سرمديّ

﴿عَلَى الْأَرَائِكِ يَنظُرُونَ﴾

[سرمديّ @Azn_135]

خلّ الكلام منّ اللسان أخذ الكلام من العيون
إلا بغيت تترجم شعور العرب ، وإحساسها

محمد الشمالي

[سرمديّ @Azn_135]

قال خالد مبارك :

تعليقت القلب بين الحب والفرقى
اصعب من الحب والفرقى مية مره !

ثم عاد وقال :

قل لي كلامٍ زين يمكنّي ارتاح
ولا كلامٍ شين يمكنّي اسمّح

وانتهى قائلاً :

راح وتركني حزين وقال لا تحزن
ليته تركني حزين وقال تستاهل

[سرمديّ @Azn_135]

لو أن القصايد دلو تبقى المشاعر بير
رحل وانتهت سيره وصل وابتدت سيره

قصيداً يدف شراعه الهم والتفكير
ويضيق وسيع الصدر ويفك أزاريره

صويب الهوى والشعر مثل إبرة التخدير
ولاني بحاجه للطبيب وعقاقيره

محمد مريبد

[سرمديّ @Azn_135]

كريم يعتق احزان الجميع و تزبن محيّاه
شجاعٍ تنتزع روحه . . ولا يعتق مساجينه

سعد السبوق

[سرمديّ @Azn_135]

عليه أتلهف يوم مال الظلال عصير
مثل لهفة الزاهد على الحور والجنة

تصير الفجوج الواسعة مثل عين الطير
إلى راح وأنا ما سمح خاطري منه

جابر النشيرا

[سرمديّ @Azn_135]

جرحتك عشان يصير صدك وراه أسباب
ما ودي تغيب و ما معك عذر يشفع لك

علي حامد

[سرمديّ @Azn_135]

الغلا قلة ملوكه وكثرت عبيده
لين راحو مداغيش النشاما حباري

محمد مريبد

[سرمديّ @Azn_135]

أنسى وعودي فيك وأنسى وعودك
مافيه أحد فـ الحب مُجبر ومحتد

حبيبك اللي عاش في ضف سودك
مشتاق لك والشوق فـ البعد يشتد

مدري الخلل من قربي ومن وجودك
ولا حبال الحب تقصر و تمتد

رحت وبرد قلبي بـسبة برودك
و الحين أنا ماني من الصبر معتد

على كثر ما توبتني صدودك
إلا أني اخذ شوط وأجيك مرتد

-عبيد فهيد

[سرمديّ @Azn_135]

عن اللي يكّن القلب يغني كلام العين
عيوني معاك أكثر صراحة من لساني

منحتك حياة أجمل من اللي تبيها لين
تكبّرت ما كنّك من أوّل تمنّاني

رح الله معك لكن تذكّر كلامي زين
بـ ترجع تدوّرني ولا راح تلقاني

مصيرك بتفقدني وتندم علّي بعدين
تخطّاه حظه من هقى إنّه تخطّاني

سعود مهدي

[سرمديّ @Azn_135]

ما قل دل و زبدة الهرج نيشان
والهرج يكفي صامله عن كثيره

راكان بن حثلين

[سرمديّ @Azn_135]

ياعظيمه كل شي له حدود وله نهايه
لكن انتي ماوقفتي عند حدك ياعظيمه

ضيدان بن قضعان

[سرمديّ @Azn_135]

لا نْقفل بابٍ من الرزق حراسه وقوف
فتّحت بيبان الأرزاق من كل اتجاه

سعد بن جدلان

[سرمديّ @Azn_135]

وكلمة أحبّك تاج في بالي وفي صدري وسام
متكونة من أربع أحرف مدري من أربع قُبل

بتنام و بتصحى و بإذن اللي عيونه ما تنام
مثل ما حبيتك قبل ، بحبك أكثر من قبل

[فرَنْك @v6weo]

شاعر الليلة " بدر بندر "

أمتعونا بـ ذوائقكم النخبويّه :

[سرمديّ @Azn_135]

مصيرك بترجع علي لا أرادي
فترات وتوبك الاشواق و توب

والله العظيم عظيم عظيم يا فيصل

[فيصل صالح @T2n_2]

قريت مرسولك و ابشرك هادي
مال الحزن عندي من اليوم مطلوب

لامن ضرب قلبك من الشك وادي
عزاي فيك انه مقدر و مكتوب

تعبت من تكرار تراك غادي
اعدلك يومين و القاك مقلوب

ان رحت مني لا تحرى منادي
رح مشط البيدا من الأربع دروب

مصيرك بترجع علي لا أرادي
فترات وتوبك الاشواق و توب

و ان اختلف ظني بسيطه و عادي
عد الجفى فنجاله البكر مشروب

ان كان صبرك مثل صبر المهادي
رح و اعتبر صبري مثل صبر يعقوب

[سرمديّ @Azn_135]

كان ماجيتني عقب الجفا برضاك
لا تجي جيّة المغلوب على أمره

عبدالعزيز العبلان

[سرمديّ @Azn_135]

بنت الفواد اللي على عرش الخفوق
كل البنات الغيد تفهقهم خلاف

منها عرفت اميّز احساس الصدوق
وكيف القلوب تحسّ باللي مايشاف

لبيه يا حبٍ من الهقوه و فوق
لو مبتداه انكار و اخره اعتراف

جابر النشيرا

[سرمديّ @Azn_135]

@qer_21 المحبه تبتدي عند تلويح الكفوف
لا تقول ان الرياجيل تقدر تنطوي

الله عليك

[سرمديّ @Azn_135]

@tmaah_ @ahmd_al3tl ياسلام عليك يا طمّاح مبدع

[سرمديّ @Azn_135]

سيمفونية 🎶

[عبيد فهيد @alml3be]

يا حمامٍ شلع قلبي من النوح
مدري تعلّني ولا تواسي

لاتكرّ الشعور الصبّ ويفوح
ويرجف القلب وأطيح متواسي

والله إن لي ثلاث أيام مذبوح
مابقى مرّ ما ذقته بكاسي

سبة اللي ماعمره صار مسموح
من عرفته وهو ظالم وقاسي

رحت عنه وأنا ماودّي أروح
جعل ما الله مضيّع لي حماسي

أتلعٍ سافرت برحابه الروح
لين ما شافته ربعي وناسي

كنت أبعّد عشان عيونه الشوح
وكنت ما أذكره لاصار ناسي

ولا أذكر إنّي تركت همومه تلوح
قبل لا أجلى عماسه من عماسي

ويوم صار الوصال جروح بجروح
وطاحت الشمس من فوق الرواسي

قلت في صوتٍ من الوجد مبحوح
قبل لا يركن البعد الكراسي

أتعرّى ولا ألبس ثوب مفضوح
ماهو بقيمتي ولا مقاسي

كان حبه قدر مكتوب باللوح
علّ ماهوب في عزمي وباسي