سلطان

[سلطان @EnVnED2002]

@nif_s1411 في قمة الاستمتاع 😂

[نايف بن سعيّد العتيبي @nif_s1411]

الله يعينكم ياهل الرياض على الزحمة

[نايف بن سعيّد العتيبي @nif_s1411]

﴿ إِنَّ اللَّهَ وَ مَلَائِكَتَهُ يُصَلُّونَ عَلَى النَّبِيِّ يَا أيُّهَا الَّذِينَ آمَنُوا صَلُّوا عَلَيْهِ وَ سَلِّمُوا تَسليما ﴾.''"

اللهم صل وسلم على نبينا محمد
ً
في #يوم_الجمعه لا تنسون الصلاة على النبي وقراءة سورة الكهف .

[عبدالعزيز الخمعلي @abonn1410]

#كيف_خدعوا_القاعده
تأخرت عليكم وأعتذر 🙏 بس نشرتها الان ✅
كيف خدعت الاستخبارات السعودية تنظيم القاعدة في اليمن؟
لدرجة إن التنظيم اختار الرجل بنفسه
وسلّمه القنبلة بيده
الحلقة كاملة 👇
https://t.co/7z545lfvUe

[عبدالعزيز الخمعلي @abonn1410]

تابعت موضوع رحلة فلاي دبي وهذا اللي صار
رحلة فلاي دبي من دبي إلى تل أبيب وعلى متنها حوالي 150 راكب
وهي فوق الأجواء السعودية تطلق نداء استغاثة
وبعده لفترة قصيرة رمز 7500
ولمن ما يعرفه هذا الرمز الدولي اللي يعني اختطاف أو تدخل غير مشروع
إسرائيل تستنفر طائراتها الحربية
ومطار بن غوريون يوقف الإقلاع مؤقتاً
ونتنياهو ووزير دفاعه في اجتماع أمني طارئ
والطائرة تلف وتهبط في مطار تبوك حسب فلايت رادار
تايمز أوف إسرائيل كتبت إن الاختطاف مستبعد
بحثت أكثر ولقيت جيروزاليم بوست تقول إن السبب هوشة بين الطيارين
وحتى المتحدث باسم نتنياهو طلع يقول إنها مو عملية اختطاف
الزبدة
طائرات حربية واجتماع طارئ ومطار واقف
والسبب حسب التقارير الإسرائيلية طيارين تهاوشوا
ولين كتابة هالمنشور فلاي دبي ما طلعت ببيان رسمي يوضح وش صار بالضبط وسلامتك

[عبدالعزيز الخمعلي @abonn1410]

بعيداً عن ضجيج السياسة
من أفضل القواعد اللي حطيتها في حياتي
ونفعتني كثير وحبيت انقلها لكم
- أنت داعم ولست منقذ -
لما تحاول تنقذ من تحب ستبحث بعدها عمن ينقذك
فللأسف كثير منا يحسب إن محبته للناس معناها إنه يحل مشاكلهم كلها
ويشيل همومهم ويقرر عنهم
ولما يتعب وهم ما تغيروا يحس إنه فشل
والحقيقة إن كل إنسان مسؤول عن قراراته وطريقه
دورك إنك تكون موجود لكن
تسمع وتنصح وتساند وتفتح له الباب
بس الدخول من الباب قراره هو
حتى المنقذين في البحر يتعلمون قاعدة قبل كل شي
لا تمد يدك للغريق وأنت ما أمّنت نفسك
لأنه بيسحبك معه
الداعم يبقى لكن المنقذ يغرق
وأنت تعلمتها ولا للحين تحاول تنقذ الكل؟

[نايف بن سعيّد العتيبي @nif_s1411]

حين تعرف كيف تدير يومك،
وتستشعر أن حياتك تدار بقراراتك
لا بضغوط الآخرين يهدأ قلبك،
ويستقيم يومك،
وتستعيد زمام حياتك.

[عبدالعزيز الخمعلي @abonn1410]

يمكن تشوف قرار تتخذه السعودية اليوم وتقول
وش فايدته ؟
وتساؤلك مشروع لكن
خلني آخذك قبل ٤٦ سنة بعد إذنك طال عمرك

سنة ١٩٨٠ لما بدأت الحرب العراقية الإيرانية ومعها صار احتمال تعطّل الملاحة في الخليج خطر لازم تحسب له المملكة حساب
فبداية الثمانينات بنت خط أنابيب من بقيق إلى ينبع يمتد قرابة ١٢٠٠ كيلو عشان يكون عندها طريق يوصل نفطها إلى البحر الأحمر بعيد عن هرمز
بدأ بطاقة تقارب ١٫٨ مليون برميل يوميًا وتوسع عبر السنوات حتى وصلت طاقته القصوى إلى ٧ ملايين برميل

