Eritrea_First

#NoMore

[Ministry of Information, Eritrea @shabait]

ሪፖርታዥ : ስነ ስርዓት መመረቕታ ኮለጅ ስነ ፍልጠት ማይ ነፍሒ
መርሃዊ ገብረሚካኤል

ኮለጅ ስነ ፍልጠት ማይ ነፍሒ ንመበል 19 ግዜ፡ ብሽዱሽተ ዓውዲታት ከምህሮም ዝጸንሐ 300 ተመሃሮ ብመዓርግ ቀዳማይ ዲግሪ ኣመሪቑ።

እቲ ትማሊ ቀዳም 11 ሓምለ ዝተኻየደ ስነ ስርዓት መመረቕታ፡ ሚኒስተራት፡ ላዕለዎት ��ለፍቲ ግንባር፡ ሓለፍቲ ኮሚሽን ላዕለዎት ትካላት ትምህርቲ፡ መራሕቲ ሃይማኖት፡ ብኣማኢት ዝቝጸሩ ወለዲ ተመረቕቲን ዕዱማት ኣጋይሽን ዝተረኽብሉ ኮይኑ፡ ኣብ ቀጽሪ ናይቲ ኮለጅ ብውዕዉዕ መንፈስ ተጸንቢሉ።

እቲ ስነ ስርዓት፡ ወለዲ፡ ዕዱማት ኣጋይሽን ተመረቕቲ ተመሃሮ በቦታኦም ምስ ሓዙ፡ ብዝኽረ ሰማእታ እዩ ጀሚሩ። ናይ እንቋዕ ብደሓን መጻእኩም መልእኽቲ ብኣወሃሃዲ ናይቲ መደብ ምስ ቀረበ ድማ፡ ዲን ናይቲ ኮለጅ ፕሮፈሰር ገብራይ ኣስገዶም ነቲ ዕለት ዘንጸባርቕን ነቲ ኮለጅ ዝምልከትን ቃል ኣስሚዑ። ፕሮፈሰር ገብራይ ኣብ መደረኡ፡ ኮለጅ ስነ ፍልጠት ማይ ነፍሒ ኣብ 2004 ዝጀመረ ኰይኑ፡ ኣብ ዝሓለፋ 18 ዓመታት ብጠቕላላ 4441 ተመሃሮ ብዲፕሎማ፡ ቀዳማይን ማስተርስን ዲግሪ ከም ዘመረቐ ኣረዲኡ።

ንሱ ኣስዒቡ፡ ምምዕባል ዓቕሚ ሰብ ቀንዲ እምነ ኵርናዕ ናይ ምዕባለ ፖሊሲ ሃገርና ከም ዝዀነ ብምንጻር፡ ነዚ ን��ትግባር ኣብ ዝሓለፈ 35 ዓመታት መንግስቲ ኤርትራ ብዝለዓለ ክሰርሓሉ ዝጸንሐ ኰይኑ፡ ከም ውጽኢቱ ድማ ዓይነትን ብቕዓትን ትምህርቲ ብኹሉ መልክዓት እናሰፍሐ ከም ዝኸደ ገሊጹ። ንዝያዳ ውጽኢት ከኣ፡ እቲ ኮለጅ ምስ ስነ ፍልጠት፡ ህንጸት ሃገርን ቴክኖሎጂን ምትእስሳር ምስ ዘለዎም ዝተፈላለዩ ሚኒስትሪታትን መንግስታውያን ትካላትን ሃገርና ምትሕብባሩ እናኣሓየለ ይሰርሕ ምህላዉ ወሲኹ ሓቢሩ።

እቲ ፕሮፈሰር ቀጺሉ፡ ኮለጅ ስነ ፍልጠት ማይ ነፍሒ ሎሚ ዓመት ብሽዱሽተ ዓውዲታት ማለት 54 ብስነ-ህይወት፡ 70 ብስነ-ቀመም፡ 30 ብስነ-ምድሪ፡ 59 ብስነ- ሕሳብ፡ 44 ብፊዚክስ ከምኡ’ውን፡ 43 ብስታቲስቲክስ ብጠቕላላ 300 ተመሃሮ ብዲግሪ ከም ዘመረቐ ሓቢሩ። ናይ ሎሚ ዓመት ምምራቕ ተምሃሮ ምስ ናይ ዝሓለፈ ዓመት ብምንጽጻር ናይ 3% ዕቤት ከም ዘርኣየ ብምጥቃስ ከኣ፡ ካብ ጠቕላላ ተመረቕቲ እተን 147 ደቂ ኣንስትዮ ምንባረን ሓቢሩ። “መመረቕታ ናይ መወዳእታ ምዕራፍ ዘይኰነ፡ መጀመርታ ናይቲ ካልእ ምዕራፍ ህይወት እዩ። ብዘይካ’ዚ መመረቕታ ጽንብል ጥራይ ዘይኰነ፡ ሓላ���ነት እውን እዩ” ድሕሪ ምባል፡ መመረቕታ ደረጃ ጥራይ ዘይኰነ፡ ሕድሪ ናይቶም ምእንታና ዝሓለፉ ጀጋኑ ሰማእታትና ብምዃኑ፡ ተመረቕቲ ብጻዕሪን ሓድነትን እናተጓዓዙ ዲስፕሊን ተቐኒቶም ነቲ ብግብሪን ክልሰ ሓሳብን ዝወሰድዎ ትምህርቲ ኣብ ህንጸት ሃገርን ሕብረተ ሰብን ብዘይ ተጉላባነት ከተግብርዎ ኣዘኻኺሩ።

ድሕሪ ምዝዛም ስነ ስርዓት ምዕዳል ሽልማት ንልዑል ነጥቢ ዘመዝገቡ ተመረቕቲ፡ ንቻንስለር ትካላት ላዕለዋይ ትምህርቲ - ፕረዚደንት ኢሰይያስ ኣፈወርቂ ወኪሉ፡ ሚኒስተር መሬት ማይን ኣከባቢን ኣቶ ተስፋይ ገብረስላሴ ኣብ ዘስመዖ መደረ፡ “ንተመረቕቲ ኣብዚ ደረጃ ንኽበጽሑ ሓብሒብኩምን ኮስኵስኩምን ናብዚ ደረጃ’ዚ ንዘብ��ሕኩም ወለዲ እንቋዕ ሓጎሰኩምን ኣብቀዓኩምን” ድሕሪ ምባል፡ ትምህርቲ ደቂ ሰብ ስነ ፍልጠታዊ ሓበሬታ ሰኒቖም ኣብ ሕብረተ ሰብን ህንጸት ሃገርን ብቑዓት ተዋሳእትን ተሻረኽቲን ንክዀኑ ክረኽብዎ ዝግበኦም ኣገዳሲ ማሕበራዊ ኣገልግሎት ከም ዝዀነ ሓቢሩ።

ሚኒስተር ተስፋይ ���ሲኹ፡ ኣብዛ ንቕኑዕ ሕልና ደቂ ሰብ ኣትፈታተን ናይ ውድድር ስርዓት ዝዓብለላ ዓለም፡ ንምግማቱ ብዘገርም ኵነት ዝለዋወጠሉ ዘሎ መድረኽ፡ ንትስፉው መጻኢ ሃገርና ፍልጠት ዝሰረቱ ብሓያልን ውሁድ ስራሕን ክውን ንምግባር፡ ከይተሓለልና ምዕያይ እዋኑ ብምዃኑ፡ ተመረቕቲ ብዝቐሰምዎ ትምህርቲ ዘይሕለል ትግሃቶምን መጻኢኦምን መጻኢ ሃገሮምን ክድርዑ ኣተሓሳሲቡ።

ነፍሲ ወከፍ ዜጋ ነብሱ ብፍልጠት ክሃንጽ፡ ንህዝቡን ሃገሩን ድማ ምእንቲ ከማዕብል መንግስቲ ኣገልግሎት ትምህርቲ ኣብ ምስፋሕን ቀጻልነቱ ኣብ ምዕባይን ዘይሕለል ጻዕሪ ይገብር ከም ዘሎ ብምምልካት፡ ዝሓለፉ ወለዶታት መድረኽ ዝጠልቦ ከቢድ መስዋእቲ ክኸፍሉ እንከለዉ፡ ��ይ ሎሚ ተመረቕቲ ድማ ሃገርን ህዝቢን መንግስቲን ዝሓቶ ኩሉ መዳያዊ ባህጊ ብትግሃት ክፍጽሙ ከም ዝግባእ ኣገንዚቡ።

