عارف الحربي

أجد نفسي عائم في بحور الشعر بلا سترة نجاه

[عارف الحربي @Ar90f1]

ماهو صحيح ان كل مطرود ملحوق
يمكن تطارد شيء ما ينكتب لك

وأحذر تعلق فرحتك بيد مخلوق
ورب البشر يقول (دعواك جت لك)

أرفع يديك بحزة اليسر والضوق
وما ينفعك دون القناعات فتلك

#عارف_الحربي

[عارف الحربي @Ar90f1]

بالجوف عوي ذيابةٍ مع بهاذيل
طاوي الذيابه جوع وسلاح

كل ما اعدلها عن المايل تميل
يا هم وش يكفيك دوّر لغاري

دور هبيل بالاحاسيس وخبيل
ما همه الشرهه ولا هو بداري

من كثر دورات الزمن والغرابيل
آخذ عذر (ضحكي) واهل العباري

[عارف الحربي @Ar90f1]

يا اصحابنا اللي روحوا لا تعودون
نخسر خبيث الطبع ونكسب سنافي

وانا زهابي بالاصاحيب دندون
اليا فزع بشته من العز ضافي

ولا الردي مثبور ماله معي لون
جعله فدا اللي بكل الأحوال وافي

#عارف_الحربي

[عارف الحربي @Ar90f1]

سقاك الله يا عمرٍ قضيته قبل أشيل الهم
أنا مابي من الدنياء سوى لو عدت له ساعه

من اللي يشتري قلبٍ مغربله الزمان بظلم
جسورٍ مير انا مدري زمان الضيم كد لاعه

أبي قلبٍ فضيخ لا يحس بنوب أو يهتم
وإلا منه سمع حسٍ ينادي سكر أسماعه

[ديوانية الوهوب @ALwuhub]

مسابقة #ديوانية_الوهوب – اللغز الشعري
الأسبوع الثاني

نتمنى من الجميع التقيد بالشروط المطلوبة للفوز في المسابقة، وأن تكون الإجابة تحت التغريدة.

اخر يوم لاستلام المشاركات يوم الأربعاء الساعة 8 مساءً بإذن الله

[عارف الحربي @Ar90f1]

@ALwuhub الأصابع

[خالد بن طفلان @k_tflan]

من حظ شعراء النظم ان وصل العطياني اخذته المحاوره ، ووصل يكتب الشعر ب شخصيته واسلوبه الخاص هذا ما يجعله متفرد

اللي ماجرب جنون الشعر ما الومه
يتركني امع الجنون اسنع اوضاعي

احيان احط البحر نصفين واعومه
واحيان ادف النجوم البيض بذراعي

[عارف الحربي @Ar90f1]

كان قلبي كذيا 💔💔قبل لحظة تجين
ثم تجبر❤️‍🩹 تجبر❤️‍🩹 يوم جيتي كذا❤️‍🩹

الحقيقه وصالك غاية المنهكين💔💔
كيف وصلك يشافي كل هم واذى❤️

#عارف_الحربي

[عارف الحربي @Ar90f1]

الله عطاني سوط ادِّب به الخلْق
والله عطاني معْه نفس رحومه

اليا لمحت المعتدي ضايق وقلْق
جنبت ما ودي ازود همومه

وان كان متجّري سلقته لكم سلْق
والله ان يموت وعلته في هدومه

#عارف_الحربي

[سعود بن مبارك @Saud_almshly_]

هبت النود تجتث الملل والفتور
بيني وبين نسناس الهوا ذَبذَبة

لا تمثنتني النسمة بْـ لحظة مرور
توقض الشوق والاّ توقض الموهبة

قلبي اللي من الدنيا تشبَّع كسور
وارِف أحساس لكن تربته مجدبة

كن تحت الحنايا برق وسمٍ بكور
يلتعج في قْنوفٍ وبلها تسكبه

أو مضاهير بدوٍ فوق كبري عبور
للعشاير خْلاج وللفحل قبقبه

كيف أقاوم وحظي مثل عزم مْعثور
وده يطيب والعرق الردي ينتّبه

ياكلام العيون اجحد كلام الصدور
وانتبه لي ونبهني عساي انتبه

يّنهجس كل شي ألا عتاب الوقور
المشاريه من بعض البشر متعبه

ينقصون الرجال ويكثرون الذكور
والمهونه عقوبة و الكرامة هبه

اختلف مع قناعات ومبادي وأمور
لكن الحب يبقى مذهبي مذهبه

يا حقيقة قصيدي لايصيبك غرور
انحناءات خصرك فـ القصيد أكذبه

أدري أن عطرك الجذاب غير العطور
يختلط فيه ريح الكتب و المكتبه

لو كتبتك بلاغة ماكتبتك شعور
الشعور الحقيقي مستحيل اكتبه

انفخ الروح في عمق الجمل والسطور
وأخلق الأسئلة وابحث عن الأجوبة

ينكح العقل عقل وتنجب الروح نور
ويتجلى شبيه الفكر والمشتبه

الهزيمة شرف دام القصيدة غيور
طفلةٍ دونها الشاعر هزع منكبه

[ديوانية الوهوب @ALwuhub]

