اسأل عن التجارة الإلكترونية

أول حساب متخصص في التجارة الإلكترونية والمشاريع والافكار | اسأل في الخاص وستجد الجواب من المهتمين والمختصين 💸✨

[اسأل عن التجارة الإلكترونية @AskE_Co]

📍عندك فكرة مشروع ومو عارف كيف تبدأ ؟
.
.
📍عندك استفسار في المشاريع و التجارة؟💸
.
.
📍أرسل استفسارك على الخاص وسيتم النشر
على العام للمهتمين والمتخصصين .

👇🏻

https://t.co/FyeBTW4NxU

[اسأل عن التجارة الإلكترونية @AskE_Co]

من الخاص

السلام عليكم

عندي مشروع تقني متخصص في الدروب شيبنق والتسوق الإلكتروني، والمشروع كبير وأشوف فرص نجاحه عالية جدًا، وعندي كل الأوراق والدراسات والأرقام جاهزة بشكل كامل

المشكلة إني إلى الآن ما حصلت مستثمر مناسب أو جهة ممكن تشتري الفكرة

وش أفضل طريقة أو جهة ممكن أوصل لها عشان ألقى مستثمر جاد أو شخص يفهم قيمة المشروع ويوجهني بالطريق الصحيح

[اسأل عن التجارة الإلكترونية @AskE_Co]

من الخاص

السلام عليكم
عندي مبلغ 50 الف وش افضل مشروع اقدر ابدا فيه
ومافيه مشكلة لو ازيده

[اسأل عن التجارة الإلكترونية @AskE_Co]

من الخاص

السلام عليكم
عندي دخل 1800 ريال غير مكافاة الجامعة وكذلك راح اتخرج منها قريب والدخل هذا كم شهر وينقطع او بطلع منه ب الاصح ، ابغى شي او مشروع معين يدخلي مبلغ حلو يستمر حتى بعد التخرج فكرة في براند ملابس بلوفرات الخ بس ماعندي اي فكرة او اي خبره سابقه وش تنصحوني وهل اذا فتحت مشروع ادخل معي ناس شراكه افضل لي او ايش تنصحوني؟

[اسأل عن التجارة الإلكترونية @AskE_Co]

من الخاص

السلام عليكم
عندي منتجات رقمية تبع مجالي بس مو عارفة المنصة الانسب لها، سلة لازم اخذ باقة برو و انا توني ابدأ ابيع

[اسأل عن التجارة الإلكترونية @AskE_Co]

من الخاص

أفكر أبدأ مشروع بميزانية تقريباً 5–7 آلاف ريال
أبي منتج يمشي بالسوق السعودي ويستهدف أغلب الناس
وش أكثر منتج تشوفونه مطلوب حالياً

[اسأل عن التجارة الإلكترونية @AskE_Co]

من الخاص

السلام عليكم ، عندي مبلغ ١٥٠ ألف واحتاج مشروع يجيب دخل شهري ٣٠٠٠ ريال وماعندي مشكلة اذا فيه احد يقدر عنده فكرة او مشروع جاهز ويجيب اكثر ويآخذ ارباحه.

[اسأل عن التجارة الإلكترونية @AskE_Co]

من الخاص

السلام عليكم ورحمة الله وبركاته

انا عندي متجر الكتروني ابيع فيه منتجات رقمية بس ابغى ابيع التسويق مره صعب والحملات الاعلانية تصميمها مكلفة غير الميزانية

ابغى طريقة لبيع المنتجات كيف؟؟؟؟

[اسأل عن التجارة الإلكترونية @AskE_Co]

من الخاص

السلام عليكم، معي 65,000 ريال من نهاية الخدمة… ومحتار صراحة هل أبدأ فيها مشروع أو أحافظ عليها عشان أمشي أموري.

أنا أب لثلاثة أطفال، كنت موظف في شركة خاصة لمدة 7 سنوات، وفجأة تم الاستغناء عني. لي 3 شهور الحين بدون دخل ثابت، والتزاماتي الشهرية تقريباً 6,500 ريال، والإيجار متأخر علي. أحاول أتماسك قدام أهلي، بس الضغط بدا يأثر علي بشكل كبير.

الفترة الأخيرة فكرت أدخل التجارة الإلكترونية، تحديداً متجر لمستلزمات القهوة المختصة بنظام الدروبشيبينغ، بحكم إن الطلب عليها واضح وما تحتاج مخزون بالبداية. هدفي إني أوصل لدخل ثابت حوالي 5,000 ريال بالشهر عشان أقدر أوقف النزيف شوي.

بس الصدق متردد… أخاف أخسر المبلغ وأندم، خصوصاً إنه كل اللي عندي حالياً. وبنفس الوقت أحس إني لو جلست أنتظر وظيفة يمكن الموضوع يطول أكثر.

أنا مستعد أتعلم وأجرب، بس محتاج رأيكم:
لو كنتوا مكاني، تبدأون بهالخطوة؟ أو تمسكون المبلغ لين تتضح الأمور؟

الله يجزاكم خير🙏🏻

[اسأل عن التجارة الإلكترونية @AskE_Co]

من الخاص

ممكن تسألي عن احد داخل تداول منصة تاق ماركت بوت السونيك Sonic كيف الأرباح والتداول فيه ؟

[اسأل عن التجارة الإلكترونية @AskE_Co]

من الخاص

السلام عليكم
عندي تطبيقات واحتاج اربطها مع بوابات دفع وش افضل شركة ماليه لربطها مع التطبيقات ميسر او نيولب او كان فيه شركات غيرها مع مميزاتها؟
يعطيكم العافيه

[اسأل عن التجارة الإلكترونية @AskE_Co]

