Dutch vander Linde

لدينا خطة

[Dutch vander Linde @Dutchvande1h]

إذا الشعب يومًا أراد الحياة لأ مفيش قدر هيستجيب ولا حاجة انت تمشي جنب الحيط ومتعملش مشاكل ولو المشاكل هي اللي جاتلك متعترضش وخدها بصدر رحب برضه عشان تعيش ومتعملش فيها جيفارا عشان أصلا جيفارا مات

[يحيى عزام @TheYahyaAzzam]

تصبح على خير يا مُستباح

[أثر خير 𓃵 @alidawie]

أنا متهدده بقالي 54 يوم متهدده من الضابط أحمد مختار في مباحث أسم أول مدينة نصر ومعاه أمين الشرطة سيد بسيوني ومعها أمين الشرطة عبد العزيز ومعاهم أثنين أمناء شرطة غير اللي تم ذكر أسمهم! اللي حصل مع البنت دي وزوجها وحماتها مش بنشوفوا غير في الافلام اللي حصل أن البنت ووزجها لسه متزوجين وزوجها معها عربية بيشتغل كابتن أوبر وعنده فرش بيبع عليها شوز في مدينة نصر أمين الشرطة كالعادة اكال السحت بياخد فرده من الشاب 500 جنيه أو ألف جنية على حسب ما يغلس ويضيق عليه ربنا يضيق عليه قبره . المهم البنت وزوجها كانوا قاعدين في شقة إيجار اقترحت عليه يبيع العربية على الذهب اللي معها ويشتروا شقة تمليك او يدفعوا مقدم شقة واشترى موتوسيكل علشان يروح ويرجع بيه على الفرش اللي بيبع عليه الشوز ، الأمين اكال السحت المجرم عرف إنه باع العربية لانه مابقتش موجوده فبدأ يطلب منه فلوس زيادة فالشاب مارضيش يديه فلوس الأمين مشي وكان مرتب هو والضابط والأمناء اللي معاه أنهم ياخدو فلوس العربية منه بالعافيه خلوه راجع من الشغل اخذوه واخذوا الموتوسيكل منه وعملوا اللي بيعملوه التشكيل العصابي فين فلوس العربية مع الضغط اضطر ياخدهم شقة امه لما راحو الشقه عند امه بهدلوا البيت مالقوش الفلوس اخذوه واخذوا امه بالاكراه تاني ولكن على شقته وفتحو هما باب الشقه بنفسهم دخلوا البنت بتقول في إيه ياباشا طيب فين أذن النيابه قالها في كذا كذا لفظ وسخ واخذوا منهم الموبايلات واخذوا الفلوس 330 ألف جنية واخذوا باقي الذهب واخذوا زوجها وبتقول مش عارفه اخذ حق ولا باطل ومهددين جوزي وفي حاجة تانيه ما حكتهاش لحد الوقت! ايه بقى الخرا اللي إحنا فيه ده ؟! ازاي ضابط وأمناء شرطه يعملوا كده طيب الامناء معروفين انهم اوساخ الا من رحم ربي طيب الضباط؟! يعني ازاي اللي المفروض يحميني هو اللي يعمل تشكيل عصابي ويسرقني ويبقى هو مصدر الخطر ؟! بتمنى الناس توصل صوت البنت اللي شكلها بنت ناس قوي ومستحيل تكون كذابه #وصله_لغيرك #أثر_خير خلوا المشكلة دي تبقى #قضي_رأي_عام والحقوق ترجع لأصحابها

[Dutch vander Linde @Dutchvande1h]

@im_bat22 فكرتني بجروب الدفعة عندي في سنة أولى كان حاجة زي كده دلوقتي إحنا في سنة رابعة بنتعمل على الجروب اللي هيبعت حاجة أمه رقصة

[Dutch vander Linde @Dutchvande1h]

الأجواء دي بتفكرني بشخص كده قال لما الإنترنت جعل الكون قرية صغيرة الناس تخيلت إننا كلنا بقينا مواطنين عالميين عندنا وصول للمعرفة والثقافات الأخرى لكن الواقع إننا بقينا فلاحين هذه القرية

[Dutch vander Linde @Dutchvande1h]

