Marcus Gavel

Movement #KatibaMpya for Tz Mpya

[Hilda Newton @HildaNewton21]

#UPDATES_KESI_YA_UHAINI

Part 225

Mhe. Lissu anaendelea hapa.

Kama mtakumbuka nilisema ninavyoishi Ukonga, siruhusiwi kuonana na Mawakili wangu in private.

Mnaruhusiwa kutembelea Magereza naomba mliangalie na hili kama itawapendeza inawapa Mamlaka ya kutoa mapendekezo na mamlaka za Magereza kurekebisha masuala yanayohusu wafungwa kama haya niliyosema.

Ni muhimu kwamba kuwasiliana na washauri wangu wa kisheria ilindwe kama sheria inavyosema bila kusikilizwa na maafisa wa Magereza.

Ni hayo tu Waheshimiwa

Mhe. Tundu Lissu amemaliza na amekaa sasa.

Majaji wanaandika hapa.

Anasimama Renatus Mkude kuwa tutampatia hizi nyaraka ndani ya siku 14 tutampatia.

Hili la masuala ya utawala wa mambo ya magereza kwa mujibu wa kifungu cha 16 cha National Prosecution Act na sisi ofisi ya DPP tutatembelea ili kuhakisha kunakuwa na fair trial.

Wameombwa Majaji anasema DPP ataenda eti huko Magereza kuangalia haki za Mtuhumiwa. Uongo uongo uongo. Hawana hata aibu hawa jamaa.

Majaji wanaandika baada ya kusikia hayo kutoka kwa Wakili wa Serikali, Renatus Mkude.

Majaji wanajadili pale.

Yuko Jaji muda wote yeye huwa anacheka anafurahi tu sijui huwa anatabasamu jambo gani? Wanaofika hapa Mahakamani wanamfahamu vizuri.

Jaji Ndunguru: Tumesikia hoja za Jamhuri na Hoja za Mshitakiwa nae kama ambavyo mshitakiwa ameturahisishia kuwa mikono yetu imefungwa kwamba yapo hayo maombi ya marejeo Mahakama ya Rufani.

Sasa shauri hili linasimama hadi pale Mahakama ya Rufani itakapotoa uamuzi.

Suala la Gerezani wakili wa Serikali amesema na sisi pia tumelichukua.

Mwenendo wa shauri hili unasimama hadi pale mambo ya Court of Appeal yatakapoisha.

So kesi hii imeahirishwa hadi hapo itakapoitwa tena.

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 224

Majaji wameingia muda huu saa nane Kamili Mchana.

Wanaandika pale juu.

Mheshimiwa Lissu ameingia na kuteta jambo na Dr. Nshala tunamsikia anasema waende kokote watakapotaka kwenda tutakutana nao huko. Sasa sijui ni wapi anamaanisha.

Anasimama Renatus Mkude Wakili wa Serikali kwa niaba ya jopo la Mawakili wa Serikali tunaomba radhi kwani tulifikiri tungetumia lisaa limoja.

Mchana huu nipo na Ajuaye, Thawabu Issa na Cathbert Mbiringe. Kwa wote tunawakilisha jamhuri na Mshitakiwa yupo.

Shauri lilipangwa kuendelea na mashahidi. Lakini tumetafakari na tunaitafsiri kwa mujibu wa kifungu cha 6 cha Appellate Jurisdiction Act na kanuni ya 65(1) ya kanuni za Mahakama ya Rufani.

Mkurugenzi wa Mashitaka (DPP) anatoa taarifa ya kuwasilisha taarifa ya mapitio (revision)

Hapa kwanza anakosea Mapitio ni Review alipaswa kusema Marejeo ndio Revision sijui kasoma wapi nae huyu jamaa.😂😂😂

Anaendelea hapa Renatus Mkude, kuwa Notice of motion hiyo imeambatanishwa na kiapo cha Cathbert Mbiringe Wakili wa Serikali ambayo taarifa hii ya kutoa notice kwenda Mahakama ya Rufani imesainiwa leo Tar. 24/02/2026.

Na kupokelewa kwa mifumo ya kielektroniki inayotambulika na Mahakama na kusajili kama. CRIMINAL REVISION NO. 7203216/2026 imepokelewa na Mahakama ya Rufani Tanzania hapa Dar es salaam.

Ambalo chimbuko lake ni Criminal Sessions No. 19605/2025 ambayo iko mbele yenu Waheshimiwa Majaji wa Mahakama Kuu. (Ndunguru, Karyemaha, Kiwonde)

Kwa kuwa shahidi wetu aliyekuwa anafuata ACP Mahamba tuliyemuombea notice additional substamce of evidence na ikakataliwa.

Ni Rai yetu kwamba kwa kuwa shauri hili limeshapokelewa Mahakama ya Rufani haiwezi kusimama ili kuweza kutoa nafasi kwa shauri husika huko Mahakama ya Rufani kuweza kuamuliwa.

Ni hayo tu kwa sasa.

Tunamsubiri Mh. Lissu atajibu nini?

Mhe. Lissu anaanza.

Baada ya kuzikiliza wasilisho la upande wa Mashitaka nina haya ya kusema.

1. Kwa vile mimi nipo gerezani na wanajua nataka wanipatie hiyo nakala ya Notice of Motion waliyofile niweze kuiona.

2. Ninafahamu na ninatumaini na wao wanajua kwamba kwa mujibu wa kifungu cha 8(2)(d) cha Sheria ya Mamlaka ya Rufaa ambacho wamekitaja (Appellate Jurisdiction Act) wanafahamu kwamba hakiruhusu rufaa wala mapitio wala marejeo ya maamuzi ya Mahakama ambayo hayamalizi shauri la msingi. (Interlocutory decisions) sina shaka na wao wanalifahamu hilo.

3. Waheshimiwa Majaji siwaombi mtoe uamuzi wowote kuhusu hili ninalolisema.

Nataka iwe kwenye record kwamba nafahamu na naamini upande wa mashitaka wanafahamu lengo la kupeleka ombi la marejeo Mahakama ya rufani na wanafahamu hairuhusiwi ni kurefusha mashauri haya ili niendelee kukaa Gerezani. Ni hilo tu.

Kwamba tupeleke Mahakama ya Rufani ili huyu mbaya wao ambae ni mimi aendelee kukaa Gerezani.

Kwa vile wananipeleka kwe ye Mahakama ya Rufani nataka niwaeleze kuwa nitawafuata huko huko naenda kuwashughulikia huko huko.

Kama ambavyo kesi yao is dead on arrival najua hata hii revision yao pia imeshakufa.

Tutarudi hapa yakiisha huko ya Mahakama ya rufani tutarejea hapa na nitawashughulikia tukirudi.

Jambo la Mwisho Mawakili wangu wametaka kunipa nyaraka hapa lakini siwezi kupewa hadi nyie mseme.

Sijui wanaogopa nini watu wa magereza nisipewe huo uamuzi hapo ni makaratasi tu.

Naambiwa ni hukumu kutoka huko Umoja Wa Mataifa lakini Magereza wanaogopa nisipewe.

Tena ni uamuzi unaohusiana na mimi kuwepo Gerezani. Tatizo liko wapi?

Jaji anasema uko wapi? Umepelekwa wameuona wamesema wape Mawakili wa Serikali.

Wako wanasoma hapa Mawakili wa Serikali huo uamuzi.

Anasimama Renatus Mkude anasema mimi ni member wa working group za UN Human Rights Council.

Jaji: Tumesema apewe au asipewe?

Renatus Mkude: Apewe tu.

Part 225 itaendelea kwenye post inayofuata,

Naomba Repost yako.

[Hilda Newton @HildaNewton21]

JAMBO LA KUSHANGAZA MAHAKAMANI.

Muda huu wameingia wasaidizi na walinzi wa Majaji wamechukua Computer na vifaa vya Mahakama wameondoka navyo.

Inaonekana muda huu kesi haiwezi kuendelea maana wanaondoa kila kitu Mahakamani.

Taarifa tuliyonayo Mawakili wa Serikali hawajaonekana na hawajarudi Mahakamani so muda huu Karani amesimama hapa na kusema kuwa kuna jambo limejitokeza anaenda kutafuta ufafanuzi kwa Msajili wa Mahakama atarudi kuleta mrejesho.

Kwahiyo tupo njiapanda hatujui kinachoendelea hadi sasa.

Kesi imewashinda wanalazimisha ni aibu kwa Mahakama kuiamuru Jamhuri kuwa ilete Mashahidi baada ya lisaa limoja kwasasa ni masaa mawili yanaelekea matatu hakuna kinachoendelea.

Mawakili wa Serikali wanaamua kesi iendelee au isiendelee.

Vituko, Vichekesho na Maajabu.

Tunaendelea tuone mwisho wa hizi drama zao.

Wako Muhabarishaji,
Hilda Newton.

[Hilda Newton @HildaNewton21]

#UPDATES_KUTOKA_MAHAKAMA_KUU

Muda huu ni saa sita nayo dakika 17 kesi ya mchongo ya uhaini dhidi ya Mhe. Lissu bado haijaanza na Mawakili wa Serikali hawaonekani.

Tetesi kutoka kwa msiri wetu zinasema wanapigiwa simu hawapokei na wengine wamezima simu.

Mawakili wa Serikali wamechimba. Majaji na Mahakama imeachwa solemba, haya mambo yanashangaza kabisa.

Jamhuri kama hii kesi imewashinda waiondoe au wakae na Lissu Gerezani bila kesi kuendelea tujue moja maana hapo awali leo Walisema wanahitaji lisaa limoja kutafakari muda huu yamefika masaa mawili. Hawaonekani na hawajulikani walipo.

Unaambiwa hakuna anayefanikiwa kuwapata Mawakili wa Serikali na hawajulikani wameenda wapi?

Sijui ndio kufuata maagizo kutoka juu.😂😂😂😂

Haya ni maajabu na ni mambo yanayoshangaza sana.

[Hilda Newton @HildaNewton21]

#UPDATES_KESI_YA_UHAINI

Leo February 24, 2026

Last time tuliishia Part 222 so leo tunaendelea na-;

Part 223

Majaji wameingia na Mshitakiwa pia ameingia.

Karani anasoma shauri hapa.

Anasimama Renatus Mkude anasema yupo na Ajuaye, Katuga, Thawabu, Cathbert Mbiringe.

Anasema leo tumekuja kwa ajili ya kupokea ruling na sisi tuko tayari.

Jaji Ndunguru: Mshitakiwa unasemaje?

Mhe. Lissu: Na mimi niko tayari.

Jaji anaanza kusoma hapa UAMUZI.

Uamuzi huu unatokana na pingamizi lililowekwa na pingamizi la mshitakiwa kutokana na taarifa ya kuongezwa kwa ushahidi.

Taarifa hiyo ililetwa tarehe 18/02/2026 na upande wa Mashitaka kwamba unatokana na pingamizi lililowasilishwa na mshitakiwa.