من الخاص

انا وحده شغوفه بالرياضيات افكر انو اقدم دروس اولاين رياضيات لطالبات اول متوسط وبنفس الوقت احس مابيجوني زبائن لانهم ببدايه فتره المراهقة وماراح يهتمون رأيكم ، اقتراحاتكم ، او اي شيء … برضو لو فتحت مشروعي راح تكون فيه 3 اجزاء
1- تقديم الدروس للطالبه اولاين .
2- مساعدة الطالبه بالمذاكر قبل فترة اختبارات الفتره او النهائية.
3- الملخصات او المراجعات الخ… راح نحلها انا والطالبة سواااا اعلمها من وين جاء الحل يهمني تفهم الطالبه

[اسأل عن التجارة الإلكترونية @AskE_Co]

من الخاص

أنا ناوي أبدأ متجر دروبشيبينغ بمنتج جديد في السوق السعودي (عندي قناعة إنه له مستقبل)
وراح أبدأ بإعلانات تيك توك كبداية
لكن بصراحة قدراتي حاليًا محدودة وراح أشتغل لحالي
حاب أستفيد من خبرتكم:
1. هل الدروبشيبينغ فعلاً مناسب كبداية؟ ولا فيه تحديات ممكن تعطلني؟
2. إيش أكثر المشاكل اللي واجهتكم (شحن – إرجاع – موردين)؟
3. كم تحتاج الميزانية تقريبًا للإعلانات عشان أعرف إذا المنتج ناجح أو لا؟
4. متى أعرف إنه الوقت مناسب أتحول من دروبشيبينغ إلى استيراد؟
5. إيش أهم شيء أركز عليه بالبداية: المنتج؟ الإعلان؟ ولا المتجر؟
أي نصيحة أو تجربة حتى لو بسيطة راح تفيدني

[اسأل عن التجارة الإلكترونية @AskE_Co]

من الخاص

السلام عليكم، معي 65,000 ريال من نهاية الخدمة… ومحتار صراحة هل أبدأ فيها مشروع أو أحافظ عليها عشان أمشي أموري.

أنا أب لثلاثة أطفال، كنت موظف في شركة خاصة لمدة 7 سنوات، وفجأة تم الاستغناء عني. لي 3 شهور الحين بدون دخل ثابت، والتزاماتي الشهرية تقريباً 6,500 ريال، والإيجار متأخر علي. أحاول أتماسك قدام أهلي، بس الضغط بدا يأثر علي بشكل كبير.

الفترة الأخيرة فكرت أدخل التجارة الإلكترونية، تحديداً متجر لمستلزمات القهوة المختصة بنظام الدروبشيبينغ، بحكم إن الطلب عليها واضح وما تحتاج مخزون بالبداية. هدفي إني أوصل لدخل ثابت حوالي 5,000 ريال بالشهر عشان أقدر أوقف النزيف شوي.

بس الصدق متردد… أخاف أخسر المبلغ وأندم، خصوصاً إنه كل اللي عندي حالياً. وبنفس الوقت أحس إني لو جلست أنتظر وظيفة يمكن الموضوع يطول أكثر.

أنا مستعد أتعلم وأجرب، بس محتاج رأيكم:
لو كنتوا مكاني، تبدأون بهالخطوة؟ أو تمسكون المبلغ لين تتضح الأمور؟

الله يجزاكم خير🙏🏻

[اسأل عن التجارة الإلكترونية @AskE_Co]

من الخاص

احتاج اشتري متجر يكون شغال وفيه دخل جيد الي عنده متجر على زد او سله ياريت يقوم بالرد وانا اراسله

[اسأل عن التجارة الإلكترونية @AskE_Co]

من الخاص

السلام عليكم عندي متجر الكتروني ووثيقة عمل حر بس مع الاسف ماجاني طلبات بالمتجر وحابه اعرف اذا فيه جهه تمسك لي المتجر وتشغله لي

[اسأل عن التجارة الإلكترونية @AskE_Co]

من الخاص

السلام عليكم ورحمة الله وبركاته
انا احتاج شخص يسوي متجر في كل منصات البيع ويعرف النسب لديهم
زد
سلة
امازون
ترينديول
ويكون فاهم بتنزيل المنتجات والوصف
في المتاجر و يتابع معي اقل شي
3 اشهر
الموقع مكة
لدي معرض لبيع الجوالات والاكسسوارات والصيانه واحتاج ربط الاشياء مع الانشاء الجديد
يكون فاهم وله اعمال سابقه

[اسأل عن التجارة الإلكترونية @AskE_Co]

من الخاص

السلام عليكم انا ابي افتح متجر في سله ابيع فيه منتجات عنايه وعطور شبه الاصلي مدري اذا ممنوع اول لا بس كيف ابدأ احتاج احد يساعدني ويفهمني؟

[اسأل عن التجارة الإلكترونية @AskE_Co]

من الخاص

ابي موقع ذكاء إصطناعي يكتب لي محتوى بسيط وصف لمنتجات متجر قهوه ، او شخص مبدع فاهم في مجال القهوة وخبير في كتابة وصف المنتجات .. عندي منتجات كثير ومايسعفني الوقت اكتبها كلها بنفسي

[اسأل عن التجارة الإلكترونية @AskE_Co]

من الخاص

فتحت متجر نظارات الكتروني في موقع سلة النظارات جميله و جودتها جدًا عاليه والاسعار في متناول الجميع وارخص من المنافسين واسوي دايمًا عروض عليها وشحن مجاني لكن للاسف مافيه مبيعات ابدًا احتاج طريقه اقدر ارجع راس مالي على الاقل

[اسأل عن التجارة الإلكترونية @AskE_Co]

من الخاص

ع وشك افتح متجر في سله وابي اعرف كيف أسوقه وأنجحه ردو علي ضروري ؟