ሚኒስተር ተስፋይ ኣብ መወዳእታ፡ ኤርትራ ንዜጋታታ ራህዋ፡ ፍትሒን ማዕርነትን ዘረጋገጸት፡ እተሐብን፡ ሕፍርቲን ክብርቲን ናይ ጽቡቕ ኣርኣያ ሃገር ንምግባራ፡ ንእትውንኖ ክብሪ ዳግማይ ብምኹላዕ፡ ካብ ስራሕ ዝዓዝዝ ናይ ህይወት ዕላማ ስለ ዘየለ፡ ተመረቕቲ ብሕጂ ኣብ ዝገብርዎ ብጁዉ፡ ውሁድን ሓበራዊን ጻዕሪ ኣሳልጦን ዓወትን፡ ኣብ ውልቃዊ ህይወቶም ድማ ኩሉ ሰናይ ምንዮቱ ገሊጹ።

ወኪል ተመረቕቲ መንእሰይ ኤፌሶን ደሞዝ ብወገኑ፡ ዝሓፈስዎ ዓወት ብሳላ ውልቃዊ ጻዕሮምን ውህደት ህዝቢን መንግስቲን ዝተረኽበ ምዃኑ ብምግላጽ፡ በቲ ቀሲመሞ ዘለዉ ፍልጠት ሃገሮም ክሃንጹ ሕድሪ ከም ዘለዎም ኣረዲኡ።

እቲ ጽንብል መመረቕታ ኣብ መወዳእታ፡ ብተመሃሮ ዝቐረበ ደርፊ ኣሰንዩ ማሙቑ ድሕሪ ምርፋድ፡ ብሃገራዊ መዝሙር እዩ መጋረጃኡ ዓጽዩ።

ድሕሪ ምዝዛም ናይቲ ስነ ስርዓት ንገለ ተመረቕቲ ስምዒቶም ንኽገልጹልና ተ���ኪስናዮም ነይርና። ፈለማ ዝረኸብናያ ብዓውዲ ስነ ህይወት ብኣዚዩ ልዑል ነጥቢ ብሽልማት መዳልያ ዝተመረቐት መንእሰይ ሚካል ተስፋኣለም እያ። ተመራቒት ሚካል ካብ ኩሉ ተመሃራይ ኮለጅ ስነ ፍልጠት ማይ ነፍሒ ዝለዓለ ነጥቢ ዘመዝገበት ብምንባራ፡ ካብ መላእ ተመራቒን ዕዱማትን ኣጋይሽን ብድሙቕ ጣቕዒትን እልልታን ተሰንያ እያ ናብ መድረኽ ደይባ። ንሳ ከም ብልጽቲ ተመሃሪት ጥራይ ዘይኮነ ንብ���ሓት ደቂ ኣንስትዮ ክትውክል እትኽእል እያ። ንሳ ብዛዕባ’ቲ ዕለት ኣመልኪታ፡“በጺሐዮ ዘለኹ ደረጃ ናይ ውልቀይ ዘይኰነ፡ ድርብ ጻዕሪ ናይ ኩሎም ወለደይ፡ መምህራነይ፡ መማህርተይ፡ ኣሕዋተይን መሓዙተይን ስለ ዝዀነ፡ በዚ ኣጋጣሚ ንኹሎም ኣብዚ ዓወት ልዑል ግደ ንዝተጻወቱ እንቋዕ ሓጐሰኩም” ክትብል ምስጋናኣ ገሊጻ። በጺሓቶ ዘላ ዓወት ንመጻኢ ኣበርቲዓ ንኽትሰርሕ ዘተባብዓን ኣብ ዝበረኸ ደረጃ በጺሓ ድማ፡ ንህዝባን መንግስታን ብተወፋይነት ክተገልግልን ሕድሪ ዘሰክማን ምዃኑ ኣረዲኣ።

ከም ጓል ኣንስተይቲ ብልዑል ነጥቢ ክትምረቕ ምብቃዓ ንኻልኦት ደቂ ኣንስትዮ ዘተባብዕን ኣብነትን ስለ ዝዀነ፡ ኩለን ኣብ መኣዲ ትምህርቲ ይዅን ኣብ ካልእ ሞያ ዝርከባ ደቂ ኣንስትዮ፡ ኣብቲ ዝለዓለ ዓወት ንኽበጽሓ ከይተሓለላ ክሰርሓ ተላብያ።

ድሕሪ’ዚ ካብ ንኡስ ዞባ ሃበሮ ጸሊም ዝመጽአ ተመራቒ ስነ ሕሳብ እድሪስ መሓመድ ኣድም ኢና ረኺብና ኣዘራሪብናዮ። ንሱ፡ ኣብዚ ደረጃ ምብጽሑ ከም ኩሎም ተመረቕቲ ሓጐስ ከም ዝፈጠረሉ ብምጥቃስ፡ ምስጢር ዓወቱ እንታይ ምዃኑ ኣብ ዝተወከ���ናሉ እዋን፡ ዘይሕለል ጻዕሪ፡ ደገፍ ወለዱን ኣሕዋቱን፡ ከምኡ’ውን ብመምህራኑን መንግስቱን ንዝፍጠረሉ ዝነበረ ዕድላትን ቀረባትን ብግቡእ ሳላ ዝተጠቐመሉ ኣብዚ ዓወት ከም ዝበጽሐ ገሊጹ።

ኣብ ህይወት ኮለጅ ’ውን ብፍልጠት ጥራይ ዘይኰነ፡ ብማሕበራውን ስነ- ኣእምሮኣውን ደረጃኡ፡ ንቕሓቱን ኣተሓሳስባኡን ንኸበረኽ ከም ዝሓገዞ ይሕብር። “ምስጢር ዓወት ግዜኻ ብግቡእ ምጥቃምን ንዝተባህለካ ምትግባርን እዩ” ዝበለ ምሩቕ እድሪስ መሓመድ ኣድም፡ ንኹሎም ተኻፈልቲ ዓወቱን ወለዱን “እንቋዕ ሓጐሰኩም” ኢሉ።

ኣብ መወዳእታ ዝረኸብናዮ ተመራቒ ናይቲ ዕለት፡ መንእሰይ ኤቨን መኮነን እዩ። ኤቨን ኣብ ዓውደ መጽናዕቲ ስታስቲክስ ��ኣዚዩ ልዑል ነጥቢ ማለት (Great distinction) ትምህርቱ ዝወደአ እዩ። ኣብቲ ኣጋጣሚ ምስ ወለዱ ብምዃን ሓጐሱ እናገለጸ ከሎ ኢና ረኺብናዮ። ኣብዚ ደረጃ ክበጽሕ መሰረት ኩሉ ዓወታቱ ስድራ ቤቱ ምዃኖም ብምጥቃስ፡ ንመላእ ስድራቤቱ “እንቋዕ ሓጐሰኩምን ፍረ ጻዕሪ ናይቲ ሓብሒብኩምን ኮስኵስኩምን ናብዚ ደረጃ ዘብጻሕክሞ ወድኹም ድማ እንቋዕ ኣርኣየኹምን” ኢሉ።

መንእሰይ ኤቨን ኣብ ኮለጅ ኣብ ዝጸንሓሉ ግዜ፡ ብዘይካ’ቲ ዝቐሰሞ ኣካዳምያዊ ክልሰ ሓሳብን ግብራዊ ትምህርቲን፡ ኣብ ማሕበራዊ ህይወቱ’ውን ብዙሕ ከም ዝሓገዞን ርእሰ ምትእም��ን ከዕቢ ከም ዘጥረየን ኣረዲኡ። ኣስዒቡ ድማ፡ በቲ ቀሲምዎ ዘሎ ዓውደ ፍልጠት ንህዝቡን መንግስቱን ብዝከኣሎ ከገልግል ምዃኑ ሓቢሩ። ንመንእሰያት ተመሃሮ ኣመልኪቱ ምኽሩ ክልግስ እንከሎ ድማ፡ መንእሰያት ተመሃሮ ኣብ መኣዲ ትምህርቲ የማን-ጸጋም ከይበሉ ግዜኦም ብግቡእ ክጥቀምሉ ኣዘኻኪሩ። “ብትዕግስቲን ብትግሃትን ዝተማህረ ሰብ ፍረ ጻዕሩ ኣይስእንን እዩ” ዝበለ ተመራቒ ኤቨን፡ ብድሕሪኦም ዘለዉ ተምሃሮ ብመምሃራኖም ንዝወሃብ ኩልንትናዊ ትምህርቲ ብልዑል ኣድህቦ ክከታተልዎ ኣጥቢቑ ኣተሓሳሲቡ።

[Ghideon Musa @GhideonMusa]

Proud Graduates of the 38th Round of National Service – Sawa, #Eritrea !

Massive congratulations to the brave young men and women who have completed this historic chapter. Your discipline, dedication, and sacrifice embody the spirit of resilience and national unity. The future is yours — shine bright! 🇪🇷 💪

[viva ERITREA💎🇪🇷 @qana_meror]

Eritrea 🇪🇷 Festival Germany 🇩🇪 Kick-Off. ፈስቲቫል ኤርትራ ጀርመን ብወግዒ ጀሚሩ። #ጽንዓት_ዋሕስና።

[Yemane G. Meskel 🇪🇷 @hawelti]

Mai Nefhi College of Science has conferred BSc. Degrees to 300 Graduates - 49% of whom are female - in its 19th Commencement today.