Notice hiyo ililetwa kwa mujibu wa kifungu cha 308 cha CPA.

Mshitakiwa alieleza Mahakama kwamba kifungu hicho kinaelezea shahidi ambae maelezo yake hayakusomwa wakati wa mwenendo kabidhi na hivyo walichokileta upande wa mashitaka ni kuleta ushahidi mpya.

Upande wa mashitaka walijibu notice ipo halali kwa mujibu wa sheria na imekibidhi matakwa ya kisheria na ipo kwa mujibu wa sheria.

Huo ndio ulikuwa msingi wa hoja za pande zote mbili.

Mahakama imeona hoja inayopaswa kuamuliwa ni je notice hiyo ipo kwa mujibu wa sheria?

Ili kurahisisha Mahakama imeona ili reproduce notice hiyo inavyosema.

Anasoma notice inavyosema kwamba ni notice ya kuongeza maelezo ya ziada ya shahidi husika ambae ni Amin Mahamba.

Hakuna mashaka kwamba upande wa mashitaka wanataka kuongeza ushahidi wa Amin Mahamba.

Kwa vile Amin Mahamba ni shahidi na statement yake ilishasomwa wakati wa committal ilishasomwa.

Notice inasema ushahidi unaotaka kuletwa ni wakati wa uchaguzi wa tar. 29/10/2026.

Anasoma kifungu cha 308 cha CPA kinavyosema.

Ukiangalia kifungu hicho kinatoa masharti au mazingira ambayo notice hiyo ni reasonable au laaa.

Masharti ni kwamba

1. Maelezo yatoke kwa shahidi

2. Uwe ni ule ushahidi ambao haukusomwa wakati wa committal

3. Uwe ni ushahidi ambao haukusomwa wakati wa proceedings

Kifungu cha 308 ndio kinachosema hawezi kutoa ushahidi hadi watakapoleta notice na hivyo basi ukiangalia hayo kifungu hicho cha 308 kinafungua mlango kwa shahidi ambae alikuwepo na bahati mbaya maelezo yake hayakuletwa.

Amin Mahamba maelezo yake yalikuwepo wakati wa commital, anataka kuleta mambo ya Uchaguzi ambayo hayakuwepo wakati wa committal.

Ipo kinyume na kifungu cha 308 cha CPA.

Hivyo basi kifungu cha 308 kinaweza kuruhusu notice hiyo tumeona kwamba kifungu hicho hakiruhusu kabisa.

Shauri la Remina Omary Abdul tumeona linahusiana na vielelezo vya wakati wa committal. Shauri hilo haliwezi kutibu chochote katika hoja iliyopo mbele yetu.

Hiyo notice ya kuongezwa kwa ushahidi ambayo imeletwa na upande wa mashitaka haitambuliwi na kifungu cha 308 cha CPA.

Kimsingi tunasema kwamba fundamentally haiko sahihi na baada ya kusema hayo basi notice hiyo ni incompetent na tiba pekeee iliyopo ni kwamba notice hiyo lazima iwe struck out. Ni hayo tu.

Anasimaa. RENATUS MKUDE anasema baada ya kupokea ruling tunatafakari tunaomba ahirisho ya lisaa limoja.

Twende kutafakari.

Bado majaji wanashauriana pale juu.

Nafikiri leo KATUGA atajua vizuri nani ni Bingwa wa Sheria😂

Anasimama Mh. Lissu anasema mmesema kuwa mashahidi waletwe leo na mlisema tutasikiliza uamuzi wa pingamizi na tutasikiliza shauri leo.

Sasa wanasema tuahirishe kusikiliza ili wakatafakari.

Wanaenda kutafakari nini? Ili iweje? Huu uamuzi haukatiwi rufaa.

Tusipoteze muda kila tunapopoteza muda anayeumia ni mimi sasa wao walipaswa kuleta mashahidi na wasitupotezee muda kabisa, tuendelee kusikiliza shauri hili.

Majaji wanaandika kidogo

Anasimama Renatus Mkude anasema tumemsikia Mshitakiwa

Tuna mambo mawili.

1. Tumepokea ruling ya Mahakama na tumeikubali
2. Jambo la pili ni kwamba tulimtaja shahidi ambae lazima tuwezi kumuandaa shahidi yetu

Jaji Ndunguru anasema tulisema muwe na mashahidi wakutosha. Tukiendelea kubishana tutapoteza muda, turudi mahakaman saa 5 kamili

[Hilda Newton @HildaNewton21]

#UPDATES_KESI_YA_UHAINI

Part 222

Katuga anasema kifungu cha 308 ni mlinzi wa kifungu cha 263 cha CPA ni kumfanya mshitakiwa awe aware na ushahidi wote anaokutana nao Mahakama kuu.

Ushahidi upo wa aina nne, real, documentary, testimonial na nyingine nimesahau nitaikumbuka.

Kwahiyo kwa maana ya aina ya shahidi nne zinatakiwa zioneshwe kwa mshitakiwa kabla ya kuwa committed kwenda High Court na kwakuwa kuna takwa hili la 263 kukawekwa kifungu cha 308 ambacho ni mlinzi sasa.

Kwamba hakutakuwa na ushahidi utakaoingia hadi uwekwe wazi basi prosecution wampe notice kuhusiana na ushahidi huo ni lini prosecution wamegundua huo ushahidi. Je mshitakiwa alikuwa na reasonable time kuupitia.

Kif. 308(4) kinazungumzia substance or witness.

Kesi ya Remina Omary Abdul vs Jamhuri CA 189/2020 Mahakama ya Rufaa ilisema, INASEMA IF PART OF THE EVIDENCE IS NOT DISCLOSED.

Mahakama ili quote with approval maneno kuwa additional evidence is allowed.

Sisi tunasema mbali na statement yake kusomwa tunataka kuleta mambo mengine ambayo hayakujumuishwa.

Notice hii ina comply na tafsiri ya sheria na sio tafsiri ya mtu. Iko sheria na tunaomba ikubaliwe.

Katuga kuna maneno pia yamesemwa kuwa notice hii ikiachwa hizo sio hoja. Unamtisha nani? Naona kama anatutisha ni hoja ambayo itafungua pandora na hiyo pandora ni ipi?

Tunaomba mapingamizi yatupiliwe mbali.

Anasimama Mh. Lissu kumjibu Kituga.

Nimesikiliza majibu yao naomba niseme yafuatayo.

1. Kifungu cha 308 cha CPA kinahusu shahidi mpya. Shahidi mpya kimesema ni yule ambaye maelezo yake au substance ya maelezo yake haikusomwa kwenye committal. Kwahiyo kifungu hicho kinahusu shahidi mpya na sio ushahidi mpya. Suala ni shahidi wa ziada na sio ushahidi wa ziada wa shahidi ambae tayari maelezo yake yapo tayari.

2. Kwenye notice hii suala la kuamua sio reasonable au laa. Ni suala la kinacholetwa ni shahid mpya au laa.

3. Hiyo kesi ya Remina Omary Abdul waliyoleta si mara ya kwanza inazungumzwa kwenye Mahakama hii. Ililetwa kipindi kile cha Committal. Inahusu kifungu cha 263 tu. Ukurasa wa 32 ni kuhusu section 246 ambacho ni 263 ya sasa. Kwahiyo hiyo kesi inahusiana na mambo ya Committal basi kifanyeni kwa mujibu wa kifungu cha 308 cha CPA.

Mlango wa Amin Mahamba ulifungwa kwenye committal kama mnataka tafuteni shahidi mwingine sio Amin Mahamba.

Hoja ya kwamba hili ni pingamizi limeletwa pre mature nasema liko timely maana yanayohusika na kesi hii yalishakamilika na kuletwa Mahakamani.

Effect yake ni kunibadilishia shitaka maana shitaka langu ni la tar. 03/04/2025 haya ya October ni mambo mapya.

Mkiyaruhusu kwa kuruhusu notice hiyo na nimesema niko tayari, je wao watayaweza? Kwasababu ya October kuna genocide kuna mass killings, mass murder. Ya October ni magumu sana.

Pingamizi langu litalinda integrity ya shauri hili na mashauri haya. I'm only trying to help them wanafikiri kuna deal pale hakuna deal yoyote.

Angalieni kifungu cha 308 cha CPA.

Hii notice ifutiliwe mbali, naomba hivyo.

Majaji wanateta hapa.

Tunasubiri uamuzi wao kuhusu pingamizi hili.

Jaji Ndunguru amejadiliana na wenzake kwa muda mrefu sana hapa.

Anasema ili tuweze kuandika uamuzi na tutarudi kesho saa tatu asubuhi na tutaendelea na mashahidi wengine.

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 221

Jaji Ndunguru ameteta sana na wenzake kama dakika 10 hivi.

Sasa anawasha kipaza sauti.

Anasema yafuatayo: tumesikiliza hoja zote hivyo vijembe vyenu msivilete.

Sasa mshitakiwa alisema anapingamizi na tukasema upande wa mashitaka walete open statement ili Mahakama iamue.

Mambo mengine ya kwamba imeambatana na nini na nini kipo wapi hayo sio mambo ya msingi.

Mshitakiwa endelea sasa, hawa upande wa mashitaka mmemaliza hapo, presentation ya notice na justification ya notice.

Watu wanacheka hapa 😂😂😂😂

Nafikiri mpaka sasa Katuga ameelewa nani ni Bingwa wa Sheria.

Mhe. Lissu amasimam, sasa Waheshimiwa Majaji kwa kuanzia niseme hivi waliyosema wenzetu.

1. Upande wa mashitaka unasema notice yao haileti shahidi mpya bali inaongezea ushahidi wa shahidi ambae ushahidi wake ulishatolewa kwenye committal.

2. Wamemtaja huyo shahidi kwa jina kabisa.

3. Wamesema wameleta viambatanisho vinavyotakiwa kwa mujibu wa kifungu cha 308(2) cha CPA.

Sasa baada ya kusema twende kifungu kinavyosema cha 308

A witness whose statement or evidence was not read during committal......

Kifungu kinasema shahidi mpya.

Kinachotakiwa kuletwa ni jina la shahidi wa ziada, huyu ndio anaweza kutolewa notice.

Wamesema wenyewe hawaleti shahidi mpya bali wanaongezea ushahidi wa shahidi aliyepo.

Sasa huyu shahidi ambae tayari yupo na wamemtaja huyo Shahidi ACP Amin Mahamba.

Sasa waheshimiwa Majaji naomba niwaalike kwenye ukurasa wa 90 na 91 na 99 na 100 wa record ya committal proceedings na ukurasa wa 134 wa record ya Mahakama hii ambapo upande wa mashitaka ulitaja majina ya mashahidi wao.

Huyo Amin Mahamba yupo na mimi maelezo yake ninayo hapa sasa Waheshimiwa majaji hiyo notice inaingiaje mahakamani.

Ushahidi wake tayari upo mahakamani na notice inatakiwa iwe ya shahidi ambae maelezo yake hayakusomwa mahakamani.

