17 Noyabr – Milli Dirçəliş Günü Azərbaycan xalqının azadlıq və müstəqillik arzusu ətrafında birləşərək öz iradəsini bütün dünyaya nümayiş etdirdiyi tarixi gündür.
Bu əlamətdar gün münasibətilə bütün həmvətənlərimizi ürəkdən təbrik edir, xalqımıza və ölkəmizə davamlı inkişaf, əmin-amanlıq və firavanlıq arzulayırıq.
Milli Dirçəliş Günümüz Mübarək! 🇦🇿
12 Noyabr – Konstitusiya Günü münasibətilə bütün Azərbaycan xalqını səmimi-qəlbdən təbrik edirik!
Azərbaycan Respublikasının Konstitusiyası dövlət müstəqilliyimizin, suverenliyimizin, hüquqi dövlətçilik prinsiplərinin və milli birliyimizin möhkəm təməlidir.
Bu əlamətdar gün münasibətilə hər bir vətəndaşımıza dövlətimizin daha da möhkəmlənməsi, ölkəmizin davamlı tərəqqisi və suverenliyimizin daim qorunması naminə uğurlar arzulayırıq.
Konstitusiya Günümüz mübarək!
9 Noyabr – Dövlət Bayrağı Günü münasibətilə xalqımızın milli qürurunu, dövlətçiliyimizi və müstəqilliyimizi təcəssüm etdirən üçrəngli bayrağımıza sonsuz ehtiramımızı ifadə edirik.
Mavi, qırmızı və yaşıl rənglərində milli kimliyimizi, tarixi yaddaşımızı və mənəvi dəyərlərimizi yaşadan müqəddəs bayrağımız daim azad və müstəqil Azərbaycanın səmasında qürurla dalğalanacaqdır.
Dövlət Bayrağı Günümüz mübarək!🇦🇿
8 Noyabr – Zəfər Gününün 6-cı ildönümü münasibətilə bütün həmvətənlərimizi ürəkdən təbrik edirik.
2020-ci ildə Müzəffər Ali Baş Komandan, Prezident İlham Əliyevin rəhbərliyi ilə Azərbaycan ordusunun 44 günlük Vətən müharibəsində nümayiş etdirdiyi misilsiz qəhrəmanlıq və qazanılan tarixi zəfər xalqımızın milli iradəsinin, birliyinin və sarsılmaz əzminin təntənəsinə çevrilmişdir. Bu möhtəşəm qələbə Azərbaycanın ərazi bütövlüyünün və suverenliyinin bərpasına aparan tarixi yolun ən mühüm mərhələsi olmuşdur.
Zəfər Günü milli həmrəyliyimizin, dövlətçilik iradəmizin və gələcəyə olan inamımızın rəmzidir. Bu gün Azərbaycan qalib dövlət kimi regionda davamlı sülhün, sabitliyin və əməkdaşlığın möhkəmləndirilməsi naminə səylərini qətiyyətlə davam etdirir.
Bu müqəddəs gün münasibətlə vətən uğrunda canlarından keçmiş şəhidlərimizin əziz xatirəsini dərin ehtiramla yad edir, qazilərimizə və bütün müharibə iştirakçılarına göstərdikləri fədakarlığa görə minnətdarlığımızı bildiririk.
Qəhrəmanlarımızın əzmi və şücaəti xalqımızın yaddaşında daim yaşayacaq, zəfər salnaməmiz gələcək nəsillər üçün qürur və ilham mənbəyi olacaqdır.
Zəfər Günümüz mübarək olsun! 🇦🇿🇦🇿🇦🇿
#Azərbaycan #8Noyabr #ZəfərGünü
#Azerbaijan #8November #VictoryDay
Azərbaycan nümayəndə heyətinin İslam Əməkdaşlıq Təşkilatının Xarici İşlər Nazirləri Şurasının 52-ci sessiyasında iştirakına dair mətbuat məlumatı
17-18 oktyabr tarixlərində İraq Respublikasının paytaxtı Bağdad şəhərində İslam Əməkdaşlıq Təşkilatının (İƏT) Xarici İşlər Nazirləri Şurasının (XİNŞ) 52-ci sessiyası keçirilib.
Azərbaycan Respublikasını sessiyada xarici işlər nazirinin müavini Yalçın Rəfiyevin rəhbərlik etdiyi nümayəndə heyəti təmsil edib.
Tədbir zamanı İƏT üzv dövlətlərinin gündəliyində olan aktual məsələlər, regional və beynəlxalq çağırışlar, İƏT məkanında baş verən yeniliklər, əhəmiyyətli hadisələr, eləcə də üzv dövlətlər arasında əməkdaşlığın genişləndirilməsi və təşkilatın fəaliyyətinin səmərəliliyinin artırılması üzrə müzakirələr aparılıb.