First Degree courses include; Biology, Chemistry, Earth Sciences, Mathematics, Physics, and Statistics.

[With Ebenn @konnectwitheben]

How did they get away with this? 🫨🫨🫨

GUY, I HAVE NEVER SEEN A FOOTBALL NATION AS DISGUSTING AS ARGENTINA 🤮🤮🤮

[Yemane G. Meskel 🇪🇷 @hawelti]

#CongratsEritreanCyling: Bini misses Stage win by a tiny bit to clinch 2nd place at Stage 8 of Tour de France today.

Aggregate Points Classification narrowed down with: Mads Pedersen at 228 pts; Tim Merlier 213 pts; and Biniam Girmay at 203 pts.

https://t.co/l55Kcs4FEx

[Asmerom Tekeste 🇪🇷 @Hagerawnet]

Sawa is a journey of growth, learning, and development for #Eritrean youth.

Through education, training, and national service, young Eritreans build skills, discipline, and experience to contribute to the future of their country.

ሳዋ፡ 32 ዓመት ኣብ ስጡም ጒዕዞ!
🇪🇷

[Ministry of Information, Eritrea @shabait]

ዮሃና ምልምላት ሳዋ!
ዊንታና ንርኣዮ

ዘለናዮ ወቕቲ፡ ኣብያተ ትምህርቲ ንክረምታዊ ዕረፍቲ ዝዕጸዋሉ፡ ኰለጃትን ኣብያተ ትምህርቲ ስነ-ኪነትን ትምህርቶም ዝወድኡ ዘመርቓሉ፡ ካልኣይ ደረጃ ትምህርቶም ዝዛዘሙ ናብታ ማእከል ኩለንተናዊ ህንጸት መንእሰያት ዝኾነት ሳዋ ዝብገሱሉ፣ እዛ ሓበን ሃገር ትካል ሳዋ፡ ሎሚ እውን ከም ወትሩ፡ ነቶም ኣብ መበል 38 ዙርያ ዝመልመለቶም መንእሰያት እተመርቐሉ ቅንያት እዩ።

ሃገር ቀንዲ ጸጋኣ ዓቕሚ ሰባ’ዩ። ምንጪ ኩሉ ካልእ ጸጋ���ት ሰብ ስለዝኾነ። ካብኡ ናብኡ ድማ፡ እቲ መንእሰይ ክፋል ሕብረተሰብ። ክንዲ ዝኾነ፡ ምምልማል ብቑዕ መንእሰይ፡ ቀዳምነት ዝስራዕ ሃገራዊ ዕማም እዩ። ስለዚ ድማ እያ፡ ኤርትራ፡ ኩለንተናዊ ብቕዓት መንእሰያታ ኣዕሪጋ ኣብ ገዛእ ብቕዓታ ንምምርኳስ ሓያል ጻዕርን ገዚ ፍ ወፍሪን ኣብ ምፍሳስ ትርከብ።

ነዚ ዓቢይ ሃገራዊ ዕማም’ዚ እተሰላስል ዘላ ሳዋ፡ ኣብ 38 ዙርያታት ብኣማኢት ኣሽሓት ዝቑጸሩ መንእሰያት መልሚላ ንልምዓት ሃገር ከተሰልፍ ምብቅዓ፡ መርኣያ ናይቲ ብቑዕ መንእሰይ ንምህናጽ ዝተኻየደ ዕዉት ስራሕ እዩ። ውዳበን ጥምረትን ከኣ እቲ ካልእ ንዓቕሚ ሰብ ብዕጽፍታት ዘራብሕ ረቛሒ ኮይኑ፡ ምንጪ ሓይልን፡ ቀንዲ ምስጢር ምዕ���ለን ብልጽግናን እዩ። እቲ ኣብ ሳዋ ዝካየድ፡ ኣካዳምያዊ፡ ወተሃደራውን ካልእን ንጥፈታት፡ ሓደ መርኣያ ናይዚ ሓያል ውዳበን ጥምረትን ኤርትራውያን መንእሰያት ንምፍጣር ክካየድ ዝጸንሐ ጻዕርታት እዩ። ኣብ ታሪኽ ሓርነታዊ ቃልስና፡ ውዳበን ጥምረትን መንእሰይ ዝፈጠሮ ተኣምር፡ ብግብሪ ር��ናዮ ኢና። ናይ ድሕሪ ናጽነት ኤርትራዊ መንእሰይ ድማ፡ ነዚ ገድላዊ ውርሻ’ዚ ተኸቲሉ፡ ሓያል ውዳበ ብምፍጣር፡ ዝተፈላለየ ስዉርን ግሁድን ተጻብኦታት እናመከተ ዓበይቲ ልምዓታዊ ቅያታት እናፈጸመ፡ ብቑዕ ወ ራሲ ምዃኑ ብግብሪ የመስክር ኣሎ።

ሕብረተሰብ ዝዘርኦ እዩ ዝዓጽድ። ብርግጽ ድማ፡ ብቑዕን ዝተወደበን መንእሰይ ንምፍጣር ክትግበር ዝጸንሐ ሃገራዊ መደብ፡ ንኤርትራ ኣደ ኣእላፍ ንቑሓትን ምልሙላትን መንእሰያት ክትከውን ኣብቂዑዋ ኣሎ። መንእሰይ ኤርትራ፡ ብሉጽ ክብርታት ሕብረተሰቡ ወሪሱ፡ ራእይ ህዝቢን ሃገርን ኣብ ሸቶኡ ንምብጻሕ ብጥምረት ዝሰርሕ ዘሎ ውፉይን ሃገራዊን መንእሰይ እዩ። ኣብ ብዙሓት ሃገራት ዝርጋን መ���እሰያት ምሒር ኣሻቓሊ ኮይኑሉ ኣብ ዘሎ እዋን፡ ኤርትራ ከምዚኦም ዝኣመሰሉ፡ ድርብ ሓላፍነት ማለት ዕማማት ምኽባር ልኡላውነትን ፖለቲካዊን ልምዓታዊን ህንጸት ሃገርን ተሰኪሞም፡ ረብሓ ሃገር ብምቕዳም፡ ነባሪ ታሪኽ ኣብ ምስራሕ ዝርከቡ መንእሰያት ምርካባ እምበኣር ኣዝዩ ዘሐብን እዩ።

የግዳስ፡ እዚ ኤርትራ ብጻዕራ፡ ብ���ይ ዝኾነ ግዳማዊ ሓገዝ ዝዀስኰሰቶ ጸጋ’ዚ፡ ኣብ ታሪኻውያን ተጻባእቲ ዕቡድ ቅንኢን ሕሳደን ምፍጣሩ ኣይተረፈን። ከምኡ ክንዲ ዝኾነ ድማ እዩ፡ ሃገራዊ ኣገልግሎት፡ ስም ሃገርን መሪሕነትን ኤርትራ ንምድዋን ኣብ ዝካየድ መናፍሕ፡ ቀንዲ ኣርእስቲ ዘመተ ምስይጣን ኮይኑ ክስርሓሉ ዝጸንሐ። ብኡ እውን ኣየብቅዐን። ንቕሓትን ሃገራውነትን ኤርትራዊ መንእሰይ ንምጉዳም፡ ህዝቢን ሃገርን ብገዚፍ ወፍሪ ዝመልመልዎ መንእሰይ ንምፍላስ፡ እልቢ ዘይብሉ ሽርሒታት ክእለምን መጠነ ሰፊሕ ስነኣእምሮኣዊ ኲናት ክካየድ ጸኒሑን ኣሎን።

እዚ ተጻብኦታት’ዚ፡ ሃስያ ኣየውረደን እኳ እንተዘይተባህለ እቲ ክውቕዖ ዝሓለነ ዕላማ ግን ኣይወቕዐን። ብኣስዳዒ ዘመተታት ተታሊሉ፡ ምድረ- ገነት ዝሃረፈ እኳ እንተዘይተሳእነ፡ ነቲ ዝሓለሞ መሬት፡ ብግብሪ ምስረኣየ፡ ሽርሒ ተጻባእቲ ቀልጢፉ ነቒሕሉስ መሳርሒኦም ክኸውን ኣይመረጸን። ኣብቲ ቅኑዕ መስመር ተመሊሱ፡ ግቡኡ ዘበርክት ዘሎ ኤርትራዊ መንእሰይ ድማ፡ እቲ ዝበዝሐ እዩ። መንእሰይ ኤርትራ እምበኣር፡ ከቢድ ተጻብኦታት ፈንጢ�� ብምውጻእ፡ ነቲ ቀንዲ መርሖ ምዕባለን ብልጽግናን ዝኾነ ብቕዓትን ውዳበን ጨቢጡ፡ መድረኻዊ ተልእኾ ንምፍጻም፡ ብዕዉት መኣዝን ዝምርሽ ዘሎ መንእሰይ እዩ። ሞጎስ ነቲ ወናኒ ብሉጽ ክብርታት፡ ኩርዓት ህዝቡን ሃገሩን ኤርትራዊ መንእሰይ! ዮሃና ንተመረቕቲ 38 ዙርያ!

