لو جلست تدور على كورس يشرح لك كل تفصيلة في مجالك بتتعب كثير، كل المجالات التقنية واسعة جدًا محد يقدر يغطيها في كورس.. البداية عادي جدًا تكون من اي كورس واللي يفرق ما بعدها
- شخص شاف كورس مفصل وما استمر يطبق
- شخص شاف كورس اقل تفصيلًا وواصل في التطبيق
الثاني بيتطور أسرع من الأول
أدركت ان الشخص لما يوزّع جهده على مهام متعددة في مجالات مختلفة، يراكم معلومات سريعة قابلة للتناثر.. اليوم خصصت وقتي لمجال واحد ولاحظت مستوى إدراك المعلومة أعلى بكثير مقارنة ببقية الأيام
الإجتهاد لساعات كثيرة لا يعني بالضرورة التقدّم
تقدر تتقدّم بساعتين فقط إذا رفعت عيار التركيز
من بعد ما تعلّمت Flutter صرت كل ما أشوف شاشة قدّامي سواءً في متجر أو تطبيق عقلي يشتغل تلقائيًا ويقسّمها Widgets
هذي الحالة تصير لما تخش مجال تحبه
تبدأ تربط الواقع بـ شغلك وبكل اللي تعلمته
كثير من الأشخاص متمكنين في مجالاتهم وواعين بقيمتهم الحقيقية، لكن لما يعيشون داخل بيئة قاسية خالية من الدعم والتقدير تبدأ ثقتهم بأنفسهم تتآكل تدريجيًا ومع الوقت يشوفون أنفسهم من زاوية مشوّهة تمامًا..
لذلك أنصحهم يصدقون مهاراتهم ويقدّرونها ويتعاملون معها كحقيقة ثابتة وقوية وراسخة.
لازم تكون واعي ان بعض الأشخاص اللي علاقتك فيهم سطحية وما بينكم عشرة حقيقية، ومع ذلك تصدر منهم تصرفات غريبة مثلا يستفزونك أو يعارضونك دايم أو يتعمدون التجاهل.. الخ
هنا لازم تفهم نقطة مهمة جدًا: أغلب هالتصرفات نابعة من صراعات داخلية يعيشونها هم، مو بسببك ولا لها علاقة فيك شخصيًا
بما إني خلّصت أساسيات Flutter وبدأت أدخل مرحلة المشاريع صار في بالي أتعلم مجال ثاني، فترة تعلّم الأساسيات ما أحب أخلط فيها أكثر من مجال لأني أفقد التركيز
وحاليًا محتارة بين مجالين:
الـ UI/UX عشان يخدمني مباشرة في Flutter UI
أو الـ AI لأن لي فترة طويلة جدًا وأنا ابي أتعلمه👀
تركيزك على نفسك يترتب عليه:
- جذب الأشخاص اللي يشبهونك ويفهمونك
- تطوّر واضح في مستواك وثقتك في نفسك
- قرارت واعية ناتجة عن تجاربك وأخطاءك
- علاقات أعلى قيمة
الجلوس الآن على جهازك وتطوير نفسك خطوة أذكى بكثير من إنك تدخل أي وظيفة والسلام.. خصوصًا وأنت في مرحلة التعلم، وقتها يكون من الصعب تلقى مساحة حقيقية تطوّر فيها نفسك لأن الوظيفة تجيب معها مهام وضغوط والتزامات خارجة عن إرادتك وتستهلك طاقتك وتركيزك
الوقت اللي معك الآن ذهب لا تضيّعه
بعد ما تخلص كورس في أحد مجالات البرمجة
وتجي تبدأ فعليًا تكتشف ان فيه أشياء كثيرة لسه ما تعرف تسويها وتساؤلات تدور في بالك، هنا لا تروح تدور على كورس جديد ولا تشتّت نفسك بمصادر زيادة.. اجلس على جهازك وابدأ طبّق
التطبيق هو المرحلة اللي توضّح لك كل شيء
وراح تعرف نقاط ضعفك وبتطوّرها