Tədbir çərçivəsində əsas plenar iclasda və “Sülh və davamlı inkişafın təşviqində dialoq və həmrəylik – iki əsas sütun” mövzusuna həsr olunmuş xüsusi sessiyada çıxışlar edilib.
Çıxışlarda Y. Rəfiyev tərəfindən regionda baş verən hərbi qarşıdurmalar və artan gərginlik və dünyada İslamofobiya trendinin yüksəlməsi ilə bağlı narahatlıq ifadə edilib, Azərbaycan və Ermənistan arasında normallaşma prosesi, Fələstin məsələsi, eləcə də ölkəmizin qarşıdan gələn İƏT Zirvə Konfransına sədrliyinin prioritetlərinə toxunulub.
Sessiyanın yekununda siyasi, iqtisadi, humanitar-mədəni və bir sıra digər istiqamətlərlə bağlı qətnamələr, habelə Bağdad Bəyannaməsi qəbul edilib.
Sessiyanın Azərbaycan üçün əsas əlamətdar nəticələrindən biri İƏT XİNŞ tərəfindən ölkəmizlə bağlı ənənəvi əsasda qəbul edilən dörd qətnamənin (“Ermənistan Respublikasının Azərbaycan Respublikasına qarşı təcavüzünün nəticələrinin aradan qaldırılması”, “Azərbaycan Respublikasına iqtisadi yardım”, “Ermənistan Respublikasının Azərbaycan Respublikasına qarşı təcavüzü nəticəsində Azərbaycan ərazilərində İslam tarixi və mədəni abidələrinin və izlərinin dağıdılması və təhqir edilməsi” və “1992-ci il Xocalı qətliamının qurbanları ilə həmrəylik”) müvafiq yenilikləri əks etdirməklə yenidən qəbul edilməsi və Bağdad Bəyannaməsində Azərbaycan-Ermənistan normallaşma prosesi ilə bağlı bəndin əks olunması olub.
Bağdad Bəyannaməsində Azərbaycan-Ermənistan normallaşma prosesindəki irəliləyişlər, xüsusilə iki dövlət arasında sülh və dövlətlərarası münasibətlərin təsis olunması haqqında Sazişin paraflanması alqışlanır, Ermənistan tərəfinə İƏT üzv dövlətləri adından sülh sazişinin imzalanması istiqamətində yerdə qalan hüquqi və siyasi əngəllərin aradan qaldırılması ilə bağlı çağırış edilir. İşğaldan azad edilmiş ərazılərin bərpası və yenidən qurulması səylərində Azərbaycan Respublikası Hökuməti və xalqı ilə həmrəylik ifadə edilir, habelə həmin ərazilərdə minalardan təmizlənmə fəaliyyətinə fəal dəstək verilməsi üçün İƏT üzv dövlətlərinə çağırış edilir.
Bununla yanaşı, sessiya çərçivəsində baş tutmuş müvafiq səsvermənin nəticələrinə əsasən Azərbaycan nümayəndəsi Aydın Səfixanlı İƏT Müstəqil Daimi İnsan Haqları Komissiyasının 2027-2030-cu illər üzrə üzvü seçilib.
Tədbir çərçivəsində Y.Rəfiyev ilə Qambiyanın xarici işlər naziri Serinq Modu Njiye, Türkiyənin xarici işlər nazirinin müavini Musa Kulaklıkaya və İraqın xarici işlər nazirinin müavini Məhəmməd Hüseyin Bəhr Əl-Ulum arasında ikitərəfli görüşlər keçirilib. Görüşlərdə İƏT çərçivəsində bu ölkələrlə əməkdaşlıq məsələləri müzakirə edilib.
وكيل وزارة الخارجية للعلاقات الثنائية يلتقي نظيره الأذربيجاني للشؤون السياسية
التقى وكيل وزارة الخارجية للعلاقات الثنائية، السفير محمد حسين بحر العلوم، يوم السبت الموافق 17 تشرين الأول 2026، وكيل وزارة خارجية جمهورية أذربيجان للشؤون السياسية، السيد رفعي يالچن، على هامش اجتماعات الدورة الثانية والخمسين لمجلس وزراء خارجية منظمة التعاون الإسلامي، المنعقدة في العاصمة بغداد.
وجرى خلال اللقاء بحث العلاقات الثنائية بين جمهوريتي العراق وأذربيجان، وعدد من القضايا ذات الاهتمام المشترك. وأكد الجانبان أهمية مواصلة التنسيق والتشاور، وتعزيز التواصل بين بغداد وباكو، بما يخدم المصالح المشركة.