Hii sio notice ya additional witness ni notice ya additional evidence ambayo haipo kisheria nimetafuta CPA yote hicho wanachosema hakipo.

Jambo lingine ni kwamba wanaleta ushahidi wa mtu aliyefanya upelelezi wa matukio ya uchaguzi mkuu 2025 sasa Majaji matukio ya tukio ya tarehe 29/10 mimi tayari niko mahabusu

Anasimama Katuga anasema tunapinga anaanza kujadili ushahidi wetu kama mtakubali ni sawa tu.

Lissu: Si ndio kayaleta haya mwenyewe wanakatazaje nisiyazungumzie?

Jaji Ndunguru: Mshitakiwa endelea.

Lissu: amesema mwenyewe kwa mdomo wake hapa Mahakamani. Nilimwambia asibwabwaje sana. Akang'ang'ania kuanza kusema mambo ya tarehe 29/10 ndio maana na mimi nasema hayo ya tarehe 29 mimi nilikuwa jela.

Wanafikiri hayo yatawasaidia maana wanataka kugeuza mashitaka kwa kuleta mambo ya tarehe 29/10/2026. They can not amend the information through the back door. Kama mnataka ku amend information nendeni kwenye kifungu cha 294 ch CPA.

Hiyo wanayoiita notice haipo kisheria. Haitambuliki. Hiyo notice muifutilie mbali. Yaani notice na yaliyomo.

Na mwisho, Wahe. Majaji hiyo notice ikiachwa ikawa sehemu ya record ya Mahakama itafungua sanduku la pandora ambalo lina kila aina ya mambo mabaya ambayo sidhani kama itaweza kushughulika mambo hayo.

Wanataka tuzungumze mambo ya October 29 mtakuwa mmefungulia balaa na isije ikawa shida. Mkifungua huo mlango tutaenda huko. Tutazungumzia mauaji ya kimbali na tutaulizana nani aliyeua watanzania. Hii kitu haina mashiko. Are they ready? Mimi niko tayari. Isiruhusiwe ikiruhusiwa niko tayari?

Jaji tafadhali naomba tusiende huko.

Katuga aliambiwa na Lissu kuwa huwezi kunifundisha Sheria akakataaa. Baada ya Lissu kumaliza hapa. Katuga amekuwa mdogo sana yani. Ni kama anataka kulia.

Katuga anasimama anasema napaswa kufanya nini reply au rejoinder

Mhe. Lissu anasema fanyeni reply halafu mimi ndio nitakuja kumaliza.

Wanakubaliana hivyo.

Part 222 itaendelea kwenye post inayofuata,

Naomba repost yako.

[Hilda Newton @HildaNewton21]

#UPDATES_KESI_YA_UHAINI

Leo February 23, 2026

Last time tuliishia Part 219 so leo tunaendelea na-;

Part 220

Mh. Tundu Lissu anaingia Mahakamani.

Mawakili wa Serikali wapo tayari na Majaji wana kila dalili ya kuingia muda wowote.

Kelele za Shujaa Shujaa Shujaa zinasikika.

Mh. Lissu ameingia anateta jambo pale na Wakili Kisabo na Mahinyila ni kama anawaagiza jambo.

Namuona Wakili Kisabo anachukua simu ni kama anafanya mawasiliano.

Majaji wameingia kuna mtu simu yake imeita, watu wanamshangaa.

Anasimama Kalani anasoma case number.

Anasimama Renatus Mkude, tupo Ajuaye, Katuga, Thawabu Issa na Cathbert Mbiringe. Shauri lilipangwa kwa ajili ya kusikiliza Notice ya kuongeza mashahidi na ushahidi na sisi tuko tayari.

Majaji wanaandika kidogo.

Wanamuuliza Mshitakiwa.

Mhe. Lissu anajibu na yeye kuwa yuko tayari.

Wanaitwa Upande wa Mshitaka anasimama Katuga kuanza.

Mhe. Lissu waheshimiwa Majaji nimepinga hiyo notice toka ijumaa kwahiyo ningesikilizwa.

Katuga Mheshimiwa Jaji utaratibu ni sisi kuiwasilisha ili yeye apinge kama ana hoja ya kupinga hii sio Application.

Mhe. Lissu anasema Waheshimiwa Majaji hicho wanachoita notice sio notice kabisa na hakitambuliki kisheria.

Jaji sisi tulitaka waeleze nini kinaendelea tu.

Mhe. Lissu: Kama ni hivyo sawa.

Katuga: Mnamo tar. 18/02/2026 kwa njia ya mtandao tulifile notice ya kuongeza ushahidi (notice to file additional statement of evidence) tuliifile kwa mujibu wa kifungu cha 308 cha CPA.

Pamoja na notice hiyo tuliambatanisha substance ya ushahidi huo, ushahidi huu haumleti shahidi mpya bali ni nyongeza ya Ushahidi wa ACP, Amin Mahamba.

Kwamba ushahidi huu haujakuwa committed Mahakama ya hakimu mkazi kisutu.

Notice hii inakuja kukidhi matakwa ya kifungu cha 308 cha CPA ambacho kinasema hakuna shahidi au maelezo ya shahidi vitatolewa mahakamani unless viwe vimesomwa wakati wa mwenendo kabidhi (committal)

Kifungu hicho kinafafanua maana ya substance of evidence ikiwa ni pamoja na kitu chochote ikiwemo nyaraka na vitu vingine vinavyoshikika.

Kama ambavyo notice inajieleza, substance ya ushahidi kwamba Amin Mahamba alikuwa ni kiongozi wa timu ya upelelezi wakati wa uchaguzi wa 2025 na baada ya uchaguzi.

Na kile alichokipata kutokana na upelelezi ni kitu ambacho haukusomwa pale kwenye committal.

Ushahidi huo tumeupata na kuugundua wakati tumejiandaa kumuita ACP Amin Mahamba siku ya tarehe 16/02/2026 kwa mujibu wa kifungu cha 308 cha CPA hakijaeleza ni kwa jinsi gani notice itakuwa. Hata kwenye zile prescribed form zilizopo kwenye Sheria hii haijawekwa.

Kifungu hicho kinasema notice ieleze jina la shahidi, substance ya ushahidi na details za shahidi kiujumla kwa mujibu wa kifungu cha 308 (2) cha CPA.

Hivyo vyote tumefanya kwenye notice yetu kucover matukio ya tarehe 29/10/2025.

Anasimama Mhe. Lissu, anasema waheshimiwa mbona kama anaendelea kufanya mambo ambayo hamjamuelekeza.

Katuga waheshimiwa kwani hiyo introduction iko chini ya Sheria gani? Sisi tunaintroduce kwa namna tunayoona ili mwenzetu.

Mhe, Lissu: Asinifundishe Sheria, asijaribu kabisa kunifundisha Sheria, anaanzaje kufanya submission ya hiyo notice kabla uhalali wake haujaamuliwa.

Katuga: Waheshimiwa hakuna bingwa wa Sheria, mabingwa ni nyie tu Majaji.

Majaji wanateta pale juu.

Tunasubiri muongozo wao.

Part 221 itaendelea kwenye post inayofuata,

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 219

Mhe. Lissu anaendelea kumfanyia Cross Examination Shahidi wa Jamhuri Coplo Amani.

Coplo Amani.: mimi sijalisema tu kama wewe umelisema basi ndio umesema.

Mhe. Lissu: Ni kweli kwamba P3 alikwambia kuwa ni mwanachama wa CHADEMA, kweli au si kweli

Coplo Amani : sio kweli

Mhe. Lissu: Wewe ndio uliandika maelezo yake kielelezo D12

Coplo Amani : kweli

Mhe. Lissu: Sasa ngoja nikusomee… “mimi pia ni mfuasi na mwanachama wa CHADEMA” kweli si kweli.

Coplo Amani : kweli

Mhe. Lissu: Waeleze majaji kama kwenye maelezo yako uliyasema hayo

Coplo Amani : sikuyasema

Mhe. Lissu: Alikuonyesha kadi yake cha chama

Coplo Amani : sikutaka anionyeshe

Mhe. Lissu: alikwambia wafuasi wa chadema wana alama gani?

Coplo Amani : sikumuuliza mm

Mhe. Lissu: ndo maana nasema huyu ni askari wa kitengo cha intelijensi halafu mnasema ni shahidi.

Mhe. Lissu: Turudi kwa Inspekta Jorum, ni kweli polisi inapopokea watu waliofanya uhalifu , Polisi wanafungua investigation register?

Coplo Amani : ni sahihi

Mhe. Lissu: waelezze majaji kama kwenye maelezo yako polisi walifungua investigation register

Shahidi: sijui

Mhe. Lissu: Waeleze majaji baada ya maafa yote hayo ya October 29 kama mmemchukulia hatua yoyote huyu baada ya kusema atapiga watu mawe?

Coplo Amani: Simfahamu chochote kuhusu swali lako

Mhe. Lissu: inaingia akilini hii

Coplo Amani : Mimi sifahamu chochote kwa kweli.

Mhe. Lissu: Waeleze majaji kama unajua mashahidi wote wa kificho walisema waliona hiyo video yangu maarufu tarehe 4 april

Coplo Amani : Mimi sio mpelelezi wa mafile yote

Mhe. Lissu: Na unahabari wote waliokuja hapa ni boda boda na machinga hakuna afisa wa serikali au n.k

Coplo Amani : sina habari

Mhe. Lissu: Ulipomuachilia P3 kwa dhamana ulichukua hatua gani kuhakikisha aendelei na kupiga watu mawe na uasi?

Coplo Amani : sikupewa hilo jukumu

Mhe. Lissu: Waheshimiwa majaji mimi sina maswali ya ziada.

Serikali: Kwa leo tulikua na shahidi huyu tu mmoja, tunaomba ahirisho kwasababu hali ya hewa ya Dar es salaam imebadilika na zimebaki dakika 20.

Kwasababu za kiusalama tunaomba ahirisho hadi siku ya Jumatatu ili tuje kuendelea kusikiliza juu ya notice tuliyoileta

Mhe. Lissu: Waheshimiwa Majaji kwa dakika 20 kwangu si haba, mimi ninaomba hizi dakika 20 kwasababu nilishasema nina mapingamizi, naomba niongee juu ya hayo leo ili tusiathiri muda wa mashahidi wengine Jumatatu.

Naomba nipate hizi dakika 20 kwasababu mimi niliyepo Gerezani ndiye ninayepata shida, kwahiyo naomba tutumie hizi dakika jambo lifanyike.

Wakili wa Serikali: Waheshimiwa sisi tunaomba ahirisho lakin vilevile kama mnavyojua dini zote mbili tupo kwenye mfungo kwahiyo tunaomba ahirisho.

Lakini vilevile PO yake haijasajiliwa bado kwahiyo kama ataweza kuisajili na kuisikiliza basi aisajili na sisi tupewe nafasi ya kuiona ili tu-submit

Mhe. Lissu: waheshimiwa majaji sikutarajia kwamba hili litakua na kubishana namna hii, nililetewa hii notice jana na nikatoa notice ya mdomo kwamba naipinga tena immediately nilipopatiwa tu notice hii.