طيب وش قيمة قرار اتخذته قبل أكثر من أربعين سنة

يوم تعطلت حركة النفط عبر هرمز في حرب هذه السنة صار هذا الخط واحد من أهم الطرق اللي أبقت نفط المملكة يوصل إلى الأسواق

ووكالة الطاقة الدولية تقولك ان اللي حصل بأنه أكبر اضطراب في تاريخ إمدادات النفط
حتى لما استهدفوا الخط هذا الشهر وتعطل مؤقتًا شفنا كيف كان العالم يعتمد عليه

عشان كذا لا تستعجل بالحكم على كل قرار ما تشوف نتيجته اليوم
بعض القرارات ما يبان وزنها الحقيقي إلا بعد عقود

[نايف بن سعيّد العتيبي @nif_s1411]

من أجمل ما يسأله العبد ربه
أن يرزقه السعة سعة في صدره
فلا تضيق به الأيام،
وسعة في رزقه فيعيش كريم النفس،
وسعة في قلبه فيتجاوز ويعفو،
وسعة في خلقه فيلين لمن حوله،
وسعة في عطائه فيبذل دون تردد.

يا واسع الفضل،
وسع علينا من فضلك ورحمتك وبركتك.

[عبدالعزيز الخمعلي @abonn1410]

مو لازم يكذب عليك في الخبر
يكفي يعطيك نصّه ويكمّل الباقي من عنده ثم يقول لك «شايف؟»
عن السعودية تحديدًا خلّونا نشوف وش قال ووش خبّى وكيف وصل للنتيجة اللي يبيك تصدّقها
الرد في الحلقة بمقاطعه ومصادره
وصّلوها للي وصلهم كلامه
#كيف_يصنع_التضليل
https://t.co/i51yb19RIt

[عبدالعزيز الخمعلي @abonn1410]

رويترز : اتفاق مكة ينتقل من النص إلى التنفيذ العسكري

قادة جيوش السعودية وباكستان وتركيا بحثوا في الرياض تعزيز تبادل الاستخبارات والتنسيق العسكري ودمج القدرات دفاعًا عن المملكة بعد هجمات الحوثي

[عبدالعزيز الخمعلي @abonn1410]

في كل مرة يثبت الحوثي إنه غبي
وفي كل مرة تثبت طهران إنه مجرد ذراع لها
وخنجر في خاصرة اليمنيين.

[سلطان @EnVnED2002]

@Abdullah4AI @nif_s1411 برومبت وجزاك الله خير

[عبدالعزيز الخمعلي @abonn1410]

يقول جون كينيدي في خطاب التنصيب 1961
"لا نفاوض أبدًا بدافع الخوف، ولكن لا نخاف أبدًا من التفاوض"
هالجملة تختصر اللي سوته الرياض هالأسبوع في نيويورك
في يد، وزير الخارجية السعودي جلس مع تركيا وباكستان، ورتبوا لاجتماع عاجل لرؤساء الأركان لبحث مساندة المملكة بموجب حلف مكة
وباليد الثانية صافح عراقجي
ناس بتشوفها تناقض
لكن السعودية ما جلست مع عراقجي وهي خايفة
جلست ووراها حلف دفاعي، ودفاع جوي فرنسي معلن لينبع، ودفاعات اعترضت 6 صواريخ باليستية قبل ما توصل
وما رفضت الجلسة، لأن اللي ما يجلس على الطاولة غيره يقرر عنه
ولو لاحضت
عراقجي هالأيام يتنقل بين وزراء الخارجية، يعرض عليهم اتصالات طهران غير المباشرة مع واشنطن لخفض التصعيد وفتح هرمز
وقبل كم يوم قلت لك: نجاح الصفقة عند واشنطن وطهران ما يعني إنها حققت المطلوب عند الرياض
وهاللقاء هو الترجمة العملية لهالكلام
الرياض ما تترك أحد يفاوض باسمها
الخلاصة
ردع بدون قناة يجرّك للحرب
وقناة بدون ردع تجرّك للتنازل
والرياض هالأسبوع مسكت الاثنين 🇸🇦

[عبدالعزيز الخمعلي @abonn1410]

