Olivia
Online
Atamohammad Khan
@AtamohammadKha3
Joined May 2016
668 Following
99 Followers
87 Posts
غازي امان الله خان (رحمه الله) داسې ازادي راوړه چې افغانستان ته یې له جرمني لومړنی ریلګاډی راوړ، ملایانو به ویل دې کې د چلولو لپاره شیطان ناست وي، خو ده د هالنډي او جرمني نامتو انجینرانو په مرسته د ټول افغانستان د ریل سروې پیل کړه.
ـ هغه په لومړي ځل خارج ته د درس لپاره د افغان ځوانانو لېږل پیل کړل، خو ملایانو او حضرتانو ویل، دی نوی نسل کافر کوي، حکومت مجبور شو چې هر استول کېدونکي ځوان نه لومړی ژمنه واخلي چې خارج کې به لمونځ کوي، روژه به نیسي او د قرانکریم تلاوت به کوي.
ـ امان افغان یوازنۍ جریده چاپ شوه چې د بیان د ازادۍ انقلاب یې برپا کړ او ګڼ جراید او خبرنامو په چاپ پیل وکړ.
ـ هغه چې د اروپا په سفر ووت، د کندهار خلکو ته یې وینا کې وویل، بهر ته زما د سفر مقصد تاسو ته ګټې رسول دي او غواړم هغه پرمختګونه راوړم چې موږ یې اوس نه لرو.
ـ داسې ازادي یې راوړه چې خلکو ته یې وویل، پاچا د امر او حکم کولو حق نه لري، بلکې موږ باید خلکو سره مشورې وکړو.
ـ هغه ویل، زما سلطنت یوازې د خان، ملا او مخورو سلطنت نه دی، بلکې د بیوزله، کروندګرو، کسبګرو د ښیګڼو لپاره هم دی.
ـ هغه د افغانستان په تاریخ کې لومړنی واکمن و چې خپلو خلکو ته یې ځان تر هر چا ورنږدې کړ او د هغوی منځ کې کیناست.
ـ هغه د پغمان په دریمه لویه جرګه کې د ښځو د کار، تعلیم او رایې حق تثبیت کړ.
ـ هغه لومړنی واکمن و چې افغانستان کې یې د غلام، وینځې او مریي ساتل رسما لغو کړل.
ـ داسې ازادي یې راوړه چې دولت په لومړي وار د بودیجې د تصویب تهداب کیښود عاید یئ په یو کال ۱۸۰ میلیونه کابلۍ روپۍ شو او بیا د افغانستان د پیسو نوم افغانۍ کېښودل شو.
ـ هغه لومړنی واکمن و چې ګردې نړۍ ته یې خپل تجارتي استازي واستول او هلته یې د افغاني تولیداتو لپاره بازارونه لټول پیل کړل.
ـ هغه په افغانستان کې د چاپخونو، غوړیو، درمل جوړونې، ټوکر اوبدنې او نس��جۍ، د وسپنې د ذوب، کاغذ سازۍ، ښیښه جوړونې، صابون، د میوو د کنسروا، قندو، بورې، چرم جوړونې، سپینو باروتو، عطرو، د موټرو د ترمیم او پرزو جوړونې، لبنیات، سیمنټو، ګوګردو او یخ د فابریکو بنسټونه کیښودل.
ـ هغه د اروپا له سفره په ستنېدو وویل، زه عیش و عشرت لپاره نه وم تللی، د پرمختګونو راوړلو پسې تللی وم، خو د کابل حضرتانو او د کندهار ملایانو د هغه پر ضد پوره کار کړی او د کفر فتوا یې پرې ورکړې وه.
ـ حتی د هغه د میرمنې په عکسونو کې د بربنډو میرمنو بدنونه د وخت په ابتدایي فوټوشاپ د ملکه ثریا له سر سره پیوند شوي او هغه فاحشه معرفي شوې وه.
ـ هغه د کابل ـ کندهار او هرات لویې لارې جوړې کړې.
ـ هغه په افغانستان کې د جوماتونو، ودانیو جوړولو او ښځینه او نارینه روغتونو جوړولو ته کار ووایه او دې کار کې تر ډېره بریالی هم شو.