[Ministry of Information, Eritrea @shabait]

Graduation of 38th Round of National Service in Sawa

The graduation ceremony of the 38th round of National Service, whose members successfully completed their 12th-grade academic education along with political and military training, was colorfully conducted today, 11 July, in Sawa.

The graduation ceremony was attended by President Isaias Afwerki, Ministers, senior Government and PFDJ officials, staff members of the training center, and invited guests.

In his keynote address, President Isaias Afwerki congratulated the students, their parents, and the staff of the center and urged the graduates, irrespective of their examination results, to pursue their academic studies through innovative initiatives.

President Isaias called on the graduates to understand the significant contribution they can make and the responsibility of initiatives place upon them for their personal development and the progress and well-being of their society and country. He also called on parents, families, and particularly the Ministry of Education to conduct regular follow-up on their future educational careers.

In his report, Col. Debesay Ghide, Commander of the National Service Training Centre, noted that members of the 38th round of National Service came from all six regions of the country. He said that they received 12th-grade academic education from August 2025 to March 2026 and military and political training from April 2026 until their graduation.

Col. Debesay also called for proper follow-up and encouragement to be provided to the graduates so that they preserve and strengthen the culture and discipline they developed during their stay in Sawa. He also commended all staff members of the training centre and other stakeholders for their contributions.

The graduation ceremony featured a rich variety of musical performances and a military parade by the graduating class. #Eritrea

[Filmona Teklay @Filmona12]

Biniam Girmay @NSNCyclingTeam @GrmayeBiniam finished 2nd at the finish line in Stage 8 of the Tour de France!"

[La Catrina Norteña @catrina_nortena]

🚨 GANA GOL ANULADO DE EGIPTO COMO EL MEJOR GOL DE TODO EL MUNDIAL EN LAS REDES

Un gol que Messi, Argentina e Infantino jamás podrán hacer...

[Sara | Journalist @SanaJournalist1]

Every time we upload the video and it gets deleted, we’ll just keep uploading it. 🤣👌

[Paulos Netabay @PNetabay]

ኣብ ሳዋ፡ ንዓመት መመላእታ ናይ12 ክፍሊ ኣካዳሚያዊ ትምህርቲ ከምኡ’ውን ግቡእ ወተሃደራውን ፖሎቲካውን ስልጠናታት ክቐስሙ ዝጸንሑ ኣባላት መበል38 ዙርያ ሃገራዊ ኣገልግሎት፡“ኤርትራውነት፡ ዘሐብን መንነት” ብዝብል ቴማ ሎሚ 11 ሓምለ ተመሪቖም።

[Ministry of Information, Eritrea @shabait]

ሪፖርታዥ : ስነ-ስርዓት መመረቕታ መበል 38 ዙርያ ሃገራዊ ኣገልግሎት
ኣብርሃም ዘርአ (ወዲ-ሃለቃ)

ጽንብል ስነ-ስርዓት መመረቕታ መበል 38 ዙርያ ሃገራዊ ኣገልግሎት፡ ትማሊ 11 ሓምለ ኣብ’ታ ማእከል ኩሉ መዳያዊ ህንጸት መንእሰያት ዝዀነት ሳዋ ተኻዪዱ። እዞም ናይ 12 ክፍሊ ኣካዳምያዊ ትምህርቶም ከምኡ’ውን ግቡእ ወተሃደራውን ፖለቲካውን ስልጠናታት ዝቐሰሙ ተመረቕቲ፡ ክቡር ፕረዚደት ኢሳይያስ ኣፈወርቂ ዝርከቦም ላዕለዎት ሰበ-ስልጣን መንግስትን ግንባርን፡ ኣዘዝቲ ሰራዊት፡ ሓለፍቲ ሃገራውያን ማሕበራትን፡ ኣለይቲ ተመሃሮን ብሓፈሻ ማሕበረ-ሰብ ሳዋ ኣብ ዝተረኽብሉ፡ ብወግዒ ተመሪቖም።

እቲ ስነ-ስርዓት፡ ብዝኽረ ሰማእታት ምስተኸፍተ፡ ተመረቕቲ ሰልፈኛታት ብሃገራዊ ማርሺን ባንድ ተሰንዮም ንኽቡር ፕረዚደንት ሃገረ ኤርትራ ኣቶ ኢሳይያስ ኣፈወርቂ ናይ ክብሪ ሰላምታ ኣካዪዶም።

ፕረዚደት ኢሳይያስ ኣፈወርቂ ኣብ ዘስምዖ መደረ፡ ንተመረቕቲ 38 ዙርያ ሃገራዊ ኣገልግሎት፡ ወለዲ፡ ኣለይ�� መምህራኖም “ዮሃና” ድሕሪ ምባል፡ ኣብቲ ስነ-ስርዓት መመረቕታ ዝቐረበ ባህላዊ መሳናደኦታት ቀስቃሲ፡ ደራኺ ድርዒ ምዃኑ “ኣገናዕ” ክብል ገሊጹ። ተመረቕቲ፡ ኣብ ምድላብ ፍልጠ���ን ኣፍራይነትን ኣብ ዘካይድዎ ዘይሕየል ዘይሕለል ጽንዓት ሰናይ ምንዮቱ ገሊጹ። እታ ዕዝዝቲ ዕለት ኣብ ሂወት እቶም ተመረቕቲ ኣገዳሲት መድረኽ ብምዃና ውጽኢት ፈተና ብዘየገድስ፡ ኣካዳምያዊ ድርኺት ብዝሓየለ ክውጠን ስለዘለዎ፡ ቀዳምነታቶምን ኣተኲሮኦምን ዓይነታዊ ፍልጠት ኣብ ምድላብን ብዘየሰልኪ ስራሕን መሃዝነትን ኣብ ምዕባይ ክኸውን ከም ዝግባእ ኣዘኻኺሩ። ኣብ ዝገብርዎ ተበግሶታትን ናይ ነብሶም መጻኢን ዕቤትን ኣብ ቅሳነትን ራህዋን ቤተ-ሰብን ሃገርን ዝህልዎ ዕዙዝ ኣበርኩቶ ዝህልዎ ዓቢ ብምዃኑ፡ ነዚ ብምግንዛብ ከቢድ ሕልናዊ ሓላፍነት ዘክም ምዃኑ ሓቢሩ።

ፕረዚደንት ኣብ መወዳእታ፡ ስድራን ቤተ-ሰብን ከምኡ ከኣ፡ ��/ሪ ትምህርትን ኣብ ኣካድምያዊ ጉዕዞ ትምህርትን ዝግባእ ምክትታልን ደገፍን ክገብሩ፡ ምዝኽኻር ዘይድልዮ ግድነት ከም ዝዀነ’ውን ኣተሓሳሲቡ። ተመረቕቲ ኣብ ዘካይድዎ ዘይሕለል ትግሃት ዓወት ክትጓናጸፉ ስድራን ሕብረተ-ሰብን መምህራንን ኣለይትን’ውን ኣሳልጦን ሰናይ ምንዮቱን ገሊጹ።

ድሕሪ’ቲ ንምርኢት ዝቐረበ ስሙር ምረሻ፡ “ሳዋ” ዘርእስታ ደርፊ ብቋንቋ ትግራይት ብድምጻዊ መንእሰይ መንሱር ሳልሕ ቀሪባ። ብምቕጻል፡ ብሕብሪ ባንዴራ ኤርትራ ዝወቀበ ልዕሊ 1400 ተመረቕቲ ዝሓዘ መራሒ ወተሃደራዊ ሰልፊ እዩ ንምርኢት ቀሪቡ። ሰልፈኛታት ነቲ ብኽቡር መስዋእቲ ዝረኸብናዮ ባሕርና ዝገልጽ፡ “ባሕርና ርስትና” ዝብል ቅርጺ ጽሑፍ ብዘደንቕ ጥበብ ኣቚሞም። ድምጾም ክብ ኣቢሎም ድማ፡ ንሃብታም ቅርሳዊ ባሕርናን ወደባቱን ዝገልጽ ትሕዝቶ “ቀይሕ ባሕርና ንያትና፡ ክብርና፡ ኣርማና፡ ህላወና፡ ደጀንና፡ ርስትና” እናበሉ ኣድሚጾም። ከም ተረከብቲ ወለዶ መጠን ነቶም ብትዕቢትን ጠገለ ዘይብሉ ስስዕትን ዝዓበ�� ጸላእትና፡ ልቦም ዝስንጥቕ መትከላዊ መልእኽቶም ኣመሓላሊፎም። ቀጺሉ፡ ”ኤርትራውነት ዘሐብን መንነት” ብዝብል ንመንፈስ ኤርትራዊ ዘጉልሕን ንምክልኻልን መኸተን ዘንጸባርቕን ወተሃደራዊ ሰልፊ፡ ኣብ 20 ዓበይቲ ብሎካት ተመቓቒሉ ናብ ተዓ��ብቲ ቀሪቡ። ጉጅለ ባህሊ ኣውላ - ሓይልታት ምክልኻል ኤርትራ እዚ ምዕራብ ነቲ ዕለት ዘንጸባርቕ መሳጢ ምርኢት ኣቕሪባ። “ኣማን ኮልዮ ሳዋ” እትብል ደርፊ ብቋንቋ ናራ ምስ ሰዓበት፡ ብቋንቋታት ብዳዌት፡ ትግርኛ፡ ሳሆ፡ ኩናማ፡ ዓፋር ንኽብሪ’ቲ ዕለተ መመረቕታ ዝተሰናደአ ሓደስቲ ደርፍታት ተር ከም ዓተር ብተለሃይቲ እናተሰነየ ቀሪቡ።