يمكن مرت عليك هالأيام منشورات تعدد راجمات الصواريخ السعودية
اذا تسمحلي اشرحها لك
الراجمة ببساطة شاحنة فوقها صناديق صواريخ يعني بدل ما تطلق قذيفة قذيفة، تطلق دفعة وحدة وتغطي مساحة كبيرة
عند السعودية منها أربعة أنواع
وكل نوع من دولة
الأمريكية M270
والبرازيلية أستروس
والروسية TOS-1A، وهذي مداها قصير وشغلها المسافات القريبة
والكورية تشونمو
تشونمو بالذات قصتها يتعجبك
في 2021 أعلن بايدن وقف دعم أمريكا للعمليات الهجومية في اليمن، ومعها صفقات السلاح المرتبطة فيها وفي مارس 2022 اشترت المملكة تشونمو من كوريا
ما أقول إن هذا سبب ذاك، بس لاحظ التوقيت
والمنصة هذي ما تشيل نوع واحد فيها صواريخ مداها 36 كيلو وصواريخ موجهة مداها 80، يعني تقريبًا المسافة بين جدة ومكة
وفي 2025 وقّعت المملكة عقد لمئات الصواريخ الباليستية التكتيكية تنطلق من نفس المنصة
وفي 2024، في معرض الدفاع العالمي بالرياض، عرضت وزارة الدفاع تشونمو رسميًا لأول مرة وبنفس الأسبوع وقّعت مع كوريا مذكرة فيها بحث وتطوير وإنتاج مشترك لأنظمة الأسلحة
طيب ليش أربع دول؟
ما كان أسهلها تشتري كل شي من مكان واحد؟ أسهل صح، التدريب واحد وقطع الغيار وحدة بس لو هالدولة قررت يوم توقف
فسلاحك كله يوقف معها
وهالشي صار قدامنا في 2021
عشان كذا المملكة توزع: أمريكي هنا، وكوري هناك والشغل الأصعب اللي بعده إن هالأنظمة تشتغل مع بعض، وإن جزء منها ينصنع هنا
فالقائمة اللي تشوفها في المنشورات ما تقول لك كل شي اللي يقول لك أكثر: من وين جات، ومتى، وليش

[عبدالعزيز الخمعلي @abonn1410]

ألو… عبدالملك؟
ما قلت لك لا تلعب مع الكبار؟
قلت أبي ورقة مثل هرمز
ورحت تبي الساحل وباب المندب
وقلت خلني أهدد الطريق اللي تمشي منه تجارة آسيا لأوروبا
وبعدها شغلت مخك شوي وقلت أضرب خط شرق غرب السعودي بعد، الخط اللي تصل طاقته إلى 7 ملايين برميل باليوم
صاحي انت؟
وش كانت الخطة بالضبط؟ تجمع أوراق للتفاوض؟ صح؟
طيب خلني أبشرك وش جمعت:
فرنسا أعلنت إنها بترسل جنود ورادارات وأنظمة دفاعية لينبع، باتفاق مع الرياض
مو فزعة لأحد، عندها مصالح وتبي تحميها، لأن اضطراب البحر الأحمر فاتورته توصل لأوروبا
وباكستان وتركيا والسعودية يناقشون خطط دفاعية وتحركات عسكرية
وموضوع الاجتماع… أنت
وفوقها أقساط التأمين على السفن في البحر الأحمر تضاعفت
يعني كنت تبي تجمع أوراق ضغط ومسوي استراتيجي
قمت تجمع دول… ضدك
والمملكة؟
أبشرك بخير، الدفاعات السعودية أحبطت محاولات استهداف ينبع، والخط اللي ضربته رجع يشتغل بعد تسعة أيام، وهذا اللي ذابحك
مشكلتك إنك أزعجت العالم كله
والعالم إذا جاه صداع، انت عارف كيف تعالجه
وبعدين صحيح، شخبار طهران؟
شفت كيف تبرّوا منك قدام الكاميرا؟
رئيس إيران انسأل قبل يومين عن هجمات الحوثي، وقال إن الحوثيين مسؤولون عن أفعالهم وإنهم ما يتلقون توجيهات من إيران
والمثل اليمني يقول:
من ركن على سبغ الناس أكلها يابسة، وانت بتاكلها مفلفلة
الأوراق اللي كنت تجمعها يا عبدالملك عشان تقوي موقفك على طاولة التفاوض
ممكن تطلع هي نفسها الأوراق اللي تقلب الطاولة عليك
ألو؟…
ألو؟
شكلها اخر مكالمة 😂

[عبدالعزيز الخمعلي @abonn1410]

حليف ولا بائع سلاح؟
هذا السؤال طرحته في حلقة قبل أكثر من ثلاث شهور
واليوم صار عندنا جزء من الجواب
خلني أرجعك شوي
العلاقة عمرها مية سنة
فرنسا اعترفت بحكم الملك عبدالعزيز على الحجاز ونجد سنة 1926
وفي 1967 التقى الملك فيصل بديغول، وجمعهم شي واحد: استقلال القرار
وفي 1990 وقف جنود فرنسيين على أرض المملكة ضمن تحالف تحرير الكويت
يعني العلاقة لها سجل ميداني، مو بس صفقات
بس في أزمة 2026 قلت لك في الحلقة
إن الحضور الفرنسي انحصر في حماية قواعدها في الإمارات
والسعودية تصدت للخطر بقواتها الوطنية
وختمت بسؤال: وش تسوي فرنسا يوم الخطر يقرب منا؟
وتعال شوف وش صار بعدها

