Elena ✨💫

𝑾𝒂𝒍𝒌𝒊𝒏𝒈 𝒎𝒚 𝒐𝒘𝒏 𝒑𝒂𝒕𝒉 — 𝒅𝒆𝒇𝒊𝒏𝒆𝒅 𝒃𝒚 𝒏𝒐 𝒍𝒂𝒃𝒆𝒍𝒔 𝒐𝒓 𝒕𝒓𝒂𝒅𝒊𝒕𝒊𝒐𝒏𝒔 🧚🏻‍♀️

[Elena ✨💫 @Elenaaa10a]

والله خنگة بشكل هاي بالنجف اعرف نسوان يلبسون بوشية حتى هاي الفتحات مموجودة بيها أسوأ شي بالوجود ماكو وحدة تحبها كل مااسأل الي لابسات بوشية يگولون مجبورات من ازواجهم او اهلهم ويتمنون ينزعوها
سويت تجربة كم دقيقة البسها الدنيا صارت سواد وظلمة وحتى النفس انكتم تقبض الگلب الله يخلص كل النساء من هالتطرف الديني

[Elena ✨💫 @Elenaaa10a]

ابو علي بدال ماينتقد الشعائر الغير طبيعية وتخالف العقل والمنطق (نفس افعال الي بالصورة وامثالهم)
شسوة؟ راح يفر الموضوع على لبس اللبنانيات لان هو هش ومأزوم نفسياً يصور شعر المرأة انتهاك للشعائر مع انه شي طبيعي موجود بكل البشر مثل ما موجود شعر على راسك المتحجر
ترا انت العراقيات ممعبريك ولابسيك لا تحاول تفرض وصاية على اللبنانيات وتسوي روحك مضحكة للعالم

[Elena ✨💫 @Elenaaa10a]

@mysajadali @feeling90_ 🤣🤣🤣🤣 يعني عاف الكل وراح للكويتي

[Elena ✨💫 @Elenaaa10a]

بلبنان هم نفس الشي بالنسبة لعمر الزواج كل الطوائف اجرت تعديلات بهالجانب الا الجعفرية رفضوا ويرفضون اي تغيير بأي جانب قانوني بحجة شرع الله وحرام يتغير
وحتى بأيران الاصلاحيين رادو يرفعون سن الزواج بس المحافظين رفضوا ومنعوا هالشي
كل الدول العربية اتجهت هالاتجاه المدني وديقللون من زواج القاصرات عدا الشيعة بلبنان والعراق بحجة خصوصيتهم و استقلاليتهم عن باقي الطوائف باقين ومتمسكين بفقهم الرجعي

[Elena ✨💫 @Elenaaa10a]

@its_rey10 حقيقة يفرحون يموتون على هيج احداث تطلع للرأي العام حتى يصدرون كراهيتهم وسمومهم اكثر ويشيطنون كل النسوان هيچ يحسون براحة نفسية

[Elena ✨💫 @Elenaaa10a]

اكو ملاية نزلت قصيدة دينية وهي كبيرة مو صغيرة لابسة عباية وصفر مكياج يعني محتشمة دينياً من كل الجوانب بالتعليقات مستلميها ان صوت المرأة عورة والحسين ميريد منج هيچ وساعد الله قلبك يا صاحب الزمان وانه زمن الفتنة 🫠 هاي كله علمود صوتها بس
بعد لازم نتقبل فكرة ان الشيعة جزء كبير منهم تدعشنوا وخطابهم صار اقصائي تكفيري يردون يخلون الكل بقالب ديني واحد

[Elena ✨💫 @Elenaaa10a]

حسابات الأخبار السياسية والعسكرية لازم ينطون اراء تخزي ويحشرون روحهم ويتطفلون عالنسوان بس لو يكرمونا بسكوتهم ونرتاح إدور مو واحد وثنين لا اغلبهم هيچ حتى كلما اريد اتابع واحد منهم ابطل بسبب هالتطفل والتطرف مالتهم،،هذا بالذات بس ينظر ويتفلسف بكلشي اتذكره لحد هسة من كفر العلويين كأنما كان دينطي تبرير مبطن لقتلهم وإبادتهم

[Guinness World Records @GWR]

MESSIIIIIIIIII

[Elena ✨💫 @Elenaaa10a]

بعد الوحدة لتاخذ حق باطل من الزلم كل كلامهم طعن سواء علني او مبطن يسطرون بأسقاطاتهم النفسية وميلحگون
ودائماً مستحيل من سابع المستحيلات يحاسبون نفسهم لازم كالعادة يحاسبون النسوان ويذبون أي مشكلة براسهم
حتى عالزيارة لاحگيهم بس يردوهم يبقون 24 ساعة حبيسات المنزل وهاهية والي يضحك هي زيارة الاربعين بالذات جذورها مستمدة بشكل كبير من السيدة زينب وبعدين بكل صلافة يلحگون الشيعية ويطالبون بمنعها من تأديتها للشعائر