ብተወሳኺ፡ ሞኖሎጋዊ ግጥምታት፡ ብህጻን መርሃዊ ካብ መደበር ታዕሊም ሳዋን፡ ዓወት ሃብቶም ካብ እዚ ምዕራብን ተመራሪሐን ቀሪበን።

ጽንብል ስነ-ስርዓት መመረቕታ መበል 38 ዙርያ ሃገራዊ ኣገልግሎት ፉሕ-ፉሕ እናበለ ምስ ጥዑም ኩነታት ኣየር ተሰንዩ እናተኻየደ እንከሎ፡ “ሳዋ እናበልካ ዝርየ” ��ርእስታ ኮሜዲያዊት ድራማ፡ ብኣባል ዓባይ ጉጅለ ባህሊ ዋልታ ሚ/ሪ ምክልኻል ስነ-ጥበበኛ ዮሃንስ ሃብተገርግሽ (ጆን- ሜራ) ዝተደርሰት፡ ብስነ-ጥበበኛታት ፍዮሪ ተኸስተ፡ ናትናኤል ሰለሙን (ቦቲ)፡ ቤትኤል ዮሃንስን ምስ ተለሃይቲ ጉጅለ ባህሊ ኣውላ ብምውህሃድ ናብ ተዓዘብቲ ቀሪባ።

መንእሰይ ከይተማህረን ተፈቲኑ ተመኩሮ ከይቐሰመ፡ ��ምኡ’ውን ብኣካልን ኣእምሮን ከይተሃንጸን ከይበሰለን፡ ኣብ ልምዓትን መኸተን ኰታ ህንጸት ሃገር ክሳተፍን ከበርክትን ስለዘይከኣል፡ መንእሰያት ብሞያን ትምህርትን ምህናጽ ሕርያ ጥራሕ ዘይኰነስ፡ ቅድመ ኩነት ምዃኑ መንግስቲ ኤርትራ ኣብ ከምዚ ዓይነት መመረቕታታት ከም እዋናዊ ኲነት ብተደጋጋሚ ገሊጽዎ እዩ። ከምኡ ስለዝዀነ ድማ እንሆ ሎሚ፡ ኣብዛ ቁራዕ ጅግንነት ዝዀነት ቦታ ዝተሃንጹ ኣሽሓት መንእሰያት እዚ ሃገር ንምረቓ በቂዖም ይርከቡ። ከም’ዚ ሎሚ ኣብ ሳዋ ፈርዩ እንርእዮ ዘለና መንእሰይ እዩ ድማ፡ ሳላ ኩሉ ቀዳምነታቱ ኣወንዚፉ ናብቲ ሃገር እትጠልቦ ዕማም ዝወፈረ፡ ሎሚ በሪኹ ንርእዮ ዘለና። እዚ ስነ-ስርዓት መመረቕታ ንመንእሰያት ዘሰክሞ ሓላፍነት ረዚን እዩ። ናብ ዝቕጽል ምዕራፍ ብዝለዓለ ናህርን ኣፍራይነትን ክስጉሙ ትምኒት ወለዶም፡ ኣለይቶምን መምህራኖምን፡ ሕብረተ-ሰቦም፡ መንግስቶም እዩ።

ሳዋ ኣብ ምዕራባዊ ዶብ ኤርትራ እትርከብ ቦታ እያ። መንእሰያት ኩሉ መዳያዊ ንቕሓቶም ከበርኽ ዝኽእል መደባት ዝካየደላ ሃገራዊት ባይቶ መንእሰያት መንእሰያት ብሃገራዊ ክብርታት፡ ኣካላዊ ብቅዓት፡ ናይ ስራሕ ባህሊን ተጻዋርነትን፡ ድስፒሊን፡ ርእሰ ምትእምማን፡ ብሓድነትን ፍቕርን ሓደ ብሓደ እትዅስኩስ ቦታ እያ። ከም ውጽኢት ናይዚ እንጠቕሶ ዘለና ድማ፡ ብሳዋ ዝሓለፈ መንእሰይ ኣብ ሃገራዊ መደባትን ልምዓትን መኸተን ብልዑል ተወፋይነት ከም ዝሳተፍ እትገብር ቅርዓት ሃገራውነት እያ። ኣብ መስርሕ ህንጸት ሃገር፡ ኣብ ዝተፈላለየ እዋናት ካብ ፈለማ ክሳብ ሕጂ በብመድረኹ ካብ ሳዋ ተመልሚሎምን ሰልጢኖምን ዝወጽኡ ኣሽሓት ኤርትራውያን መንእሰያት እኹል ምስክር እዩ። ሳዋ ዋሕስ ሃገርን መደበር ህንጸት መንእሰያት ኤርትራውያን፡ እያ። ካብ 1994 ጀሚራ ድማ፡ ብሃገሮምን ህዝቦምን ዝሕበኑ ኣሽሓት መንእሰያት፡ ኣብ ከርሳ መል��ላ ናብ ስራሕ ዘዋፈረት እምንቲ ቦታ እያ።

ኣብቲ ዕዙዝ ጽንብል፡ ኣዛዚ ማእከል ስልጠና ሃገራዊ ኣገልግሎት ኮ/ል ደበሳይ ግደ ኣብ ዘስምዖ ቃል፡ ተመረቕቲ ብልዑል ተወፋይነት መምህራንን ኣለይትን፡ ኣብ ኩሉ እቲ ኣብ ሳዋ ዝተወሃበ ትምህርቲ ልዕሊ 96 ምእታዊት ዕውታት ኰይኖም ንምምረቕታ ምብቅዖም “ዮሃና” ድሕሪ ምባል፡ ከም ዝሓለፉ ኣሕዋቶምን ኣሓቶምን ኣብ ኩሉ እቲ ዝወፈርሉ ሃገራዊ ዕማም ብቕዓቶም ከም ዘረጋግጹ ልዑል እምነቱ ገሊጹ።

ተመረቕቲ ካብ መላእ ሃገር ዝርከባ 2ይ ደረጃ ኣብያተ ትምህርቲ ዝመጹ ኰይኖም፡ ን8 ኣዋርሕ ናይ 12 ክፍሊ ኣካድማያዊ ትምህርቲ፡ 4 ወርሒ ድማ ወተሃደራውን ፖለቲካውን ከምኡ’ውን ስነ-ምግባር ኣካላዊ ህንጸትን ዘጠቓለለ ስልጠና እዮም ቀሲሞም።

ከም’ቲ ኣብ ምምጻእ ናጽነት፡ ኣብ ምዕቃብን ምኽባርን ልኡላውነት ሃገር ብመስዋእቶም ህዝቦም ዘድሓኑ መንእሰያት፡ ካብ ካልእ ዘይኰነስ ካብ’ዛ ማእከል ስልጠና ሃገራዊ ኣገልግሎት ፈርዮም ዝተራብሑ ብሉጻት ሰባት እዮም። ምኽንያቱ ሳዋ ሰብ ዝህነጸላ፡ ምንጪ ሓይሊ ኤርትራውያን እያ። ብዓብይኡ ከኣ፡ ነታ እንምነያ ኤርትራ ዝሃንጽ ሓንጐል ዝፈርየላ ኣብ ርእሲ ምዃና፡ ካብ ጽግዕተኛነት እተገላግል መምህር ኩለንትናዊ ህይወት ኣእላፍ ኤርትራውያን እያ- ሳዋ። ብሓጺሩ መዓስከር ሳዋ ሃገሮም ዘድሕኑ ብሓድነት ዝግስግሱን ሞያዊ ብቕዓትን ትምህርትን ዝድልቡላ ቦታ እያ።

