عبدالعزيز.

Feb/12💛

[عبدالعزيز. @Azui37]

لاصرت رجال مقدر ومحشوم
ماهوب شرط انه يلبى لك طلب

الاحترام احيان مايقضي لزوم
كم لازم يحتاج له قلة ادب

لاثارت الهيجا وناطحت الخصوم
ابطش وخل الدم ياصل لـ الركب

رجلً ما جربته بنفسك لاتقوم
على هرج العرب تمدح ولا تسب

ترى قليل الصبر، وضعيف العزوم
ينشبك ثم يحوص من وجه النشب،

[~ @7duy_]

أخافك مثل ما أخاف القدر وادري ماردك خوف
شعورك يشبه أحلام العروبي في فلسطينه

أنا مستغرب أنك هالكثر في داخلي مألوف
مع أن ما بينك و بين الحشا ذيك الطمأنينه

عليك من السماح اللي حشا مايلحقك بحسوف
صفا قلبي و لو انها تهامز لي شياطينه

أعرف أن الأوادم مرحله و ان القلوب ضيوف
مرد الملفي بيقفي / و يستودع محبينه

مطر عين وهوى روح و دوي بال وحشايش جوف
و صدرً من قسا صحراه ما تنبت بساتينه

على قلب الكتوم اللي يلعثم بالحديث حروف
كلامً ما يعرف يقوله ؛ إلا في دواوينه

يحاول يعتدل رغم انه المتطرف المشعوف
بعد ما ضيعت دربه حقايقه و تخامينه

تعلم يلجم أحساسه و لو هو تايقً ملهوف
و اذا هو ينكسر قلبه فدا ولا تنكسر عينه

تزاوى عن مشاريه العتب في ركنه المحفوف
ولا عادت تناديه أسالتهم لا أسالوا وينه

يعرفونه بضحكات السماحه وجهه المعروف
عسى ما شافت عيون البشر ما بينه و بينه

وله وجهً لـ ربه غير ذاك البيّن الموصوف
وعلى كل اتجاهات الصدف يا بيض وجهينه

كثر ما عاش متعامي مع الايام كان يشوف
وعلى قلة سنينه — يا هوْ تعلّم من سنينه

[عبدالعزيز. @Azui37]

وشلون املّ المكابر فالأمور الكبار
والكبرياء جزء من نفسي وتكوينها

عجزت لا اناظر الدنيا بعين انكسار
ادعس على غارب الأيام وأهينها

ما يعتذر بالظروف إلا عديم القرار
وما يبكي من الحياة إلّا مساكينها

[عبدالعزيز. @Azui37]

لقيت للصمت دور وفالسعه نزهه
وكنسلت حاجات واجد قبل اكملها

العرف له بيت والعليا لها وجهه
ولا كل من مثل ربوعه يجملها

الي مايعنيك لاحبه ولا كرهه
السالفه معه حاول ماتطولها

الاش مهما تقدم بارد وجهه
اهل المواقيف لا يمكن يمثلها

ما كل مخطي علينا نلحقه شرهه
شرهاتنا ماتساق الى على اهلها

[فيصل بن تركي @faisalbinturki1]

الصـملة يارجـال 💙💛
@AlNassrFC

[عبدالعزيز. @Azui37]

خروجًا عن النصّ، وخروجًا عن المألوف
لا تضحك بك عيال الرياجيل يا هادي

أنا ألعب على الواضح وأغنّي على المكشوف
ويعرفني المبدع ويجهلني العادي

أشوف الفوارق واضحة وأنت ويش تشوف؟
ترى المشكلة في عقلك الضايع الغادي

مايذبحك غير الصاحب اللي ذبحه الخوف
تعدّي به المشراف ويطيح فالوادي.

