« يوم أشوف المغريات اللي على زينك كثيره
ما قدرت أملك من شعور الصبر مثقال ذرّه
كن في عينك سلاح وكن في رمشك ذخيره
و نور وجهك يا جميلة يعتبر للعين قـرّه
نظرتك هذي حياة .. وطلّتك هذي مثيره
كيف وجهك لمّ شمل المعجزة لله درّه! »
وإذا هبّ البرَاد أشب صوتي في حدود حْماك
لك ألحّفك في جمْر القصيد، وبشتي الضافي
تخافين العدا، وأقول: جعل أحبابنا تفداك
إليَا غابوا عيال العود عن صدر الوطن: خافي!
ياربّ وأنت الملاذ لوحدة المهتدي
يوم إن فؤادي وحيد أهدِهْ أنا مُتعبه
خلصني من الشعور اللي يهدّ جْهدي
و متعنّي بـ شي كل الناس تستغربه
و ارزقني الحلم و الصبر وجميل سعدي
في راسي أحلام .. و الاحلام مترتّبه
تحتاج عفوك و انا اللي حسن ظنّي مدي
فيك أنت .. ولا الاوادم ظنّهم ما اقربه
سلام الله على اللي لو تركته ماقدرت أنساه
حبيبٍ كل ما هب الهوى حنيت .. لـ دياره
ليا هبت نسانيس الرِياح و جددت ذكراه
تربَّع في ضلوع الصدر كنه ماخذ بـ ثاره
معي قلبٍ من صدوف الليالي جاه ما كفاه
تمثناه الرهيف اللي ترك قلبي على ناره
يقول الله .. و أقول القصايد فيك ، ياا الله
يمر البال طيفه ما يغيب إن غابت أخباره
حبيبي و أكثر العالم لهم بين العباد أشباه
شبيهك فـ السما لا طل كني مبشر بشاره