ياربّ منك النصر .. وطيور أبابيل
على العدو المعتدي .. ما تخيبه
ترجم عدوّ الله من أحجار سجّيل
وتصيبه "بحيلك وحولك" تصيبه
ولا تبقّي من بقاياه .. تفصيل
ولا تخلّي فيه .. حبّة "زبيبه"
غدر الجوار أشد من رهبة الليل
جارٍ مثل هذا "العفن" وشنبي به
من يغدر (كويت) الرغد صفوة الجيل
عساه ما يلقى بعدها .. حبيبه
دار الكرم، بيت العطاء، منبع السيل
يروي نبات #الشرق_الأوسط شعيبه
ومن جارنا يادارنا .. لا بداء الميل
عن وقفة #الجهراء إلين الشّعيبه
شفتي فعل شعبك على الجيش والخيل
ما باعوا ترابك .. ولا هي غريبه
الذل مايلقى علينا .. مداخيل
والمعدن الطيّب ، يبيًن بطيبه
"الخوف" مايملك قلوب الرجاجيل
يدريبهم وقت المصايب "مصيبه"
#الكويت
#الكويت_الآن
#الجيش_الكويتي
#الحرس_الوطني