Naijua sheria, sasa wanaposema tuahirishe ili niendelee kukaa gerezani ni sawa tukutane Jumatatu ili tuzungumzie PO yangu niliyoileta jana.

Na jana nilisema kabisa PO ni ya kisheria na itaenda na kifungu icho icho cha 308(1) cha CPA, mimi nakaa gerezani kwasababu ya michezo hii mnayoleta mawakili wa serikali kila siku.

Jaji Ndunguru anasema shauri litaendelea siku ya Jumatatu, tunatarajia serikali mlete mashahidi, tutaanza na hoja ya notice, tukimaliza tutaendelea na mashahidi wengine.

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 218

Mhe. Lissu anaendelea kumfanyia Cross examination Shahidi wa Jamhuri Coplo Amani.

Mhe. Lissu: Angalia D14 tuambie wapi alisema alimuona Tundu Lissu akihamasisha uasi, kufanya vurugu na kuharibu uchaguzi wa 2025?

Coplo Amani : Hayo maneno kufanya vurugu hayapo kwenye kielelezo

Mhe. Lissu: April 17, 2025 kwenye ushahidi wako wa hii siku unasema ulikuwa kituo cha Polisi Ilomba na ukapewa maelekezo na inspekta Jorum kuandika maelezo ya mtuhumiwa kama shahidi kuhusiana na alichoeleza juu ya Mwenyekiti wake Tundu Lissu kuhusu kauli yake na akahamasika na akashawishi wenzake wafanye vurugu na kuharibu uchaguzi mkuu 2025, eleza kama maelezo hayo yapo

Coplo Amani : hayo maelezo hayapo

Mhe. Lissu: Coplo Amani shahidi haya yote ambayo nimekuuliza kama yapo au hayapo ma umesema hayapo katika maelezo yako, swali langu ni uliyasema hapa mahakamani kwasababu ni mambo muhimu kwa mahakama kuyasikia, kweli au si kweli.

Coplo Amani : Waheshimiwa majaji naomba nitoe ufafanuzi.

Mhe. Lissu: Hapana naomba ujibu swali langu

Coplo Amani: nawaomba majaji

Mhe. Lissu: hapana

Coplo Amani : ni kweli

Mhe. Lissu: Umewaeleza waheshimiwa majaji kwanini hayo mambo muhumu hayapo katika maelezo yako??

Coplo Amani : bado nina muda

Mhe. Lissu: Waheshimiwa majaji naomba shahidi ajibu swali langu

Coplo Amani : sijayasema na sijayaeleza kwasababu ninazozijua Mimi.

Mhe. Lissu: Nataka uangalie icho kielelezo D14 ni nataka uangalie halafu uniambie kama nakosea umeandika baada ya kupata maelezo ya kazi ya Jorum nilianza ufuatiliaji Isyesye mtaa wa Mwantengule, kwa maneno hayo nitakuwa sahihi nikisema kwamba ulikwenda Mwantengule ukiwa tayari unamjua P3

Coplo Amani: nilikua simfahamu

Mhe. Lissu: Kama ulikua humfahamu uliendaje moja kwa moja ukamkamata

Coplo Amani : Nilishasema nilionyeshwa na askari wa intelijensi

Mhe. Lissu: hayapo kwenye maelezo yako and it is too bad.

Mhe, Lissu: P3 ni dereva wa boda boda sio

Coplo Amani : ndio

Mhe. Lissu: Na umesema askari wa intelijensi huwa wanajichanganya hata kwa boda boda

Coplo Amani : kweli

Mhe. Lissu: sasa waambie waheshimiwa majaji kama huyu P3 sio askari wa kweli wa intelijensia

Coplo Amani : si kweli

Mhe. Lissu: umesema P3 alipanga kupiga watu mawe, kuasi nchi halafu umesema Jorum alikwambia umuachie kwa dhamana, inaingia akilini??

Coplo Amani : inaingia akilini

Mhe. Lissu: mtu anayepanga uasi na kupiga watu mawe mnampa dhamana?! Kwanin tushangae yaliyotokea October 2025!

Coplo Amani : mimi sijui bwana muulize Jorum

Mhe. Lissu: Jorum hayupo kwenye kizimba

Mhe. Lissu: kwahiyo nyinyi Polisi ndo mlipanga mambo ya October 29

Coplo Amani : Mimi sina majibu ya hilo.

Mhe. Lissu: Eleza kama umeleta pikipiki uliyomkamata nayo

Coplo Amani : sijaonyesha

Mhe. Lissu: usajili wa Bodaboda

Coplo Amani : Hakuna

Mhe. Lissu:Kadi ya bodaboda

Coplo Amani : hakuna

Mhe. Lissu: Na huyu jamaa tunamtambua kama P3, hatujui jina lake, amejificha kwenye kibox hatujamuona tutajuaje kama ni boda boda?

Coplo Amani : hayo mambo yanahusika vipi kwenye kesi hii

Mhe. Lissu: yanahusika

Mhe. Lissu: Huyu P3 ulivyomfikisha Ilomba ulimuweka mahabusu, kweli au si kweli

Coplo Amani : Si kweli

Mhe. Lissu: Naomba nimsomee shahidi kielelezo D12 jinsi P3 alivyofikishwa kituoni……”tulivyofika kituoni aliniweka mahabusu”

Sasa swali langu kati ya ushahidi wako ww na ushahidi wa P3 Mahakama ichukue upi kuwa ni ushahidi wa kweli?

Coplo Amani : hilo ni jukumu la mahakama.

Mhe. Lissu: naomba ujibu swali langu

Coplo Amani : hilo ni jibu la mahakama

Mhe. Lissu: Waheshimiwa majaji naomba shahidi ajibu swali langu

Katuga: Waheshimiwa shahidi ameshajibu sasa kama halimpendezi basi hilo ndio jibu

Mahakama: endelea na Cross

Mhe, Lissu: Kwenye ushahidi wako kizimbani umewaambia majaji kwamba P3 alikua anahamasisha watu kupiga mawe?

Coplo Amani : ni sahihi

Mhe. Lissu: Kwanini hujalisema wakati upo kizimbani

Part 219 itaendelea kwenye post inayofuata,

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 217

Anaendelea Mhe. Lissu na Cross examination.

Mhe. Lissu: Sasa shahidi ili nikuhoji vizuri naomba uwaambie waheshimiwa majaji kama upo tayari maelezo yako yapokelewe kama kielelezo

Coplo Amani : nipo tayari

Serikali: hatuna pingamizi.

Mahakama; maelezo haya yanapokelewa kama exhibit D14

Mhe. Lissu: Waheshimiwa naomba exhibit D14.

Mhe. Lissu: Sasa shahidi maelezo yako sasa ni kielelezo D14 naomba uyaangilie vizuri

Swali langu la kwanza umesema unafanya kazi katika kitengo cha upelelezi chini ya Mkuu wa upepelezi wilaya

Coplo Amani : ni kweli

Mhe. Lissu: Waeleze waheshimiwa majaji kama hayo maneno yapo kwenye D14

Coplo Amani : yapo

Mhe. Lissu: wapi

Coplo Amani : angalia page ya pili

Mhe. Lissu: soma

Shahidi anasoma

Mhe. Lissu: Naomba niangalie hayo maelezo na waheshimiwa majaji naomba na nyie muangalie kwenye typed.

Mhe. Lissu: naomba na mimi nisome waheshimiwa majaji, yupo sahihi kama alivyosoma ya kwangu ndio yamekosewa.

Mhe. Lissu: Kwenye ushahidi wako shahidi umesema wewe ni msaidizi katika shughuli zote za upelelezi wilaya ya Mbeya

Coplo Amani : sahihi kabisa

Mhe. Lissu: Waeleze Majaji kama hayo maneno yapo kwenye kielelezo D14

Coplo Amani : hayo maelezo hayapo

Mhe. Lissu: Kwenye ushahidi wako umesema ulikua unaelezea Kituo cha polisi Ilomba ulisema ni Kituo kidogo cha polisi kilicho chini kituo cha kati cha mbeya kama out post na ukisema ivi ina maana hakija-qualify kuwa Kituo cha Polisi?

Coplo Amani : sahihi

Mhe. Lissu: kama hayo maneno yapo kwenye maeleezo yako

Coplo Amani : hayapo

Mhe. Lissu: 4 april 2024 kwa majibu wa maelezo yako ulipewa maelekezo na Jorum kwenda mtaa wa Mtengule

Coplo Amani : Kweli

Mhe. Lissu: Lakini alikupa namba ya simu askari wa intelijensia ili akuongoze ukamkamate mhalifu

Coplo Amani : sahihi

Mhe. Lissu: waambie kama hayo maneno kwamba ulipewa namba ya simu yapo kwenye maelezo yako.

Coplo Amani : hayo maelezo hayapo katika kielelezo D14

Mhe. Lissu: uliwaeleze askari wa intelijensia kama askari wanaojichanganya na raia kama vile boda boda

Coplo Amani : ni kweli

Mhe. Lissu: Waeleze majaji kama huo ufafanuzi wako upo kwenye maelezo yako.

Coplo Amani : hakuna

Mhe. Lissu: : Baada ya kupewa namba ya mtu wa intelijensi uliwasiliana nae na badae ulikutana nae mtaa wa Mtengule

Coplo Amani : Kweli

Mhe. Lissu: waeleze kama hayo maneno yapo kwenye maelezo yako

Coplo Amani : hayapo

Mhe. Lissu: Umesema huyo Askari wa intelijensia alikuongoza na kukuonyesha huyo mtuhumiwa katika kijiwe cha boda boda na kulikua na watu wengi, waeleze kama hayo maneno yapo kwenye statement yako

Coplo Amani : hayapo

Mhe. Lissu: Umesema taarifa ulizopewa mtuhumiwa ndiye anayehamasisha wenzake kufanya vurugu na kuzuia uchaguzi wa 2025

Coplo Amani : kweli

Mhe. Lissu: waonyeshe hayo maneno kama yapo katika maelezo yako.

Coplo Amani : hayapo

Mhe. Lissu: Sasa ushahidi wako unasema ivi baada ya kuonyeshwa huyo mtuhumiwa ulimfata na kumtoa pembeni ya kijiwe, kisha ukajitambulisha kwake kwa jina na ukamwambia tuhuma zake za kuhamasisha vurugu na kuzuia uchaguzi wa 2025, sasa angalia D14 na ueleze kama hayo maeno yapo?

Coplo Amani: hayapo.

Mhe. Lissu: Kwenye ushahidi wako umesema, ulimueleza kuwa anahitajika kituo cha polisi Ilomba na alikubali kwenda, ni kweli au si kweli

Coplo Amani : kweli

Mhe. Lissu: Waeleze kama hayo maneno yapo katika maelezo yako D14

Coplo Amani: Ndio yapo

Mhe. Lissu: yapo wapi, utusomee?

