Abdelrahman.

instagram: abdelrahmander

[Abdelrahman. @Derhamx]

وفكرة إنَّك تحكي عن كل حاجة جواك مش سهلة، مش سهلة فعلاً، خصوصاً لو حاجة حاسسها بجد، صعب انك تتطلع اللي بتحس بيه ف مُجرَّد كلام.

[Abdelrahman. @Derhamx]

انا معنديش مشكلة خالص مع الغياب بس عندي مشكلة كبيرة مع الوجود الناقص.

[Abdelrahman. @Derhamx]

خشوا قولو للي بتحبوهم انكم بتحبوهم،ممكن ميكونوش هنا بعد دقايق،عشان متندموش.استغلوا كل لحظة كأنها اخر لحظة، عيشوا اللي فاضل من غير ما تكابروا

[Abdelrahman. @Derhamx]

لما تسيب شخص وترجعلة كذا مره هيجيلة برود وفي مره مش هيفرق تمشي او لا هو خلاص هيبقي رتب حياتُة علي انك بتمشي دايما. هياخد علي غيابك مهما طال.

[Abdelrahman. @Derhamx]

أتعلمت إن مينفعش ازعل ع غياب حد لإنه لو عايز يفضل كان فضل، ومحدش مجبر يمشي، اللي بيمشي بيكون ببساطة عايز يمشي وأنا مقبلش إن حد يفضل غصب عنه.

[Abdelrahman. @Derhamx]

متحاولش تثبت لحد انك كويس، سيبه اللي بعدك هيثبتله انك قد اية كنت كويس.

[Abdelrahman. @Derhamx]

أنا أكتر واحد بيتوه منه الكلام ومابيعرفش يرتب جملتين علي بعض والدنيا بتعوم منه لما بابقى فعلا عايز اقول اللي جوايا، يمكن عشان كده باسكت أسهل

[Abdelrahman. @Derhamx]

انا دايماً مابعرفش اروح اقول لحد انا زعلان منك في حاجة، او اني اطلب انة ميعملش دا، بشوف كل واحد شايف وفاهم هو بيعمل ايه كويس.

[Abdelrahman. @Derhamx]

ماتفوّتش فُرصة تحضُن فيها حد بتحبّه، حتى لو وسط زحمة الناس، ماتحسبهاش بسَبب خوفك من الناس وتقول بعدين، عشان اوقات كتير مابيبقاش فيه بعدين.

[Abdelrahman. @Derhamx]

عاوز أخدك بعيد عن كل إللى حواليك افهمك إللى جوايا، افهمك معنى تصرفاتى و نظراتي، افهمك إن سكوتى وراه كلام كتير، افهمك معنى إحتياجى ليك. بجد.

[Abdelrahman. @Derhamx]

جوايا كلام ليك كتير نفسي اقوله بس لو قولته هاتزعل علي نفسك. اوي والله.

[Abdelrahman. @Derhamx]

لو فكرتوا لثانية إن اللي قدامكوا ده فيه حد بيتمنى كان يقابله قبلك أو حتى تسيبوا بعض علشان هو ياخد فرصته معاه. حاجات كتير أوى بينكم هاتتغير.

[Abdelrahman. @Derhamx]

اللي خلاك تبقي في يوم كل حاجة وتبقي من احسن واهم من أي حد، يقدر يخليك ولا كأنك كنت موجود من اساسة. كأنك ولا جيت. ماتبقاش ليك اي وجود. بسيطة.

[Abdelrahman. @Derhamx]

بقّي عندي إكتفاء بنفسي وبس، مش مستني حاجة من حّد، ولا عايز حّد يطلب مني حاجة، وجود اي شخص بقّي زي غيابوا، لاني كّدة كّدة مُكتفي بنفسي. بس.

[Abdelrahman. @Derhamx]

معنديش أسباب و لا عاوز يكون عندي، انا حابب اكون لوحدي بس، مش كارهكم.. يمكن العيب فيا مين عارف. متشغلوش بالكم.

[Abdelrahman. @Derhamx]

بلاش توعد بحاجه انت مش قدها، ببلاش تحسسنى انك غير اى حد وانت عادى زى اى حد.

[Abdelrahman. @Derhamx]

المُعافره كانت هتبقا احسن لو كانت بنتيجه أو إن الشخص اللي قدامك يستاهل المعافره، غير كدا المعافره هتبقي مجرد قلة قيمه وقلة كرامه. وتضيع وقت.

[Abdelrahman. @Derhamx]

مع الوقت كل حاجة بترجع لمكانها وحجمها الطبيعي، متقلقش.

[Abdelrahman. @Derhamx]

مُشكلتي أني دايماً بخاف وبهتم على مشاعر اللي قدامي مهما شوفت وحش منه.