المشكلة في كونك مؤذي أني أجاهد نفسي فيك مرتين
مرة لأتحمل أذاك،
ومرة لأتحمل أن لا أغتابك بسبب أذاك ..
نجحت كثيرًا في الأولى وأخفقت دائمًا في الثانية ...
فلو تدري كم أنك عبءٌ على سلامة قلبي لربما كرهت حياتك!
من عقوبات اللهِ لبعضِ الناسِ في الحياة الدنيَا أن يشغلهم الله بالخصوماتِ والمشاحناتِ مع الآخرِين لأن سلامةَ الصدرِ نعيمٌ وفوز لا يهبه الله إلاّ لمن يحب'
صباح الخير
طبعا الاخبار حاليا مذريه ومحزنه لاقصي درجة ممكنه ، اخبار مش اول مره نتعرضلها لكن الامور بتزيد بشاعه كل يوم وكل ما نوصل لانفراجه ناخد قصادها كارثه ، الوضع مُحبط مُذري لاقصي درجه ، كل حاجه بتاخدنا لسؤال واحد ماذا بعد ..؟
قبل ما اقول اي حاجه حابب استشهد بحديث الرسول عليه الصلاة والسلام
إن قامت الساعة وفي يد أحدكم فسيلة فإن استطاع أن لا تقوم حتى يغرسها فليغرسها
لو انت فاكر او بتتعامل معاها علي انها حرب كام يوم وهتروح لحالها فاهي بقالها قرن شغاله وحصل اهوال اشد من دي ، المقاومه كلها علي بعضها كدا سابت البلد كلها في وقت ما ، ورجعت .. الحروب مبتتاخدش بشكل اجمالي وتغتزل في معركة غير ف الافلام ، اللي بيحصل طبيعي يحصل ولو انت مش متوقعه حاول تتوقع الاسوأ منه الايام الجايه ، لكن دي معارك هتكسب منها وهتخسر منها ، اهل فلسطين شايلين ارواحهم علي كفوفهم عشان الايام السواد ال زي دي
اللي عايز اقولو باختصار ووضوح اي حاجه بتعملها او مساعده باي شكل حتي لو تافه او بسيط من وجهة نظرك كمل فيها ومتوقفهاش لكذا سبب
اولا من حق الشعوب تقرر مصيرها في ظل الظروف والمتاح ليهم ، انت كا شخص بعيد ما عليك لو عايز تشارك الا الدعم ، الدعم وبس
طيب هل في اي اثر ايجابي لنشر جرايم اسرائيل للعالم
صدقني فيه ، والله في
ناهيك عن تغيير وعي شعوب جايز يكون فيهم او ف ولادهم حد مهم مستقبلا في ايده صناعة قرار ، سيبنا من دا
انت متخيل ان لو بروباجندا اسرائيل كانت مشيت حسب الخطه ولم يتم التصدي ليها اعلامياً كان الوضع هيبقي نفسه زي دلوقتي ؟
ابدا ، نهائي
طيب توثيق جرايم الاحتلال دا بيعود بأيه ، لو معادش بحاجه دلوقتي الوثايق دي كلها هتستخدم في يوم ولو بعد ٥٠ سنه, الاسرائليين سجلو كل حاجه اتعرضو ليها ايام هت لر ووثقوها وبيحطوها في عين العالم بقالهم عقود وباخدو دعم وورق ع بياض بالقتل والاحتلال والقرف دا كله علي حس ال حصلهم
حتي المانيا بتحاول تصلح غلطتها معاهم علي حساب فلسطين دلوقتي
اه مفيش حاجه ملموسه اوي ومقدرش اقولك ماذا بعد كل ال اقدر اقولهولك حاول حاول قد ما تقدر تعمل كل ال تقدر عليه يقلل من حدة ضميرك واحساسك بالحزن وانت داخل تنام
لعل الله يحدث بعد ذلك امراً
ومتصدقش حد يقولك الشعب الفلسطيني خلص
الفلسطينين زي القطط ، ولو كانو شعب سهل يتكسر كانو اتكسرو من ١٠٠ سنه وخلصو
دي فضفضه قبل ما انام معاكم وتفصية لدماغي لا هو كلام محلل استراتيجي ولا انا قاصد اقولك كمل في الي بتقدمه عافيه ، بس بقولك خلي املك في ربنا كبير وبلاش حالة اليأس العامه دي ، اتمني انها تكون حالة غضب ايجابي اكتر .
ربنا يحفظ اهالي فلسطين وينجيهم من الاهوال ال بتحصل دي ويارب
يارب الايام الجايه تكون فيها اي بشرة خير او اي تحفيز للامل تاني جوانا عشان ال بيحصل كتير فعلا وسريع ومُربك لاقصي درجه .