ساعات بحب Memories الفيس
ربنا يهون على أهلنا في غزة ويرحم جميع شهدائنا

[Ahmed @Ahmed19LFC]

أرسنال كان سيئ في كل أنحاء الملعب، من الدفاع للوسط للهجوم
خط الوسط تحديدًا كان نقطة ضعف، وده سمح لبرايتون يخرج بالكرة ويخترق من العمق بسهوله
ضغط برايتون أثّر عليهم بشكل كبير، وخلّى أرسنال يتأثر بطريقة لعبه بدل ما أرسنال يفرض طريقته
ده من أسوأ مباريات ارسنال، ماتش ممتاز من هوتسلر

[lari ⭑ @afclov3r]

arsenal eu te amo mas puta que pariu viu

[L @layal_massry]

هل شتمت ساكا اليوم

[Dutch vander Linde @Dutchvande1h]

أرسنال يا حبيب قلبي ماتش النهارده يستاهل كلمة واحدة من تلات حروف ومفيش غيرها اللي تتقال عليه ولو اللي شفناه النهارده مش مجرد انتكاسة عابرة في الموسم وإحنا ناويين نكمل بالمستوى ده فأحنا هننزل دوري الدرجة التانية مستريح

[Dutch vander Linde @Dutchvande1h]

@Kitlerisback ف ممكن وقتها تكون عملت فعلا كل ما في وسعك لكن لو جيت تبص عليها دلوقتي تلقى نفسك قصرت فعشان كده من العدل إنك تحاسب نفسك على اللي كنت تعرفه وتقدر عليه وقتها مش على اللي عرفته بعد ما الموضع انتهى

[Dutch vander Linde @Dutchvande1h]

@Kitlerisback ممكن ما تعرفش أبدا إذا كنت عملت 100%من اللي تقدر عليه ولا لأ لأن الإنسان مش بيشوف حدود قدرته إلا بعد ما يتجاوزها وعشان كده مينفعش يكون معيارك هل عملت كل ما كان يمكن عمله لأن مع مرور الوقت بتكتشف اختيارات كانت هتبقى أفضل بس لاحظ انها بناءً على معرفة ووعي ماكانوش موجودين عندك وقتها

[Dutch vander Linde @Dutchvande1h]

وإيه المشكلة يعني أكون أنا اللي مظبط الخروجة ومجتش وما الإنسان إلا شوية تناقضات أصلا

[Dutch vander Linde @Dutchvande1h]

يا سلام عليك يا أعظم من حارب طواحين الهوا إيه الانتصارات دي كلها

[Ahmed Salah Fathii @FathiiSalah]

هاتها يمين هاتها شمال.. أغلب مشاكل دول العالم الثالث الاجتماعية، بكل تشابكاتها وتراتبيتها وتراكمها، وبكل المشكلات الوليدة عن المشاكل الأم، أصل كل البلاوي دي = الفقر.
الفقر أصل كل الشرور.
ألا لعنة الله على الظالمين.

[عبدالله 🎻 @AFCJss]

احسد اللي مايعرفه

[Dutch vander Linde @Dutchvande1h]

عندي نظرية إن لو أول أسبوع في الكلية هيتاخد فيه غياب فانزل عشان أصلا الدنيا بتبقى أسهل من كده مش هتلاقي ووفر الغياب لحاجة تقيلة وسيبك من العيال بتوع إحنا كبرنا على أول أسبوع والجو ده عشان دول اكتر ناس بيتهنوا في نص الدراسة على كتر الغياب

[Mustafa @MUSTAFAamenn]

أوقات بحس محتاجين حقن مسكنات للآلام النفسية
حقنة كدا ترشقها في قلبك تشفط كل المشاعر السلبية اللي جواك و تنام بعدها 6 ساعات في سلام تام

[Dutch vander Linde @Dutchvande1h]

الكون هرم مقلوب يسحقك. الكون قد خرج
للظفر بك، وأنت بلا مخالب.
أنت رخو.. ضعيف.. أنت عاجز عن مواجهة أي شيء.
لا تجرؤ حتى على مصارحة نفسك بمقدار ضعفك..
انت قد هزمت وسحقت