**********************
للاطلاع اكثر على اخبار الوزارة بالامكان زيارة الصفحات والحسابات الرسمية لوزارة الخارجية العراقية:
الموقع الالكتروني للوزارة :
https://t.co/6t55ICs7S0
صفحة الوزارة على الفيس بوك:
https://t.co/tVejJNucBj
الحساب الرسمي على منصة “ اكس”( تويتر سابقاً):
حساب الانستغرام الرسمي :
https://t.co/jHIOvojqNq
قناة الوزارة على اليوتيوب :
https://t.co/M5nZ9pKFx7
قناة الوزارة على تطبيق الواتساب :
https://t.co/YALH44Wf0x
قناة الوزارة على تطبيق تليغرام :
https://t.co/dW6INeFFvA
https://t.co/n9R2GPg7md
18 oktyabr – Müstəqilliyin Bərpası Günü xalqımızın azadlıq iradəsinin, milli birliyinin və dövlətçilik ənənələrinə sadiqliyinin təcəssümüdür.
Azərbaycan xalqının dövlət müstəqilliyini bərpa etməsinin 35-ci ildönümü münasibətilə bütün həmvətənlərimizi ürəkdən təbrik edir, doğma vətənimiz üçün əbədi müstəqillik, davamlı sülh, tərəqqi və firavanlıq arzulayırıq.
Qoy müstəqil Azərbaycanımız daim inkişaf etsin, üçrəngli bayrağımız hər zaman yüksəklərdə dalğalansın!
Yaşasın müstəqil Azərbaycan! 🇦🇿🇦🇿🇦🇿
44 günlük Vətən müharibəsində Müzəffər Ali Baş Komandanın rəhbərliyi ilə şanlı Azərbaycan Ordusunun qəhrəmanlığı və şəhidlərimizin misilsiz fədakarlığı nəticəsində tarixi ədalət bərpa olundu, ərazi bütövlüyümüz və suverenliyimiz təmin edildi.
Vətən müharibəsində qəhrəmancasına döyüşərək Azərbaycan Bayrağını işğaldan azad edilmiş torpaqlarımızda ucaldan, ölkəmizin ərazi bütövlüyü və suverenliyi uğrunda canlarından keçən əsgər və zabitlərimizin müqəddəs xatirəsini dərin ehtiram və minnətdarlıqla yad edir, bütün müharibə iştirakçılarına və qazilərimizə cansağlığı arzulayırıq.
Allah bütün şəhidlərimizə rəhmət eləsin!
On the sidelines of #UNGA81, the Foreign Minister of Azerbaijan @Bayramov_Jeyhun met with @Fuad_Husseein, Deputy Prime Minister and Minister of Foreign Affairs of the Republic of Iraq 🇦🇿-🇮🇶.
During the meeting, bilateral and multilateral cooperation between Azerbaijan and Iraq was discussed, emphasizing the importance of mutual support across regional and international platforms to further strengthen relations based on historical friendship and solidarity.
The Ministers have also discussed efforts in multilateral platforms, including upcoming 7th Summit of the Conference on Interaction and Confidence Building Measures in Asia (CICA) to be held in Azerbaijan in October, and the Organisation of Islamic Cooperation (OIC) Summit next year.
The Ministers also exchanged views on challenging regional situation in the broader Middle East.
#Azerbaijan #Iraq #UNGA81 🇦🇿 🤝 🇮🇶
Bu gün ölkəmizdə Dövlət Suverenliyi Günü qeyd olunur.
Ərazi bütövlüyümüzün və dövlət suverenliyimizin tam bərpasını, eyni zamanda beynəlxalq hüquq və ədalətin təntənəsini təcəssüm etdirən Dövlət Suverenliyi Günü münasibətilə bütün həmvətənlərimizi səmimi-qəlbdən təbrik edirik.
Tariximizin bu şanlı səhifəsini canları bahasına yazan şəhidlərimizin əziz xatirəsini dərin ehtiramla yad edirik.
Dövlət Suverenliyi Günün mübarək, Azərbaycan! 🇦🇿
Bu gün Bakı şəhərinin erməni-daşnak qüvvələrinin işğalından azad edilməsinin 108-ci ildönümüdür.
108 il öncə Azərbaycan Korpusunun da yer aldığı Qafqaz İslam Ordusu tərəfindən Bakının azad edilməsi Azərbaycanın dövlətçilik mübarizəsində mühüm dönüş nöqtəsi oldu. Bu tarixi Qələbə Azərbaycan xalqının müstəqillik və dövlətçilik iradəsini, xalqımızla müttəfiqlərinin birliyini, şücaətini və fədakarlığını nümayiş etdirdi.
