بصیرت

[بصیرت @Basirat_108]

په حدیث شریف کې راغلي چې الله تعالی یوه فاحشه (بدکاره) ښځه یوازې له دې امله وبښله او د جنت مستحقه وګرځېده، چې یوه تږي سپي ته یې اوبه ورکړې.

ولې؟ ځکه هغې دا کار په خالص نیت او اخلاص سره د الله تعالی د رضا لپاره ترسره کړ.

نو کېدای شي د یوه انسان د یوې شېبې اخلاص د کلونو کلونو عبادت څخه هم غوره وي، او هماغه د هغه د بښنې او نجات سبب وګرځي.

[بصیرت @Basirat_108]

د خوب مدیریت

د خوب مدیریت د وخت د مدیریت په شان مهم دی او د خاصو کسانو ځانګړنه ده. د خوب مدیریت د کامیابۍ لامل کېږي او نه مدیریت یې د ناکامۍ لامل کېږي. د خوب نه مدیریت د ژوند په هر اړخ؛ لکه روغتیا، کسب او کار، تعلیم، عبادت او بندګۍ منفي اغېز لري. مثبت کارونه له ځنډ سره مخ کوي.

په اسلامي شریعت کې د خوب مدیریت
الله تعالی او رسول الله ﷺ ډېر نیک خویونه موږ او تاسو ته په قرآنکریم او احادیثو کې ښودلي دي، تر څو موږ یې په خپل ژوند کې ځای پر ځای کړو.
الله تعالی فرمایلي دي چې شپه مې د ارام او سکون لپاره درته پیدا کړې ده او ورځ مې روښانه درته ګرځولې ده، تر څو د ژوند کارونه پکې ترسره کړئ.
د قرآنکریم له آیتونو څخه معلومېږي چې شپه د خوب او استراحت لپاره ده.
له بده مرغه، نن ورځ په ځانګړې ډول په ښاري ژوند کې خلک د مختلفو دلایلو پر بنسټ د شپې تر ډېره وخته ويښ وي، چې زیاتره ماشومان هم په دې چاپېریال کې ويښ پاتې کېږي او یا نه شي کولای خوب وکړي. نو لمانځه، مکتب او یا مدرسې ته د تګ لپاره سخت بیدارېږي او په درسونو کې له مړاويتوب سره مخ وي.
اسلامي اصول د فطرت او طبیعت سره همغږي دي؛ ځکه چې د ماسخوتن له لمانځه وروسته یې بندګانو ته کوم کار په نظر کې نه دی نیولی، بلکې دا وخت یې د استراحت بللی دی. د شپې د لومړۍ برخې خوب ډېر ګټور دی او نن د طب علم هم دا خبره ثابته کړې ده.
څوک چې د ژوند له دغې فطري کړنلارې سره یو ځای ژوند نه کوي، نو هغه د سهار له زیاتو رحمتونو او برکتونو څخه بې برخې وي.
ځینې خلک د ماشومانو په شان دي، تر څو چې پرې خوب برلاسی نه شي نه ویده کېږي، او چې ښه له خوبه ستړي نه شي له بسترې سر نه پورته کوي. همدا سبب دی چې غوره ارزښتونه؛ لکه د سهار لمونځ، یې د شپنیو ناستو قرباني کېږي.