ـ هغه تعلیم جبري کړ، حتی اهل هنودو ته یې ښوونځي ورکړل او کابل کې یې لومړنۍ عامه کتابخانه پرانیسته.
ـ هغه له جرمني او روسیې نه الوتکې واخیستې او د افغانستان داخلي پروازونه یې پیل کړل.
ـ هغه د هیواد اساسي قانون یا نظام نامه جوړه کړه خو نور قوانین یې هم تدوین او جاري کړل لکه:
۱ـ د حاکمانو او مامورینو �� دندو د وېش قانون
۲ـ پوځي خدمتونو او تعلیماتو قانون
۳ـ د سرشمېرنې او تذکري اخیستنې قانون
۴ـ مطبوعاتو قانون
۵ـ د دولتي ودانیو جوړولو قانون
۶ـ د دولتي املاکو د پلورلو قانون
۷ـ د تحصیل او ارزونې قانون
۸ـ د سوداګرۍ چارو شرعي محاکمو قانون
۹ـ مقیاساتو قانون
۱۰ـ د صنایعو او تشویق قانون
۱۱ـ د زندانونو د څار قانون
۱۲ـ للمې قانون
۱۳ـ یتیم پالنې او روزنې قانون
۱۴ـ د کرنې د مامورینو د ښوونې قانون
۱۵ـ تعزیه دارۍ قانون
۱۶ـ د دولتي القابو او نښو نښانو قانون
۱۷ـ کورنیو ښوونځیو د خدمتونو قانون
۱۸ـ د شرعي نکاح او ختنې(سُنتې) قانون
ـ هغه لومړی ځل افغانستان کې د پوسته خانې خدمات پیل کړل او ولایتونه یې د لومړنیو مخابراتي خدمتونو (ټلګراف) سره ونښلول.
ـ هغه د هوایي چلن اداره او هوايي ځواکونه لومړي ځل لپاره جوړ کړل.
ـ د اوبو او برښنا بندونو جوړولو بنیاد یې کیښود چې غازي او سراج بندونه یې واړه مثالونه دي.
حتی افغانستان چې نن هر څه نوي ویني، بنسټ غازي ایښی او هغه پرمختګ لومړی ځل افغانستان ته غازي امان الله خان راوړی دی.
دا بیرغ به هېڅکله لوېدو ته ورنکړو، که په خوست کې نشو پورته، په وزیرستان کې به پورته کیږي، که کابل کې نشي پورته نو پېښور کې به پورته کیږي.
د پښتون ژغورنې غورځنګ شازلمي او ملي بیرغ
#AfghanFlag106Years
یو ملګري لیکلي:
استاد صالحي په کابل پوه��تون کې زموږ استاد و، هغه له مالیزیا څخه ماسټري لري، غالبآ په وروستیو کلونو کې د دوکتورا بورس هم ترلاسه کړی و، علمي رتبه یې فکر کوم پوهندوي یا پوهنمل وه، زموږ د استادي ترڅنګ خاص ملګری هم و، ډیر کله به له درس وروسته یا په خالي ساعت کې دفتر ته ورتللو، ��ای به مو سره څښل، کیسې، ټوکې ټکالې او یوه خوله خندا به مو کوله، نهایت نرم او خوږ انسان و/دی، یو زده کړیز/تدریسي کتاب یې هم چاپ شوی و (ممکن نور هم ولري، ولې زه مالومات نلرم)، ګڼې علمي مقالې یې په معتبرو نړیوالو ژورنالونو کې خپرې شوې دي، مګر نن د سرک په سر هندواڼې خرڅوي، زه نه پوهیږم هغه ولې او څنګه دې کار ته اړ شوی؟ خو که هر څه وي، دردونکې ده، د وطن علمي کادرونو ته په ټیټه کتل ستره او تاریخي جفا ده، که یې هرڅوک کوي تاریخ به یې ونه بښي.
خوشحاله یم چې نن سهار مې د ګران هیواد پلازمینې ��ابل ته د یوې ورځې سفر وکړ. د خپل پلرني وطن د لیدو تر څنګ، د دې سفر موخه د عزیزی بنسټ له خوا د خیریه مرستو او همداراز د عزیزی ګروپ له خوا د انرژۍ د تولید سکتور ته د پانګوني اعلان وه.