ሳዋ፡ ንኹሎም ነቶም ኣብ ምዕቃብ ናጽነትን ክብረትን ሃገሮም ነታ ዘይትትካእ ህይወቶም ዝኸፈሉ ሓርበኛታትን ገና ሃገሮም ዝከላኸሉን ዝሃንጹን ዘለው ጀጋኑን እያ ተዛኻኽረካ። ህላዌና ምንባርና ተዋሒሱ ዝመልከዐ ድማ፡ ሳላ ሳዋ እዩ። ሳዋ ኣብዚ ሕጂ እዋን ከም ሕክምና፡ ኤለትሪክ፡ማይ፡ ህንጻ ዝኣመሰለ ብቑዕ ማሕበራዊ ኣገልግሎት ወኒና ትርከብ ውቕብቲ ከተማ ኮይና ኣላ። መንእሰያት ካብ ዝተፈላአየ ቦታታት ሃገርና ሒዞሞ ዝመጽኡ ባህላዊ ብዙሕነትን ፍልጠትን፡ ሞያን ብቕዓትን ኣብ’ዚ ቦታ ብምርኻብ እዮም ሓድነቶም ዘደልድሉ። ብሓፈሻ፡ ሳዋ መንእሰያት ኣብ ሓደ መኣዲ ብምስታፍ ተመኩሮን እናቐሰሙ ሓድሕድ ፍልጠትን ባህልን ዝለዋወጡላን ዝወራረሱላን ማእከል እያ። ኣብ ወጻኢ ሃገር ዝቕመጡ መንእሰያት ከይተረፈ ሃገራዊ ግቡኦም ንኽፍጽሙ ዝመጽኡላ ቦታ ብምዃና፡ ዜጋታት ንኽላለዩን ንኽዛተዩን ብኤርትራዊ መንፈስ ዝዓብዩላ ቦታ እያ። መንእሰያት ኤርትራ፡ ነቲ ኣብ ነብሶም ዝካየድ ወፍርን ጻዕ���ን ምኹስኳስ ሃገራዊ ንቕሓት ብዝግባእ ተረዲኦም፡ ካብ ሳዋ ምስ ወጹ ኣብ ሃገራዊ መደባት ክነጥፉን ልዑል ኣበርኩቶ ክገብሩን ንዕዘቦም ኣለና። ብሓጺሩ ሳዋ ሃገሮም ዘጽንዑ፡ ህዝቦም ዝሕብሕቡ ዜጋታት እትኹስኲስ ቤት መንእሰያት ኤርትራ እያ። ሳዋ፡ እሙናት ሰባት እያ ትሃንጽ። እምነ ኩርናዕ ኣተሓሳስባ ሸባባት ኤርትራ እያ። ምኽንያቱ ባህልን ክብርታትን ህዝቢ ኤርትራ፡ ዳግማይ ኣብ ሳዋ ስለዝተዀልዐ። ኣብቲ ኣጋጣሚ፡ ኣብ ኣካላዊ ብቕዓት፡ ጨመተ ተዂሲ፡ ወተሃደራዊ ሰልፊ፡ ስልታዊ ጥበባት፡ ባህልን ስነ-ምግባርን ኣጠቓላሊ ወተሃደራዊ ሰልፊ ጸብለል ኢሎም ንዝዛዘሙ ተመረቕቲ፡ ዕውታት ንዝዀና ኣሃዱታትን ኣለይትን ካብ ኢድ ክቡር ፕዚደንት ኢሳይያስ ኣፈወርቂን ጠቕላሊ ሓለቓ ስታፍ ሓይልታት ምክልኻል ኤርትራ ጀነራል ፍሊጶስ ወልደዮሃንስን ሽልማቶም ተቐቢሎም።

ተመረቕቲ ንሃገሮምን ህዝቦምን ብእምነት ከም ዘገልግሉ ቃለ-ማሕላ ድሕሪ ምፍጻም ድማ፡ እቲ ብምረሻ ባንድ፡ ወተሃደራዊ ሰልፊ፡ ብዝተፈላለዩ ባህላዊ ምርኢት ተሰንዩ፡ ካብ ሰዓት ካብ ወጋሕታ ክሳብ ሰዓት 8፡40 ቅ/ቐ ዝደመቐ ወግዓዊ ጽንብል ስነ-ስርዓት መመረቕታ መበል 38 ዙርያ ሃገራዊ ኣገልግሎት ብሃገራዊ መዝሙር ተዛዚሙ።

[ياسين lfc @lfc009666]

الفيفا مستمر في حذف فيديو سرقة الأرجنتين

انشروا هذا الفيديو على أوسع نطاق، ولا تخلون الناس تنسى إنه تم ظلم مصر وسُرقت

[ⓉⓃ @tesfanews]

ERITREA — To African leaders who keeps "winning" elections by a landslide. Please don't copy this. Printing landslide ballot results is one thing, earning enough trust to walk freely among your own people is another. What works in #Eritrea could turn your victory lap into a state funeral. So, don't! #Sawa38th

[Ministry of Information, Eritrea @shabait]

ቀያሕቲ ዕንባባ መን’ዮም፧
ፍስሃየ በላይ

ህዝባዊ ግንባር፡ ህዝቢ ኤርትራ ካብ 1940ታት ክሳብ 1900ታት ዝሓለፎ ፖለቲካዊ ተመኩሮ ኮነ፡ ካብ ዓለማዊ ተመክሮታት ትምህርቲ ቀሲሙ ፍጥር ካብ ዝብል ማእዝኑ ኣነጺሩ ዝነቐለ ውድብ እዩ። ናጽነት ሃገር ንምርግጋጽ ኮነ ስልጡን ሃገርን ሕብረተሰብን ንምፍጣር፡ ንትሕተ ሃገራውነት ብንቕሓት ጸብለል ዝበለ ሃገራዊ ሓድነትን ��ያል ውዳበን ምህናጽ ወሳኒ ምዃኑ ብምግንዛብ ድማ፡ ኣብ እዋን ሓርነታዊ ቃልሲ “ሓፋሽ ይንቃሕ፡ ይወደብ፡ ይተዓጠቕ” ብዝብል መሪሕ ጭርሖ ንህዝቢ በብማሕበራዊ ቦታኡ ይጥርንፎን ይውድቦን ነበረ።

መድረኽ 1977-1978 ኣብ 1ይ ውድባዊ ጉባኤ፡ “ሰብን መሬትን በብደረጃኡ ሓራ ምውጻእ” ብዝብል ውሳነ ወተሃደራዊ መጥቃዕቲታት ተበራቲዑ ብዘይካ፡ ኣስመራ፡ ዓዲቐይሕ፡ ባረንቱ፡ ዓሰብን ገለ ክፋል ምጽዋዕን፡ ሰፊሕ ገጠራት ኤርትራን ዝበ��ሓ ከተማታትን ኣብ ትሕቲ ቁጽጽር ሰውራ ኤርትራ ዝኣተወሉ እዋን እዩ ነይሩ።

ቅድሚ’ዚ እዋን’ዚ እቲ ጸላኢ ዘይቆጻጸሮ ገጠራትን ሓውሲ ሓራ ከባቢታትን ህዝቢ በብማሕበራዊ ቦታኡ ናይ ምንቃሕን ምውዳብን ምዕጣቕን ስራሕ ተበጋጊሱ ጸኒሑ እዩ። ከተማታት ሓራ ምስ ኮና ድማ ብመንገዲ ክፍሊ ህዝቢ (ጀማሂር) ነቲ ሓራ ዝወጸ ህዝቢ ዘመሓድራ ህዝባዊ ባይቶታት ከምዝቐውም እናገበረ፡ ነቲ ናይ ምውዳብ ስራሕ ብሰፊሑ ተታሓሒዙዎ። ማሕበር ደቀንስትዮ፡ ማሕበር መንእሰያት፡ ማሕበር ሞያውያን፡ ማሕበር ሓረስቶት፡ ማሕበር ሸቃሎ ዝብል ውዳበታት ድማ ተፈጥረ።

ኣብቲ እዋን’ቲ ትሕቲ ዕድመ ዝነበሩ ቆልዑ፡ ተጋደልቲ ንምምሳል ናይ ጸላኢ ተረፍ መረፍ ���ተሃደራዊ ዕጥቅን ብዕንጨይቲ ዝጸረቡዎ ተምሳል ብረትን ዓጢቖም ኣብ ዝተፈላለየ ከባቢታት ደድሕሪ ተጋደልቲ እናኸዱ ካብኦም ዝሰምዑዎ መዛሙር፡ ደርፍታት፡ እናደገሙ ካብቶም ተጋደልቲ ዝወረሱዎ ሰውራዊ ጠባያትን ባህርያትን ካብ ስድራቤቶም ጀሚሮም ናብ ኩሉ ህዝቢ ከስርጽዎ ብተበግሶኦም ሓርኮትኮት ��ብሉ ነበሩ። እዚ ናይ ቆልዑ ተበግሶታት፡ ቅድሚ ሓራ ከተማታት፡ ተጋደልቲ ኣብ ዝቆጻጸርዎ ዝነበሩ ርሑቕ ከባቢታትን ገጠራትን ዝጀመረ እኳ እንተኾነ፡ ድሕሪ ምሕራር ከተማታት ግን እናሓየለ ይኸይድ ነበረ። በዚ ድማ ውድብ ህዝባዊ ግንባር ጠመተ ክገብረሉ ግድን ኮነ። ‘ነዞም ቆልዑ ዝጥርንፍ ውዳበ ክህሉ ኣለዎ’ ኣብ ዝብል መደምደምታ ድማ ተበጽሐ። ናይ ካልኦት ሓርነታዊ ምንቅስቓሳት ከም ብዓል ሩስያ፡ ቻይና ተመክሮ እውን ነይሩ እዩ።