مسابقة #ديوانية_الوهوب – اللغز الشعري
الأسبوع الأول

نتمنى من الجميع التقيد بالشروط المطلوبة للفوز في المسابقة، وأن تكون الإجابة تحت التغريدة.

وسيكون السحب يوم الأربعاء الساعة 8 مساءً بإذن الله

[عارف الحربي @Ar90f1]

@ALwuhub بطاقة الصرافة البنكية

[سعود بن مبارك @Saud_almshly_]

بين حي الهفوف وبين حي الوزيه
أحْتَشى خاطري والليل يرخي عباته

أتوادع معَّ يومٍ طوته العشية
وأتوجد على حلمٍ تلاشت رفاته

الضمير النقي لا شم ريح الخطية
شبت النار في ذاته على شان ذاته

ليت لجروحنا المستعصية مرجعية
كل جرحً يطيب نْرجعه لـ مْهاته

تاق قلبي على ذيك الرسوم الخليّه
كنّ قلبي يْطمني على ذكرياته

لعنبوا لايمي في حب نجد العذية
موّلد الشاعر المجروح و أغلى بناته

من عشق من ديار العزوة الفيصلية
ما يْلد النظر للغرب ومخلفاته

هايف القد: لو خانت يْديها يديّه
حبها فالحنايا ما تزعزع ثباته

طيفها كل ما مر العيون الشقية
أخلف الموّمن اللي خاشعٍ في صلاته

بعد ماشفت فيها الشِعر و الشاعرية
صار عندي على بدع القصيد استماتة

خيّرة العاديات الصفر ساس وهوية
ما ربت عند مَن يرفع عليها عصاته

تشرب التَّيْه قدام الوجيه القوية
كحلة عيونها تكحل عْيون الشماتة

واحدٍ ما كسب من ودها لو تحية
لو ينوش السماء بيديه وش منجزاته

كنت في ضفها مثل الخوي مع خويه
يْحفظ قيمته ويعرف يقرأ سكاته

لين شفت الرموش العكف صارت ندية
مثل حدّ الرهيف اللي تقاّطر شباته

قلت: ما دايم إلا وجه رب البرية
الوصال انتهى عمره وحانت وفاته

الخطا مستحيل يكون منها عليّه
غير هذا خطا قلبي وهذي جزاته

جعل يسقى علي عاد الحياة الشليه
قبل عوج الرقاب تْعاود الإلتفاته

يا عواذل ترى مانيب احفظ الوصية
من يبيني على ظنه يوفر وصاته

قلتوا الحب قلت: الحب أمان وحميّة
قلتوا الكره قلت: الكره يوّقض سباته

أذكروا قيس وش صابه من العامرية
وافزعوا لي قبل والله لاسوّي سواته

[فهد قطنان @Fahad_Qatnan]

يا رفيقي لاعاد تقول لي كيف حالي
ليه تنشدني ليا صرت شايف نحوله

أنا ياخوك من عامين ماعاد ابالي
صاير أعيش لي في جو منتم بحوله

اتكلم بمافي صدري بصوت عالي
ولا علي من كلام الناس عرضه وطوله

البشر كلٍ بتجميع الاموال سالي
وانا اقول العطاء لله ونطلب قبوله

قد ركبت المواتر فالسنين الخوالي
وبعتها بيعه معشّي ضيوفه ذلوله

السيوله ماهيب مكونه راس مالي
راسي اللي يكون راس مال السيوله

ليتني ما عرفت الناس وارتاح بالي
عزله المبدع أصلا مجد محدٍ يطوله

لازم ابعد عن العالم واعيش بخيالي
لنّي اول بطل ماذاق طعم البطوله

كل ليله وانا فاقد لي حصان غالي
وكل ليله وانا فاقد لي انثى خجوله

ادري ان الليالي ماشيه والليالي
ماشيه بس والله ما مشت بالسهوله

واللي يعذربون اسمي ليا جا مجالي
قل نبيها على المكشوف صوله وجوله

ان لعبتوا نسائي فيه لعبٍ رجالي
يا رياجيل نبغا نعطي اللعب اصوله

من عرفني يعرف ان لي كرامه لحالي
باطني خير لو أنّ ظاهري ما يقوله

مستعد العب بروحي ونفسي ومالي
ومستعد العب بكل شي غير الرجوله

[ديوانية الوهوب @ALwuhub]