Coplo Amani : hayapo

Mhe. Lissu: Umesema kwamba, kwenye maelezo yako tuhuma iliyokuwa inamkabili ni kinyume na kifungu cha 390, waeleze waheshimiwa majaji kama kwenye maelezo yako yapo?

Coplo Amani : hayapo.

Mhe. Lissu: umesema baada ya kumhoji alikubali kuwa anashawishi wenzake juu ya vurugu na wakati akiangalia YouTube aliona Tundu Lissu akihamasisha uasi, kufanya vurugu na kuharibu uchaguzi wa 2025

Coplo Amani :Kweli

Part 218 itaendelea kwenye post inayofuata,

Naomba repost yako.

[Hilda Newton @HildaNewton21]

#UPDATES_KESI_YA_UHAINI

Part 216

Jaji Ndunguru: Mshitakiwa Maswali ya Dodoso.

Anasimama Mheshimiwa Lissu kwa ajili ya kumfanyia Cross Examination Shahidi ambae anaitwa Coplo Amani.

Mhe. Lissu: Waheshimiwa kwa kuanzia naomba nipatiwe kielelezo D12, waheshimiwa majaji haya ni maelezo ya P3.

Mhe. Lissu : Sasa shahidi naomba uwaeleze majaji kama uliandika maelezo polisi

Coplo Amani : ni sahihi

Mhe. Lissu: waeleze majaji kama unaweza kuyatambua ukionyeshwa

Coplo Amani : nikionyeshwa nitaweza kuyatambua

Mhe. Lissu: naomba shahidi aonyeshwe maelezo yake aliyoandika polisi.

Coplo Amani : haya ndio maelezo yangu

Mhe. Lissu: asante sana, sasa shahidi hayo maelezo yako naomba uwaeleze majaji kama uliyaandika mwenyewe au uliandikiwa na askari mwingine?

Coplo Amani : haya maelezo niliandikiwa na askari mwingine

Mhe. Lissu: mtaje jina tafadhali

Coplo Amani : Anaitwa H9207 detective coplo Robert

Mhe. Lissu: Kwenye maelezo yako hayo waeleze majaji kama ni utaratibu mtu anayeandika maelezo ya shahidi hawezi akawa ndio mtu huyohuyo kama shahidi?

Coplo Amani : ni sahihi

Mhe. Lissu: Waheshimiwa majaji pamoja na majibu mazuri ya shahidi huyu nataka ku-impeach credibility yake, nitamsomea maelezo yake, nitamuonyesha maeneo nitakayotaka kumuuliza maswali halafu nitamtaka ayawasilishe kama kilelezo.

Mhe. Lissu anamsomea maelezo yake

Mhe. Lissu : Haya ndio maelezo yako kama nilivyoyasoma?

Coplo Amani : Waheshimiwa majaji mshtakiwa kuna maeneo amekosea naomba nimrekebishe, sio kata ya Isuesue ni Isyesye 😁

Mhe. Lissu: Waheshimiwa majaji kwakua na nyie mnarekodi hii mimi nimeona imeandikwa isuesue waheshimiwa…

Kwenye maneno “ni dereva wa bodaboda isuesue Mwintengule”… kwenye original Isyesye… kwahiyo tutaenda na ya kwako.

Kuna eneo lingine ambalo lina shida?

Coplo Amani : hapana.

Mhe. Lissu : Sasa kuna maeneo nataka kukuhoji kwa ajili ya kukukanusha kama ifuatavyo;

1. Kwamba unafanya kazi chini ya OCCID Mbeya mjini

2. ⁠Kwamba wewe ni msaidizi wa upelelezi ndani ya Mbeya mjini

3. Umeelezea Kituo cha Polisi cha Ilomba kwamba ni kituo kidogo kilichopo chini ya kituo cha Kati Mbeya umesema ni kama out post.

4. Umeeleza kwamba kaimu OCCID Inspekta Jorum alipokupa maelekezo ya kwenda kumkamata P3 alikupa namba ya simu ya askari wa kitengo cha intelijensia kwa ajili ya kwenda kumkamata P3

5. ⁠Kwamba hawa askari huwa wanajichanganya na raia kama dereva boda boda n.k

6. ⁠Baada ya kupewa namba ya simu ukawasiliama nae na mkakutana Isyesye.

7. Kwamba kulikua na watu wengi na mlipita na akakuonyesha mtuhumiwa kwenye kituo cha boda boda.

8. ⁠ Taarifa mlizopewa na Jorum ni mtuhumiwa ndiye anayehamasisha wenzake kufanya vurugu uchaguzi wa 2025

9. ⁠Baada ya kuonyeshwa huyo mtuhumiwa ulimfata na kumtoa pembeni ya kijiwe na kisha ulijitambulisha kwake kwa jina na kumueleza tuhuma zake.

10. Ulimwambia baada ya kumtoa pembeni kwamba anahitajika Kituo cha Polisi Ilomba na yeye alikubali kwenda.

11. ⁠Ni ushahidi wako maelezo aliyoandika mtuhumiwa ni uchochezi, kusababisha vurugu na kuzuia uchaguzi mkuu wa 2025.

12. ⁠Shitaka uliloandika lilikua ni kukiuka masharti ya kifungu cha 390 cha Penal code

13. ⁠Wakati ukimhoji alikwambia kwamba aliona taarifa kwenye YouTube akamuona Lissu akiwa anahamisisha uasi, kufanya vurugu na kuharibu uchaguzi 2025.

14. ⁠Baada ya kuandika maelezo yake ulimjulisha inspeka Jorum akakuelekea kumuachia kwa dhamana na we anaripoti kila baada ya siku tatu

15. Ni ushahidi unaohusu tareh 17 april 2025 kwamba siku hiyo wakati ukiwa Ilomba Kituo cha Polisi ulielekezwa na inspekta Horum kuandika maelezo ya mtuhumiwa kama shahidi kuhusiana maelezo ya Mwenyekiti wake Tundu Lissu na yeye kuwa mstari wa mbele kuhamasisha vijana wenzake kufanya vurugu.

16. ⁠Baada ya kurekodi malezo hayo na ulimjulisha Inspekta Jorum na ukamkabidhi malezo hayo.

Part 217 itaendelea kwenye post inayofuata,

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 215

Katuga anaendelea kumuongoza Shahidi ambae ni Coplo Amani

Wakili wa Serikali: Kikafuata nini?

Coplo Amani: Baada ya kuonyeshwa mtu huyo, nilimfata na nikamuita nikamtoa eneo hilo la bodaboda tukakaa pembeni kidogo, nikajitambulisha kwake kwamba mimi ni G9304 natoka Kituo cha Polisi kati Mbeya, baada ya hapo nilimueleza tuhuma yake ya kuhamsisha vurugu na kuharibu uchaguzi wa 2025.

Wakili: Uchaguzi ulihusu nini?

Coplo Amani : Uchaguzi ulikua unahusu rais, wabunge pamoja na madiwani.

Wakili: Ukafanya nini?

Coplo Amani : Baada ya kumueleza tuhuma zake nikamueleza kwamba anahitajika Kituo cha Polisi Ilomba.

Wakili: kikafuata nini?

Coplo Amani : Baada ya hapo hakubisha na alikubali kwenda kituo cha polisi Ilomba.

Wakili: ukafanya nini?

Coplo Amani : niliondoka nae mpaka Kituo cha Polisi Ilomba

Wakili: ukafanya nini?

Coplo Amani : Baada ya kufika kituo cha Polisi nilimjulisha Inspekta Joram, akanipa maelekezo ya kumuandika mtuhumiwa maelezo.

Wakili: anaitwa nani huyo mtuhumiwa?

Coplo Amani: Mtuhumiwa huyo katika shauri hili anajulikana kama P3.

Wakili: Ikawaje?

Coplo Amani : Nilimuandika maelezo kwa tuhuma za uchochezi na kuhamasisha kufanya vurugu na kuharibu uchaguzi mkuu wa 2025.

Wakili: Nini kikafuata?

Coplo Amani : Baada ya hayo maelekezo nilimuandika maelezo kama nilivyoelekezwa na nilimuandika maelezo kama mtuhumiwa.

Wakili: kwa kosa gani?

Coplo Amani : makosa hayo ni kinyume cha kifungu cha 390 cha sheria ya kanuni ya adhabu

Wakili: Ikawaje?

Coplo Amani :. Baada ya kumhoji mtuhumiwa alinieleza kwamba ni kweli alihamasisha wenzake kufanya fujo na kuharibu uchaguzi mkuu wa 2025

Wakili: Nini Kingine?

Shahidi: Pia alinieleza siku hiyo ya tarehe 4 April 2025 alikua akipitia taarifa mbalimbali na wakati anaendelea kupitia taarifa kwenye mtandao wa youtube alisikia mtu ambaye alimtaja kama Mwenyekiti wa CHADEMA anayeitwa Tundu Antiphas Lissu akiomgea na kutoa kauli za kuhamasisha uasi, kufanya vurugu na kuharibu Uchaguzi Mkuu wa 2025.

Wakili: kikafuata nini?

Coplo Amani : Baada ya kumaliza kumuandika maelezo nilimjulisha Inspekta Joram na akanipa maelezo kwamba mtuhumiwa adhamimiwe na aripoti kituo cha polisi Ilomba na aripoti kila baada ya siku tatu.

Wakili: nini kilifanyika Tarehe 17 April

Coplo Amani : Tarehe 17 april 2025 nikiwa kituo cha polisi Ilomba nilipewa maelekezo na Inspekta Joram ya kuandika maelezo kama shahidi.

Wakili: Kingine?

Coplo Amani : Nilipewa maelekezo ya kumwandika kama shahidi kuhusiana na kile alichoeleza kwenye maelezo yake kwamba aliona mwenyekiti wake wa CHADEMA akihamasisha vurugu na kuharinubuchaguzi mkuu wa 2025 na kwamba baada ya kuona kauli ile yeye kama mfuasi wa CHADEMA, alihamasika kutokana na kauli zile na alikua tayari kuwashawishi vijana wenzake kuwa mstari wa mbele katika kuhamasisha kufanya vurugu na kuharibu uchaguzi mkuu wa 2025.

Wakili: Baada ya hapo?

Coplo Amani : Baada ya kumaliza kumuandika maelezo nilimjulisha Inspekta Joram.

Wakili: Ukafanya nini?

Coplo Amani : Hayo maelezo nilimkabidhi inspekta Joram.

Wakili wa Serikali : Waheshimiwa majaji ni hayo tu kwa shahidi huyu.

Part 216 itaendelea kwenye post inayofuata,

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 213

Mhe. Lissu anaendelea kumfanyia cross examination Shahidi wa kificho P9

Mhe. Lissu: Waheshimiwa majaji hilo pingamizi la Wakili la Serikali halina maana yoyote, kwasababu shahidi mwenyewe amesema kwamba summons alipelekewa summons na Mwenyekiti wa Serikali ya Mtaa na Mwenyekiti ni ofisa wa serikali, lakini vilevile Mahakama haitaweza kujua kama huyu shahidi ni mkweli au ni muongo kwahiyo swali langu ni halali na ninaomba pingamizi lao litupitiliwe mbali, lakini huyo Mwenyekiti sio mtu ambaye amelindwa na sheria.

