Bashar M. Ibrahim

🇯🇴 physiotherapy 🥼🤸🏻‍♂️|| Ju / writing lover ✍️

[Bashar M. Ibrahim @BasharIbrahim03]

الكتابة فن و ذوق و ابداع، الكتابة بتساعدنا لنتخلص من مشاكل و ضغط الحياة، الكتابة بتوخدنا لآفاق ما الها حدود،بتوخدنا لعالم من مخيلتنا احنا بنختار فيه كيف بدنا نعيش على طريقتنا الخاصة، عالم احنا بنحط قوانينه ،و ما حدا بيتحكم فينا.

الكتابة...حياة

[Bashar M. Ibrahim @BasharIbrahim03]

بتكون حياتك تمام ما عندك اي مشاك��،شوي شوي بتصير تغرق بهموم و مشاكل و ضغوطات من كل مكان و بتصير تكره الحياة و بدك تبعد و خلص بدك تستسلم،وقتها بتحس انو الوقت لترجع و تستعين و تسلّم امرك لربنا عز وجل،فجأة بتلاقي المخرج من كل مشكلة و ضيق،طيب انت ليش تستنى المشاكل لتمشي بالطريق الصح ؟

[Bashar M. Ibrahim @BasharIbrahim03]

اعترف عادي لو انت مش قدها ، لو انت مش قد الاشي اللي ببالك و اللي بتطمح تسويه وقف خلص ، بس دير بالك تنسى انك عملت عهد لنفسك و وعدت حالك انك حتعمل الاشي اللي مخططله و انو هاد الاشي حتكمل فيه و ما حتتركه لو شو ما يصير ، و اعرف انو اصعب الخذلان هو انك تخذل نفسك .

[Bashar M. Ibrahim @BasharIbrahim03]

لما يكو�� عندك قلب طيّب، بتساعدهم كثير و بتوثق فيهم كثير و بتعطيهم كثير، مع ذلك يبدو انك في اغلب الا��يان اكثر المتضررين، فلهيك اعرف مين بستحق و مين ما بستحق، مين بستاهل اهتمام و مين ما بستاهل، و اهتم بنفسيتك قبل نفسيتهم، و بالنهاية هاي حياتك عيشها كيف ما بدك انت مش حدا غيرك .

[Bashar M. Ibrahim @BasharIbrahim03]

@sabaabuhazeem19 👏

[Bashar M. Ibrahim @BasharIbrahim03]

@DonyaAlfaouri كلنا 😂

[Bashar M. Ibrahim @BasharIbrahim03]

لما تفكر قديش انت عايش بضغط نفسي ، قديش في مشاكل بتصير معك و قديش شايل هموم ، مع كل هاد قادر تعطي و قادر تستوعب اللي حواليك و بتحاول تكون دايما روحك حلوة لترفع معنويات اللي حواليك ، متصالح مع حالك و مع اللي حواليك و بتحب الكل و الكل بحبك ، اعرف انك انت انسان فوق العادي بكثير .

[Bashar M. Ibrahim @BasharIbrahim03]

مش غلط ولا عيب الواحد يمرق بمراحل من حياته يكون فيها بضغوطات و مشاكل نفسية، المرض النفسي زي اي مرض، في دكتور مختص و في علاج لهاد المرض، خلينا نحاول نتطور فكريًا شوي و نلغي ثقافة العيب و الخجل و ما نستهين بهاد الموضوع، لانه اذا ما تعالج ممكن يأدي لعواقب وخيمة تخسِّرنا شغلات كثير .

[Bashar M. Ibrahim @BasharIbrahim03]

كيف في حب بالدنيا بعلى على حبنا لأمنا و ابونا، حدا جرب يغافل امه و يسمع كيف بتدعيلو، يسمع الحب الصادق اللي نابع من جوا اللي بدون اي مقابل، حدا مش حاسس بأنو ابوه عم بفني حياتو كاملة لأجل اولاده مش لأجل اي حدا بالدنيا كلها، و بعد كل هاد بتدور ورا حب ما الو اي معنى و بتبديه عليهم !

[Bashar M. Ibrahim @BasharIbrahim03]

بينما انت بتلعن الجامعة و الدراسة غيرك ببكي عالوسادة كل يوم بتمنى بس مقعد في الجامعة ، بينما انت بترفع نبرة صوتك في وجه امك �� غيرك بقعد في زاوية السواد بشتاق لريحتها ، بينما انت بتتأفف من شكلك او نقص فيك ، غيرك ما بنام من الالم ، بينما و بينما و بينما .. فالحمدلله دائما و ابدًا.