د خیریه مرستو په برخه کې، عزیزی بنسټ په کابل کې یو لوی طبي ښارګوټی جوړوي، چې لاندې برخې به ولري:
•د سرطان د درملنی یو ۴۰۰ بستریز مجهز روغتون
•یو ۲۰۰ بستریز مجهز زیږنتون
•یوه یتیم خانه چې د ۱۰،۰۰۰ ماشومانو د ساتنې ظرفیت ولري، چې استوګنځي، ښوونځی او روغتیايي مرکز پکې شامل دي
•طبي پوهنتون
•د نرسنګ (قابله ګي) ښوونځی
•د محصلینو لپاره لیلیه
•د ډاکترانو او استادانو لپاره د استوګنې کمپلیکس
د ۵۰۰ میلیونو ډالرو په مجموعی لګښت، دا طبي ښارګوټی به د کابل په اتمې ناحیې کی په ۳۵۰ جریبه ځمکه کی جوړ شي او زما د مرحومی لور په ویاړ به د "فرشته عزیزی طبي ښارګوټی" په نوم ونومول شی. د یاودنی وړ ده چی د فرشته عزیزی طبي ښارګوټی به یو غیر انتفاعي بنسټ وي او یوازینی هدف به یې وطنوالو ته وړیا پرمختللې طبي، تعلیمي، او تدریسي خدمات وړاندې کول وي، په ځانګړي ډول هغو کسانو ته چې بې وزله دي.
همداراز، د افغانستان د خلکو سره د پخواني ژمنې پر اساس، نن زه افتخار لرم چې د عزیزی ګروپ له لوري د ۱۰ میلیاردو ډالرو په مجموعی ارزښت د پانګه اچونی یوه ۵ کلنه برنامه اعلان کړم، چې اساسي تمرکز به یې د انرژۍ د تولید سکتور وي.
د دې پلان لومړني پروژه به، چې د کابل ښار لپاره د ۲۰۰ میګاواټه لمریزې برېښنا د تولید پلان دی، سبا پیل شي او تمه ده چې په ۸ میاشتو کې بشپړ شي. زموږ ژمنه دا ده، چې د دې ۵ کلنې پانګیزې برنامې په پای کې به موږ وکولی شو په ټول افغانستان کې لسګونه د بریښنا د تولید مرکزونه چی مجموعی ظرفیت یی ۱۰،۰۰۰ میګاواټو ته رسیږی، جوړ کړو.
زه د افغانستان د اسلامي امارت د مقاماتو د میلمه پالنی او د ګرانو هیوادوالو د تود هرکلی څخه مننه کوم. هیله لرم چې زموږ دا هڅې – چې خیریه مرستې او اقتصادي پانګونې پکې شاملې دي – د هغو خلکو لپاره د امید یوه کوچنۍ کړکۍ شي، چا چې د کلونو په اوږدو کې له محرومیت او فقر سره ژوند کړی. همداراز له لوی الله څخه استدعا کوم چې موږ ته توفیق راکړي، ترڅو وکولی شو د افغانستان او زموږ د عزتمندو خلکو لپاره لا زیات خدمت وکړو.
د سیاسي چارو کارپوه فهیم کوهدامني وايي پاکستان د خپل راتلونکي ساتلو لپاره هڅه کوي چې افغانستان کې د قومونو ترمنځ قومي اختلافات پيدا کړي او ملت په څو ضعیفو برخو ووېشي.
ښاغلي کوهدامني پر خپله پاڼه لیکلي چې هر ډول قومي شعارونه بالآخره د پاکستان په ګټه تمامېږي.
نوموړی په داسې حال کې دا څرګندونې کوي چې په ټولنیزو شبکو کې د ځينو مستعارونو حسابونو او پاکستان پلوو څهرو له لوري قومي توپيرونو او تعصباتو ته لمن وهل کېږي.
د چارو ځينې نور پوهان وایي پاکستان له پخوا راهیسې په افغانانو کې د اختلافاتو او درزونو پیدا کولو لپاره د ټولنیزو شبکو یوه ډله ګومارلې ده.
ښاغلی کوهدامنی ټینګار کوي چې د افغانانو لپاره د یوه ګډ چتر رامنځته کولو په موخه باید قومي غوښتنې یوه څنګه ته شي او خبرداری ورکوي چې که داسې ونه شي، هیواد به لاسه ووځي.
