᷂رميزان.

جعل يسقى يوم كنا دالهين.

[᷂رميزان. @D6lii]

ودك أن الآدمي لا طرق سمح الدروب
ما يعود لـ المكان المريب ولا يجيه

[َ @1bii1_]

أكثر ما يوجع مبعدين المشاويح
خطوى رفيق فيه نسبة ضعافه

ترزه العدوان ويقوم ويطيح
وفي وجه ابن عمه يحطونه آفه

آفكار راسه مثل وضع المراجيح
من قل رابعته وزود اللقافه

طويل يمنى في صحون المفاطيح
وقصير يمنى في مجال الكلافه

على كثر مافك باب التصاريح
ما فيه يومٍ فك باب الضيافه .

[᷂رميزان. @D6lii]

الزمن ماهو مقصر بشي من الظروف
شوف عيني يولد الضيق من بطن السعه.

[َ @1bii1_]

سلامة الركن الخليجي دار دار
بشعوبها .. و ترابها و بحورها

والله ماتفرح بالخراب و بالدمار
اللي تضم الحقد خلف صدورها

بحماية الله ثم بصنّاع القرار
ستة دول محدٍ يطاول سورها

ماهيب تزهانا طويلات العمار
إن ما جعلنا كيدها بنحورها .

[َ @1bii1_]

ياغيّاث الظوامي والثمام وجرهدي البيد
اعذني من جهنم والحشر والموت وكروبه

أنا مانيب لامشرك ولافاسق ولاعربيد
أنا اللي لاعصى وأخطأ تجهّم وأقلقه ثوبه

أنا عبدك ولد عبدك وجدّاني هل التوحيد
خطاياي أخجلتني يا الله الغفران والتوبه ،

[َ @1bii1_]

ما يفرق فالرياجيل يا كون مهبول
ماحشم لا فعل جده ولا منهو وراه

واسمنا راسي ويبقى على كبد العذول
وين ما وجه بيلقى لنا صيتٍ وجاه ،

[َ @1bii1_]

يا شِين ميزان العدالة اليا مال
وقام الردي يذكر مناقيد فينا

اللي قبل من فعلنا صار رجال
تالي الزمان قام يتمرجل علينا

[َ @1bii1_]

رميت الاحلام في وجه الزمان البخيل
وعزيت نفسي وعز النفس عصيانها

وعن الحضور المهمش مرحبا يالرحيل
ما دمت تحفظ كرامة نفسي وشانها ):

[َ @1bii1_]

مساري الليل تغزل في خيوط الظلام
والأرض يسحب لها وجه القمر ضيحته

وأنا مثل من وصل عمره ثلاثين عام
والقلب مثل الصغيّر فوق مرجيحْته

مراحل العمر نبت وتاليته أنصرام
له يوم تلحى الذواري سدره وشيحته

من مغريات الليالي والفتن والأثام
الحصن تكبيرة المؤمن وتسبيحته

[َ @1bii1_]

تعال اقلط وسولف معي يانسيم الليل
انا والله إنْ لي مدة أحس بالغربه

عن الناس اغيب شهور واطلع طلوع سهيل
عساها تباشربـي مثل ماتباشربه

يازين السعه والبعد عن قوم قال وقيل
وعن اللي لسانه يمنع الناس من قربه

لسان البذي ماكنه الاّ لسان السيل
يجيب الخفيف الساقط اللي على دربه

[᷂رميزان. @D6lii]

يا حبيبي مَـ انت عن باب الرحيل مفوّض
تو لا طاب المساء و لا تبارك حظه

كل بيت من اطيّب ابيات القصيد مروّض
اختر اللي طاب لك مثل الذهب و الفضه

انت مثل العمر و الاعمار ما تتعوّض
ودي اعيش العمر وياك لحظه لحظه .

[᷂رميزان. @D6lii]

@2tlay7 😂😂😂

[َ @1bii1_]

خدريني خدرة الشاي العراقي
واسقطي بـ بيالتي مره بدونك

لو تفتش في ضلوعي ما انت لاقي
غير قلبٍ حالف انه ما يخونك .

[᷂رميزان. @D6lii]

@HL0022 @muslem404 @esmtne من ياخذ الكثره في كل شي فهو غادي وضارب جاده هذي قبايل عددها تجاوز مليون شخص ولا جتهم ديه ب ٣٠ مليون ماتسوقهم حميه على قبيلته رخوم ربي جمعهم وتقص رقبه عيالهم، والسهول اقل منهم تسكر كل ديه بيومين دلاله ان العدد مايفيد 👀

[᷂رميزان. @D6lii]

@HL0022 @muslem404 @esmtne يبدو لي انه رشيدي ومابه قصور ولكن يقارن نفسه بقبيلة السهول هذي من عجائب الدنيا ، السهول نزلو في كل دار واسكنو افضل مواقع في الجزيره العربيه ويكفي انهم صميم نجد والعارض ،، وكما قلت عندما سأل الملك عبدالعزيز والمجلس ممتلئ بشيوخ القبايل قال السهول هم اشجع من طارد معي .

[᷂رميزان. @D6lii]

تمر السنين وتجتوّل والقلوب تهاب
وتبقين فالعمر المحدد مثل ما أنتي

عزيزة نسب وأطهر من الديّن التواب
رفيعة مقامٍ هان عمري ولا هنتي

تمرين ويصير السماء خيرها صبّاب
وتزين الأراضي كل ما أنتي تزينتي

فداك الشعر والناس والحلم والأحباب
وأنا والسنين المقبله وين ما كنتي

[᷂رميزان. @D6lii]

أشوف الحياة اللي مع الناس ملح و ذاب
و أشوفك يقينٍ يقطع الشك و الريبه

أبيع السنين اللي بدونك بـ رخص تراب
و أساوم على اللحظه معاك أنت باللي به

[᷂رميزان. @D6lii]

غيابك المرّ .علمني الصبر و الثبات
وعلمني الدمع الازرق والسهر والأسى

خليتني دون سابق جرح و مقدمات
و اليوم عيّت تداريني " لعل و عسى "

رح ألحق العمر واتركني ومافات مات
يكفي إنك تمرّ في بالي صباح و مسا

ما زال لك في شريط الذاكرة ذكريات
'صوّر ما تنمسح . . و أيام ما تنسى !!'

[᷂رميزان. @D6lii]

غفلات الضميّر وبين لحظات الجنون
رجعت أعدل غلطتي لو أنها ب لحالها

والله معاد أطرد ورى ذيك الهقاوي والظنون
الى متى والنفس تطرد ورى طيشها وهبالها

الناس والدنيا ودورات الليالي من تكون
ماطيّبت فالي عشان اطيّب فالها .

[᷂رميزان. @D6lii]

من المعطيات يوادع الحلم شوف العين
مثل ما النهار يوادع الشمس لا غابت

جفاف الموارد يسلب القاع ثوب الزين
و شحّ الطموح يزعزع الموقف الثابت

من اللي تشوف العين في "زهرة العشرين"
سبقنا السنين العجله و روسنا شابت