اميرة البيلي

ولنا في الشِعر حياة

[اميرة البيلي @AmiraAlbialy]

وربنا مفيش اقوى منه فـ لما ربنا يديك قوة استغلها في حماية الضعيف عشان القوي اللي مفيش اقوى منك يرحمك ويغفرلك ويبعد عنك الاذي .

[اميرة البيلي @AmiraAlbialy]

الراحمون يرحمهم الرحمان الرحمة دي لازم تكون جواك ولو مش جواك اكتسبها وعود نفسك عليها أرحم الضعيف وارحم المسكين والفقير واعمل الخير وارميه البحر ربنا شايف الخير اللي بتقدمه عامل الكل بالأحسان ارحم الحيوان وأكله واعطف عليه ومتأذيهوش ابداً ، متأذيش حد ، اللي بيرحم ربنا بيرحمه

[اميرة البيلي @AmiraAlbialy]

في ناس كل ما بنديها فرص بتتمادى ودي نوعيات مش صحي ابداً التعامل المستمر معاها

سطح علاقاتك بـ قليل التقدير
سطح علاقاتك باللي شايف نفسه مجني عليه ديماً
سطح علاقاتك باللي عنده قدرة كبيرة علي قلب الترابيزة
سطح علاقاتك بـ اي حد بيتجاهلك عشان انت تكلمه

- سطح كل العلاقات الغير مريحة

[اميرة البيلي @AmiraAlbialy]

بس انا تعبت، تعبت افضل بجري وبحاول تعبت وعارف اني مينفعش اتعب دلوقتي واني لازم اكمل عشان انتصر لحلمي وأستعيد نفسي بس انا مبقاش فيا نفس ولا حيل مبقتش اقادر اكمل .

[اميرة البيلي @AmiraAlbialy]

الهزار في الوقت الغلط هو استهتار مُبرح للمشاعر .

[اميرة البيلي @AmiraAlbialy]

بسـم الله عـلى فِلسطيـن حـتى يـطمَئن فؤادُهـا 🇵🇸

[اميرة البيلي @AmiraAlbialy]

والله انا اللي يشترى رضايا وراحتي اشتريله الأرض اللي بيمشي عليها .

[اميرة البيلي @AmiraAlbialy]

لما بلاقي ناس مبتغيرش علي شريك حياتها بيجيلي ايرور! ازاي ممكن تبقى بتحب حد ومبتغيرش عليه
والغيرة فعلاً ملهاش علاقة تماماً بثقتك بنفسك
الغيرة اهم اساليب الدلالة علي الحب!
تخاف لما متبقاش بتغير ، تخاف لإن بمجرد ما غيرتك تقل يبقي حُبك بيقل ، ف انتهاء الغيرة معناه انتهاء الحب

[اميرة البيلي @AmiraAlbialy]

مش مهم الصوت العالي والزعيق يساوي ايه عند مين ، المهم ان عندي انا الزعيق والصوت العالي إهانة والإهانة يعني كرامة ، واحنا معندناش بنات تتهان او كرامتها تتمس ، ابويا ربانا إن اللي يعلي صوته علي واحدة ست مش راجل ف عشان كدة رجالة بيتنا بيحفظوا قيمة بناتهم وبنات الناس اوي .

[اميرة البيلي @AmiraAlbialy]

إياك إياك إياك تحكي لحد مش سامعك اصلاً ، انك تحكي لحد مش مهتم يسمع ف دة ملوش معني غير انك تقيل عليه ، متقبلش علي نفسك تكون تقيل علي حد لمجرد ان انت بس اللي بتحب تحكي للشخص دة ، مادام الشخص معندوش قابلية لمشاعرك وحكاياتك ف متحطش نفسك في الخانة المؤذية دي

[اميرة البيلي @AmiraAlbialy]

الخلق سيرة وكلمتك سيفك
والوعد ضيفك أكرمه بالفعِل
واللي يخِل في عهده مش خِلك
واللي يِغل في هجره " بينافق"
في فرق بين الصاحب اللي بجد
او حد بيرافق
قال المنافق صعب تعرفني
وهتعرفه لما انت تتكافئ

[اميرة البيلي @AmiraAlbialy]

مفيش إنسان ناجح هتقابله في حياتك هيقولك اصل الحياة صعبة واصل الدنيا مش مسعداني والطريق تعبني وطاقتي خلصت و الوقت بيسابقني ، مفيش ناجح بيعلق تقصيره علي شماعة الظروف ، الناجح بيقوم يواجه ظروفه ويتحداها ويعاندها لحد ما يكسب ولما بيخسر مبيعلقش فشله غير علي نفسه عشان يصلح الغلط ويكمل

[اميرة البيلي @AmiraAlbialy]

انت لا ضحية مجتمع ولا ضحية أهل ولا ضحية أصحاب ، انت ضحية نفسك عشان انت عايز تعيش دور الضحية ومفيش ضحية بيتقدم خطوة ، عشان هو شايف نفسه ضعيف والناس كلها جاية عليه فـ بيُشبع عنده إحساس ان اي تقصير في حياته مش منه هو لأ بسبب الناس ، وبيفضل يعلق كل اخطاءة علي شماعة اصل انا مليش ذنب.

[اميرة البيلي @AmiraAlbialy]

إذا رضيت بما قسمته لك أرحت قلبك وبدنك

[اميرة البيلي @AmiraAlbialy]

مش كل الناس تستحق فرصة جديدة ، لإن اللي مبيحترمش الفرصة هو في الإساس شخص مش مهتم لوجودك في حياته بس غروره مخليه يكابر وان مينفعش حد يسيبه ف بيرجعك حياته بكل الطرق ارضاءاً لغروره وتعود ريمة لعادتها القديمة من تاني .

[اميرة البيلي @AmiraAlbialy]

اظن اننا بقينا انضج بكتير من اننا نحط أعذار ومبررات وبقينا واعيين كفاية لمين يستحق نسامحه ومين ميستحقش حتي نرمي السلام عليه .

[اميرة البيلي @AmiraAlbialy]

عصافيرُ القدسِ لنْ تغرّد بالعبرية مهما مضى على الإحتلالِ زمانْ 🇵🇸

[اميرة البيلي @AmiraAlbialy]

القدس قضيتنا
القدس لـ فلسطين
فلسطين حرة

اللهم أنصر الإسلام وأعز المسلمين

[اميرة البيلي @AmiraAlbialy]

لا تطلب ما تُحب ممن تحب فإن أحب سيفعل ، وعشان كدة فعلاً الاهتمام مش بيتطلب ولما بيتطلب ويتنفذلك بعد طلبك بيبقي بايخ وملوش طعم .