القاري
لا تنخدع .. والكثرة بقول الولي مذمومه
شف وش ورا اكْثر قال تنزيل العليم الباري
ركّـز على حلمك .. و خَـلّ العالم المحرومه
اللي طموحه بالقشور .. وسِلعـةٍ لـ الشـاري
يصحي مع اقفاة العمر من لا صحى بقدومه
ويصبح بعد فـوت الفوات بما يفيده داري
#عبدالله_الدهيثم
إنّا لله وإنّا إليه راجعون
إنتقل إلى رحمة الله تعالى ابن العم/ إبراهيم عيدان معزي المختاري.
اللهم اغفر له وارحمه وعافه واعف عنه ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس.
وسيصلى عليه صلاة العصر في مقبرة الجهراء بالكويت..
يا مهذريٍ بالمجالـس مـن حـلال وحـرام
لـ الدار مفتـي، ولـ اهْـل التجربة كلمتين
لاتقان الانصـات .. قبل اتقان صـف الكـلام
الله خلق لك 'لسان' ،، ولك خلق "مَسمعين"
#عبدالله_الدهيثم
تنام حايل .. وانا مع نومي محايَل
ومن فات ثلثين ليله : ما رجا ثلثه
دَوَّه لْحـرّات فكره .. وقته العايل
ومَدّن يرودن .. قبل لا ينقطع حَرثه
ما اقردْك ياللي لهمّ المقبلة : شايل
الله واكبر من ابليسك .. ومن حَثّه
واللي تفكّـر بمـا لا زال ... والزايـل
يلقى الجهل والتغطرس، ما لهن تِرثه
والقول، والسّمع .. والسّمّاع ، والقايل
بين العَقـل والوسيلة .. نفعهن : عِلثه
والحِمل ما طاح .. لو ما كان متْمايِل
ومن يكترث ،، لا يظنّ الناس مكْتَرْثه
يرتـاح مِـدرك .. وغيره لـ الشقـا نـايل
ويلقى الهنا بـ امّة من النقص : منغلْثه
والامر هيّن.. مشاف الصبح من #حايل
يغني عن الليـل .. ثلثينـه ، على ثلثـه
#عبدالله_الدهيثم