جـود

لا أحد يشبهني، فأنا نسخة لا تتكرر، وقلبي له حكاية لا يفهمها إلا من يستحقها. ✨❤️

[فايز العرابي الحارثي @Fayez_Alorabi]

#اليوم_العالمي_للعزاب
في عيونك جمال و في عيونك غزل
قال : خليني أشبع من عيونك و اروح

[اسأل عن المال @AskAlMal]

من الخاص💰

طلع لي قرض شخصي ٢٢٠ ألف بفائدة قليلة وماني محتاجه أصلاً، بس واحد من زملائي يقول خذه وحطه بوديعة بنكية وخله يجيب لك عائد بدل ما تضيع الفرصة.

راتبي ١٦ ألف وما علي أي قروض والحين محتار هل كلامه منطقي ولا غلطة أدخل نفسي بدين وأنا مرتاح؟

فيه أحد جرب يقترض عشان يستثمر وطلع كسبان فعلاً؟

[اسأل عن المال @AskAlMal]

من الخاص💰

زوجتي تفكر تترك وظيفته براتب 9500 ألف للتفرغ لعيالنا
وانا راتبي 11700 ألف عندنا ٣ أطفال
وقسط بيت ٤٨٠٠ شهري إضافة إلى المدارس والفواتير والمصاريف اليومية
هي تعبت من الدوام والبيت والعيال وتحتاج ترتاح وأنا مقدّر تعبها لكن أخاف ما يكفي راتبي وحده لتغطية التزاماتنا
أنا مو ضد قرارها لكننا متعودون على دخلنا الاثنين وأحتاج أعرف كيف نقدر نرتب أمورنا المالية
قبل ما تتخذ قرارها هل مرّ أحد بنفس الوضع؟ وكيف تصرفتوا؟

[اسأل عن المال @AskAlMal]

من الخاص💰

السلام عليكم
انا عندي متجر ورد تيك توك

وربحي الصافي بالباقه الوحده يتراح بين ال٧٥ الى ١٥٠ حسب الباقه

طبعا هذا الربح بس ماشاء الله

افكر الان افتح محل ورد احس ان دخلي بيكون اعلى
بس اهلي والي حولي يقولون اذا فتحتي ما راح ينجح بتتعبين مع العمال وقوى وسجل وايجار
باختصار يقولون الحين اون لاين وماشي شغلك لا غرامات ولا عمال ولا شي
مع العلم اني اتعامل مع عامل باليوميه اذا صار عندي ضغط يساعدني

وش رايكم تنصحوني افتح محل او لا

[اسأل عن المال @AskAlMal]

من الخاص 💰

أنا موظف وراتبي 9550 ريال وعمري 27 سنه

ومعي 80 ألف وأفكر أشتري سيارة ب 75 ألف كاش

سيارتي موديل 2010 وكثرت كل شهر او اقل ادخلها الورشه تعبت من الأعطال و أبوي يقول خلك عليها واجمع عشان تتزوج والحين أنا محتار والله

وش رايكم أشتري السيارة وأرتاح من أعطال القديمة ولا أصبر عليها وأجمع فلوسي وتزوج؟

[اسأل عن المال @AskAlMal]

من الخاص 💰

يا ليت أحد يفهمني كيف أسدد البطاقة الائتمانية وأفتك منها راتبي 12 ألف وعندي بطاقة كان حدها 10 الاف والبنك رفعها لي إلى 40 ألف ومع الوقت صرت أستخدمها لين وصل اللي علي ٣٦ ألف

الحين كل شهر أسدد الحد الأدنى وأرجع أشوف المبلغ ما نقص إلا شي بسيط

أفكر آخذ قرض شخصي وأسددها
وأقفل البطاقة نهائي بس متردد أخاف أتورط أكثر

اللي قد صار له نفس وضعي وش سويتوا؟
تكفون أبي حل من واقع تجربة

[اسأل عن المال @AskAlMal]

من الخاص💰

يا ليت أحد يدلني على حل قبل أخسر كل اللي حطيته بمشروعي

أنا صاحب كوفي كلفني حول ٩٥٠ ألف ريال بمجمع يعتبر من أفضل المجمعات بالبداية كان الشغل ممتاز لكن بعدها نزلت المبيعات بشكل يخوف مع إن المحلات اللي جنبي شغالة وزباينها ما شاء الله كثير
وصلت لمرحلة ما عاد عندي سيولة أسوق للمحل ولا حتى أسدد الإيجار وتراكم علي ١٥٤ ألف وصار علي إيقاف خدمات
عرضت الكوفي للبيع وما جاب حتى نص اللي دفعته فيه وحاولت آخذ تمويل من أكثر من جهة وكلهم رفضوا