له متقي صیب څخه جدي پوښتنه!
تېر ځل چې د طالبانو امارت د سقوط په درشل ولاړ و، له سقوطه څو ورځې مخکې بې بې سې له امیر خان متقي څخه د یوې مرکې پر مهال وپوښتل چې تاسې خو هوایې ځواک هم لرل او امریکایانو ټول هوایې ډګرونه بمبار کړل، هغه الوتکي مو څه کړي؟
متقي په ځواب کې ورته وویل چې الوتکي مو خوندي ځای ته انتقال کړي دي.
طبیعي خبره ده چې، د طالبانو لپاره خوندي ځای پاکستان و او دی، د جیټ الوتکو له انتقاله څو ورځې وروسته امارت هم نسکور شو، بیا تر نن ورځې پورې د هغو الوتکو هیڅ څرک ونه لګید.
اوس له متقي صیب څخه پوښتنه دا ده چې هغه الوتکي څه شوي؟
کوم هېواد ته مو انتقال کړي وي؟
بېرته مو له هغه هېواده واخیستي او کنه؟
له بې بې سې څخه غوښتنه کوو چې هغه مرکه یو ځل بیا خپره کړي او متقي صیب د ولس ځواب ته حاضر شي.
ملګرو!
دا پوښتنه در سره پوسټ او ریپوسټ کړئ چې د متقي صیب تر غوږه ورسېږي.
تبصره!
لېکوال: پخواني والي او طالب ضد سیاسي څېره
یوه سوالګر؛ تڼیوال او بل سوالګر؛ حقاني قرباني کړل!
استاد حکیم تنیوال د خوست د تڼیو ولسوالۍ څخه یو افغان ټولنپوه او د کابل پوهنتون د ټولنپوهنې د څانګې پخوانی استاد وو. نوموړی د طالبانو له لومړنۍ ماتې وروسته له استرالیا څخه افغانستان ته راغی. د خوست او پکتیا والي او د ښاغلي کرزي په کابینه کې د معدن او صنایع وزیر او ملي کادر وو.
نوموړی چې کله د پکتیا والي وو، له ولایت مقام څخه په موټر کې وتلو، چې یو سپین ږېری سوالګر عریضه په لاس کې نیولې وه. نوموړی د زړه سواندۍ په پار له موټر راښکته شو، ترڅو یې په عریضه لاسلیک وکړي. متاسفانه دا لوی کادر په ۲۰۰۶ کال کې د سپټمبر په میاشت کې د انتحاري برید په نتیجه کې شهید شو او د دې برید مسوولیت طالبانو په غاړه واخیست.
وروسته چې کله جنازه خوست کې خاورو ته سپارل کېده، بیا یې په جنازه کې هم انتحاري برید وشو. نن طالب چارواکې په ډېر افسوس وایې چې دومره بد سړی چې یو مسلمان حقاني وژنې او هغه هم د سوالګر په جامه کې. عجیب اللهې انتقام دی. نن په هماغه طریقه چې د شهید تڼیوال د وژلو لپاره یې سوالګر روزلی وو، په هماغه طریقه خلیل حقاني هم وژل کېږي.
دا کیسې موږ د دې لپاره لیکو چې ولس په دې پوه شي چې په افغانستان کې د انتحاریانو بنسټ او خښته القاعده او طالبانو کېښودله.
اما د انتحاریانو تاریخچې ته که ولاړ شو، نو په لاندې توګه دي:
د لومړي ځل لپاره د یهودي ډلې «زیلوټ» (Zealots) یادونه شوې، چې د میلاد په لومړۍ پېړۍ کې یې د رومي امپراتورۍ پر ضد سیاسي جګړه کوله او ځانمرګي بریدونه یې ترسره کول.
دوهم نوم د «حشاشین» (Assassins) ډلې دی، چې د یولسمې او دولسمې پېړۍ په جریان کې د اسماعیلیه مذهب پیروان وو او د وخت د سلطان پر ضد یې ځانمرګي بریدونه کول.
