BBS TEREFAYINA

Eno ye Terefayina y'obwakabaka bwa Buganda ekuleetera ebisanyusa, Amawulire, Eby'abavubuka, eby'obuwangwa n' ennono saako n'ebyemizannyo |

[BBS TEREFAYINA @bbstvug]

#Ageesigika | Paul Kulumba
https://t.co/F3DIEa22tk

[BBS TEREFAYINA @bbstvug]

Abasajja bamanyi Oluganda! #Atamukutte2026

[BBS TEREFAYINA @bbstvug]

Kino obadde okimanyi? #Atamukutte2026

[BBS TEREFAYINA @bbstvug]

Omusajja 'Ttibittibi' abeera yakula atya? Ekyokuddamu kiikino.#Atamukutte2026

[BBS TEREFAYINA @bbstvug]

Ddamu ekibuuzo kino owangule ssente #Atamukutte2026

[BBS TEREFAYINA @bbstvug]

Gano ge mateeka agafuga #Atamukutte

[BBS TEREFAYINA @bbstvug]

#Atamukutte | Bano beebali mu nsiike olwaleero, tuli ku lumeggana ‘Nyweza Nyweza’.

[Buganda Kingdom @BugandaKingdom_]

Okusabira Kabaka mu Kkereziya ya Lugazi Cathedral, Mary Queen of Peace.

Omwami wa Kabaka ow'Essaza Kyaddondo, Oweek. Ahmed Matovu Magandaazi y'asomye obubaka bwa Katikkiro eri Abakristo abeetabye mu mmisa omubadde okusaba n'okwebaza Katonda olw'emyaka 33 Kabaka Mutebi II gye yakamala ng'atudde ku Nnamulondo.

Mmisa ekulembeddwa Rev. Fr. Makoboza Charles Lwanga ate nga Omutesiteesi w’emirimu mu Kkereziya eno Fr. Ignatious Kibowa y'ayanirizza Kaggo mu kifo kino.

Mu bubaka bwa Katikkiro asabye abantu bonna abaagaliza Buganda ebirungi okwongera okwegatta mu kaweefube w'okukuuma obuwangwa l, okutumbula obumu n'okukolera awamu okusitula omutindo okusobola okuzza Buganda ku ntikko.

Ku lulwe Kaggo, yebazizza nnyo Abakulembeze b’e Kanisa eno olw’enteekateeka ennungi, era yebazizza Omutambizi Omukulu olw’enjiri ssaako n’Abakristu olw’okujjumbira enteekateeka za Kkereziya n'okubaawo mu bungi mu kusabira Nnyinimu.

#Amatikkira33

[Buganda Kingdom @BugandaKingdom_]

Abakristo mu Lutikko e Lubaga basabidde Ssaabasajja Kabaka n'okwebaza Katonda olw'omukutuusa ku kujjukira Amatikkira ge omulundi ogwa 33.

Omumyuka Owookubiri owa Katikkiro era Omuwanika wa Buganda Owek. PDG. Robert Waggwa Nsibirwa y'atuusizza obubaka bwa Katikkiro mu Lutikko, ate Bwanamukulu w'Ekelezia ya Lubaga Fr. Achilles Mayanja y'akulembeddemu mmisa.

Fr. Mayanja awonze obulamu bwa Kabaka eri Katonda, n'amusaba ayongere okuwa Maasomoogi amagezi okukulembera abantu be obulungi nga bwakoze ebbanga lyonna. Ono atenderezza obukulembeze bwa Kabaka Mutebi II, bw'agambye nti butumbudde ebyobulamu, ebyenjigiriza, obuyonjo okuyita mu Bulungibwansi okutuuka okulaba nga ne Gavumenti esitukiddemu n'enteekateeka endala.