[Elena ✨💫 @Elenaaa10a]

@fakes875 زين اذا هو واصل لهالمرحلة من الشك ليش يخالف قاعدة شرعية الي تنص على ان نسب الطفل يلحق بالزوج
"الولد للفراش"
آسفة نسيت شرع الله بس حجاب وتعدد وطاعة الباقي مو مهم🥹

[Elena ✨💫 @Elenaaa10a]

@ly0237776945301 @jomsepjom لأن ربطت مواضيع بطريقة خاطئة بطريقة سياسية دينية وهالشي مو صح

اگدر اكتب تغريدة طويلة لأني مشتركة اشتراك premium

[Elena ✨💫 @Elenaaa10a]

لا مو تفس الفكرة لأن القانون العلماني يتغير او يتعدل بجزئيات معينة حسب المعطيات وممكن انتقاده لأنه مو مقدس
اما القانون الديني كله مسوي كأنما كلمة الله العليا المنزلة مباشرة من الله ولا كأنما اجتهاد علماء تراكمي عبر العصور مو من حقنا انتقاده لانه معتبريه مقدس وممنوع يتغير الى أن نموت حسب الاسلاميين فطبعاً انتقده واوكف ضده والقوانين العلمانية اكثر انصاف من الاسلامية بكل الجوانب ولا تگولي مهر ما مهر خلي ينلغي المهر مقابل ان تنلغي قوامة وعصمة الزوج
فلهذا القانون الجعفري من الاساس غلط استناداً على القاعدة الي ذكرتها لأن يحمل تفسيرات متعددة ما ممكن اختزالها بقانون مغلق لهذا انت دتدافع عن مدونة مغلقة من الاجتهادات تمشي على المشهور فقهياً فقط مو على معطيات الواقع وطبيعة الاسرة والمجتمع الحالي
لا هالقانون كله ظالم مابي شي ايجابي للمرأة لذلك اكيد نلتف عليه ونكون ضده كوننا طرف بهالقانون ويأثر علينا بشكل مباشر كنساء

[Elena ✨💫 @Elenaaa10a]

ماكو ربط بكلامك بس يلا راح اجاوبك من الجانب الفقهي فقط
الفقه مو ثابت الفقه متغير ويخضع لجوانب زمنية مكانية متعددة والاجتهاد فيه مفتوح لذلك تشوف اختلاف بين الفقهاء من نفس المدرسة الدينية تلميذ واستاذه يختلفون بطبيعة فتاويهم ورساىلهم العلمية ليش لانهم يعتمدون على قاعدة فقهية اذا اصاب المجتهد فله اجران وان اخطأ فله اجر واحد (مو لانهم متأكدين من هاي الاحكام فكرتهم لابراء ذمتهم امام الله يوم القيامة)
، الفقه عبارة عن تفسيرات تحمل منظور لفقيه ما ممكن الفقيه يكون متحفظ ويلتزم بالنصوص وممكن يكون اصلاحي تنويري يخضع لمعطيات الزمن الحالي مو الزمن السابق بالتفسيرات الدينية
فبعد هذا اخر شي اكوله الاحكام الفقهية ليست احكام الهية عبارة عن اجتهادات متعددة تعكس قناعة الفقيه فقط وكونك من مذهب شيعي تعرف اكو اختلافات بين الخوئي والسيستاني مع انه الاول الاستاذ والثاني التلميذ وثنينهم نفس الشي درسوا لكن اكو اختلافات بينهم هاي بمعزل عن باقي الفقهاء واجتهاداتهم الخاصة مثل المرجع الفياض الي يحلل ان المرأة تكون مرجع ديني وامام صلاة ديني (هنا اجتهد وخرج عن نظرة باقي الفقهاء)
الي اريد اوصله من هالكلام واكرره لتثبيت الفكرة الاساسية ان الفقه ليس قانون الهي هو فقط مسائل اجتهادية فقط فقط

وهم ارجع واذكرك انك شيعي المفروض تعرف ان مذهبك باب الاجتهاد فيه مفتوح ومو مذهب منغلق مثل باقي المذاهب فالقانون الجعفري من الاساس وضعه خاطىء لانه يستند على الرأي المشهور لفقيه واحد بمعزل عن باقي الفقهاء الي بينهم اختلافات بالامور الشرعية وانت تدري بمذهبك كل شخص عنده مرجع معين يقلده مو مرجع واحد فالقانون من الاساس غلط لان غلق الاجتهاد وخلاه تحت قراءة فقهية واحدة