درېیم؛ په ۱۹۴۴ کال کې په جاپان کې د یوې نظامي الوتکې لخوا په فلپین برید د کامی کازه (Kamikaze) بریدونو د پیل یوه مهمه پېښه وه. دا بریدونه د دویمې نړیوالې جګړې په وروستیو کې د جاپاني پوځ لخوا ترسره کېدل او د نړۍ په تاریخ کې د ځانمرګو بریدونو یوه بېسارې او مشهوره بېلګه ده.
کامی کازه په جاپاني ژبه کې د «الهي باد» معنی لري، چې د جاپاني افسانې څخه اخیستل شوې ده. دا بریدونه د رضاکار پیلوټانو لخوا ترسره کېدل، چې خپل ځانونه یې د خپل هیواد لپاره قرباني کول ستر عزت ګاڼه.
هدف یې د جاپاني ځواکونو لخوا د دویمې نړیوالې جګړې په وروستیو کې د امریکا او د هغوی متحدینو د ځواکمنو بحري بېړیو په وړاندې د جګړې د انډول بدلول وو.
څلورم؛ نوم د سریلانکا د «تامیل ټایګرز» (Tamil Tigers) دی، چې د ۱۹۸۰ نه تر ۲۰۰۱ پورې یې ۷۵ ځانمرګي بریدونه ترسره کړي دي. دا ډله یوه مارکسیستي - لینینستي ډله وه چې د هندوانو څخه جوړه شوې وه او د دین سره یې مخالفت درلود.
پینځم؛ په افغانستان کې لومړنی ځانمرګی برید د ۱۳۸۰ کال په سنبله میاشت کې د احمدشاه مسعود پر ژوند ترسره شو، چې د القاعده څو عربو غړو لخوا ترسره شو. د طالبانو د حکومت له سقوط وروسته، چې د ۱۳۸۰ کال په پای کې رامنځته شو، په افغانستان کې د افغان او بهرنیو ځواکونو پر ضد د ځانمرګو بریدونو لړۍ پیل او شدت وموند.
د طالبانو له خوا د ۱۳۸۱ کال څخه تر ۱۳۹۹ کال پورې په افغانستان کې شاوخوا ۱,۱۹۶ ځانمرګي بریدونه ترسره شوي، او د حقاني شبکې ډېری ځانمرګي بریدګر روزلي دي. له ۲۰۲۱ کال راهیسي د استشهادي!! دا جهاد اوس داعش پرمخ وړي!!
د محمد صلی الله حدیث دی چې څوک بد سنت رواج کړي، د رواج کوونکي او چې څوک پرې عمل کوي، دواړو ته د دې بد عمل عذاب رسېږي.
د افغانستان په ټول تاریخ کې د افغان انګلیس او شورویانو د جګ��و په ګډون، دا بد دود او غیر انساني او غیر اسلامي عمل نه دی ترسره شوی. نه تنها چې طالبانو یې بنسټ ایښی دی، بلکې د حلال عمل ترڅنګ د استشهادي لقب او د شهیدانو سردار یې هم بولي.
په داسې حال کې چې د محمد صلی الله څخه تر ټولو صحابه وو پورې هیڅ صحابي د دښمن خلاف ځان وژنه نه ده کړې. نو آیا طالبان تر پیغمبر او صحابه وو ډېر په دین مین ول دي؟ که پرونی انتحار حلال بولې، بیا نني ته په کوم دلیل حرام وایې؟ اوس پوښتنه داده چې د زیلوټانو، حشاشیانو، کامي کازانو، ټامیل ټایګرانو، عربانو، طالبانو او که دداعیشیانو ایمان قوي دی!؟
د دې کار د مخنیوي یوازینی حل دادی چې د طالبانو په ګډون ټول علماوو، د پرون او نن ځانمرګو په حراموالې اعتراف وکړئ او دا ډول عملونه وغندئ، ترڅو دا پدیده د تل لپاره ختمه شي. له دې پرته د طالب د پټ امیر په ګډون ټول چارواکې به یو پر بل پسې وژنې.
@Mhalimfidai
آیا د جمهوریت د چارواکو، مشرانو او رهبرانو په شهادت یا وفات کوم طالب چارواکي غمرازۍ څرګنده کړې ده؟ برعکس، هغوی دغه شهیدان جهنمي، دوزخي او مردار بللي دي. موږ د هغوی په څېر خبرې نه کوو، نه یې په مرګ خوشحالي څرګندوو او نه یې خفګان کوو. ځکه خوشحالي نه ښیو چې مړ شو، نو پړ شو. الله تعالی عادل ذات دی، او موږ د هغه په عدالت باندې باور لرو.
