السبب انو في 100 الف مقعد فاضي
لأنو بدون ما اشوف مفاضلتك ومفاضلة كل الي هون ح تكونوا كلياتكن مسجلين نفس الرغبات
ف في كليات كتيرة عندن مقاعد فاضية وماحدا مسجلن بالمفاضلة ف تقريبا فيكي تقولي تلت رباع هال 100 الف ح تكون للاختصاصات الي ماحدا فاضل عليها اصلا
والربع الاخير ح يكون مشكل بين الباقي لانو مثلا انتي فاضلتي طب او هندسة بس انسحبتي ف بيصير مقعدك فاضي ف بينحط بالشواغر ف هي كل القصة
الوالد مهندس CS من وانا صغير كنت اقعد اقرأ كتب البرمجة وبعمري ال12 عملت اول موقع وشاركت بالاولمبياد تبع الحاسوب والفيزيا وجبت البرونزية لسوريا، اجت البكالوريا وقدمتا وجمعت 239.3 قدمت ع MIT وانقبلت بمنحة بس من ضغط الاهل كنسلت كلشي ودخلت تحضيرية ومن التحضيرية للبشري ومن هداك اليوم وانا حاسس نفسي اغبى بني ادم لأنو الي سبع سنين مابعمل شي الا ابصم المقررات
مابعرف بأي دولة درست الثانوية
بس اهم شي لازم تعرفوا انو دراستك بالتحضيرية لازم تكون مختلفة تمام عن دراستك بالبكالوريا
المقررات اضخم، الوقت اقصر
اهم نصيحة ابدا ما تفكر انو خلص انقبلت ف الموضوع صار سهل خصوصا اذا بدك معدل عالي لازم تبلش من اليوم بالمواد، والمهم تحاول تكون بارد لأنو موضوع الفرز لحالو قصة تانية خصوصا لما تشوف الطلاب الي معك(حرفيا داخل عم تنافس 10000 طالب من التوب بالبلد)
ف تحاول تعمل الي عليك واكيد لازم تبذل جهد شبيه او اكثر من جهد البكالوريا، بس بالنهاية الموضوع مش مستحيل في الاف قبلك وح يكون في الاف بعدك المهم انو تعرف تنظم وقتك وماتراكم ابدا