@FZX_44 -جائزه للفائز تزيد حماس المشاركين والمتابعين
- المتسابقين طوال المقطع يتكلمون بالفصحى والي يخالف خصم
- يصير فريقين تحط تحدي بين اعضاءه مدح بالفصحى وبين الفريق والفريق الثاني تحدي هجاء
- جمل طويله بدون نقاط يقروها / او الغاز
- الكتابه بالريشه
تغريدة طويلة ممكن ما تعجبك لكن هذي الحقيقة في رزقك ووظيفتك ومستقبلك وفيها الحل الحقيقي لكل مخاوفك :
وعشان اختصر عليك من البداية تراك بتقول كلام مكرر وأعرفه وما جبت جديد ونفسك بتكون تبحث عن حل واقعي وبتجلس تحوس سنين بالحل الواقعي وما راح تلقى شيء واقعي أكثر من هذا
من يومك صغير وانت عارف ان رزقك محد بياخذه ولنت ماخذ رزق أحد مهما سويت وبذلت وفعلت الأسباب وشلت وحطيت
وتدري إن فعل السبب واجب على المسلم للحصول على رزقه لأن ( السماء لا تمطر ذهب ولا فضة )
حنا اليوم نعيش في زمن يلمع لو ما أحد ذكرنا ونبهنا بتغرينا هذه اللمعه وبنجلس نركض بالحياة ونتحسف ولا بيتغير من واقعنا شيء
ما توظفت ؟ ما اشتغلت ؟ ما وصلت ؟ ما خذيت ؟ ما شريت ؟
ترا ماهو لأنك سيء أو ما عندك أحد أو ما عندك خبره أو ما عندك علاقات أو لغة ، بكل بساطه رزقك ما بعد جا
العصفور لا معه لا CV ولا لغة ولا قوة ويعيش ويتزوج ويسكن ويتكاثر من أعطاه ووهبه ورزقه ؟
ماهو قادر يرزقك ؟
طيب وش الحل ؟
الحل في السماء ماهو في الأرض ( وتراني اختصرت عليك الحل لأنك بتسوي وتدور وتطلع وتنزل ثم بعد فتره بتستوعب الحل ) ، ما يكفي معرفتك إن الحل بالسماء لازم تؤمن بهالفكرة ايمان قطعي ، ايمان يستقر في قلبك
كيف أخليه يستقر بقلبي ؟ ببساطه التذكير
كل ما حسيت ان الظروف والحياة قست عليك افتح اليوتيوب وشغل مقطع عن حديث الرسول ( واعلم ان ما اصابك لم يكن ليخطأك ) وتطمن
* ترا الايمان يزيد وينقص حاول إنه كل ما نقص ترجع تقوي نفسك بتذكيرها لأنك لن تنجوا بدونه
بعد ما يستقر الإيمان بقلبك وتعرف مالك طريق للرزق غير من عند الله ، بتلقى نفسك تلقائيًا جالس تشتغل على أسباب الدنيا ( الواجبة عليك لطلب الرزق ) وبنفس الوقت منت بحزين على ما فاتك ( لأنه اساسًا مهب لك ) ومتفائل بعطاء ربي لأنه أكرم مني ومنك ومن آبائنا وامهاتنا ورزق اللي أضعف منا
بتحافظ على صلاتك على اذكارك وعلى استغفارك وعلى قراءة القران والحوقلة والتسبيح ، لأنها كلها موجبة للرزق
( فقلت استغفروا ربكم انه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا )
ثم بعدها بتشوف كيف الرزق بينصب عليك صب وبتنفتح لك أبواب الخير من كل جهة
طول حياتنا نسأل الله التوفيق بس للأسف ما قد فعلنا أسباب التوفيق ولا آمنا بالله حق إيمانه اللي يوجب علينا البركة والتوفيق
ضيدان بن قضعان يقول :
يخلق الله ما يشاء ويفعل الله ما يريده
وابن ادم لو تغانم ماله الا ما كتبله
( يعني لو تتغانم كل فرصة مالك الا المكتوب )
والنشيرا يقول :
في رجا الله ما يخليني لجدّي واجتهادي
ما رجيت الا وعده ولا خشيت الا وعيده
( جدك واجتهادك : ال CV وخبراتك ولغتك وعلاقاتك ، لو خلاك الله لجدك واجتهادك ما كليت من وراها عيش )
لا تجرب الله ولا تبدأ بهالطريق وانت تبي تجرب اذا ما كان عندك الإيمان التام ، الايمان اللي يخليك منت خايف على بكرة ومستقبلك وكل ما صارت مصيبه ابتسمت وناظرت السماء وانت متطمن انه يشوفك وما يخليك