خو خفګان مو له دې کبله نه دی چې موږ به د ه��و ۷۰۰۰۰ شهیدانو روحونو ته، او د هغوی کونډو، یتیمانو، معیوبینو او معلولینو ته څه ځواب وایو؟
البته د جمهوریت د ځینو چارواکو وجدان ته حیران یم. دوی په هره موضوع کې د “صبر وکړه او وګوره” سیاست خپل کړی دی، اما په دې اړه یې بیا د خپلو شهیدانو، سربازانو او عامو ښاریانو وینې سترګو ته نه درېږې.
په الله قسم، چې په دې ډول کړنو سره نه د طالب خپل کېږئ، ��و نه به په ولس کې مقبولیت ومومئ؛ برعکس، لا به منفور پاتې شئ. زموږ د جمهوریت ناکامي هم د همدې دوه ګوني سیاست له کبله وه.
په ټوله کې، د پرون ورځې د طالب انتحاري بریدونه ــ که د جمهوریت پر مهال وو یا اوس د دوی په خپلو منځونو کې ــ غیراسلامي او نا روا دي. انتحار او ځان وژنه هر وخت حرام دي. هغه کسان چې دغه کلتور پالي، ساتي او روزي، خپله به یې هم قرباني کېږي.
ددې ډول کارونو مخه په دې نېول کېږې چې نه په زور واک ونیسو او نه د ټوپک په زور واک وساتو! بلکې واک د ولس امانت وګڼو او ولس ته اختیار ورکړو، ترڅو هغوی زعامت وټاکئ.
د سوریه د نوي جهادي مشر ابو محمد الجولانی پدي بیان کې د افغان طالبانو لپاره یو درس او ستر نصحیت پروت دي .
((((د امر معروف ادارې د شتون طرفدار نه یم، عرف او رواج ته اعتبار ورکولای سي، خو شریعت ورته اساس مه ګرځوه ، واکمن چي په خلکو کوم شی منع کوي هغه به په اجماع سره حرام وي، که اختلافي وي نو پ�� تطبیق کي یې وسعت راځي، مثلا د ښځو مخ پټول اختلافي مسئله ده، واکمن کولی سي په خپل فامیل باندې هغه سخت حکم تطبیق کړي، خو دا حق نه لري چي ټول ولس مکلف کړي.
هغه زیاتوي، واکمن به په هغه عباداتو کي مداخله نه کوي چي د بنده او الله ترمنځ وي، موږ باید منافقه ټولنه رامنځته نه کړو، داسي چي خلک زموږ په مخ کي لمونځ کوي او په غیاب کي یې نه کوي، که موږ په دعوت کي سوټی راواخیست دا معنی لري چي موږ خلکو ته د حق په رسولو کي ناتوانه یو، زور او سوټی به د هغه چا په وړاندي را اخلو چي له زوره کار اخلي، داسې سختي به نه کوو چي وروسته پوه سو چې دا شریعت نه دی او بیا ورڅخه ګرځو، یا که پوه هم سو، راته سخته وي چي بیرته ورڅخه په شا سو. سعودي د ښځو موټرواني منع کړې وه. سمه ده د عرف او کلتور په اساس اجازه مه ورکوه، خو داسي مه وایه چي د ښځو موټرواني حرامه ده. یو وخت وپوهیدل دا کار حرام نه دی، بیرته یې خپله پخوانۍ فتوی رد کړه، ښه دې فتوی چي خلکو ته څومره تاوان ورساوه ګټه یې څه سوه.
.)))))👍👍👍👍👍👍
سبحان الله- اسراییلیان، طالبان او صهیونیسټان ټول د دمشق د سقوط په اړه یو نظر لري.
له څه وخت راهيسې يو په بل پسې شکمن اسناد خپرېږي، چې پکې د افغانستان پر پامير او واخان د يوې مبهمې معاملې په تړاو شکونه زياتوي.