Katuga: Sisi tunaomba swali hilo shahidi asiulizwa kwasababu swali hilo litapelekea utambuzi wa shahidi huyu na kama tunavyojua humu ndani kuna wafuasi wake, researchers wake wanaweza wakaenda kumtafuta ili kumtambua shahidi huyu.

Mhe. Lissu: naomba ondoa hiyo kauli yako mimi sijazungumzia kuhusu wafuasi wangu humu.

Katuga: Naondoa hiyo ilikua ni by the way lakini msimamo wetu ni kwamba swali hilo shahidi asiulizwe

Mahakama: tunadhani uendelee na x-examination bila hilo jina.

Mhe.Lissu: Lakin waheshimiwa majaji mnaweza kuona namna cross examination yangu inavyokua limited lakini naomba niendelee.

Mhe. Lissu: shahidi umekujaje hapa

Shahidi wa kificho P9: nimependa bus

Mhe. Lissu: nani amekulipia nauli

Shahidi wa kificho P9 : nimejilipia mwenyewe

Mhe. Lissu: Umefikia wapi

Shahidi wa kificho P9 : Kwa ndugu yangu.

Mhe. Lissu: Waambie waheshimiwa majaji kama kuna kiongozi au mfuasi anajua kama unakuja kutoa ushahidi

Shahidi wa kificho P9: Ndio wapo baadhi

Mhe. Lissu: waliwahi kukutishia

Shahidi wa kificho P9 : ndio

Mhe. Lissu: unajua hilo ni kosa

Shahidi wa kificho P9 : hilo ni kosa la jinai

Mhe. Lissu: umewataja,

Shahidi wa kificho P9 : siwezi kuwataja kwa usalama

Mhe.Lissu: waeleze majaji kama ulitoa taarifa kituo cha polis

Shahidi wa kificho P9 : ndio

Mhe. Lissu: Kituo cha polisi kipi?

Shahidi wa kificho P9: Sasa nikitoa taarifa hiyo hapa si itakua navunja usalama?

Mhe. Lissu: Hebu jibu swali bwana tusisumbuane

Mahakama: Shahidi hebu jibu hilo swali

Shahidi wa kificho P9: Nilitoa kituo cha polisi Ilomba

Mhe. Lissu: Ulipewa RB

Shahidi wa kificho P9: ndio

Mhe. Lissu: umeitoa hapa mahakamani?

Shahidi wa kificho P9 : hapana

Mhe. Lissu: Polisi walichukua hatua gani?

Shahidi wa kificho P9: Walisema watafatilia

Mhe. Lissu: waambie waheshimiwa majaji kama kuna mtu yoyote amekamatwa

Shahidi wa kificho P9 : hapana

Mhe. Lissu: Waambie kama kuna mtu yoyote amepelekwa mahakamani:

Shahidi wa kificho P9 : hakuna

Mhe. Lissu: Waheshimiwa majaji sina swali lingine kwa shahidi huyu.

Wakili wa Serikali: Leo tunashahidi mmoja, tunaomba break kidogo halafu tuje na shahidi mmoja aliyebaki, kwasababu jana hatukupumzika.

Mahakama: Mshitakiwa unasemaje

Mhe. Lissu: Tukienda kwa utaratibu huu tutachukua mida mrefu sana, Mahakama ilisema upande wa serikali ulete mashahidi wasiopungua watatu, kwanin hawajaleta hao mashahidi wengine.

Upande wa mashtaka wanatakiwa wawe na mshahidi wengine kama walivyotakiwa na Mahakama.

Katuga: Jana tulisema tutakuja na shahidi mmoja then twende kuargue application yetu, hatujaweza kuja na mashahidi wengi ili tupate muda wa kutosha kwasababu yeye alisema ana-objection.

Mahakama: Nadhani twende break fupi kwanza ili tukirudi tuendelee na huyo shahidi halafu tukimalizana nae mambo mengine yatafata.

Part 2014 itaendelea tukirudi.

Naomba repost yako.

[Hilda Newton @HildaNewton21]

#UPDATES_KESI_YA_UHAINI

Part 212

Mhe. Lissu anaendelea kumfanyia cross examination Shahidi wa kificho P9

Mhe. Lissu: Shahidi umesema tarehe 4 april 2024 ukiwa na jamaa zako nyumbani kwako, “Tukawa tunajadili kauli ya Mwenyekiti kwamba tukichafue, ni kweli au si kweli?

Shahidi wa kificho P9 : Ni kweli.

Mhe. Lissu: Umewataja hao jamaa zako wakati unatoa ushahidi?

Shahidi wa kificho P9 : Hapana.

Mhe. Lissu: Wakati tunazungumza jamaa yangu akaniomba namba yangu ya simu, jamaa ambaye simfahamu, unakumbuka hayo maneno?

Shahidi wa kificho P9 : Ndio nakumbuka.

Mhe. Lissu: inawezekana mtu usiyemfahamu kuwa jamaa yako, hiyo inaingia akilini!

Shahidi wa kificho P9: Inawezekana.

Mhe. Lissu; Na jamaa yako ambaye humfahamu akakuomba namba yako ya simu na ukampatia? Inaingia akilini?

Shahidi wa kificho P9 : ndio inaingia akilini.

Mhe. Lissu: ndivyo ulivyofundishwa na mapolisi.

Mhe. Lissu: Kwa vile unafanya kazi ya fundi umeme kwa malipo, una leseni ya biashara?

Shahidi wa kificho P9: Sina leseni ya biashara kwasababu sina ofisi

Mhe. Lissu: Una TIN number?

Shahidi wa kificho P9: Ndio

Mhe. Lissu: Umeionyesha?

Shahidi wa kificho P9 : hapana kwasabb haijahitajika.

Mhe. Lissu: Tarehe 5 April 2024 siku ambayo unakamatwa, unasema ulipigiwa simu na mtu aliyejitambulisha kuwa ni mteja, na ukasema tulipoonana akajitambulisha kuwa ni afisa wa polisi na akanionyesha kitambulisho chake, waambie waheshimiwa majaji kama unakumbuka jina la icho kitambulisho?

Shahidi wa kificho P9: Nakumbuka ni Vicent

Mhe. Lissu: Waeleze majaji kama hilo jina lipo kwenye maelezo yako.

Shahidi wa kificho P9: Halipo.

Mhe. Lissu: Hiyo tarehe 5 April 2024 uliandika maelezo kweli au si kweli?

Shahidi wa kificho P9 : Kweli.

Mhe. Lissu: Na maelezo ya siku hiyo yalihusu uchochezi na kuzuia uchaguzi, kweli au si kweli?

Shahidi wa kificho P9: Kweli

Mhe. Lissu: Waambie majaji hiyo tuhuma ya uchochezi na kuzuia uchaguzi imeishia wapi?

Shahidi wa kificho P9 : Sijui

Mhe. Lissu: Waeleze majaji tangu tarehe 5 april 2024 umepelekwa Mahakamani kwa tuhuma hizo?

Shahidi wa kificho P9 : sijawahi kupelekwa

Mhe. Lissu: Waeleze majaji ulipoitwa polisi kwa mara ya pili 22 april 2025 kama ulielezwa tuhuma za uchochezi na kuzuia uchaguzi?

Shahidi wa kificho P9: Ndio nilielezwa.

Mhe. Lissu: Angalia maelezo yako shahidi halafu tuonyeshe wapi uliuzwa juu ya tuhuma hizo

Shahidi wa kificho P9: Mimi nilieleza lakini wao hawakuandika.

Mhe. Lissu: Imekula kwako kwasababu wanasema haya ni maelezo yako.

Mhe. Lissu: Wewe ni shahidi kwenye kesi dhidi yangu, kweli si kweli.?

Shahidi wa kificho P9 : kweli

Mhe. Lissu: Na ndio maana umekuja kutoa ushahhidi jana na leo, kweli si kweli.

Shahidi wa kificho P9 : kweli.

Mhe. Lissu: Nikisema walikukamata tu ili uje kutia ushahidi dhidi yangu nitakua nakosea??

Shahidi wa kificho P9 : Mimi sifahamu.

Mhe. Lissu: Waambie waheshimiwa majaji kama unajua kuwa hakuna kosa la kuzuia uchaguzi?

Shahidi wa kificho P9 : ni kosa.

Mhe. Lissu: waambie majaji ni kwa mujibu wa sheria gani?

Shahidi wa kificho P9 : mimi sio mwanasheria.

Mhe. Lissu: ni sheria gani.

Shahidi wa kificho P9 ; Mimi najua kuzuia uchaguz kwa njia ya vurugu ni kosa lakini sheria gani sijui

Mhe. Lissu: Kama hujui sema sijui, sio kuleta ujuaji tu.

Mhe. Lissu: Kwani mimi nimeshatakiwa kwa kosa la vurugu.

Shahidi wa kificho P9 : umeshtakiwa kwa uhaini.

Mhe.Lissu: Shahidi ulikujaje Dar es salaam

Shahidi wa kificho P9: Nilipanda bus

Mhe. Lissu: Nani alikwambia uje kutoa ushahidi

Shahidi wa kificho P9 : Nililetewa wito

Mhe. Lissu: nani alikuletea?

Shahidi wa kificho P9 : aliniletea Mwenyekiti wa serikali za mtaa.

Mhe. Lissu: anaitwa nani?

Shahidi wa kificho P9 : Siwezi kukutajia kwasababu za kiusalama.

Katuga: sisi tunapinga hilo swali kwasababu za kiusalama. Kwahyo tunaomba hilo swali asiulizwe.

Part 213 itaendelea kwenye post inayofuata,

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 211

Mhe. Lissu anaendelea kumfanyia Cross examination Shahidi wa kificho P9

Mhe. Lissu: Waambie majaji kama tutafanya vurugu na kuuvuruga uchaguzi huo kama yapo kwenye maelezo yako…nasubiri jibu shahidi!

Shahidi wa kificho P9: Hayapo

Mhe. Lissu: Uliendelea kusema, alisema lazima tukichafue, kweli si kweli?

Shahidi wa kificho P9 : kweli.

Mhe. Lissu: hayo maneno yapo au hapo.

Shahidi wa kificho P9 : sasa mbona unarudia maswali. hayapo.

Mhe. Lissu: Twende kwa yaliyotokea 22 April 2025, ulisema siku hiyo ulipigiwa simu na polisi kwenda Kituo cha Polisi Mwanjelwa.

Shahidi wa kificho P9 : Kweli

Mhe. Lissu: Sasa soma pale palipoanzia na leo Tarehe 22 April 2025 mpaka nitakapokwambia basi…

Shahidi wa kificho P9 Anasoma…

Mhe. Lissu: Kwenye hiyo sehemu kuna sehemu kumeandikwa kituo cha polisi Mwanjelwa.?