🔥 مسابقة #ديوانية_الوهوب – اللغز الشعري
يسرّ حساب ديوانية الوهوب الإعلان عن انطلاق المسابقة
برعاية رجل الأعمال المهندس
علي بن خضير الوهبي الحربي
📝 كل جمعة
💰 الجائزة: 5000 ريال
لمدة 10 أسابيع
السحب من بين الإجابات الصحيحة
المشاركة متاحة للجميع من داخل وخارج القبيلة

[لافي الغيداني @lafihmud]

اليا بغيت اجلب من الذود ناقه
وابيعها بالسوق واقضي لزومي

قام يتدابا بالعروق الدقاقه
شيً يعيفني طعامي ونومي

فراقها قاسي ومرً مذاقه
ماهو فراق مرودعات الوشومي

فرقا العزيز اللي نتيجة فراقه
تسهرك وتجمع عليك الهمومي

مالي على الفرقا عزيمه وطاقه
وش عاد لو تزرا عليّ الرخومي

ليا عذرني من قناها عشاقه
ماشره على اللي مايمومه يمومي

من ذاق من سكر غلاها ذواقه
معاد يسمع في غلاها العلومي

يالله بنوً ماغشونه رقاقه
بالارض جلده جلد قباً قحومي

اول دخول الوسم ينثر حقاقه
على مداهيل العشاير عمومي

يضفي على كل الوطن عقب فاقه
ياصل غثو سيله مثان الحزومي

نوً من الوسمي وسيعً نطاقه
تاصل تباشيره عقب كم يومي

راع الولع قامت تزود اشتياقه
اخبار نبت الارض عقب السمومي

لبست فياض الارض ثوب الاناقه
تشبع ضحى فيه السناد الردومي

قفرً زهوره كنها ورد باقه
سبحان خالقها الغفور الرحومي

خلق العظيم اللي على سبع آفاقه
ولا البشر مايخلقون معدومي

اجمل مالعيونك بشوفه علاقه
وريحه من اجمل ماتشم الخشومي

ينعش شذاه اللي بقسم الافاقه
وشلون عاد اللي بوسطه يحومي

وعقب شهر كلً نوى الانطلاقه
وشاشو وطاشو طيبين السلومي

كل ابلجً ذوده ندب له وساقه
عده من الفرحه ينوش النجومي

يبا مربً داهلاته نـيـاقه
تشيل فيه ام الحوار الشحومي

دايم محله من ضيوف ورفاقه
مغير ذا يجلس وهذا يقومي

وللبرق كل اخر نهار انشعاقه
والعشب بالساعه نباته يزومي

يروق فيه اللي يحب الرواقه
لو لا رصيد ولا معاشً حكومي

دام الرجل ياقف على عظم ساقه
هذي طراة اعمارنا يا امغنومي

لابد درب العمر يعلن غلاقه
ماغير وجه الله تعالى يدومي

[عارف الحربي @Ar90f1]

@azizaldwsry8 @News_Ejazah 🤣🤣🤣🤣🤣🤣

[عارف الحربي @Ar90f1]

صح لسانك يابن بتلاء

[سلطان بن بتلاء @sbinbtlaa]

إضحك عسى يفدونك العدوان
شعبك عظيم ، ودولتك دوله

شعب ٍ ماضرّاكم على الخذلان
ماقد ذخر روحه ومسلوله

واليوم يامحمد يابن سلمان
جميع عقده معك محلوله

لو يتحد في وجهك انس وجان
حنا نقول الحكي ونطوله ..

[عارف الحربي @Ar90f1]

انته انا وانا انا دون هــــالناس
والحب ماهو كلمه تمر بالفّم

[عارف الحربي @Ar90f1]

لا تقول احبك ورني كيف الاحساس
الحب رحله ممتعه ما تترجّم

ارضيك وارضا منك وازعل ولا باس
ما دمت احبك مستحيل اتندّم

الكره واضح والمحبه بلا قياس
اعتد بك عندي سلاحٍ ملقّم

اغليك وازعل منك ياطيب الراس
اخاصمك من دون ما ارخص الدّم

ولو دارمن بين المحبين وسواس
مابه محب يرضى على حبه الذّم

[عارف الحربي @Ar90f1]

اقراء عليك الورد مع جزء عما
وادعي عسى الله يحفظك في صلاتي

من يوم جيتيني وروحي تنما
وصلك يداوي مهجتي ياحياتي

عيدٍ بلا شوفك حشى ما يسما
وكل يوم يحظورك فرح ياغناتي

#عيد_الفطر_١٤٤٧هـ