تغنّجي وازعلي خابرك عوبا زعول
تغنّجي لين أغازل ضحكّك وأخطبه
لك منّي أصيد ودك يالغزال الجفول
لو كان ف ارمينيا ولا في طرف قرطبه
لرضاك أرد البرا على الهوا والسيول
وأغيّر الحكم والدستور - لك أشطبه
كل الأشياء ممّكنة إلا أنتي أنتي مستحيلة
كل يوم أصحى و لا أسولف معك يوم اعتيادي
أنتي أول فكرة و من بعدك أفكاري دخيلة
كنك اللون الوحيد اللي محى عتمة سوادي
سامريني لين أشوف الشمس في لمع الجديلة
و قولي أسهرتك وأتعبتك معي - و أقول عاااااادي
بمناسبة صبح الأربعاء السعيد /
أحب الأربعاء وعيونها والشمس والأمطار
وأحب الحب وأخوضه بسيفي تحت رايتها
وأحب أغدق عليها شعر ما جادت به الأشعار
وأنا عاصي ولكنّي أحب أدخل بـ جنتها
وأحب اسهر على ترتيلها وأنفاسها وأسرار
وأحب اهجع وأحب أصحى على أنغام ضحكتها
ياسيدة قلبي وشيخة مقرّه
لك الرضى ينقاد بالطول والعرض
ماعاد باقي لي مع الناس جرّه
على مداهيلك غدت جرتي فرض
في كل مره لا نويت أتشرّه
كن العيون تقول فض الزعل وإرض
أنا مستعد أطيح / مليون مرّه
ولا تطيح دموع عينك على الأرض
على الرغم من غلاضَة معظم الذكريات
إلا إن في أيامٍ مضت لك ودك تتعنى للرجوع وللبدء من جديد: "طرت لي ليالي لو تذكرتها معذور/ لو الوقت يرجع كان أنا جيتها عاني "ومستقصد ومتلهفٍ جدا