د خوب وخت او اندازه
لکه څرنګه چې د ماسخوتن له لمانځه وروسته ویده کېدل او د تهجد لمانځه ته پورته کېدل یو خوښ عمل ګڼل شوی دی، نو د خوب اندازه هم ترې معلومېږي چې ۶ یا ۷ ساعته ده. له دې کم خوب تاواني او زیات یې د وخت ضایع کول دي. که چا ځان په زیات خوب عادت کړی وي، دا عادت باید ورو ورو پرېږدي.
په مختلفو خلکو کې خوب ته اړتیا توپیر لري. ماشومان، ځوانان او هغه خلک چې درانه کارونه ترسره کوي، زیات خوب ته اړتیا لري؛ خو هغه کسان چې دیني اوامرو ته پابند وي، نو کم خوب لري.
د ملي خوب بنسټ د څېړنې پر اساس باید له درې څخه تر شپږو کلونو ماشومان له ۱۱ څخه تر ۱۴ ساعتونو خوب وکړي. هغه ماشومان چې له ۶ تر ۱۳ کلونو عمر لري باید له ۹ څخه تر ۱۱ ساعتونو خوب وکړي. نوي ځوانان چې له ۱۴ څخه تر ۱۸ کلونو عمر لري، له ۸ نه تر ۱۰ ساعتونو خوب ته اړتیا لري. له ۱۸ کلنۍ څخه تر ۶۴ کلنۍ پورې خلک له ۷ نه تر ۸ ساعتونو خوب ته اړتیا لري، او د ۶۵ کلنۍ څخه پورته عمر لرونکي کسان ۷ ساعتونو خوب ته اړتیا لري.
د خوب لپاره د مناسبو وختونو ټاکنه
دا باید ومنو چې هېڅکله د ورځې خوب د شپې د خوب ځای نه شي نیولای. له همدې امله باید ۸۵ سلنه خوب د شپې او ۱۵ سلنه خوب د ورځې وشي.
له همدې امله هغه خوب چې په قرآن او سنتو کې ورته اشاره شوې ده، هغه قیلوله (د نیمې ورځې خوب) بلل شوی دی، او دا خوب د شپې د لومړۍ برخې له خوب څخه هم غوره دی او سنت دی.

سرچینه: د وخت ارزښت او مدېریت کتاب

[بصیرت @Basirat_108]

