AzerbaijaniPoetry

This page features a collection of poems written by Azerbaijani poets

[AzerbaijaniPoetry @AzePoetry]

Admins: @Konstruktorchik ✨ @byeeeefelicia ✨ @mrs_boate ✨

[AzerbaijaniPoetry @AzePoetry]

@FafaSchmitt 🌸💕

[AzerbaijaniPoetry @AzePoetry]

Söhbətin şirindi, gülüşün təzə, 
saldın ürəyimi eşqə, həvəsə.
Sən ayaq basdığın o yola, izə, 
çəmənə, səhraya qurban olaram.

Çatsın hər muradın başa dünyada, 
bir arzun dəyməsin daşa dünyada.
Bu dünya gözəldi, yaşa dünyada, 
sən olan dünyaya qurban olaram.

🪶N. Həsənzadə

[AzerbaijaniPoetry @AzePoetry]

Unut məni səhərlər, gündüzlər unut — dedi,
Ulduzlu gecələrdə unut məni əbədi...
Axşamlar yada salma,
Xatirələrə dalma.
Yaxşı, yaxşı, unutdum, amma...
Düşürsən yadıma yağanda yağışlar,
Bağışla, gözəl yar, bağışla, bağışla...

🪶 Anar

[AzerbaijaniPoetry @AzePoetry]

Yenə bu şəhərdə üz-üzə gəldik
Neyləyək, ayrıca şəhərimiz yox.
Bəlkə də, biz xoşbəxt ola bilərdik,
Bəlkə də, xoşbəxtik, xəbərimiz yox.
Aradan nə qədər il keçib görən,
Tanıya bilmədim, məni bağışla.

🪶 Ramiz Rövşən

[AzerbaijaniPoetry @AzePoetry]

Yenə şəhər…
Yenə həmin insan seli…
Kölgələr əyilir camda.
Bəlkə də, biz
Ayrı-ayrı evdən çıxıb
Yan-yana itkin düşürük,
Hər gün eyni izdihamda.

🪶 Aqşin Yenisey

[AzerbaijaniPoetry @AzePoetry]

Səni bənzətmişəm ulduza, aya
Min şükür Allahın verdiyi paya
Mənasız demərəm bir də dünyaya
Sən oldun dünyamın bəzəyi, qızım.

🪶 Şahmar Namiq

[AzerbaijaniPoetry @AzePoetry]

Göydə bulud lal keçər,
Axar sular dayanar.
Oxuma, şeyda bülbül,
Ceyran qızım oyanar.
Laylay, beşiyim laylay,
Evim, eşiyim laylay.

Qayalarda sürünür,
Yenə səhər dumanı,
Şirin yuxu yat, qızım,
Olum gözün qurbanı.
Laylay, beşiyim laylay.
Evim, eşiyim laylay.

İslam Səfərli

[AzerbaijaniPoetry @AzePoetry]

Yalan eşitmədik böcəkdən, quşdan,
İnsandı insana yalan danışan...

🪶 Məmməd Araz

[AzerbaijaniPoetry @AzePoetry]

Bəzən hamarda da büdrəyir adam,
Oxuyun üzümə nə günahım var.
İttiham etsəniz güzəşt sanaram,
Güzəştə getsəniz ittiham olar.

🪶 Məmməd Araz

[AzerbaijaniPoetry @AzePoetry]

Bakıya duman gəlib,
Deyəsən, yaman gəlib,
Heç kəsə demə...
Bu dumana qapımdan,
Çıxan kimi azmışam
yenə şeir yazmışam,
heç kəsə demə...
Daş evlər arasında
Neyləyər duman mənə?
Gülüm, diriyəm yenə,
Heç kəsə demə...

🪶 Vaqif Səmədoğlu

[AzerbaijaniPoetry @AzePoetry]

Heç kimlə yola getmirəm,
Sənsizlikdir mənim davam…
Bəlkə qayıdıb gələsən,
Mən də səni təzdən tapam.

🪶 Nazir Rüstəm

[AzerbaijaniPoetry @AzePoetry]

Bəlkə qayıdıb gələsən…
Sənsiz mən də darıxıram,
Hər gün getdiyim küçəni
Səhv salıram, karıxıram.

🪶 Nazir Rüstəm

[AzerbaijaniPoetry @AzePoetry]

Gecə Ay da axmır daha,
Rəngi hər gün bir az solur…
…Göy üzü buludla dolur,
Di gəl sənsiz yağmır daha..

🪶 Nazir Rüstəm

[AzerbaijaniPoetry @AzePoetry]

Bəlkə, qayıdıb gələsən…
Bu şəhər sənsiz darıxır-
Gəzdiyin bu yol, bu iz,
Bu bağ, bu dəniz darıxır…

🪶 Nazir Rüstəm

[AzerbaijaniPoetry @AzePoetry]

Bu yerləri bu göyləri
Yağış yuyur, gün qurudur.
Bu dünyada çox şeyləri
Yağış yuyur, gün qurudur.

Gözümüzün yaşını da,
Bağrımızın başını da
Qəbrimizin daşını da
Yağış yuyur, gün qurudur.

–Ramiz Rövşən

[AzerbaijaniPoetry @AzePoetry]

Mövsimi-novruzü neysan aşikar oldu yenə,
Şəhrimiz şeyxi bu gün xoş badəxar oldu yenə.

Qönçədən gül baş çıxardı, saldı üzündən niqab,
Bülbülü-şeyda xətibi-lalazər oldu yenə.

🪶 İmadəddin Nəsimi

[AzerbaijaniPoetry @AzePoetry]

Gözümü yaşartdı xoş xətirələr,
həyat təknə imiş, ömür dənizdi,
gənclik illərimin keçdiyi yerlər,
mənə o vaxtkından indi əzizdi.

🪶Vahid Əziz

[AzerbaijaniPoetry @AzePoetry]

Hələ neçə küçəndə
güllər dəstələnməyib.
Hələ böyük nəğmənin
xalı bəstələnməyib.
Yüz il ömür sürəydim,
bir gün xəstələnməyib.

Yazaydım, yaradaydım
şah nəğməni mən, Bakı!
Oxuyaydı dostların
onu ürəkdən, Bakı!

🪶 Rəsul Rza

[AzerbaijaniPoetry @AzePoetry]

Keçmişindən danışsam
sarayın var, qalan var.
Hər millətdən, hər eldən
sənə mehr salan var.
Böyük günlər yolçusu
min-min doğma balan var.

Bu günümün qüdrəti
şanım, şöhrətim Bakı!
Elim, günüm, məskənim,
eşqim, həsrətim Bakı!

🪶 Rəsul Rza

[AzerbaijaniPoetry @AzePoetry]

Dünyada çoxdur şəhər.
Sən mənim şəhərimsən.
Xoş ətirli baharım,
şəfəqli səhərimsən.
İftixarım, öyüncüm,
qələbəm, zəfərimsən.

Məhəbbəti könlümdə
dalğalı Xəzər Bakı!
Gələcəyi xəyalım
səninlə gəzər, Bakı!

🪶 Rəsul Rza