Shahidi wa kificho P9 : Kweli haijaandikwa

Mhe. Lissu: Na ukasema ulipofika walisema wanataka kukuhoji tena kwa matukio yaliyokuleta hapa.

Shahidi wa kificho P9: Kweli.

Mhe.Lissu : Waambie kama hayo maneno yapo kwa tukio lililokuleta hapa.

Shahidi wa kificho P9 : Hayapo.

Mhe. Lissu: Kwenye ushahidi wako jana, ulisema nilihojiwa na mtu mmoja na mwingine alichangia kwa kuniuliza maswali mbalimbali, waeleze majaji kama hayo maneno yapo katika maelezo yako?

Shahidi wa kificho P9 : Hayapo.

Mhe. Lissu: Niliona clip ya Tundu Lissu ndio nikaanza, waeleze hayo maneno kama yapo katika maelezo yako.

Shahidi wa kificho P9 : hayapo.

Mhe. Lissu: Sijamalizana na wewe, nataka ukitoka hapa ukawaeleze Mapolisi kwamba kule hakufai!

Watu wanacheka: 😂😂😂😁

Mhe. Lissu: Ulisema mimi kama mwananchama wa CHADEMA nilishawishika na kwamba nitafanya uasi, hayo maneno yapo au hayapo?

Shahidi wa kificho P9: Yapo.

Mhe. Lissu: Sasa nataka uwaambie majaji kwamba wewe ni Mwanachama wa CHADEMA au sio?

Shahidi wa kificho P9 : Mimi sio mwanachama wa CHADEMA.

Mhe. Lissu: Kwenye maelezo yako na ushahidi wako wa jana, ulisema mwaka 2024 ulivutiwa na sera na kuamua kuwa mwanachama wa CHADEMA, kweli au sio kweli?

Shahidi wa kificho P9 :Kweli.

Mhe. Lissu: waambie majaji wafuasi wa CHADEMA huwa wanaandikishwa wapi.

Shahidi wa kificho P9: sifahamu.

Mhe. Lissu: Waeleze majaji kama wafuasi huwa wanatambulishwa wapi.

Shahidi wa kificho P9: Sijui

Mhe. Lissu: Waeleze kama huwa wanaalama usoni?

Shahidi wa kificho P9: Hapana

Mhe. Lissu: Na ulisema baada ya kuwa mfuasi ulishiriki katika matembezi ya amani, kweli au sio kweli?

Shahidi wa kificho P9 : Kweli

Mhe. Lissu: Waambie waheshimiwa kama ulijiandikisha sehemu yoyote?

Shahidi wa kificho P9 : Hapana

Mhe. Lissu: Sasa shahidi hukuwahi kujiandikisha popote, huna alama yoyote kuwa ni mfuasi wa CHADEMA, waeleze majaji wataamini vipi kwamba wewe ni mfuasi wa CHADEMA?

Shahidi wa kificho P9 : Mimi sijui hilo ni suala la amani.

Mhe. Lissu: Unasema tulihamasishwa kushiriki kongamano la vijana lililopangwa kufanyika Mbeya, waambie kama uliwahi kupewa mualiko wowote hata wa simu?

Shahidi wa kificho P9 ; hapana sikupewa mualiko wowote.

Mhe. Lissu: kama kiongozi wa chama aliwahi kukufata ili kukupa taarifa ya kongamano.

Shahidi wa kificho P9 : hawakunifata.

Mhe. Lissu: Kama hawakukufata inamaana hawakujui.

Shahidi wa kificho P9 : Sio lazima wanijue wote.

Mhe. Lissu: Kwa maelezo yako ya ushahidi ya jana, umesema ulisoma VETA Mbeya kati ya 2008-2010 ulipohitimu, kweli au sio kweli?

Shahidi wa kificho P9 : Kweli.

Mhe. Lissu: waeleze majaji kama umewasilisha cheti cha kuhitimu?

Shahidi wa kificho P9 : sijawasilisha kwasababu hakina umuhimu.

Mhe. Lissu: wataaminije? Kwasababu maneno matupu hayavunji mfupa.

Mhe. Lissu: Umesajiliwa kama fundi umeme wa majumbani na viwandani.

Shahidi wa kificho P9 : Ndio nimesjiliwa.

Mhe. Lissu: Waeleze majaji kama umeleta hati ya kusajiliwa?

Shahidi wa kificho P9: Hapana.

Part 212 itaendelea kwenye post inayofuata,

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 210

Anaendelea Mhe. Lissu na Cross Examination.

Mhe. Lissu: Waheshimiwa Majaji naomba shahidi apewe kielelezo D13

Mhe Lissu: Jana kwenye ushahidi wako uliulizwa unaishi wapi na ukasema unaishi katika Halmashauri ya Mbeya, kweli si kweli?

Shahidi wa kificho P9 : Kweli.

Mhe. Lissu: Naomba uangalie maelezo yako, nenda palipo andikwa makazi usome pameandikwa makazi yako wapi?

Shahidi wa kificho P9: Pameandiwa Mwakibete.

Mhe. Lissu: Kwenye mstari wa kwanza kabisa sema palivoandikwa hapo? Kwamba unaishi?

Shahidi wa kificho P9 : Pameandikwa Mwakibete lakin nilihojiwa Mbeya.

Mhe. Lissu: Waeleze majaji kama unafahamu kwamba haya maeneo huwa yanatangazwa kwenye gazeti la serikali na waziri wa TAMISEMI

Shahidi wa kificho P9 : sifahamu

Mhe. Lissu: Umeonyesha gazeti la Serikali linaloonyesha Mwakibete ni Mbeya,?

Shahidi wa kificho P9; Hapana.

Mhe. Lissu: unafikri unaandika andika tu unaingizwa chaka na mapolisi na wewe unaandika tu.

Mhe. Lissu: Uliulizwa unafanya shughuli gani na ulisema unafanya kazi ya fundi umeme na kazi zako unafanya katika Halmashauri ya Mbeya, kweli si kweli?

Shahidi wa kificho P9 : Kweli

Mhe. Lissu: Angalia maelezo yako unafanya kazi gani?

Shahidi wa kificho P9 : Mkulima

Mhe. Lissu: Kazi ni mkulima hapa unajifanya fundi umeme, lugha gongana.

Watu wanacheka: 😂😂😂😂

Mhe. Lissu: nyie Waha wa kigoma wajanja sana nyie na mimi napenda watu wajanja kama wewe.

Mhe. Lissu: Uliulizwa unakumbuka kitu gani kilikukuta 2024, ukasema nilivutiwa na sera za CHADEMA na nikawanafatilia matangazo, mikutano n.k haya sasa soma maelezo yako mjanja wa Jiji la Mbeya…😁

Mhe. Lissu: Waeleze waheshimiwa majaji hayo maelezo uliyosoma hapo kama yapo na ulivyosema jana

Shahidi wa kificho P9 : Hayapo

Mhe. Lissu : Uliandika kwa mapolisi wakakupuuza wakaandika ya kwao.

Mhe. Lissu: Katika matukio mengi uliyofatilia ulitaja matembezi ya yaliyoongozwa na Lissu yalianzia Uyole, na Heche Isanga, mwambie jaji kama Mhe. Heche yupo katika maelezo kayo

Shahidi wa kificho P9: Nilieleza ni Mnyika sio Heche.

Mhe. Lissu: Jana ulisema Heche alianzia Isanga, unataka niwasumbue majaji wakusomee ulichokisema??

Shahidi wa kificho P9: inawezekana nilikosea

Mhe. Lissu: Kazi yangu ni kukamata watu waongo kama wewe.

Shahidi wa kificho P9 : Hiyo unasema ww

Mhe. Lissu: ndio nasema.

Mhe. Lissu: Ulisema mnamo tarehe 3 April 2025 ukiwa nyumbani kwako wakati unaperuzi mitandao kupitia simu yako aina ya Samsung 8 pro, kweli au si kweli?

Shahidi wa kificho P9 : kweli

Mhe. Lissu: Angalia maelezo yako waeleze majaji kama kuna mahala popote ulikua unaangalia mitandao kupitia aina ya Samsung 8 pro.

Shahidi wa kificho P9: hayajaandikwa.

Mhe. Lissu: Asante, mmeuzwa na mapolisi.

Mhe. Lissu: Ulisema kwamba uliingia kwenye mtandao wa instagram na ili uweze kuimgia instagram lazima uwe na simu janja, account na bundle, hayo maneno yapo au hayapo.

Shahidi wa kificho P9 : hayapo.

Mhe. Lissu: Kwenye ushahidi wako jana ulisema wakati unaingia kwenye instagram uliona video ya Tundu lissu na ukasema huo mtandao umeusahau.

Shahidi wa kificho P9 : Ndio nimeusahau.

Mhe. Lissu: Kama umesahau inamaana, kwenye maelezo yako utakua umeandika.

Shahidi wa kificho P9: Sasa wewe unaniuliza mambo waliyoniuliza mawakili.

Mhe. Lissu: Jibu swali langu. Unanifundisha namna ya kukuhoji?

Shahidi wa kificho P9 : Ndio hakuna

Mhe. Lissu: Uliulizwa muonekano wa Tundu Lissu, ukasema alikua ukumbini alivaa kombati za kaki za chadema na tshirt nyeusi na bendera ya taifa na rangi za CHADEMA, kweli si kwei?

Shahidi wa kificho P9 : Kweli

Mhe. Lissu: Sasa waeleze waheshimiwa majaji kama yapo katika maelezo yako.

Shahidi wa kificho P9 : Hakuna

Mhe. Lissu: Kwenye ushahidi wako jana uliulizwa alisema atauzuiaje ukasema tutafanya vurugu na kuuvuruga uchaguzi huo.

Shahidi wa kificho P9: Kweli

Part 211 itaendelea kwenye post inayofuata,

Naomba repost yako.

[Hilda Newton @HildaNewton21]

#UPDATES_KESI_YA_UHAINI

Leo February 20, 2026

Jana tuliishia Part 208 so leo tunaendelea na-;

Part 209.

Imepigwa high Court ya kikakamavu,

Majaji wameingia wapo watatu kama kawaida yao.

Mhe. Lissu nae yupo

Karani anasoma criminal session No. 19605/ 2025 Republic v. Tundu Lissu

Mawakili wa Serikali wanajitambulisha kama kawaida yao japo leo hawajaja kama utitiri.

Wakili wa Serikali anasema, shauri linakuja kuendelea kusikilizwa na tuna shahidi wa 14 kwa ajili ya maswali ya dodoso.

Jaji Ndunguru anamuuliza Mhe. Lissu kama yupo tayari.

Mhe. Tundu Lissu anasema mimi nipo tayari.

Jaji Ndunguru anamkumbusha Shahidi kwamba yupo chini ya kiapa.

Ikumbukwe kwamba leo tunaendelea na Shahidi wa kificho P9.