دا په اسلام اباد کې «د اسلام اباد سيمه ييزو مطالعاتو انسټیټیوټ» کې لګېدلې رسمي نقشه ده، چې مخې ته يې نن د طالبانو سفير وينا کړې او يو ځل بيا يې پاکستان خپل دويم کور ياد کړی دی.
د طالب استازي سردار شکیب احمد تر شا په لګېدلې رسمي نقشه کې «واخان» د پاکستان برخه حساب شوی او د افغانستان له نقشې لرې شوی دی.
زاویه نيوز معلومات ترلاسه کړي، چې پاکستان مرکزي اسيا ته د سوداګريزې لارې لنډولو لپاره پخپله خاوره کې د يو سړک د پخولو چارې هم پيل کړې دي، چې امتداد يې د واخان پر لوري روان دی.
په واشنګټن کې پخواني ډيپلومات مجيد قرار بيا د دغې نقشې (ښې لوري ته) په شريکولو سره ويلي، هر څه ته د شک په نظر کتل په کار دي. د متحده عربي اماراتو د هو��یي چلند په جي پي ایس نقشه کې ولې د واخان څنډه د پاکستان برخه ښودل شوې ده؟
نوموړی زیاتوي: «د هوایي کرښو جي پي ایس خو باید فوق العاده دقیق وي، هېڅ الوتکه په ملي حریمونو نشي ور تللای. دا نقشه د اماراتو د هوایي ډګر رسمي کارېدونکې نقشه ده، چې واخان او پامير پکې د پاکستان برخه ګڼل شوي دي.»
اوس پوښتنه دا راپورته کيږي، چې په رسمي اسنادو کې د هېوادونو له لوري له افغانستان څخه د واخان قطعه کولو په مقابل کې د طالبانو غبرګون څه دی؟ دوی ولې چوپ دي؟
د نړيوالو اصولو او قوانينو له مخې هېوادونه څه حق لري، چې د افغانستان له رسمي نقشې يوه برخه جلا او په رسمي ډول په يو بل متنازع هېواد پورې وتړي!؟
پر واخان معامله شوې او که کيسه بل څه ده!؟ دا ګونګه کيسه بايد روښانه او واضح شي.
د افغانستان د دولتي او شخصي ارګانونو پر بېلا بېلو برخو د بندیزونو په لوړه کچه کې، زاویه نیوز معلومات ترلاسه کړي، چې تازه د طالبانو مشر ملا هبت الله اخندزاده تېره اوونۍ د خصوصي ټلویزیونونو مشران کندهار ته ور بللي دي.
د زاویه نیوز د معلوماتو پر اساس، ملا هبت الله او کندهار کې موجود شېخانو د ټلویزیونونو مشرانو ته ۲ میاشتې وخت ورکړی، چې اسلامي ارزښتونو ته د درناوي او د فحشا مخنیوي لپاره دې د خپلو ټلویزیونونو نشرات بند او دروازې دې یې وتړي.
معلومات څرګندوي، « له دغې لیدنې یوه ورځ وروسته د هېواد په ۷ ولایتونو کې ټلویزیونه تړ�� شوي او تازه همدا نن په ارزګان کې د « پیوستون » په نوم ټلویزیون هم د بندولو تصمیم نیولی دی. دغه شمېر تر دې دمه ولایتونو کې دی. راتلونکو ورځو کې د ټلویزیونونو بندولو لړۍ کابل کې هم پیل شي.»
یو شمېر خبریالانو زاویه نیوز ته وویل، چې د ملا هبت الله له لوري د ټلویزیونونو د بندولو تصمیم به زرګونه ځوانان بېکاره او کورنۍ به یې له شدیدو اقتصادي ننګونو سره مخ کړي.
بلخوا د طالبانو د امر بالمعروف وزارت ویلي، چې د ټلویزیونونو بندولو کې جدي دی او سر غړوونکو ته به سزا ورکول کېږي.
د مقبوضه افغانستان د پښتونخوا پر ولسونو او سپين ږيرو مشرانو د پاکستان د استعماري پوځ ظلمونه!
#PashtunNationalJirga11October
#PashtunNationalCourt11October
د الله تعالی په کور (کعبه) کې دګیلامن وزیر د مور ښیراوي .
