Unique

[بخيت ماضي المن��وري @b_almansoori94]

إلى أقبلت كنها من الجوع بتموت
لا شفتها حنيتها من ضمرها
ـ
وأن دبرت تخضع لها روس وبشوت
وإلى مشت حنيتها من كبرها

[بخيت ماضي المنصوري @b_almansoori94]

مانلتفت في علوم ملفقين العلوم
والناس نعرف مخارجها ومدخالها
.
مايمدحون الرخوم ألا عيال الرخوم
ولا تطيح الطيور ألا على أشكالها

[بخيت ماضي المنصوري @b_almansoori94]

وصلك شحيح وغايتي منك ما جات
وانا انتظر منك العطا وانت ريّـض...

[بخيت ماضي المنصوري @b_almansoori94]

💥ومـن لاحسبلـك لاتسـوي لـه حـسـاب💥
💥لو كان يسوى وحدتن مـن عيونـك💥

[بخيت ماضي المنصوري @b_almansoori94]

دوّر على اللي يموت ولا ظهر زيفه،
يبقى لك اقرب من اخوك و ولد عمّك.
ٰ
وخلّك من اللي مشاريهه على كيفه،
اليا رضا يمدحك والــيا زعـل ذمّك.

[بخيت ماضي المنصوري @b_almansoori94]

يالله ياللي لغيرك ما ارتفع كفي ..
ياللي خلقت البشر والنار والجنه !
ٰ
طالبك رزقٍ يسد النوب ويكفي ..
عن حاجة الناس والحقران والمنه !

[بخيت ماضي المنصوري @b_almansoori94]

ㅤ ㅤ ㅤ
أبتلشنا في الضعوف اللي روابعهم رديه
كل واحد شايفٍ نفسه وهو محدٍ درا به ".

[Unique @BanoOta_a]

Hi

[بخيت ماضي المنصوري @b_almansoori94]

من عاش في جوك تعوّد على الهمس
ومن هيبتك ما ينشدك كيف ،، حالك
.
وترى الكواكب في مداراتها ،، خمس
أصبّحت سادسها برووووعة ،، جمالك

[بخيت ماضي المنصوري @b_almansoori94]

انا كن كبدي تنسحب فوق حد الموس
أليا من طرالي واحدن راح في فاله !

[بخيت ماضي المنصوري @b_almansoori94]

أحدن علشان الخوي كب الظروف
وأحدن تعذر ب الظروف من الخوي
وترا الصداقه تشبه انواع السيوف
وماكل سيف يابعد حيي قوي ..!!

[بخيت ماضي المنصوري @b_almansoori94]

يا #مساء_الخير و هبّات النسيم
ويا مساء النور و نقول السلام
.
السعاده رزق و المعطي كريم
أسعد الله قلب من #رد_السلام

مسيتووو،،🌹

[بخيت ماضي المنصوري @b_almansoori94]

صبرنا على قل الدراهم وكثر الدين
وحفــظنا كرمتنا من النــاس وزعاجة

نسـلف وحنا متسلفين ومحــتاجيــن
نفزع لراعي الحاجة وحنا على حاجة

[بخيت ماضي المنصوري @b_almansoori94]

لا تصدق اللــي عباد الله يقـولونه
اسمــع من هــنا وــمنا طلّع احكاهم
-
كم واحدٍ .. أكثر اصحابه يذمونه
و إذا بخصته يصير اطلق من لحاهم

[بخيت ماضي المنصوري @b_almansoori94]

اتعب على الطيب ترى رفقته عز
والا الردي م فاد نفسه يفديك

الصآحب الي لا لمح جيتك فز
هذا الي لازم تعده عضيدك

[بخيت ماضي المنصوري @b_almansoori94]

له بقلبي بدة الناس هيبه واحترام
وينتحي قلبي لداره س��ات البوصله

كل ماذعذع هوى النود سقت له السلام
من غلاه اقول يمكن سلامي يوصله.

[بخيت ماضي المنصوري @b_almansoori94]

قلبي سجين الحيا والطيب .. عذروبه ،
لو شان وجه الزمن ماشانت اخلاقي !

[بخيت ماضي المنصوري @b_almansoori94]

هذاالزمن لاعادتشره على الناس
و لا تـعــاتـب كــل ماشـفــت زلــه
كـثـر التـشره والعتب يوجع الراس
مــن جازلك جزله و مــن شان خله