Beauty Of Pakistan @BeautyOfPakisT - Twitter Profile

about 1 month ago

کيا آپ جانتے ہیں کہ کوئل سے دھوکہ کھانے کے بعد کوے وہ علاقہ چھوڑ دیتے ہیں؟ کیا آپ جانتے ہیں کہ نظام فطرت میں کوے کی آبادی کو قابو رکھنے کا میکنزم کیسے کام کرتا ہے؟ اور یہ کہ کوا میاں بیوی کیسے کوئل میاں بیوی سے دھوکہ کھا جاتے ہیں؟ مزید کہ کوئل کوے کو کچھ خاص پسند نہیں کرتی پر سارا سال اس کا پیچھا کرتی رہتی ہے؟ پر اس سے پہلے کوئل کا ذرا سا تعارف پڑھیے۔ کوئل ایک اومنی وور پرندہ ہے جو کہ مختلف کیڑے مکوڑے اور جنگلی فروٹس کھاتا ہے۔ سال کے نو مہینے خاموش رہنے والا یہ پرندہ اپریل کے آغاز سے اپنی مسحور کن آواز سے اپنی موجودگی کا احساس دلانا شروع کر دیتا پے جو کہ اصل میں نر پرندے کی طرف سے 'میٹنگ کال' ہوتی ہے۔ خوبصورت آواز والے پرندے کوئل کا شمار ہمارے مقامی پرندوں میں ہوتا ہے۔ کوئل کی سحر انگیز آواز سے سبھی متاثر ہیں اور ہم میں سے کافی لوگ یہ بھی جانتے ہیں کہ یہ پرندہ اپنے انڈے کوے کے گونسلے میں رکھتا ہے، پر کیسے آئیے آج اپ کو بتاتے ہیں کہ کس طرح سے یہ ذھین پرندہ کوے جیسے چالاک پرندے کو مات دے کر اپنے انڈے اس کے گھونسلے میں رکھتا ہے۔ آپ کو یہ جان کر حیرت ہوگی کہ کوئل کوے کو خاص پسند نہیں کرتی لیکن باوجود اس کے کوئل کسی بھی کوے کو موجودہ سال کا ٹارگٹ سلیکٹ کرتی ہے اور سارا سال اس کوے کا پیچھا کرتی ہے اور جیسے ہی کوا گھونسلہ بنانا شروع کرتا ہے تو کوئل اندازہ لگا لیتی ہے کہ انڈے دینے کا وقت آن پہنچا ہے۔ مزید خوشگوار حیرت کی بات یہ ہے کہ انڈے کب اور کس ٹائم دینے ہیں، کوئل اس عمل پر مکمل قابو رکھتی ہے یعنی تیار انڈے پیٹ میں موجود ہیں، کب ڈلیور کرنے ہیں اس بات کا فیصلہ اچانک ہوتا ہے۔ نر کوئل کوے کے جوڑے پر مسلسل نظر رکھتا ہے،جوں ہی مادہ کوا انڈے دیتی ہے نر کوئل اس کی اطلاع مادہ کوئل کو دیتا ہے۔ نر کوئل حکمت عملی کے طور پر گونسلے کے مالکان سے الجھتا ہے، گھونسلے اور انڈوں کےدفاع میں نرکوا نر کوئل کو بھگانے لگتا ہے اور وہیں پر مادہ کوا ایک سنگین غلطی کرتی ہے اور اپنے نر کے ساتھ کوے کے خلاف لڑائی میں شامل ہو جاتی ہے۔ مادہ کوئل جو کہ قریب ہی چھپی ہوئی ہوتی ہے،کوے کے گھونسلے میں آکہ اس کے انڈے گرا کر یا انہی کے ساتھ اپنے انڈے ڈلیور کردیتی ہے۔ نر کوئل مشن کی تکمیل پر علائقہ چھوڑ دیتا ہے۔ جب انڈوں سےبچے پیدا ہوتے ہیں تب بھی کوے کو پتہ نہیں چلتا،پر بعد میں جب کوئل کے بچے بڑے ہونے لگتے ہیں تو ان کو دھوکے کا احساس ہوتا ہے، پر بہت دیر ہوچکی ہوتی ہے۔ماہرین کے مطابق دھوکے کا شکار ہونے والے کوے وہ علائقہ ہی چھوڑ دیتے ہیں۔ کوا عام طور پر چلاک سمجھا جاتا ہے اور ایسا سائنسی طور پر ہے بھی لیکن کوئل کی حکمت عملی کوے کو مات دے دیتی ہے۔ نظام فطرت کے قوانین میں حکمت ہوتی ہے۔ #SindhWildife🇵🇰