እቲ ሓሳብ፡ ኣብ ኣኼባ ማእከላይ ሽማግለ ቀሪቡ ምስ ጸደቐ፡ ኣብ ሕዳር 1977 ኣብ ከተማ ደቀምሓረ ‘ስኳላ ሓበሻ’ ኣብ ዝበሃል ቤት ትምህርቲ፡ ንፈለማ ግዜ ማሕበር ቀያሕቲ ዕንባባ ተመስረተ። ኩሎም እቶም ��ብከባቢኦም ቆይሞም ዝነበሩ ጉጅለታት ትሕቲ ዕድመ ቆልዑ ከኣ፡ ኣብዚ ማሕበር’ዚ ተጠርኒፎም፡ ብደሞክራሲያዊ መንገዲ መራሕቶም መረጹ። ብመሳርዕን ጋንታታትን ተወዲቦም ከኣ፡ ኣብ ዝተፈላለየ ንጥፈታት ናይቲ ከተማ ከምዝዋፈሩ ተገይሩ። ከም መለለዪ፡ ቀይሕ ስካፍ ኣብ ክሳድ ብምእሳር፡ ናይ ሓሶት ዕጥቂ ዓጢቖም፡ ኣብ ከተማ ዘይሕጋዊ ንግዲ ከ��ህሉ፡ ጽሬት ከተማ ከይበላሾ፡ ክከታተሉ፡ ኣብ ሕርሻ ልምዓት ክሳተፉን ስፖርታዊ ንጥፈታት ከካይዱን ጀመሩ። ብዓቢኡ ድማ ጉጅለ ባህሊ ብምቛም፡ ከም ብዓል ስውእቲ ተበርህ ተስፋሁነይ ዝማሃራኦም፡ ናይ ዓበይቲ ጉጅለ ባህሊ ውድብ ደርፍታት፡ ከምኡ’ውን ዋንነቱ ዘይፍለጥ ኣብ ህዝብን ሰራዊትን ዝድረፍ ዝነበረ ደርፍታት ክደግሙ ጀሚሮም።

ህዝባዊ ሰራዊት እሳተጎመራ
ይዋናጨፍ ኣሎ ኣብ ሜዳ ኤርትራ
ሓራ ንከውጽእ ኩሉ ብሓበራ

ሓንቲ ካብተን ኣብ ሓይልታት ካብ ዝነበሩ ከረርቲ ትድረፍ ዝነበረት ደርፊ ኮይና፡ ኣብ ቀያሕቲ ዕንባባ ደቀምሓረ ብፍስሃየ በላይ እናተደርፈት ህብብቲ ዝኾነት ደርፊ እያ።

እዞም ቀያሕቲ ዕንባባ ጉጅለ ባህሊ ድ��ሪ ምቛሞም፡ ኣብ ህዝብን ህዝባዊ ሰራዊትን (ተጋደልቲ) ሰፊሕ ናይ ምጉስጓስ ስራሕ ይሰርሑ ምንባሮም ዘይርሳዕ ተዘክሮ እዩ። ማሕበር ቀያሕቲ ዕንባባ ደቀምሓረ ክትቀውም እንከላ፡ መጀመርያ ዝኣከበና ሓላፊ ዝመሃረና መዝሙር፡ ንኩልና ኣብ ምስረታ ቀያሕቲ ዕንባባ ዝነበርና ኣብ ውሽጢ ሃገርን ወጻእን ዘለና መተዓብይቲ ካብ ሓንጎልና ዘይትሃስስ መዝሙር እያ። ኣብ ኩሉ መኽፈቲ መደባትና ከም መእተዊ ንጥቀመላ ነበርና።

ኣይጠራጠርን ኣነ ንዓወተይ!
ህዝባዊ ግንባር’ዩ ፈጻሚ ድሌተይ።

ነዚ ዝጠቐስኩዎ ታሪኽ ከም ድሕረ ባይታ ወሲድካ፡ መን’ዮም ቀያሕቲ ዕንባባ፧ ዝብል ሕቶ ንምምላስ ተሪር ዓቐብ ምውጻእ ኣየድልን። ወይ’ውን ከምቲ ኣብ ገለ ገለ ጽሑፋት እነንብቦ ወይ ሰባት ከዘንትውዎ እንሰምዖ፡ ከም ዝመስለካን ከምዝደለኻዮን ገይርካ ምቕራቡ ኣይግባእን። ቀያሕቲ ዕንባባ፡ ኣብ ጽላል ወለዱ ኮይኑ፡ ከም ሓደ ማሕበራዊ ሓይሊ፡ ውድብ ኣብ ዝሃቦ ዕማማት ዝነጥፍ ዝነበረ ናይ ትሕተ-ዕድመ ቆልዑ ማሕበር’ዩ። ኣብቲ እዋን’ቲ ህ.ግ. ኣብ ዝንቀሳቐሶ ዝነበረ ከባቢታት (ገጠራት) ካብ ብዓል ዛግር ጀሚርካ፡ ኣብ ሰሓርቲን ከባቢ ደቀምሓረን ሓያሎ ናይ ዞባ ደቡብ ከባቢታትን ብርክት ዝበላ ጉጅ��ታት ቀያሕቲ ዕንባባ ቆይመን ነበራ። እዚ ውዳበ ቀያሕቲ ዕንባባ፡ ድሒሩ ናብ ምብራቕ እናለሓመ ናብ ብዓል ነፋሲት ማይ ሓባር እምባትካላ . . ገጹ ኣስፋሕፍሐ።

ጉጅለ ባህሊ ቀያሕቲ ዕንባባ ደቀምሓረ፡ ከተማዊ ህይወትን ኣተዓባብያን ብዝፈጠሮ ብልጫ፡ ገለ ካብ ኣባላቱ ኣብ እንዳ ሚስዮንን እንዳ ደናግልን ዝተማህሩ ነበሩዎ። በዚ ድማ ልምዲ መሳርሒ ሙዚቃ ዝነበሮም ከም ብዓል ብርሃነ ምስግና (ዳሉቸ)፡ ኤልያስ ወልደገብርኤል - ፈዘርሞኒካ ዝጻወቱ፡ ከም ብዓል ነጸረኣብ ገረሱስ (ወዲ ሻውል) - ድራም ዝሃርሙ፡ ከም ብዓል ጎይትኦም ኣብርሃ - ክራር ዝኽርሩን ካልኦት ኣብ እንዳ ሚስዮን ናይ ምዝማር ልምዲ ዝነበሮምን ስለዝነበሩዎ፡ ምስ ካልእ ብምንጽጻር ቀልጢፉ እዩ ዓብዩ። ካብ ኣባላት 06 ነበር፡ ነቲ ማሕበር ብቐረባ ዝከታተሎን ከም ኣቦ ኮይኑ ዝጥርንፎን ዝነበረ ተጋዳላይ (ናይ ሕጂ ኰለኔል) ዓንደብርሃን በርሀ (ወዲ በርሀ) እዩ። ዓንደብርሃን እታ ጉጅለ ባህሊ ቀያሕቲ ዕንባባ ክትሕይል ብዝተጻወቶ ተራ ድማ፡ ኣብ ውሽጢ ሓጺር እዋን፡ ካብ ከተማ ደቀምሓረ ሓሊፋ፡ ኣብ ከተማታት ድግሳ፡ ሰገነይቲ፡ ከረን፡ ኣፍዓበት፡ ዳርጋ ኣብ ኩለን ሓራ ወጺአን ዝነበራ ከተማታት፡ ዑደት ብምግባር ንህዝብን ሰራዊትን ኣብ ም ጉስጓስ ከምእትነጥፍ ተገይሩ።