Mu bubaka bwa Katikkiro obusomeddwa Owek. Nsibirwa, Katikkiro Mayiga agamba nti emyaka 33 gibadde gya kuzzaamu bantu ba Buganda maanyi, okuyita mu kutumbula obumu, enkulaakulana l, obulungi bw'obuwangwa n'okulengeza abantu ebiri mu maaso.

Katikkiro yebazizza nnyo Nnyinimu olw'obukulembeze obw'amagezi, obwegendereza n'okwagala abantu be. Mu bubaka buno era mw'asinzidde n'asaba wabeewo okuyigiriza empisa ennungi, obuvunaanyizibwa, okwagala amaka, okukolera awamu n'okussa ekitiibwa mu bakulembeze n'abantu bonna.

Okwebaza Katonda n'okusabira Kabaka olw'okujjukira Amatikkira omulundi ogwa 33 kugenda mu maaso okwetoolola amasinzizo ag'enjawulo mu Buganda ne Uganda yonna.

[Buganda Kingdom @BugandaKingdom_]

Lutikko y’Omutukuvu Paul e Namirembe yegasse ku nzikiriza endala okusabira Ssaabasajja Kabaka Ronald Muwenda Mutebi II okuweza emyaka 33 nga alamula obuganda.

Dean wa Lutikko Venerable Canon Dunstan Kiwanuka Mazinga, yebazizza Ssaabasajja Kabaka olw'okulwanirira eby'obulamu by'Abantu ba Uganda awatali kusosolamu era n'enkola ya Bulungibwansi esimbidde ddala mu buwufu bw'okukuuma obuyonjo mu bitundu byaffe okwewala endwadde. Atadde Ssaabasajja Kabaka mu mikono gy'omutonzi, amuwangaaze, amuwe obulamu obulungi ayongere okulamula Obuganda.

Obubaka bwa Katikkiro busomeddwa Minisita w'ettaka n'Ebizimbe, Oweek Daudi Mpanga. Katikkiro agamba buli lukya twongera okusabira Ssaabasajja Kabaka n'okwebaza ennyo abakulembeze b'eddiini ez’enjawulo olw'essaala zonna, obuwagizi ate n'okutambulira awamu n'Obwakabaka.

Mu kusinza kuno waliwo abakyala abayingiziddwa mu kibiina ky'Abakyala abakirisitaayo era bakube ebirayiro mu butongole.

[BBS TEREFAYINA @bbstvug]

Ab’ekkanisa ya St. Luke e Mpigi mu Mawokota basabidde Kabaka mu kusaba okukulembeddwamu Rt. Rev. Michael Lubowa ne Ssaabadiikoni Ven. Can. Capt. Saul Masembe. Bano beebazizza Katonda olw’okuvvuunusa Buganda amayengo ag'enjawulo nebeyanza ne Nnyinimu Ssaabasajja Kabaka olw’okulamula obulungi abantu be mu bbanga ery’emyaka 33 lyeyakama ku Nnamulondo. Mu buuwufu obwo, banokoddeyo ebimu ku bibala amakula ebyakalabwako mu mulembe guno omutebi nga muno mulimu enkulaakulana ey'omuggundu, omutindo gw’ebyobulamu ogulinnye, ebyenjigiriza ebirungi, ebyobulimi ebikyusizza obulamu bw’abantu n’ebirala.
Mu bubaka bwa Katikkiro, obutuusiddwa Omukubiriza w'Olukiiko lwa Buganda Owek. Patrick Luwaga Mugumbule, asabye abantu okubeera abuvumu mu kukuuma olulimi, empisa n’ennono, n'okuyigiriza abaana empisa ezizaala eggwanga eddamu. Owek. Mugumbule ayaniriziddwa akuuma entebe ya Kayima, Hajj Hassan Kasujja Kagga n’Abaami ba Kabaka abalala. #Gambuuze #Ageesigika #BBSKATI

[BBS TEREFAYINA @bbstvug]