د حماس غورځنګ نوی مشر څوک دی؟

خلیل اسماعیل حیة د ۱۹۶۰ز کال د نومبر په ۵ مه د فلسطین په غزه کې زیږېدلی دی.
د ماشومتوب خواږه یې د نکسې په نوم د عربو او صهیونستانو سترې جګړې ترې اخیستي وو. د ماشومتوب معصومیت یې هغه وخت وننګول شو چې اشغالګرو یې په کور چاپه ووهله او د تره په شمول یې د کورنۍ څو غړي ونیول.
خلیل حیة لومړنۍ زده کړې د غزې په په حطین ښوونځي کې، منځنۍ زده کړې یې د هاشم بن عبد مناف په ښوونځي کې او ثانوي زده کړې یې د یافا په ښوونځي کې سر ته رسولې دي.
خلیل حیة په ۱۹۸۰ز کې له شیخ احمد یاسین سره شناخته شو او دا پېژندګلوي یې د سیاسي فعالیتونه پیل ګڼل کېږي. په همدې کال کې د صهیونیستانو لخوا د یوې نیمې میاشتې مودې لپاره ونیول شو. دوه کاله وروسته بیا د کمې مودې لپاره بندي شو.
په ۱۹۸۳ز کې یې د غزې اسلامي پوهنتون د اصول الدین له پوهنځي څخه د لېسانس سند ترلاسه کړ. په همدې کال د اسلامي غورځنګ له هغې ډلې سره یوځای شو چې اسماعیل هنیة، یحیی سنوار او ګڼ شمېر نورو ځوانانو پکې فعالیت کاوه.
خلیل حیة د یو لوستي کس په توګه په غزه کې د دعوتګر، امام او خطیب په توګه پاتې شو او د ۱۹۸۴-۱۹۸۶ز کلونو ترمنځ یې د غزې د امنیتي تشکیلاتو په جوړښت کې ونډه واخیسته ترڅو ټولنه له صهیونیستي استخباراتي نفوذ څخه خوندي وساتل شي.
په ۱۹۸۴م کې د غزې پوهنتون د اصول الدین پوهنځي مرستیال استاد وټاکل شو.
وروسته د نورو زده کړو لپاره د اردن پوهنتون ته ولاړ او په ۱۹۸۶ز کې یې د سنت او حدیث علومو په برخه کې د ماسټرۍ سند ترلاسه کړ.
په همدې کال د غزې پوهنتون د محصلینو د چارو پوهنځي مرستیال وټاکل شو.
کله چې په ۱۹۸۷ز کې لومړی پاڅون پیل شو او د شیخ احمد یاسین لخوا د حماس غورځنګ بنسټ کېښودل شو، خلیل حیة د همدې غورځنګ له بنسټ ایښودونکو څخه و.
په ۱۹۹۱ز کې د دریم ځل لپاره د صهیونستي اشغالګرو لخوا ونیول شو او درې کاله زنداني و.
په ۱۹۹۷ز کې یې د سوډان له قران کریم او اسلامي علومو پوهنتون څخه په سنت او حدیث علومو کې د دوکتورا سند ترلاسه کړ.
په ۲۰۰۱ز کې د غزې پوهنتون د د محصلینو چارو رئیس او همدارنګه د حماس د سیاسي دفتر غړی وټاکل شو.
نوموړي د خپلو علمي وړتیاوو له کبله د فلسطیني علماوو د ټولنې غړیتوب ترلاسه کړ.
په ۲۰۰۶ز کې د حماس د بدلون او اصلاح په نوم ټاکنیز لیست له لارې په فلسطیني پارلمان کې د غزې استازی وټاکل شو.
په ۲۰۰۷م کې صهیونستانو د نوموړي د کور په مېلمستون برید وکړ چې نوموړی روغ ترې ووت خو دوه وروڼه، څلور ورېرونه او د تره زوی یې شهیدان شول.
د ۲۰۰۸ز د فبروري په ۲۸مه یې زوی حمزه چې د کتائب القسام مجاهد و، د اشغالګرو په بمبار کې په شهادت ورسېد.
خلیل حیة د ۲۰۱۲ او ۲۰۱۴ ز کلونو له جګړو وروسته په مصر کې د حماس او صهیونیستانو ترمنځ د ترسره شویو مذاکراتو پر مهال د حماس پلاوي کلیدي او اغېزناک غړی و. نوموړی هغه مهال د حماس د رسنیز دفتر مشر و او وروسته د عربي او اسلامي اړیکو د دفتر مشري ور وسپارل شوه.
د ۲۰۱۴ز د جولای په ۲۰مه یو ځل بیا د صیهونیستانو لخوا د برید هدف وګرځول شو، د غزې په شجاعیه سیمه کې یې د مشر زوی اسامه په کور بمبار وشو؛ خلیل حیة بیا روغ ترې ووت خو اسامه، مېرمن یې او درې ماشومان یې شهیدان شول.
د ۲۰۲۵ز د سپتمبر په ۹مه په قطر کې د حماس د مرکچي پلاوي په دفتر د صهیونستي اشغالګرو له بمبار څخه هم روغ ووت؛ خو زوی یې همام په شهادت ورسېد.
بل زوی یې عزام و چې د ۲۰۲۶ز د مې په ۷مه په غزه کې د صهیونستي اشغالګرو په بمبار کې شهید شو.
د اقصی توپان له جګړې وروسته نوموړی د حماس د مرکچي پلاوي مشر وټاکل شو.
کله چې د حماس پخوانی مشر شهید اسماعیل هنیة د ۲۰۲۴ز د جولای په ۳۱مه شهید شو، د اګست په ۶مه یحیی سنوار د حماس مشر او خلیل حیة یې مرستیال وټاکل شو.
یحیی سنوار د ۲۰۲۴ز د اکتوبر په ۱۶مه د صهیونیستي اشغالګرو سره په مخامخ جګړه کې په شهادت ورسېد. د سنوار له شهادت وروسته حماس خپل تشکیلاتي جوړښت د جګړې له شرایطو سره سم تنظیم کړ او د غورځنګ د چارو د اداره کولو لپاره یې لنډمهالې پنځه کسیزه رهبري شورا جوړه کړه.
د ۲۰۲۶ز د جولای په ۲۰مه د دوشنبې په ورځ حماس غورځنګ اعلان وکړ چې خلیل حیة د یاد غورځنګ د نوي مشر په توګه ټاکل شوی دی.
دوکتور خلیل حیة د حماس د مشر په توګه له ټاکل کېدو یوه ورځ وروسته خپله لومړۍ وینا نشر کړه. نوموړي د وینا په لومړیو کې وویل چې دوی به په همدې تګلاره تر هغې روان وي تر څو په اقصی او فلسطین د خپلواکۍ او عزت بیرغ ورپيږي.
نوموړي په خپله وینا کې د دوی لومړیتوبونه بیان کړل چې د جګړې درېدل او له غزې څخه د صهیونیستي اشغالګرو بشپړ وتل، غزه کې د جبري کډوالۍ مخنیوی، د فلسطینیانو سوله ییز ژوند، د غزې بیا رغونه او له عربي او اسلامي ټولنو سره د حماس د اړیکو پیاوړتیا یې مهم هغه وو.
خلیل حیة د خپلې وینا په پای کې یو ځل بیا پر مقاومت ټینګار وکړ او زیاته یې کړه: زموږ مقاومت او جهاد به خامخا بریا ته رسیږي. موږ پر خپله ژمنه ولاړ یو او هېڅکله به د فلسطین د مبارکې خاورې پر یوه لوېشت هم معامله ونه کړو.