والله إني محتار لا أنا قادر أكمل ولا قادر أبيع وأطلع بأقل الخساير

اللي سبق ومر بهالوضع أو عنده خبرة بالمشاريع وش تنصحوني أسوي؟

[اسأل عن المال @AskAlMal]

من الخاص 💰

زوجي موظف في أرامكو وله ٣٣ سنة خدمة وقاعد يفكر يتقاعد ويقول خلاص كفاية شغل

بس أنا ودي أعرف كم ممكن يستلم حقوق بعد هالخدمة كلها؟ وهل فيه مكافآت غير نهاية الخدمة؟

اللي تقاعدوا من أرامكو أو يعرفون أحد تقاعد منها يفيدونا كم استلم تقريباً وهل تنصحونه يتقاعد ولا يكمل كم سنة زيادة؟

[اسأل عن المال @AskAlMal]

من الخاص 💰

البنك وافق يمولني ببيت بس يوم شفت القسط ترددت أوقع
راتبي ١٦٤٠٠ ولقيت بيت مناسب لي ولعيالي والقسط بيطلع علي ٨٢٠٠ بالشهر لمدة ٢٥ سنة

أنا الحين أدفع إيجار ٣٦ ألف بالسنة ومرتاح نوعاً ما بس كل ما جددت العقد أقول حرام هالفلوس تروح وأنا ما أملك شي
زوجتي تقول خلنا نشتري ونفتك من الإيجارات وأنا أقول لها طيب لو صار عندنا ظرف أو احتجنا مبلغ فجأة وش بنسوي ونص الراتب رايح للبنك؟ خصوصاً إن عندنا ٣ عيال ومصاريفهم مو قليلة

اللي اشتروا بيوت عن طريق البنك هل ارتحتوا من الإيجار فعلاً ولا صارت حياتكم كلها أقساط؟

[اسأل عن المال @AskAlMal]

من الخاص💰

اليوم وصلتني حوالة على حسابي من وزارة المالية

وأنا ما أدري وش سببها
ولا كنت منتظر أي مبلغ منهم

أحد قد نزلت له حوالة مثل كذا؟
وكيف أقدر أعرف وش هي مقابل إيش؟

أفيدوني الله يسعدكم

[اسأل عن المال @AskAlMal]

من الخاص💰

أنا ممرضة راتبي ١١٢٠٠

ومع ذلك آخر الشهر ما يبقى معي شي

أعطي أمي ١٥٠٠ وأبوي ٧٠٠
وعندي قرض قسطه ٣٦٠٠
وأدفع ١٣٠٠ لدراسة اخواني
و١٢٠٠ جمعية باقي عليها ١١ شهر

غير البنزين ومصاريفي الشخصية
وكل شهر أقول بحاول أوفر لي ألف على الأقل
بس ما أقدر

ودي أجمع لي مبلغ وأدخل بالاستثمار
بس مدري من وين أبدأ وكل راتبي موزع قبل ينزل

فيه أحد كان عليه التزامات مثلي وقدر يجمع من راتبه؟ وش تشورون علي

[اسأل محامي⚖️ @Askmuhami]

من الخاص📩

السلام عليكم
انا حاذفة حسابي في تويتر وتغريداتي قبل الزواج بسنة .. الا ان زوجي راح يبحث قبل كم يوم وطلّع ردود الناس ع تغريداتي المحذوفة عن طريق ايميلي حطه في البحث وصارت بيننا مشكله وصار يهددني في بنتي مع العلم اني احبه مرا تكفووون كيف اقدر احذف ردود الناس عشان مايهددني فيها مع اني مو مسويه غلط بس هو غيور جدا تكفون ساعدوني والله اني تعبانه .

[اسأل محامي⚖️ @Askmuhami]

من الخاص📩

السلام عليكم
عروس لي شهرين زوجي عنده انزلاق غضروفي وعرق نسا ويبدو درجة كبيره من الألم ما يقدر يكمل العلاقة الزوجية ، هل هذا يعتبر عيب اقدر افسخ النكاح فيه لانه ما ذكر الشي ذا قبل ابدا من يوم تزوجنا للان ما جاني الا ٣ مرات بسبب المشكله ذي

[اسأل محامي⚖️ @Askmuhami]

من الخاص📩

السلام عليكم
متملكة من شهر وشوي وباقي ع الزواج ١٠ ايام زوجي ارسل لي بالغلط مقطع له وانا حفظته ع طول هو حذفه مباشرة توقع اني ما شفته وانصدم اني حافظته > قلت له بهدوء طلق واعطيك المتبقي من المهر لأني قضيت منه
يبكي ويحلف انه ماضي وكلام كثير وانا مصره ع موقفي والحين ارسل لي اني ابتزه وراح يشتكيني هل فعلاً يعتبر ابتزاز خصوصا اني ما قلت حتى لأهلي ومو عارفين سبب طلبي للطلاق ؟؟! ودي استر عليه بس مصر يفضح نفسه وانا مستحيل اكمل معه .

