يا راسي ان طاع الزمن لا تطيعه
علمٍ ليا وصلك لاعاد يتعدّاك
انت اكبر من الوصل ومن القطيعه
ومن الشعور اللي لهلحين ماجاك
ترى الليال ام الغدر والخديعه
والناس من فاخَر بك ومن تقفّاك
ما تقدر تضيّق عليك الوسيعه
وأنت الوسيعه كلها تحت ماطاك
اللي ما ياقف مع رفيقه لا حضر وقت اللزوم
وقت الغناه الله يغني عنه والدنيا عبر
مال الجمالة غير طلقين المحيا والقروم
اللي ليا ضاق الدهر تسطي على ضيق الدهر