لو صح الكلام، ما كان شفنا حركة ولا تطور وظيفي في أي منشأة!
أحيانًا صاحب العمل ينظر لمصلحته فقط، وينسى أن الموظف عنده طموح ومسار مهني يبغى يتطور فيه.
إذا فعلاً صاحب العمل يبغى يقلل من التنقلات والاستقالات، فالحل مو في التضييق على الموظف، بل في خلق #بيئة_عمل ما يلقى الموظف سبب يتركها.
للحفاظ على الكفاءات والمواهب عندك :
- وجود “قادة” حقيقيين، مو مجرد مدراء متسلطين!
- بيئة عمل جاذبة تحترم الإنسان قبل الإنتاج.
- مزايا ومنافع تنافس السوق، مو أقل منها.
- فرص حقيقية للنمو والتطوير داخل المنشأة.
- مسار وظيفي واضح للموظف، يقدر يخطط لحياته فيه.
- تقييمات عادلة، وترقيات تستحقها وتجي بوقتها.
- احترام لوقت الموظف وجهده، داخل الدوام وخارجه.
وغيرها الكثير ..
بالمختصر:
الموظف ما يهرب إلا إذا حس إن المكان ما عاد يشبهه ولا يقدّر طموحه.!