مثل قول الشاعر :
واللي سمع يونس وهو في بطن حوت
ماهو بناسيني وانا اشم الهوى
وايمانك ترفعه بالإكثار من السماع في مشاويرك وروحتك وجيتك عن الله وعن الرزق وعن البركة
بعد ما تسلك هالطريق بتعرف انك كنت ضايع وانت تفعل الاسباب فقط والدنيا لاهيتك ومشغلتك عن الطريق الحقيقي ، يبي يرتاح بالك وتتطمن وتضحك كل ما شفت واحد يقول اشتغل على ارضاء العميل وتكوين العلاقات لانك بتكون ميقين وشهو طريق الرزق الوحيد ثم بعده يأتي فعل السبب
عسى الله يرزقنا جميعًا ما نتمنى وييسر أمري وأمرك ويجعلنا من المبارك لهم في رزقهم وعمرهم وعملهم وفي دنياهم واخرتهم ولا تنسوني من دعاكم 🤍
السلام عليكم بسولف كثير اللي ما له مزاج يسحب علي
انا متاكد انك زيي
تصحى من النوم
تدخل تيك توك تضحك شوي لكن تحس انك تافه
تطلع منه تدخل تويتر تنغث لان كله مشاكل و سب و نفسيات و تحس الدنيا سلبية بزياده
تروح للانستا تلقى مقاطع قديمة كانت ترند قبل شهرين و تطفش
تفتح السناب تلقى صور اخيره كلها كذب علشان المشاهدات
تفتح اليوتيوب .. ما تقدر تكمل دقيقة من اي مقطع لانك متعود على الدوبامين السريع
ترجع للتيك توك و هكذا
المصيبة انه تفكر تغير جو و تطلع ، تطلع مع ناس ماسكة جوالاتها و سواليفهم اصلا عن كل هالمنصات و اللي صار فيها
ثم يضرب مخك و تستغرب ليه ؟
كمية عفن تدخل بروسنا كل يوم و حنا الجيل الوحيد اللي يتعرض لهالكمية من الخياس اليومي المتكرر و السريع
مخك جالس يحاول يلحق على كل شي و يركض ورا حياة وهمية سريعة و جالس يتبرمج ان الحياة لازم تصير بهالسرعة و يجيك احساس دايم ان فيه شي جالس يضيع منك و ان الدنيا طارت و انا جالس و ترا هالشعور كله من ادمان الدوبامين
طبعا انا اول من يعاني من هالشي و اثر والله على حياتي و على ادائي و تفكيري لكن بحكم اني عشت في فترة ما كان فيها اي ترفية الا قناة تلفزيونية و تقفل بالليل و ساعة وحده تلعب كورة بالحوش مع اخوك اعرف الفرق بين الحالتين
علشان كذا قررت اعالج المشكلة بنفسي و انصحكم تلحقون على ما تبقى من خلايا مخ
اي فرصة تقدر تاخذ فيها بريك عن جوالك خذها و لا تتردد و تواصل مع احبابك و اهلك اكثر و حاول ترفيهك يكون طويل و رايق .. مباراة مثلاً مسلسل طويل .. انمي اطول من ون بيس و كله تمطيط
حتى تغريداتك خلها مثل تغريدتي ذي تحس قصة حياة مب تغريدة
تصبحون على خير
في اليوم الوطني السعودي تفتقد السعودية عالمها ومفتيها
نعزي أنفسنا في وفاة الإمام العالم مفتي عام المملكة العربية السعودية: الشيخ عبدالعزيز بن عبدالله آل الشيخ
رحمه الله وجزاه عن المسلميـن خير الجـزاء.
#الديوان_الملكي: وفاة سماحة الشيخ عبدالعزيز بن عبدالله بن محمد آل الشيخ المفتي العام للمملكة ورئيس هيئة كبار العلماء، وسيصلى عليه في جامع الإمام تركي بن عبدالله في مدينة الرياض بعد صلاة عصر هذا اليوم، وقد وجه #خادم_الحرمين_الشريفين -حفظه الله- بأن تقام عليه صلاة الغائب أيضًا في المسجد الحرام في مكة المكرمة والمسجد النبوي في المدينة المنورة وجميع مساجد المملكة بعد صلاة العصر هذا اليوم.
#واس
السفر بر ممتع ويخليك تتفكر في عظيم صنع الخالق، وتتأمل كلامه سبحانه (أفلا ينظرون إلى الإبل كيف خلقت وإلى السماء كيف رفعت وإلى الجبال كيف نصبت وإلى الأرض كيف سطحت).