بصیرت خپرنیون

[بصیرت @Basirat_108]

مجلسونه مو کوم لوري ته روان دي؟

لیکنه: حشمت الله زغم

نني عصر کې د ملګرو مجلسونه د کمیت له پلوه ډېر زیات شوي، خو د کیفیت له اړخه یې هغه پخوانی حالت نشته؛ هغه حالت چې پکې د خدای تعالی د طاعت، مینې، محبت او رضا خبرې کېدلې. نن سبا ډېر مجلسونه کوو، خو ټول تمرکز مو پر دې وي چې څنګه ملګري، یا په لاره تېرېدونکي کسان، سپک، مسخره او رسوا کړو. د نیکۍ کار یا خو پکې بالکل نه وي، او که وي هم، نو د یوې ذرې په اندازه وي؛ او په هماغې ذره هم یقیني نه یم.

د اذان غږ اورو، مسجد مو په څو قدمه فاصله کې وي، خو موږ بیا هم په عبثو او بې‌فایدې خبرو بوخت یو. د آخرت خبرې نه کوو؛ یوازې د دې فاني دنیا د خوښیو او چټي خبرو یادونه کوو. د جهاد، د مظلومو غزه‌والو، یا ایغوري مسلمانانو د دردونو یاد نه کوو. یو بل ته د دنیا، اقتصاد، تجارت او کاروبار مشورې ورکوو، خو کله هم د اصلاح، نېکۍ، یا تقوی خبرې نه ورته کوو.

نو څه وکړو چې مجلسونه مو اصلاح شي؟

۱. د ملګرو انتخاب:
په مجلسونو کې د اصلاح لومړی قدم دا دی چې ملګري باید په دقت سره وټاکو. د ملګرو انتخاب ډېر مهم دی، ځکه همدوی ستا فکر، عمل او ذهن جوړوي. د ملګرو د انتخاب پر مهال باید لاندې ټکي په پام کې ونیسو:

• د هغوی فکر او سوچ
• د آخرت په لور توجه لرل
• د دنیا په اړه معتدل نظر لرل

۲. د مجلس د موضوع انتخاب:
کله چې ملګري سره یو ځای شي، نو باید د یوې مهمې او عبرت‌خېزې موضوع په اړه بحث وکړي. د پیغمبرانو، صحابه‌وو او صالحینو د ژوند له واقعاتو او اقوالو څخه یادونه وشي. دا عمل لاندې ګټې لري:

• د علم سطحه لوړېږي
• له خپلو اسلافو سره آشنایي زیاتېږي
• له بې‌فایدې خبرو څخه ځان ساتل کېږي
• د دنیا او آخرت نېکمرغي لاس ته راځي

۳. طاعات او عبادات:
په ملګرو کې باید د اذکارو، تسبیحاتو، جماعت او نورو نیکو اعمالو لپاره یو منظم تقسیم اوقات جوړ شي او په خپل ورځني ژوند کې یې جبري کړي.

۴. له ګناهونو ځان ساتل:
له غیبت، فضول خبرو، عبث کارونو او بې‌ځایه خنداګانو څخه باید ځانونه وساتو. له کوچنیو ګناهونو هم ځان وساتو، ځکه غرونه له وړو تیږو جوړ شوي وي.