[عبدالعزيز. @Azui37]

كل ماشفت العباد اللي يعيشون بضعافة
قمت أعرض راسي المرفوع للريح ومهبه

[عبدالعزيز. @Azui37]

اساير الوقت وظروفي تجي عكسي
ودي أعيش العمر مرتاح ومحايد

محتاج اضبط علاقاتي مع نفسي
احدها لـ الرخا و تعانق الكايد .

[عبدالعزيز. @Azui37]

عسى الله يعطيني من الواجده ثنتين
تغيض العدا والصاحب الصادق تسره

حياتن بعز وذكر طيب مع .. الحيّين
ومماتن على تاريخ الأمجاد له .. جره .

[فرحان قيران @abu_faisal_qq]

جديدي اتمنى ان ينال إعجابكم

[عبدالعزيز. @Azui37]

أطربي يانفس عيشي وسوي ماتبين
مايزيد العمر مدح العباد وذمها

لاكسبتي طاعة الله وبر الوالدين
خلي وساع الحناجر تموت بهمها .

[عبدالعزيز. @Azui37]

ركضت لين احفيت رجلي من الشوك
وحاولت كسب الاوله والاخيره

لعل ماجابه لي الوقت مبروك
ويا عل ما قفّى به الوقت خيره .

[عبدالعزيز. @Azui37]

مضى ما مضى من يوم ربي كتب فرقاك
ولازلت الاجمل عند مغليك والازهى

قدرت اتجاوز كل حاجه سوى ذكراك
هذي والله اللي ماقدرت .. اتجاوزها.

[إبراهيم بن عبدالله المهيدب @ebrahim34ab]

جمهور العالمي العظيم 💛
علينا جميعاً مساندة الفريق
وجميع المباريات المتبقية تُعد نهائيات
وجميعنا مع الإدارة التنفيذية والرياضية التي تعمل بكل جهد
واستقرارها وسيتم بالتنسيق معهم دعم الفريق وتقديم مكافآت لتحفيز اللاعبين والفريق في الطريق الصحيح وبإذن الله نفرح بالدوري💛💛

[عبدالعزيز. @Azui37]

الجبل صفق الهبايب ماتهزه
لا تحسبنا ليا طحنا انتضايق

ان تصدرنا على عز ومعزه
وان تعثرنا فلا صرنا لحايق .

[Cristiano Ronaldo @Cristiano]

✌🏽

[عبدالعزيز. @Azui37]

من كثر ما خاب ظني في وساع الحلوق
قامت عيوني تشوف الماء الحقيقي سراب

[عبدالعزيز. @Azui37]

من يجلس ببارد الفيّه وعذب القراح
لا يزعل انّى تجاوزناه مشي وحبي

شف جرّتي بالغدو وشف جرّتي بالرواح
الحلم من زهرة سنينك يبي ما يبي

افرد جناحك وعلّق مع طيور الفلاح
خطّابة المجد يوم المجد وجهه ابي

مصير الايام تكشف من حبيب وسجاح
والحق دايم في قول الله وقول النبي
#سعود_العديم

[عبدالعزيز. @Azui37]

من لا يغبر شاربه ما بنا صيت
ومن لا يدسم شاربه مات مغبون .

[عبدالعزيز. @Azui37]

هنا عُمان 🇴🇲

[عبدالعزيز. @Azui37]

تقدم على وضح النقى واضرب الميدان
ولا تلتفت يا عاشق المجد والقمه

تنّهض سوات الطير واصهل صهيل حصان
ولا يزعجك صفق الهبايب ولا الغمه .

[عبدالعزيز. @Azui37]

عن الغلطه تغافلت و تحاشيت بـ قدر الإمكان
و تمثّلت .. بـ شعورً يشبه " لـ سكينة مصلّي "

حاولت أجازي العالم لا ساء الظن : بـ الإحسان
و مع ذلك أشوف الخيبه ( بـ ترحالي : و حلّي )

أنا من كثر ما عشت الجروح إللي من الخذلان
أخاف أحس بـ الخذلان من ظلّي و هو : ظلّي !