Beta

Software Engineer | Full stack web dev | Building web apps & exploring Machine Learning | Python, C++, JS, PyTorch.

[Beta @Beta_183]

@She1661166 @jlier_7 لا تكفى لا تجيك غصه ولا تخلي الدنيا تكسرك ، خلك قوي وتوكل على الله واستانس

[ابو دانتي | Majed Al-Harbi @AboDantee]

لي اسبوع اجرب تشات هيومين AI وودي أقول دون تطبيل لأني والله غضبت وانا استخدمه !

المنتج فاشل، ولن ينجح عندنا LLM مع هذه الكمية من القيود والمعلومات المنحازة، بالإضافة لكون المحتوى العربي اللي يتعلم منه LLM ضعيف وركيك وبلا موضوعية

عدد ال GPUs وقوة النموذج ما يفيد إذا المعلومات معطوبة ومتدهورة، كأنك عندك كمبيوتر قوي بمعالج رسومات RTX 5090 ورامات مليار قيقا وبالأخير حاط فيه نظام Dos وتستخدم فيه برامج سيئة

تدرون ليه هيومين يبدو جيد في اختبارات Benchmark وتشوفونه يقارع ChatGPT 5-2؟ لأان طبيعة هالاختبارات تقيس مهام معينة ما تقيس قدرة النموذج بإنجاز المهام اليومية او بالمعلومات

نعم النموذج أساسه هاردويريًا ورياضيًا قوي (المكينة حقته) لكن معلوماته اللي يتعلم منها ركيكة وقيوده كثيرة فكأنك عندك مكينة لمبرغيني بكفرات سيكل، ولهذا اختبارات البينتش-مارك ما عكس واقعه

هنا بعض مشاكلي:

أولا:
النموذج من مشاكله ان من بنوه يظن ان كون يفهم اللغة العربية والثقافة العربية امر كافي، بينما المهم هو ان يكون النظام مفيد لي بحياتي اليومية !

بل الحقيقة ان ChatGPT و جيميناي يفهمون باللغة العربية والثقافة السعودية اكثر مه، ومن ثم وش الشي اللي تحاول تنجزه يا مدير هيومين يوم تقول نبي ذكاء اصطناعي يفهمنا كعرب ؟

نماذه جيميناي و Chatgpt مهو بس تفهم عربي بل تعطيك منطق قوي وقدرات بحثية وتصميم صور وبحث بالملفات وذاكرة وامور واجد عكس هالنموذج الركيك، والأهم؟ يعطون المعلومة بكل مصداقية !

سألت هيومين أسئلة دينية قال لا استطيع الجواب، اسئلة قبلية قال لا استطيع الجواب او اعطاني اجابات خاطئة مضحكة

ثانيا:
القيود يا أخوان شي مقزز ..
نظام الأمان في نماذج LLM المفترض انه يوقف الامور الخطيرة والمضرة ما يخفي جزء من التاريخ او المواضيع السياسية او الدين او التحليل المنطقي لأنه يشوف ان هالشي يمكن يؤثر على نفسية شخص ما بهذا الكوكب، هذا جنون !

والله ما يبرح العرب في هالمجال ما دامهم يخافون الواقع الموضوعي وما زالوا يتشبثون بالرغبوية والمنع ..

يوم الذكاء الاصطناعي يبعد كل شوي عن موضوع لأنه حساس، المستخدم بيشوف هالشي علامة على الاغباء حتى لو عندك مليون رقاقة من انفيديا، بالنهاية هذا غباء هذا نموذج غبي ..

ثالثا:
ال GUI والشات ككل مجرد نسخة كلون من ChatGPT يعني وش قدمت لي؟ وش الميزات؟ بدلًا من إضاعة قدرات رقاقاتك على هالشات المروح استخدم هالقدرة الحوسبية على منتجات مفيدة سواء للقطاع الحكومي او العسكري او غيره ..

شكرا ما نبي تشات GPT ثاني، نبيك تسوي منتجات ذكية افضل لك وافود للبلد، انظمة مثل نظام بلانتير العسكري او مثل الانظمة الطبية الجديدة او الصناعية

رابعا:
مشاكل كثيرة بالإتصال وبتسجيل الدخول ومن ثم الباك-اند ماش

خامسا:
عطني سبب واحد يخليني انتقل من تشات-GPT الى برنامج، مافيه؟ أجل ليه ماخذ كل هالرقائق من الحكومة ومسوي لي تشات بلا معنى؟

سادسا:
وين المصداقية؟ ليه ما كتبتوا ان الشات يستخدم حاليًا لتدريب النظام بناء على معلومات السعوديين والامور اللي يكتبونها؟
ويجب ان يكون هناك خيار مثل ChatGPT يسمح لك بان لا تجعل اسئلتك ومعلوماتك تستخدم في التدريب

أخيرًا بقول ان كان الشيء الوحيد اللي تظن بينجحك هو اني كسعودي بتحمس للمنتج لكونه سعودي، بقول لك شف جاكو وباقي المنتجات اللي قبل ..

يمكن يتحمس معك يوم يومين اسبوع شهر بس بعدها برجع واستخدم المنتج اللي يفيدني حقًا ومن ثم، قدم لي شي مفيد

[Beta @Beta_183]

اللهم صلً على محمد .