۵. د اصلاح کوښښ:
د مجلس اصل هدف باید د ځان، ملګرو، کورنۍ او ټولنې اصلاح وي. هر څوک باید د خپل ځان او نورو د سمون لپاره هڅه وکړي.

الله تعالی دې دا څو کوډې ماتې لارښوونې د خپلې رضا، د دنیا او آخرت د کامیابۍ، او زموږ ټولو د هدایت سبب وګرځوي.
آمین.

[بصیرت @Basirat_108]

په ټولنه کې د مطالعې د ترویج لارې چارې!

مطالعه، چې د ټولنې په عروج او د سیالانو په سیالۍ کې رغنده رول لوبوي او د ډېرو ناخوالو مخنیوی ورسره ترسره کېدای شي، زموږ ټولنه پوره څلور لسیزې د تپل شویو شخړو او کشمکشونو له امله له دې کلتور او مهم عادت څخه، په قصدي او یا هم د حالاتو د جبر له امله، لرې پاتې شوې ده، چې د مطالعې د نشتوالي له امله ټولنه له اخلاقي او هر اړخیز زوال سره مخ شوې ده. دې زوال او ټیټوالي زموږ د ټولنې هر قشر له ګواښ او خطر سره مخ کړی دی. د دې حالت د ژغورنې او ساتنې لپاره مطالعه تر ټولو غوره او د ژغورنې اړینه وسیله ده. دې ټولو مواردو ته په کتلو سره اوس اړتیا ده، چې د هغو لارو چارو او مواردو یادونه ترسره کړو، چې د هغه له لارې د مطالعې ترویج ته لاره هواره او زمینه برابره شي، چې لاندې یې په شمېره‌واره توګه یادونه ترسره کوو:

۱. د مطالعې په ترویج کې تر ټولو مهم او اساسي فکتور د کورنۍ رول او مسؤلیت منل دي، کله چې کورنۍ دې مسؤلیت ته پاملرنه وکړي، نو د نورو ټولو عواملو په نسبت به د دې مورد مؤثریت ملموس او محسوس وي. کورنۍ، چې د روزنې لومړنۍ زانګو بلل کیږي، اړتیا ده چې داسې یو ماحول رامنځته کړي، چې ټولنې ته راتلونکی هر وګړی مطالعه د ځان لپاره یوه مهمه وجیبه او مسؤلیت وګڼي.

۲. له کوچینوالي څخه د ماشومانو له مطالعې سره عادت کول، د يو ښه منظم ماحول جوړول، کتابونه ورته راوړل، ذهنیت سازي او هڅونه، چې دوی دا یو مسؤلیت او اړتیا په اساس ډول په ذهن کې له ځانه سره ومني، چې مطالعه اړینه او مهمه ده او د ژوند تر پایه ورسره د عادت په شان په مخ لاړ شي.

۳. په زده‌کړیزو چاپېریالونو کې د مطالعې د ترویج لپاره د سېمینارونو، ناستو او دې ته ورته کړنو لپاره کار ترسره کول، لکه: مدرسه، ښوونځي، اسلامي جامعات، پوهنتون او داسې نور زده‌کړیز مرکزونه.

۴. د انځوریزو، چاپي، غږیزو او نورو رسنیو له لارې، په دوامداره او ورځني ډول سره، د مطالعې لپاره ذهن سازي، د مطالعې د ارزښت بیان او د ترسره کولو لپاره یې په دوامداره توګه کمپاین ترسره کول.

۵. مطالعې ته د زمینې برابرولو او کتابونو ته د اسانه لاسرسي په برخه کې له تکنالوژۍ څخه سالمه ګټه پورته کول، لکه: د پي ډي ایف کتابونو برابرول، د کتابونو ځانګړې ویب پاڼې پرانیستل او داسې نور.

۶. په خواله رسنیو کې د مطالعې لپاره په منظمه توګه کار ترسره کول، د ښو کتابونو معرفي، تر نورو یې رسول، د مطالعې د ارزښت اړوند خبرې ترسره کول او دې ته ورته په نورو مواردو باندې کار کول.

