عبدالرحمن الشعلان 🩺

طالب طب و جراحة 🥼

[عبدالرحمن الشعلان 🩺 @Bn_Shalan911]

يا ليت قلبي عن هوى البعض ما طمع
لان الهوى يمكن يمس الكرامة

انا اشهد انه قَمْع و العن من القَمْع
دامه يعوج المستوي و استقامة

✍️ عبدالرحمن الشعلان

[عبدالرحمن الشعلان 🩺 @Bn_Shalan911]

ياما على شانك نويت المطاريش
وياما تبعتك شرق و الناس قبله

واليوم كني شفت فالوضع تشويش
شيٍ مجمعت العلوم تحسب له

✍️ سلطان الهاجري

[عبدالرحمن الشعلان 🩺 @Bn_Shalan911]

ياخوي مدري وين أوجه و أشدّي
مدري بعكس السيد والا امسك السيد

ضاقت على من وين مامشي والدّي
من منفذ البطحاء لحزم الجلاميد

✍️ فرحان قيران العنزي

[عبدالرحمن الشعلان 🩺 @Bn_Shalan911]

قالو تنام وقلت ودي على النوم
أود من ود الودود لولدها

ينام من قلبه خليٍ من هموم
مافيه ليلة فاتته ما رقدها

✍️ فرحان دبل العنزي (رحمه الله)

[عبدالرحمن الشعلان 🩺 @Bn_Shalan911]

العين شافت يا اريش العين غمه
و ضم الشقاوي غمةٍ ما لها حل

و من البلا مسّح دموعه بكمّه
حظه تخلخل و البدن بعده اختل

✍️ عبدالرحمن الشعلان

[عبدالرحمن الشعلان 🩺 @Bn_Shalan911]

الفكر و الهوجاس و الهم و الحيف
رمياتهن دايم علينا سديده

ليه الحسافه؟ ما تفيد التحاسيف
ما فات راح و لو هي كانت شديده

✍️ عبدالرحمن الشعلان

[عبدالرحمن الشعلان 🩺 @Bn_Shalan911]

على بصيص الامل لو كان مايُطرى
لازالت النفس تركض خلف غايتها

ورب موسى الكليم ومريم العذرا
اني مللت الحياة وعفت عيشتها

✍️ مانع بن لعور
@bin_lawer

[عبدالرحمن الشعلان 🩺 @Bn_Shalan911]

الشعور الي مطاريشه مع الظلما تطوف
ينبش الجرح الدفين وكل ذكرى غايبة

اعتذر من قلبي الي مل من كل الظروف
ما بقى من هقوتي غير الظنون الخايبة

✍️ مقرن بن حربي
@3oi88

[عبدالرحمن الشعلان 🩺 @Bn_Shalan911]

البارحه قام يدفعني عليك الحنيين
يالدرّه اللي عشقت الدار بـأسبابها

لو كان اخفي غلاها في عيوني يبين
انا عشقت الجبال الصم و اهضابها

✍️ احمد نياف

[عبدالرحمن الشعلان 🩺 @Bn_Shalan911]

يا نديم الليل والدمع المباح
لا تلوم اللي من الفرقى جريح

استراح الحس من عقبك و راح
استثار الجرح و لا هو مستريح

كلّ ما هبّت من الذكرى رياح
هزّت غصون الفؤاد وتستبيح

✍️ عبدالرحمن الشعلان

[عبدالرحمن الشعلان 🩺 @Bn_Shalan911]

الراي يبغى له رجل و الحمل يبغى له جمل
و الطيب يبغى له رْجالٍ ما تصر فلوسها

و السر يبغى له ثقه والآخره تبغى عمل
و انا تعلمت الحياة اللي حفظت دروسها

✍️ مفلح محمد الرقابي

[عبدالرحمن الشعلان 🩺 @Bn_Shalan911]

ياحبيبي صاب منزلك بالصدر انهيار
صرحك اللي قد بنيته وراك تدمره

اتفاخر في محبتك لكن باختصار
صرت مثل اللي يحصد الهواء ويغمّره

✍️ عبدالله بن زويبن - (رحمه الله)

[عبدالرحمن الشعلان 🩺 @Bn_Shalan911]

البارحة نومي على اكواع وكفوف
وعن لذة المرقاد عيني عيوفة

يصدف لها عن لذة النوم صادوف
صادوفها قلب كثيرة صدوفه

✍️ فرحان دبل العنزي - (رحمه الله)

[عبدالرحمن الشعلان 🩺 @Bn_Shalan911]

الشعر بعض احيان للذات ترويح
بالذات لاصحاب القلوب الجريحه

يمكن لو انني ما اتكلم به اصيح
يفتح قفص صدري صفيحه صفيحه

✍️ فيصل بن فراج السبيعي

[عبدالرحمن الشعلان 🩺 @Bn_Shalan911]

كان الرجولة بالمظاهر والاشكال
عزالله اني ماعرفت الرجوله

وكان الرجوله بالمواقف والافعال
عز الله اني مرتوي يالخجوله

✍️ مسلط المانع

[عبدالرحمن الشعلان 🩺 @Bn_Shalan911]

تاجرت في باب الشكالـه بمالـي
بعت الرخامه وأشتريت القرامـه

انـا مهبـول وجايزلـي هبالـي
هبال طيب ولا صحـاوة رخامـه

✍️ مسلط ابو اثنين السبيعي (رحمه الله)

[عبدالرحمن الشعلان 🩺 @Bn_Shalan911]

لو كرهني شخص واحد لا غرابه
ولو عشقني ألف واحد شيء دارج

الصحابة نفسهم وهم صحابه
صرّح بتكفيرهم بعض الخوارج

✍️ محمد بن الذيب

[عبدالرحمن الشعلان 🩺 @Bn_Shalan911]

الخطا يالاجودي ماهوب مني
و أعتذر ان صار مني لا إرادي

و ان نويت تصد عني صدعني
والله ان الوضع عادي وانت عادي

✍️ فواز ال فطيح
@fawaz_alfotih

[عبدالرحمن الشعلان 🩺 @Bn_Shalan911]

حط القدم تلو القدم
اعزم ترى ما به ندم
اصمل و خيرك يبي يجيك
اقدم نبي فعلة يديك
لا لا تميل و تنثني

خلك قوي لا لا تلين
قاسي و لك باسٍ سمين
هذي عليك هذي عليك
لابد لك ضلعٍ سميك
لا لا تميل و تنحني

✍️ عبدالرحمن الشعلان