[Elena ✨💫 @Elenaaa10a]

انت شو دتحرف كلامي بكيفك اني دا احجي من جانب شرعي الي انت تدافع عنه وبعدين شنو الرجال مجبور يبقى وياها منيلك هالكلاوات هو اله حق
يطلقها بأي وقت ولازم يدفعلها المهر شرعاً حسب كلام السيستاني
وبعدين وين كلت المرأة ملاك والرجل شيطان هاي افتراض منك 😹 على فرضياتك هاي الزوجة هم مجبورة تبقى وية زوجها واذا رادت تنفصل منه لازم تخلعه وترجعله المهر (بعد موافقته) ليش عفت هالنقطة على منو تضحكون شنو عبالكم منفتهم بالقوانين جايين وتحچولنا بفرضياتكم

[Elena ✨💫 @Elenaaa10a]

اي مو هو بكيفك ماكو ظلم ، بردك قبل هذا دافعت عن العقيم وكتبت العقم مو سبب للتفريق عادي تنخدع المرأة بس هنا لا خطية راعيت مشاعر الرجل الي هو صديقك لان حسيته انخدع بيها كله صوچه لو سائلها هي سحارة لو لا قبل الزواج (دا احجي حسب منطقك)
مااتشمت او اقلل من الي صارله اذا فعلا ظلم صدك الله يعوضه بس هو خلص طلقها ودفع حقها الشرعي المترتب عليه شرعاً وقانوناً فخلص بعد المفروض تفرحون انه خلص منها بعد ليش منزعج وجاي تريد تلغي حقوق النسوان كلهم لان زوجة صديقك مو زينة

[Elena ✨💫 @Elenaaa10a]

وشلون تعرف اذا هو من البداية مكذب عليها؟ ماتترتب عليه اي احكام حسب كلام الفقهاء عادي ميذكرلها انه هو عقيم وتبقى وياه حسب ارادته وقبل فترة عالمدونة رفضوا تفريق زوجة من زوجها العقيم ترا كلها قاريتها واعرفها ماكو داعي تبينون الموضوع سهل على المرأة عبالك دنجيب كلام من عدنا مو من الفقه المعتمد

[Elena ✨💫 @Elenaaa10a]

وانت شلون افترضت انه هو زين وتعامله زين وياها وهي تريد تتفرق ليش ضربت باقي الاسباب عرض الحايط وسويتها فايخة من مزاجها تريد طلاق بالرغم ماكو مرأة تحب طلاق اصلاً الا اذا طلعت روحها ،،، شحچي وياك اذا تشوف العقم مو سبب للتفريق يعني عادي تنسرق حياتها بدون امومة وتبقى اسيرة وية شخص متريده مااعرف واحد شلون يحافظ على انفعاله من يناقشكم

[Elena ✨💫 @Elenaaa10a]

بأعتبار مااعرف شنو المشكلة بس على كلامك الصوچ من الكل وهالمبلغ مو اضطرار او تفضل منه هذا واجبه الشرعي الي من البداية انت دافعت عنه فهي تستحق المؤخر والنفقة، بس شوف شلون انتو انتقائيين بالاحكام الدينية تريدون الي تفيدكم بس بالبداية دافعت عن القانون الجعفري الي بي ظلم للمرأة وتصعيب لكل جوانب حياتها ومن جانب هم ضجت وحسيت بالظلم ان صديقك دفع 20 مليون لان طلقها بفترة قصيرة مع انه هالجانب هم حقها الشرعي
ماطول هو الطلاق وقع منه فلازم يدفع الي عليه شرعاً مثل ما هي لو رادت تخلعه هم لازم تنطي جزء من المهر
فأكرر ماكو أي ظلم حسب الجانب الديني

[Elena ✨💫 @Elenaaa10a]

والمشكلة الاكبر اشوف ناس مساندين هالنوع من الاحكام بحجج شرعية او اخلاقية يعني معقولة انسان بسنة 2026 ينجلد على اختياره اسلوب حياته بطريقته بدون اذية اي بشر ثاني؟ محد ديقضي على الدين وينشر الالحاد غير الاسلاميين نفسهم مجرد ديخلقون حالة من الغضب والنفور تجاه الدين بعدين من الناس تكره الدين كرد فعل يجون يگولون كله بسبب الغرب الكافر متآمر علينا 🫠 كله كذب وكلاوات مال معززة مكرمة منابرهم الدينية كلها مسخرة للتحريض ضدها بأبسط جوانب حياتها السنة والشيعة اذا توحدوا على شي فهو على اذيتهم وظلمهم للمرأة ثنينهم يتحولون مسوخ ضدها