۷. د مطالعې د ترویج په برخه کې کتابونو ته د لاسرسي اسانتیا رامنځته کول، په عامه کچه د کتابتونونو جوړول، د حکومت او سترو سوداګرو لخوا د کتابونو چاپ او په وړیا توګه یې په ټولنه کې وېشل.

۸. د مطالعې رایج والي سره د مطالعیزو حلقو، ناستو، سیمنارونو، عامه مجلسونو او نورو ترسره کول، د کتابونو په قرض ورکړه، د کتاب لوستلو سیالۍ په لاره اچول او دې ته ورته نورې کړنې ترسره کول.

۹. د نوموتو لیکوالانو د کتابونو چاپ، د هغوی لاس‌نیوی کول، د ژباړې لپاره هغوی ته زمینه برابرول، د ماشومانو، ځوانانو او نورو لپاره د وخت د اړتیا او تقاضا سره سم د کتابونو چاپول.

۱۰. په لويه کچه د هېواد په بېلابېلو برخو کې د کتابونو نندارتونونه جوړول، د جوماتونو له منبرونو څخه د مطالعې او کتاب لوستلو په ارزښت خبرې کول، په دولتي اداراتو کې د مطالعې لپاره د یو ځانګړي وخت مشخص کول، د بروشرونو، مجلو او نورو دولتي رسنیو او ورځپاڼو له لارې د مطالعې لپاره د خلکو هڅول.

۱۱. په سترو ښارونو، ولسوالیو او لرې پرتو سېمو کې د مطالعې کولو ته خوندي او ارام چاپېریال رامنځته کول.

له پورته یادو شويو مواردو سره، د ټولنې هر وګړی باید د مطالعې د ترویج مسؤلیت د خپل وس او توان په اندازه پر غاړه واخلي.

[بصیرت @Basirat_108]

اسلام له مؤمنانو څخه دا نه غواړي چې د دنیا چارې پرېږدي؛ ځکه هغوی په دې نړۍ کې د خلافت لپاره پیدا شوي دي.

اسلام له هغوی غواړي چې د دنیا په چارو کې یې پام الله جل جلاله ته وي، او خپلې هیلې تر دنیا محدودې نه کړي، ترڅو دنیا داسې قید او بند نه شي چې انسان پکې راګیر او محصور کړي.

اسلام غواړي چې انسان د دې وړې ځمکې له تنګو دېوالونو څخه آزاد کړي، څو په همدې نړۍ کې کار وکړي، خو له دې نړۍ څخه لوی وي؛ د خلافت دنده ترسره کړي، خو فکر یې له افقِ اعلیٰ سره تړلی وي.

له همدې امله، کله چې انسان د اسلامي تصور له لوړ لیدلوري څخه دنیا ته وګوري، نو د دې ځمکې محدودې او لنډمهاله ګټې ورته ډېرې وړې او بې‌ارزښته ښکاري.

شهيد سید قطب رحمه الله

[بصیرت @Basirat_108]

نن د کتائب القسام د عمومي مشر شهید محمد الضیف ابوخالد تقبله الله د شهادت دوهم تلین دی.

تقبله الله

[بصیرت @Basirat_108]

هغه علم چې تا د هغه حق د ملاتړ لپاره چې ته پرې باور لرې، حرکت ته نه راولي، یوازې وچ او تش معلومات دي چې هر موبایل یا کمپیوټر یې هم لرلی شي.

انسان د خپلو دریځونو او موقفونو له مخې پېژندل کېږي، نه د هغه معلوماتو له مخې چې لري يې.

نایف بن نهار

[بصیرت @Basirat_108]

شهيد عبدالله عزام تقبله الله فرمايي:
"اې مسلمانو مېرمنو! بچيان مو له سختيو سره عادت کړئ, مېړانه او جهاد ورزده کړئ, تر څو مو له کورونو څخه د زمريانو زانګو ګانې جوړې شي, او که داسې ونه کړی نو له کورونو څخه به مو د چرګانو مرغانچې جوړې شي او د وخت د طاغوت له خوا به حلال شي".