في أغسطس ولي العهد زار باريس
وترأس مع ماكرون أول اجتماع لمجلس الشراكة الاستراتيجية
واعتمدوا إعلان لتعزيز التعاون الدفاعي في التسليح والتدريب
وفرنسا أعلنت تضامنها الكامل مع المملكة ورفضها أي اعتداء على أراضيها
كلام جميل؟ صح
بس الكلام يظل كلام لين تجي الأزمة
وبعد أقل من شهر جات
المسيّرات ضربت خط شرق غرب
وماكرون أعلن إن فرنسا بترسل جنود ورادارات ودفاع جوي لحماية ينبع
يعني اللي انكتب في باريس صار على الأرض في ينبع
طيب حليف ولا بائع سلاح؟
الجواب الدقيق: حليف بحدود
فرنسا ما تحل مكان أحد
بس هي ورقة تمنع أي طرف يحتكر خيارات المملكة
والاختبار الثاني اللي قلته في الحلقة للحين ما انحسم
نقل التقنية والتصنيع داخل المملكة
الزبدة
فرنسا دخلت اختبار الأزمة وحطت شي على الطاولة
وباقي عليها اختبار المصنع
والحلقة كاملة في أول رد

[عبدالعزيز الخمعلي @abonn1410]

تشوف الصورة تحسبها صورة شكلية عادية على هامش الأمم المتحدة بس اقرأ البيان اللي طلع معها وبتعرف
وزير الخارجية الأمير فيصل بن فرحان اجتمع أمس في نيويورك بنظيره التركي والباكستاني في إطار اتفاقية مكة للدفاع المشترك أدانوا الاعتداءات اللي استهدفت مكة المكرمة ومنشآتنا المدنية والاقتصادية وأكدوا حق المملكة إنها تتخذ اللي تشوفه مناسب للدفاع عن أمنها وبعدها جتك الجملة المهمة ترتيبات لاجتماع عاجل لرؤساء أركان الدول الثلاث يبحثون كيف يساندون المملكة لأن الاتفاقية تنص إن أي اعتداء على طرف هو اعتداء على الكل
تقولي طيب وش الجديد؟ اقولك ارجع معي شوي الاتفاقية توقعت في مكة في ٧ أغسطس وآخر الشهر نفسه اتفقوا إن أمانتها العامة تكون في الرياض واليوم الكلام وصل لرؤساء الأركان كل هذا في أقل من شهرين
وأول ما توقعت طلعت أصوات تقول عنها حبر على ورق الزبدة الورق اللي قالوا عنه حبر صار اليوم على طاولة العسكريين

[عبدالعزيز الخمعلي @abonn1410]

فيه حسابات أجنبية تقول إن السعودية مرت بأحد أفضل أسابيعها
وأنا ما اقول أفضل ولا أسوأ
بقولك أسبوع ما انتظرت فيه السعودية 🇸🇦 أحد
خط شرق غرب انضرب بالمسيّرات وانقفل
فحوّلت التصدير لهرمز وباعت قرابة 100 مليون برميل لمصافي آسيا
وخلال أقل من أسبوعين رجّعت تشغيل الخط
وأمس الدفاعات السعودية اعترضت 6 صواريخ باليستية متجهة لينبع والطائف
وفي نفس الأسبوع
ماكرون أعلن إن فرنسا بترسل جنود ورادارات ودفاع جوي لحماية ينبع
وبريطانيا وافقت على تزويد الطائرات السعودية بالوقود جوًا
وحلف مكة كتبت لك عنه في المنشور اللي قبل
الحمدلله
دفاع وتصدير وحلفاء
كلها في أسبوع واحد

[عبدالعزيز الخمعلي @abonn1410]

قبل كم يوم كتبت لك هالمنشور
وقلت إن اللي يحاسب حلف مكة على "وش سوى" ما فهم كيف تشتغل الأحلاف
واليوم صحفي يسأل فيدان نفس السؤال
ليش الحلف ما تحرك ضد الحوثي؟
هاكان: متى انضممت للجيش يا جيم؟
الصحفي: قبل 50 سنة
هاكان: كم مرة في حياتك تفعّلت المادة الخامسة من ميثاق الناتو؟
الصحفي: مرة واحدة
هاكان: لذا هذا ليس عدلًا
لا أحد يقول عن الناتو إنه نمر من ورق
لكن حين يتعلق الأمر بهذا التحالف الدفاعي الوليد
يضعون أمامنا أزمة عمرها 10 سنوات، الأزمة اليمنية
ثم يقولون: انظر، هذا التحالف غير مجدٍ
نحن بدأنا للتو
----------
و هذا منطق الأحلاف
الحلف ما يُقاس بعدد المرات اللي استخدموه فيها
يُقاس بعدد المرات اللي ما احتاجوه