ድሕሪ ምምስራት ቀያሕቲ ዕንባባ ኣብ ዓመቱ፡ ማለት ኣብ 1978 ብዝተፈጥረ ናይ ምዝላቕ ኩነታት፡ ኩልና ኣብቲ ማሕበር ተጠርኒፍና ዝነበርና ቀያሕቲ ዕንባባ፡ ዞባ ደቡብ፡ ብሓባር ምስ ህዝባዊ ግንባር ናብ ሳሕል ከነምርሕ ግድን ኮይኑ። በብዝነበርናዮ ከተማ፡ ዓዲ፡ ዝጥርንፉና ዝነበሩ ሓለፍቲ መሪሖምና ድማ፡ ድሕሪ ነዊሕ ኣድካሚ ናይ እ���ሪ ጉዕዞ ኣብ ሰሎሙና ተኣኻኺብና። ብዘይካ ዓንደብርሃን በርሀ፡ ኩሎም ጠርነፍቲ ናይቲ ማሕበር ዝነበሩ ተጋደልቲ፡ ውድብ ንዝሃቦም ካልእ ዕማም ከሳልጡ ስለ ዝተመልሱ፡ ዓንደብርሃን ነተን ዝነበራ ጉጅለታት ናይ ቀያሕቲ ዕንባባ፡ ናይ ክልተ ሰለስተ ዓድታት ብሓደ እናጠርነፈ ብጋንታ፡ ሓይሊ፡ ቦጦሎኒ፡ ብርጌድ ወዲቡ ክሳብ ከረን ኣፋንዩና። ኣብቲ እዋን’ቲ፡ ናብ ዜሮ ዝኣተና ስም ብዝርዝር (ኦርኒክ) ምሳይ ስለ ዝነበረ ኣብኡ ንዝጸንሓና ሓላፊ ናይ ከባቢ 720 ቆልዑ ኣስማት ኣረኪበዮ። እቶም ነባራት ተማሃሮ ቤት ትምህርቲ ሰውራ ብዝሕና ምስ ረኣዩ ካብ ምግራም ዝነቐለ “ኣንታ እንታይ እዮም እዚኦም፡ ቀያሕቲ ኣንበጣ” ክብሉ ጨሪቖምልና።

��ሳብ እዛ ዕለት’ዚኣ ማለት ናብ ዜሮ ቤት ትምህርቲ ሰውራ ዝኣተናላ እምበኣር፡ መጸውዒና ‘ቀያሕቲ ዕንባባ’ እዩ ነይሩ። እዘን ዝጠቐስኩውን ጉጅለታት ቀያሕቲ ዕንባባ፡ ኣብ ትሕቲ ኣላይነት ውድብ ምስ ኣተዋ ድማ መጸውዒና ቀያሕቲ ዕንባባ ዘይኮነ፡ ‘ተማሃሮ ቤት ትምህርቲ ሰውራ’ ኮይኑ። ከምቲ ካልእ ኣብ ማሕበር መንእሰይ፡ ማሕበር ደቀንስትዮ፡ ማሕበር ሓረስቶት፡ ዝነበረ ኩሉ ናብራኡ ገዲፉ ናብ ሰውራ ምስተጸንበረ ተጋዳላይ ዝኾነ፡ ቀይሕ ዕንባባ ድማ ተማሃራይ ቤት ትምህርቲ ሰውራ ኮነ። ኣብ ጉጅለ ባህሊ እንተ���ጺእና ከኣ፡ ዋላ እኳ ብዙሓት ኣብ ጉጅለ ባህሊ ቀያሕቲ ዕንባባ ዝነበሩ ኣብ ጉጅለ ባህሊ ቤት ትምህርቲ ሰውራ እንተተጸንበሩ፡ ጉጅለታት ባህሊ ቀያሕቲ ዕንባባን ናይ ቤት ትምህርቲ ሰውራን በበይነን እየን። እዚ ዝብል ዘለኹ ኣብ መጻሕፍቲ ከይተረፈ ሓዋዊስካ ይትረኽ ስለዘሎ እየ። ኣብ ጋዜጣ ሓዳስ ኤርትራ ንኣብነት፡ ብ05 ጥቅምቲ 2025 ተሓቲሙ ኣብ ዝወጸ “ጉጅለ ባህሊ ቤት ትምህርቲ ሰውራ ካበይ ናበይ፧” ዘርእስቱ ጽሑፍ፡ ማሕበር ቀያሕቲ ዕንባባ ጉጅለ ባህሊ ቤት ትምህርቲ ሰውራ ከምዝወለዶ ብዝመስል ኣገላልጻ ተተሪኹ ኣሎ። እዚ ግን ግጉይ እዩ። ጉጅለ ባህሊ ቤት ትምህርቲ ሰውራ፡ ዑደት ኣብ ሓራ ከተማታት ኣብ ዝገብረሉ ዝነበረ፡ ብፍላይ ኣ��� ከተማ ደቀምሓረ፡ ማሕበር ቀያሕቲ ዕንባባ ድሮ ተመስሪቱስ ርክብ’ውን ኣካይዱ ምንባሩ ንተረኽቲ ከዘኻኽሮም እደሊ።

ኣብ መደምደምታ ታሪኽ ቀያሕቲ ዕንባባ ነዊሕን ሰፊሕን መጽናዕቲ ዘድልዮ ምዃኑ ኣይስሓትን። ሓደ ካብ ታሪኽን ክብርታትን ህዝባዊ ግንባር፡ ኣብ ምንቃሕ፡ ምውዳብን ምዕጣቕን ሓፋሽ ህዝቢ ስለዝኾነ፡ ከይሓዋወስካ ብልክዕን ብዕቱብን መገዲ ክዝንቶን ክስነድን ዘለዎ ታሪኽ’ዩ ዝብል እምነት ኣሎኒ። እዚ ንምግባር ዕድመን ጥዕናን እንተሂቡና፡ ምስ ኩሎም እቶም ብሂወት ዘለዉ መተዓብይተይ ተሓጋጊዝና ብወገንና ክንስንዶ እሂን ምሂን ምብህሃል ጀሚርና ኣ��ና። ንኩሎም እቶም ኣብ ርሑቕን ቀረባን ዘለዉ መተዓብይትና ድማ፡ ታሪኽ ብብዙሓት ክዝንቶ ዝያዳ ተኣማንን ሓቀኛን ስለዝኸውን ዘዘለኩም ተዘክሮ ወስ ክትብሉ እላበወኩም። ነቶም ኣብ ምስናድ ዝነጥፉ ዘለዉ ድማ፡ ነዚ ጉዳይ ህድእ ኢሎም ብኩሉ ኩርናዓቱ ክርእይዎን ክፍትሽዎን ሓደራ እብሎም። እንተ’ታ ኣብ ጋዜጣ ሓዳስ ኤርትራ ብተኸታታሊ ኣብ ናይ ሰንበት ሕታም ትወጽእ ዝነበረት ጽሕፍቲ “ካብ ታሪኽ ሰውራና፣ እቲ ካልእ ገድሊ ንናጽነት” ጉጅለ ባህሊ ቤት ትምህርቲ ሰውራ ጉጅለ ባህሊ ቀያሕቲ ዕንባባ ሓዋዊሳ ዘዘንተወቶ መአረምታ ክግበረሉ ምደለኹ። እቲ ምንታይ እቶም ዝበዛሕና ኣባላት ኣብቲ ጉጅለ ባህሊ ዋላ እንተተጸንበርና ቀያሕቲ ዕን��ባ ምንባርና ግን ዜሮ ኣብ ዝኣተናሉ ኣብቂዑ እዩ። ብቐንዱ ድማ ቀያሕቲ ዕንባባ፡ ንኩሎም ኣብቲ ማሕበር ዝተወደቡ ቆልዑ እምበር፡ ነተን ጉጅለታት ባህሊ ጥራይ ዝምልከት ስም ኣይነበረን።

ካልእ እታ ዘዕበየትናን ኣብ ዘዘለናዮ ደረጃ ንክንበጽሕ መሰረት ዝኾነትናን ቤት ትምህርቲ ሰውራ ካብ ትምስረት ድሮ 50 ዓመት ኮይኑ፡ ኣብ 2026 ወርቃዊ እዮቤልዩ ከተብዕል ምዃና ብመንገዲ ኮምሽን ባህልን ስፖርትን ኣብ ጋዜጣ ሓዳስ ኤርትራ ደስ ዘብል ሓበሬታ ተዋሂቡ ስለዝሰማዕና ���ስ ኢሉና ኣሎ። እታ ብዓመት እትንእሳ ማሕበር ቀያሕቲ ዕንባባ ድማ፡ ኣብ ሕዳር 1977 ከም ዝቖመት፡ ዝመጽእ ዓመተ 2027 ድማ መበል 50 ዓመታ ምዃኑ ንኹሎም ኣባላት ቀያሕቲ ዕንባባ ነበር በዚ ኣጋጣሚ ከዘኻኽሮም እደሊ።

[Alg @GirmaTelk]

The President of Eritrea, Isaiah Afwerki at Sawa, 11-07-2026🇪🇷
https://t.co/SBDctp2Cfh

[ሃገራዊ ድሕነት @hagerawiDihnet]

ባሕርና ንያትና
ባሕርና ደጀንና
ባሕርና ህላዌና
ባሕርና ብደምና
ባሕርና ኣርማና
ባሕርና ርስትና
ቀይሕ ባሕርና ርስትና!
38 ዙርያ ሃገራዊ ኣገልግሎት ኣብ ሳዋ
#Eritrea #SAWA #NatonalService #EDF