#JasalaSalanaUK2026 | Olukuŋŋaana lw'Abasiraamu aba Ahmadiyya e Bungereza - Day 3 https://t.co/LyuqZR5K5C

[BBS TEREFAYINA @bbstvug]

#KadongoKamu | Ssaalongo Ssaava Ssewakiryanga
https://t.co/E5G15f1XPn

[BBS TEREFAYINA @bbstvug]

#BBSKATI | Okusaba ku World Answers Church international
https://t.co/nfByn93TPr

[BBS TEREFAYINA @bbstvug]

#ObugandaBuladde | Bino byebimu ku bintu ebikulu ebitambuza obulamu
https://t.co/N4W66xjNyf

[Buganda Kingdom @BugandaKingdom_]

Abantu ba Kabaka mu Kyaddondo bakumye ekyoto ky'amatikkira ga Ssaabasajja Kabaka ag'omulundi ogwa 33 ku mbuga y'e Ssaza e Kasangati.

Omugenyi Omukulu ku kyoto kino abadde Minisita w'enkulaakulana y'Abantu Oweek. Choltilda Kikomeko, ng’ono ayaniriziddwa Omwami w’e Ssaza Hajji Ahmed Matovu Magandazi, Omumyuka wa Kaggo Asooka Mw. Ronald Mpagi, Omukiise w’e Ssaza mu Lukiko lwa Buganda Oweek. Jane Francis Lukwago, Abaami ba Ggombolola okubadde Musaale Busukuma, Mutuba I Nangabo, Mumyuka Nakawa, Mutuba etaano Kawempe n’Olukiiko lw'e Ssaza olukulembeze.

Abantu abeetabye ku kyoto babadde bangi ddala era nga banyumiddwa obubaka okuva mu basomesa ab’enjawulo okuli; Mw. Ssali Damascus, Omulezi w’e Ssaza Oweek. Nabukenya Christine, Omusawo Dr. Ndugga Frank n’abalala bangi.

Ebisomeseddwa byonna byesigamiziddwa ku kukuuma obuwangwa n’okwetangira endwadde eziva mu bukyafu okugeza Ebola.

Omwami w'Essaza Kyaddondo, Kaggo Oweek Hajji Ahmed Magandaazi Matovu, asanyukidde nnyo amasomero agaweerezza Abaana mu nteekateeka eno, neyebaza Ssentebe w’Abavubuka mu Ssaza Muddu Thomas, n’abaweereza mu Ssaza ku mitendera egy’enjawulo abakoze obutassa mukka okusobozesa enteekateeka okutambula obulungi.

Oweek. Choltilda Nakate Kikomeko, asanyukidde entegeka y’omukolo n'ategeeza nga bwe gwongedde okujjayo ekitiibwa ky’Ekyoto mu Buganda. Ajjukizza Abantu ba Kabaka bonna ku ntekateeka z’Obwakabaka, omuli n’Amatikkira wiiki ejja, era n’abasaba okwenyigiramu.

Ebikujjuko bino byetabiddwaako Abantu ba Ssaabasajja okuva mu Kyaddondo, Abakulembeze, Amasomero, n’Abawereza.

Wabula wadde nga Ekyoto ekikulu mu Buganda kibadde ku Mbuga y’e Ssaza Kyaddondo e Kasangati, ebyoto ku Mbuga z'e Ggombolola zonna okwetoloola Obuganda bikumiddwa mu buwufu bw'omulamwa, "Tubeere bavumu mu kukuuma obuwangwa bwaffe".

[BBS TEREFAYINA @bbstvug]

#BBSKATI | Ekitambiro kya mmisa ku Lutikko e Lubaga
https://t.co/qtoThAY73p

[BBS TEREFAYINA @bbstvug]

#BBSKATI | Okusinza kw'Abakulisitaayo
https://t.co/0ttbiej9FU

[BBS TEREFAYINA @bbstvug]

#Ageesigika | Paul Kulumba https://t.co/JcEflvivp2