Bu tarixi Qələbənin əldə olunması uğrunda canlarından keçən bütün qəhrəmanların əziz xatirəsini dərin ehtiram və minnətdarlıqla yad edirik.
9 İyul – Azərbaycan Respublikası diplomatik xidmət orqanları əməkdaşlarının peşə bayramı günü münasibətilə Azərbaycan Respublikasının diplomatik xidmət orqanlarında çalışan bütün əməkdaşları səmimi-qəlbdən təbrik edirik.
Dövlətimizin milli maraqlarının qorunması, beynəlxalq mövqeyinin daha da möhkəmləndirilməsi və ölkəmizin dünya miqyasında layiqincə təmsil olunması naminə həyata keçirdikləri məsuliyyətli və şərəfli fəaliyyətlərində hər birinə yeni nailiyyətlər, möhkəm cansağlığı və əzmkarlıq arzulayırıq.
Peşə bayramımız mübarək! 🇦🇿🇦🇿🇦🇿
İyunun 25-də Milli Məclisin sədri Sahibə Qafarova Bakıda keçirilən İslam Əməkdaşlıq Təşkilatının üzvü olan dövlətlərin Parlament İttifaqı (İƏT Pİ) Konfransının 20-ci sessiyasında iştirak etmək üçün ölkəmizdə səfərdə olan İraq Respublikası Nümayəndələr Şurası sədrinin birinci müavini Adnan Feyhan Əd-Duleymi ilə görüşüb.
https://t.co/zIha5GTguN
#MilliMeclis
26 İyun – Silahlı Qüvvələr Günü münasibətilə Azərbaycan Silahlı Qüvvələrinin bütün hərbi qulluqçularını, veteranlarını və Silahlı Qüvvələrimizin sıralarında xidmət edən hər kəsi səmimi-qəlbdən təbrik edirik.
Ali Baş Komandanın rəhbərliyi altında Müzəffər Azərbaycan Ordusu ölkəmizin müstəqilliyinin, suverenliyinin və ərazi bütövlüyünün etibarlı təminatçısıdır.
Vətənə sədaqətlə xidmət edən hərbi qulluqçularımızın qəhrəmanlığı, peşəkarlığı və fədakarlığı xalqımızın qürur mənbəyidir.
Bu əlamətdar gün münasibətilə bütün hərbi qulluqçularımıza möhkəm cansağlığı, xidmətdə uğurlar və yeni nailiyyətlər arzulayır, Vətən uğrunda canlarından keçmiş şəhidlərimizin əziz xatirəsini dərin ehtiramla yad edirik.
Bayramımız mübarək! 🇦🇿🇦🇿🇦🇿
İslam İnkişaf Bankı Qrupunun 51-ci İllik Toplantıları çərçivəsində ölkəmizdə səfərdə olan İraq Mərkəzi Bankının sədri Əli Muhsin Əl-Əlaqın rəhbərlik etdiyi nümayəndə heyəti ilə görüşdük.
Görüş zamanı monetar siyasətin ötürücülük mexanizmlərinin təkmilləşdirilməsi, ani və QR əsaslı ödənişlərin genişləndirilməsi, eləcə də müxbir bankçılıqəlaqələrinin dərinləşdirilməsi istiqamətində ölkə təcrübələrivə tətbiq olunan yanaşmalar ətrafında müzakirələr apardıq.
Görüşdə həmçinin hər iki ölkənin mərkəzi bankları vəmaliyyə sektorları arasında əməkdaşlığın daha da genişləndirilməsi məqsədilə ikitərəfli görüşlərin, peşəkar təlimlərin və təcrübə mübadiləsi proqramlarının təşkili imkanlarını nəzərdən keçirdik.
@Merkezi_Bank_AZ
Azərbaycanın müasir dövlətçilik tarixində dönüş nöqtəsi olmuş, ölkəmizin müstəqilliyinin qorunması, sabitliyin bərqərar olunması və inkişaf yoluna qədəm qoyması ilə əlamətdar olan 15 İyun – Milli Qurtuluş Günü münasibətilə bütün həmvətənlərimizi ürəkdən təbrik edirik!
Ulu Öndər Heydər Əliyevin xalqın tələbi ilə hakimiyyətə qayıdışı Azərbaycanın dövlət müstəqilliyinin möhkəmləndirilməsi və davamlı inkişafının təməlini qoymuşdur.
#MilliQurtuluşGünü münasibətilə xalqımıza sülh, rifah və tərəqqi arzulayırıq! 🇦🇿