Mhe. Lissu: Shahidi habari za asubuhi

Shahidi wa kificho P9 : salama.

Mhe. Lissu: Waeleze majaji kama uliandika maelezo tarehe 22 aprill 2025

Shahidi wa kificho P9: Ndio

Mhe. Lissu: Waeleze majaji kama ukionyeshwa maelezo hayo utayatambua.

Shahidi wa kificho P9 : Ndio nitayatambua

SHAHIDI ANAPELEKEWA MAELEZO YAKE.

Mhe. Lissu: Waeleze majaji kama hayo ndio maelezo yako uliyoandika polisi tarehe 22 April 2025?

Shahidi wa kificho P9 : ndio ni yenyewe

Mhe. Lissu: Waheshimiwa majaji nataka ku-impeach credit ya huyu witness, kwahiyo nitamsomea maelezo yake, nitamuonyesha maeneo ambayo nataka kumuhoji halafu nitamuomba ayawasilishe yapokelewe kama kielelezo.

Mhe. Lissu: Shahidi nitakusomea maelezo yako halafu tutahojiana kwasababu kuna mambo hayapo sawa kwenye maelezo yako, anamsomea maelezo shahidi…

Mhe. Lissu: Sasa shahidi umesikia nilichokisoma, waeleze waheshimiwa majaji kama nilichokisoma ndicho kilichopo kwako.

Sasa nataka nikueleze maeneeo nayotaka nikuhoji;-

1. Jana ulisema wewe ni mkazi wa Mbeya mjini, nataka nikuhoji hapo

2. Kwamba wewe kazi yako ni fundi umeme na unafanya kazi ndani ya maeneo ya Jiji la Halmashauri ya Mbeya

3. ⁠2024 ulivutiwa na sera za CHADEMA na ukaamua kuwa mfuasi na ukawa unafatilia kwa karibu mikutano, matangazo na hotuba za vipngozi wa CHADEMA.

4. Ulizungumzia matembezi ya amani yaliyofanyika Mbeya 2024 na ukasema Mbowe alianzia Songwe na Lissu Uyole na Heche Isanga.

5. ⁠April 3, 2025 ukiwa nyumbani kwako ulikua unaperuzi mitandao ya kijamii kwa simu aina Samsung 8 pro nataka nikuhoji kuhusu hiyo simu.

6. ⁠Uliingia kwenye mtandao wa instagram na ili uingie kwenye mtandao huo lazima uwe na account na simu janja na bundle ili kuweza kuangalia picha na videos.

7. ⁠Wakati unaperuzi mtandao wa instagram uliona video ya Tundu Lissu lakini umesahau ilikua ni account ya nani.

8. ⁠Huyo Lissu uliyemuona alikua amevaa kombati ya kaki za chadema na tshirt nyeusi na alikua ukimbini na kulikua na bendera ya taifa na rangi za bendera ya CHADEMA.

9. Alisema tutavuruga uchaguzi kwa kufanya vurugu na kuvuruga uchaguzi huo.

10. ⁠Lissu alisema lazima tukichafue.

11. Ulipofika kwenye Kituo cha Polisi Mwanjelwa walikwambia wanataka wakufanyie tena mahojiano.

12. Nilihojiwa na mtu mmoja na mwingine wa pili alinihoji kwenye maswali mbalimbali.

13. ⁠Wakati unamjibu huyo anae kuhoji kwa mara ya pili niliona video ya Tundu Lissu, ndio nikaanza kufanya makosa.

Mhe. Lissu: Sasa shahidi waeleze majaji kama ungependa maelezo yako yaingie kama kielelezo mahakamani?

Shahidi wa kificho P9: haina shida.

Upande wa Serikali : hatuna pingamizi

Mahakama: Yamepokelewa kama kielelezo D13

Part 210 itaendelea kwenye post inayofuata

Naomba Repost yako.

[Hilda Newton @HildaNewton21]

#UPDATES_KESI_YA_UHAINI

Part 208

Wakili wa Serikali

Cathbert: Eeh nini kiliendelea?

Shahidi wa kificho P9 : Nilienda kituo cha Polisi na nilipofika waliniambia ya kuwa nahitajika kama Shahidi hivyo natakiwa nihojiwe tena

Cathbert: Eeh endelea shahidi

Shahidi wa kificho P9 : Walinihoji na kuniandika maelezo yangu na baada ya kumaliza waliniruhusu kuondoka na kuniambia ya kuwa ntapohitajika watanitafuta na aliyenihoja na kuniandika maelezo ni mmoja na mwingine alikuwa akichangia kuniuliza maswali mbalimbali.

Cathbert: Aliyekuhoji kama shahidi alikuhoji kwa ajili ya jambo gani?

Shahidi wa kificho P9 : Alinihoji juu ya kuhamasisha kuzuia uchaguzi na hilo jambo lilianzaje ambapo nilimueleza ya kuwa niliona clip katika mtandao kuhusu huo uhamasishaji na hiyo clip ilikuwa ni ya Lissu akihamasisha kuzuia uchaguzi.

Cathbert: Wahe. Majaji kwa Shahidi huyu ni hayo tu.

Anasimama Wakili wa Serikali Mkude

Mkude: Tuna Hoja hapa kwa kuwa Shahidi kamaliza na muda uliofika tulikuwa tunaomba kama hakuna pingamizi kwa upande wa Lissu tuweze kuendelea kesho na Cross Examination

Mhe. Lissu: Sina Objection

Mahakama : Mhe. Lissu hizi dakika 19 hazitoshi kumaliza Cross yako

Mhe. Lissu: Wahe. Majaji naweza kwenda kwenda ila siwezi ku-promise ya kuwa nitamaliza

Mahakama : Basi for consistency nzuri ya ushahidi tuharuhusu kuendelea kesho asubuhi na mapema na ile hoja ya submission on the notice of List of Additional tunaifanyaje?

Mhe. Lissu: Nilikuwa naomba tukimalizana na P9 kwa kesho tuendelee na mashahidi wengine kisha mwisho turudi kwenye hoja za hiyo submission on Notice of List of Additional.

Mkude: No objection.

Mahakama imehairishwa mpaka kesho saa tatu asubuhi.

Mnisamehe sana leo updates zimesuasua kwasababu afya yangu imeyumba kidogo.

[Hilda Newton @HildaNewton21]

#UPDATES_KESI_YA_UHAINI

Part 207

Wakili wa Serikali Cuthbert anaendelea kumuongoza Shahidi wa kificho P9.

Cathbert: Unakumbuka nini kuhusu 3/4/2025?

Shahidi wa kificho P9 : nilikuwa nyumbani kwa tarehe hiyo na nilikuwa nikiperuzi kwenye mitandao

Catherbert: Simu ilikuwa ni ya Aina gani?

Shahidi wa kificho P9 : Simu yangu ilikuwa ni Samsung 8 Pro na nilikuwa naperuzi kwa kuingia katika Akaunti ya IG ambao ni mtandao wa kijamii ambao unakuhitaji uwe na Akaunti ya kuweza kuingia na pia uwe na simu janja pamoja na bundle la internet ili kuangalia vitu humo Instagram.

Cathbert: Kwenye IG unaangalia Nini humo?

Shahidi wa kificho P9: picha na video

Cathbert: Eeh baada ya kufungua?

Shahidi wa kificho P9 : Baada ya kufungua IG na kuingia niliona video ya Lissu ambayo ilitumwa katika Akaunti ambayo nimeisahau.

Cathbert: Eeh uliona nini katika hiyo video?

Shahidi wa kificho P9 : Nilimuona Lissu akihamasisha kufanya vurugu na kuzuia uchaguzi.

Cathbert: Mazingira ya Video yalikuwaje?

Shahidi wa kificho P9 : Mazingira yalikuwa ni ya ukumbi

Cathbert: Na Lissu alikuwa vipi?

Shahidi wa kificho P9: Lissu alikuwa kavalia Kombati la Chadema, ndani kavaa Tshirt nyeusi pia kulikuwa kuna bendera ya Taifa na bendera ya Chadema.

Cathbert: Huo uchaguzi alikuwa anauongelea kuuzuia ni upi?

Shahidi wa kificho P9: Ni uchaguzi wa Raisi, Wabunge na Madiwani.

Cathbert: Lissu alisema atauvuruga uchaguzi kwa namna gani?

Shahidi wa kificho P9 : Alisema atafanya vurugu na kuzuia uchaguzi ili usifanyike kwa kusema ya kuwa "Ni lazima tukichafue"

Bwana P9 nae anaendelea hapa kutueleza mambo yake.😂

Cathbert: Eeh baada ya wewe kusikia hotuba hiyo ulichukua hatua gani?

Shahidi wa kificho P9 : kwa ukweli kwa kipindi kile mimi kama mfuasi wa Chama nilihamasika

Cathbert: Unakumbuka nini kuhusu tarehe 4/4/2025?

Shahidi wa kificho P9 : Hiyo tarehe nilikuwa nyumbani na majirani zangu tulikutana na kujadili hilo suala tuliloliona katika video kwa kusema ya kuwa kama Mwenyekiti kasema tukichafue na tuzuie uchaguzi itakuwaje sasa hivyo tukawa tunafanya majadiliano.

Cathbert: Eeh nini kiliendelea?

Shahidi wa kificho P9: Baada ya hapo kuna Jamaa yangu aliniomba namba yangu ya simu na kila mtu akaendelea na shughuli zake

Cathbert: Unakumbuka nini kuhusu tarehe 5/4/2025?

Shahidi wa kificho P9 : Hiyo tarehe nilipigiwa simu na mtu aliyejitambulisha ya kuwa yeye ni mteja na anahitaji fundi Umeme wa kumfanyia kazi nyumbani kwake, na baada ya hapo nikamuelekeza nilipo ambapo akasema Sawa.

Cathbert: Eeeh nini kiliendelea

Shahidi wa kificho P9: Basi nkaenda sehemu tuliyopanga tuonane na nilivyofika akajitambulisha ya kuwa yeye ni Afisa wa Polisi na akanionyesha kitambulisho chake cha kazi na kusema anatokea kituo cha Polisi Mwanjelwa.

Cathbert: Eeh baada ya Utambulisho?

Shahidi wa kificho P9 : Aliniambia kwa sasa niko chini ya ulinzi kwa kosa la uchochezi na hivyo twende kituo cha Polisi

Cathbert: Eeh baada ya kufika kituo cha Polisi?

Shahidi wa kificho P9 : Alinikabidhi kituo cha Polisi ambako nilihojiwa na baadae jioni ndugu zangu walikuja kuniwekea dhamana na nikaambiwa natakiwa kuripoti kila siku ya ya Jumatatu

Cathbert: Unakumbuka nini kuhusu tarehe 22/4/2025?

Shahidi wa kificho P9: Nilipigiwa simu majira ya Asubuhi na mtu aliyejitambulisha kuwa ni Askari Polisi na ninahitaji Kituo cha Polisi Mwanjelwa.

Part 208 itaendelea kwenye post inayofuata,

Naomba Repost yako.