خپل رب ته یی دګېلو ډک زړه تش کړی 😭😭😭
د خپلواکۍ لومړی جشن، کابل افغانستان، ١٩٢٠ع لومړی جشن چي دولت د خپلواکۍ د اختر په نوم نومولی وو، د شاه امان الله خان لخوا د پغمان درې په عمومي باغ کي چي د ملت کور په نوم مسما وو، ولمانځل سو چي اته شپې او ورځي دوام یې وکړ. د نورو ویډیو د پاره ټیک ټاک: https://t.co/0xsjkNRq86
الله اکبر !!!
امریکایانو او پاکستان د افغانستان له تېر جهاد سره څومره خواخوږي لرله!
په نورو هېوادونو کې چې مجاهدین بندیان و، هغوی یې له بندیخانو را وایستل او د افغانستان جهاد ته یې سوق کړل.
وا خلکو!!!
چې ستاسې له جهاد سره د کافر خواخوږي پیداشوه، هغه جهاد نه، نیابتي جګړه ده.
رښتیا وایي، په افغانستان کې هرڅه بند دي، باید بندستان یې وبولو.
#LetAfghanGirlsLearn
په داسې حال کې چې طالبان د افغانستان عمده برخه عوايد د مدرسو په جوړولو لګوي او هره ولسوالۍ کې د ۳۰۰ لويو مدرسو شمېر پوره کوي، خو ډاکترانو او ځايي خلکو خپلو ناروغانو ته د رسيدګي لپاره ان د هغه لومړنيو طبي توکو او درملو د پوره کولو لپاره د چاندې ټولولو کمپاين پيل کړی دی.
د مقر اوسېدونکي وايي، د ولسوالۍ روغتون يې هغه ساده پيچکاري هم نه لري او عاجل ناروغان له ګڼو مشکلاتو سره مخ دي او ډېر کله خو ولايت ته پر لاره تلف شي.
د همدې ولسوالۍ د يو اوسېدونکي محب الله عابد له لوري «د مقر روغتون» لپاره پر فېسبوک د چاندې ټولولو کمپاين پيل شوی دی.
نوموړي ليکلي، د طالبانو نظام له لوري د نه پاملرنې له وجې بايد پخپله لاس په کار شو او قراردادي مؤسسې هم د بودجې د کموالي له وجې درمل او ان هغه لومړني طبي توکي نه راکوي: «روغتون مو د لا��راتوار مواد نه لري، د نارينه او ښځينه عاجل اطاقونه مو لومړني طبي توکي نه لري. له ناروغانو د سمپل اخيستو ساده SYRINGE نلرو، پنځه افغانۍ يې قېمت دی، نه يې موږ او نه يې ناروغان وس لري.»
Last Seen Users on Sotwe
Türk Ünlü İfşa Sayfası 🇹🇷
Seen from Turkey
Incesto Familiar 
Seen from Brazil
Tân Nông
Seen from Vietnam
Yaqwet
Seen from Germany
PAYLAŞIM YERİDİR +18 💯
Seen from Turkey
Thotshaven
Seen from United Kingdom
Fuat durgut
Seen from Germany
Bourmaud
Seen from Indonesia
Buff Builder
Seen from United Kingdom
bob
Seen from Malaysia
Most Popular Users
Elon Musk
@elonmusk
241.5M followers
Barack Obama
@barackobama
119.1M followers
Cristiano Ronaldo
@cristiano
113.6M followers
Donald J. Trump
@realdonaldtrump
111.8M followers
Narendra Modi
@narendramodi
107.2M followers
Rihanna
@rihanna
98.5M followers
NASA
@nasa
92.4M followers
Justin Bieber
@justinbieber
91.7M followers
KATY PERRY
@katyperry
89.5M followers
Taylor Swift
@taylorswift13
83.4M followers
Lady Gaga
@ladygaga
74.9M followers
Virat Kohli
@imvkohli
72.6M followers
Kim Kardashian
@kimkardashian
70.7M followers
YouTube
@youtube
68.8M followers
Neymar Jr
@neymarjr
65.6M followers
Bill Gates
@billgates
64.9M followers
Selena Gomez
@selenagomez
62.6M followers
The Ellen Show
@theellenshow
62.3M followers
CNN
@cnn
61.8M followers
X
@x
60.8M followers