[اسأل محامي⚖️ @Askmuhami]

من الخاص📩

السلام عليكم
تزوجت زوجة ثانية وزوجتي الاولى رفعت طلب خلع ولدي طفلين اعمارهم ٩/٧ سنوات
هل يحق لي اشترط ان يكون الاطفال عندي طالما انها هي رفعت طلب خلع علماً بان زوجتي موظفة

[اسأل محامي⚖️ @Askmuhami]

من الخاص📩

السلام عليكم
انا زوجتي فتحت جوالي قبل سنتين فضول منها لكنها اذتني علما ماكنت مقصر بشي معها من نفقه وحب وحنان لكن وسوس لها الشيطان وفعلت ذلك علما انها انسانه تدور المشاكل ونكديه لابعد حد دايم في مشاكل وانا انسان مسالم معها ومعطيها حقوقها الدينيه والترفيهيه ، وحاليا لها سنه ماشفتها واهلها مو راضين يحلون الموضوع وشايفين الغلط مني والله ماقصرت معهم بشيء ولا معها كل شي يجيها عندي منها اطفال وحاليا تطلب الطلاق بحكم انها توظفت ، يشهد الله اني احبها..
هي تقول بتسوي فسخ نكاح ولاسوت
وش الاجراء القانوني في ذلك باعتني وتقول انها ماتبيني وفشلتني قدام ربعي وربعها وهي ناشز لها سنتين ، انا م ودي اشتكيها على تفتيش الجوال لكن هل اذا سوت فسخ نكاح يرجع لي مهري ؟
الشيء الثاني حاولت كثير في رجعتها لين صار الامر مستحيل هل البنت اذا شافت زوجها يحبها تنفر منه ولا ؟
الشيء الثالث تشوفون تصرفها طبيعي بعد وظيفتها تتغير وتصير انسانه ثانيه ؟
هل لو اشتكيتها تتعاقب قانونيا ؟؟

[اسأل محامي⚖️ @Askmuhami]

من الخاص📩

السلام عليكم
أنا إمراءه متضرره نفسيا من السب والشتم واللعن والقذف والاحتقار بعد عشرة 33 سنه زواج هل هذه الأسباب كافيه لفسخ عقد النكاح •

[اسأل محامي⚖️ @Askmuhami]

من الخاص📩

السلام عليكم
جارنا رجل محترم قابلني شخصيا وذكر لي مشكلته ويبي حل لمشكلته
احد اقاربه خطب ابنته وعقد القران عليها ومضى ٣ سنوات ولم يتزوج ، يوم كلمه وساله عن سبب التاخر قال انه لسى يجمع المهر ، بعد فترة اكتشفوه
انه متزوج مسيار من بنت بدولة عربية وبمهر ٤٠٠٠ ريال سعودي !!
لا ومخلف منها اطفال
يوم واجهوه بالحقيقة رد عليهم وقالهم بنتكم مهرها غالي والمسيار زواج شرعي ومسموح
وعادي اذ تبون اطلق بنتكم مافيه مشكلة
رده غبني ، وش الحل معه
يعني معلق بنتي ٣ سنين !!

[اسأل محامي⚖️ @Askmuhami]

من الخاص📩

السلام عليكم
أنا ملكتي قريبة وابغى المهر يتحول علي مو على الوالد لان سبق اخذ مهر اختي ويحاسبها على كل ريال ولا يحول لها حتى نص اغراضها يقول مو لازم
كيف الطريقة عشان اخليه يحول المهر على حسابي؟

[اسأل محامي⚖️ @Askmuhami]

من الخاص📩

السلام عليكم
اخوي مطلق وطليقته اخذت حضانة العيال وشهريا يخصم من راتبه نفقة العيال الان رفعت للمحكمه انها ماتبي البنت وتبي تعطيها ابوها البنت من عمرها ٣ سنوات وهي معها لحد الان عمرها تقريبا ١٤ اخوي مايقدر ياخذها لان وضعه مايسمح له يداوم ويستلم بدوامه بالايام تجيه رسايل المحكمه ولا يحضر الجلسات في ها الحاله وش يكون الحكم ؟؟ وهل اقدر انا اخذ البنت ؟؟