[Bashar M. Ibrahim @BasharIbrahim03]

@Abood_jum3a فخم لأبعد الحدود ياخي 💙

[Bashar M. Ibrahim @BasharIbrahim03]

مهما كان معدلك و تخصصك و طبيعة دراستك ، افتخر بكل مرحلة وصلتها بجهدك و تعبك ، لا تقلل من انجازاتك و لا تقارن نفسك بغيرك ، ما حدا بعرف تفاصيل حياتك ولا مواجهاتك ، اصنع مجدك بإيدك ولا تخشى صعوباتك ، ركز عأهدافك و مستقبلك و قد ما الطريق طوَّل راح توصل للي راسمه لا محاله .

[Bashar M. Ibrahim @BasharIbrahim03]

خليك واضح ولا تلف و تدور،ما تحط نفسك بمواقف تهين نفسك لأجل اشي تافه كان بإمكانك تتفاداه،كون ��وي الشخصية و واثق من خطوتك دايمًا،لانو اغلاطك محسوبة عليك،ما تأثر فيك كلمة سلبية من شخص حقود هدفه يضرك لا اكثر،اي شخص ما برفع من معنوياتك ما بلزمك،اختار اشخاص حياتك اللي بيتناسبو معك.

[Bashar M. Ibrahim @BasharIbrahim03]

ما تخلي حدا يتحكم فيك و بتصرفاتك و بأسلوبك ، خلي عندك شخصية مستقلة تتميز فيها ، لا تكون نسخة عمياء عن حدا ثاني ، لا تتعب حالك و انت تحاول تكون زي هذا و هذاك اللي هما حتى ما بيستاهلو انهم يكونو قدوة الك ، خلي مثلك الاعلى الناس اللي كانت ولا اشي و من تعبهم صارو بمكان كبير كثير .

[Bashar M. Ibrahim @BasharIbrahim03]

اذا ضليت في منطقة راحتك راح تضل زي ما انت و ما راح تتطور،النجاح مش عملية مريحة و هو اشي ابدا مش سهل لتوصله و تحققه،عشان هيك بدك تتعود على عدم الشعور بالراحة اذا بدك تكون انسان متميز و غير عن اغلب الناس،ابدأ حط حالك بالضغط و اتحدا ن��سك،وقتها بتحس بحلاوة طعم النتيجة بعد الانجاز.

[Bashar M. Ibrahim @BasharIbrahim03]

خلينا نحذر كثير كثير من كسرة الخاطر ، كسرة الخاطر ابدًا مش حلوة و مؤذية و بتترك علامة ، خاصةً لما تكون من شخص قريب على قلبك ممكن انها تسبب فراغات كبيرة بداخل هاد الشخص ، ممكن توصله لمرحلة سيئة جدا بسبب انو تعرض لهاي الخيبة من شخص كان هو بعتبرو اشي كبير و اله معزة كبيرة في قلبه .

[Bashar M. Ibrahim @BasharIbrahim03]

كثير شغلات بحياتنا اللي بنعيشها هسا بتعتمد على ماضينا، كلنا غلطنا و بن��لط و راح نغلط هاد اشي لا بد منه، بس الصح انو كيف اترجم هاد الغلط و كيف اتعامل معه، اني ما اعيده، اني افهم كيف اتعامل مع الموقف بطريقة اصح، هاد الاشي اللي لازم اكسبه من الماضي، مش نتحسر و نلوم حالنا عالفاضي .

[Bashar M. Ibrahim @BasharIbrahim03]

لا تكتم شعورك في نفسك ، عبر .. عبر عن اشي جميل شفته بشخص ، عن صفة عجبتك ، عن اي اشي فيه عجبك ، احكيله عنه لانه هيك كلام لما يسمعه اي حدا بتنرفع طاقته الايجابية و ثقته بنفسه بتزيد ، لو جربت تسقط هاد الامر على نفسك راح تعرف انو شعور جميل جدا لما حدا يمدح اشي فيك او يسمعك كلمة حلوة.

[Bashar M. Ibrahim @BasharIbrahim03]

هذا انت و هاي شخصيتك ،عندك أسلوب حياة خاص فيك ،في بعض أيام حتكون متحطم و فوضوي و مش عارف شو بتعمل ،في أيام ثانية انت بتكون شخص رائع و طموح و ايجابي ،بالنهاية انت ما نوجدت عشان تكون مثالي ،انت موجود عشان تكون عحقيقتك و طبيع��ك ،هذا انت ،ما تفرض عحدا ينعجب فيك و بشخصيتك ،خليك حقيقي.

[Bashar M. Ibrahim @BasharIbrahim03]

من الغلط انك تحكم عشخص من زاوية وحدة، يمكن انت شايف جانب واحد من شخصيته بس كثير جوانب مخفية عنك و ما بتعرفها، ما بزبط من موقف واحد او فعل واحد تحكم عالشخص، و ما بزبط تحكم بالعاطل عحدا انت عرفتو جديد، ممكن يكون بمرق بفترة ضغط او فشل او مشاكل من اي نوع فانعكس عشخصيته بهاي الفترة .