- قال رسول الله ﷺ
«إن الله تعالى يحب إذا عمل أحدكم عملا أن يتقنه»
من الناس اللي أفرح وأنا أشوف أثرهم في الفترة الاخيرة محمد عمر صاحب كيو والمحامي راكان ناصر ال قعيمة كل واحد في مجاله قاعد يقدم شيء ينفع الناس ويترك أثر طيب
محمد عمر بأسعاره الجميلة وتعامله الطيب وتقديمه منتجات بأسعار تخفف على الناس في وقت كثرت فيه المبالغات بالأسعار وغير هذا مساعداته للعوائل وهداياه للناس وحرصه إنه ما يقصر معهم أشياء تستاهل نذكره عليها بالخير
وراكان بعلمه ووقته اللي يعطيه للناس في بثوثه بالتيك يجاوب على أسئلتهم ويوضح لهم حقوقهم ويساعدهم يفهمون أمور يمكن كانوا شايلين همها ومحتارين فيها
نماذج مثل هذي تستاهل الدعم والكلمة الطيبة ونتمنى نشوف مثلهم أكثر في مجتمعنا كل واحد يستغل اللي عنده في نفع غيره وتسهيل أمور الناس
الله يوفقهم ويسعدهم ويزيدهم من فضله ويبارك لهم في رزقهم وعلمهم ووقتهم ويعطيهم حتى يرضيهم ويقويهم على الخير ويجزيهم خير عن كل شخص ساعدوه