Ehuphemistic @Euphemistic2020 - Twitter Profile

Pinned Tweet

Ehuphemistic @Euphemistic2020

8 months ago

Ya Allah Reham Kr dey

Enkidu Reborn

@enkidureborn

8 months ago

کچھ عرصہ ایک ہسپتال میں رہنا پڑا۔ یہاں پاکستان جیسی سہولیات تو نہیں کہ آدھا خاندان ساتھ ہسپتال منتقل ہوجائے۔ دن کو کوئی آگیا تو آگیا۔ نہیں آیا تو بھی مناسب۔ اکیلے دن اکیلی راتیں۔ اب تو کوئی طویل کالز بھی نہیں کرتا۔ آدھی دنیا سے تو ٹائم زون ہی الٹ ہے۔ بوریت یوں دور کی کہ سینکڑوں اکاونٹس سےڈی ایم میں ہیلو ہائے کی۔ کچھ سے دوستی ہوگئی۔ کچھ سے بس ہیلو ہائے رہی۔ انہی دوستوں میں سے ایک کسی بڑے شہر میں کوئی آن لائن بائک سروس چلاتا ہے۔ وہ نوجوان روزانہ دس بارہ گھنٹے بائیک چلاتا ہے۔ شام میں کسی ادارے سے کچھ کورس وغیرہ کررہا ہے۔ اسے پوچھا ایکس پر کیا لینے آتے ہو۔ کہتا ہے اپنا حصہ ڈالنے۔ بولا میرے لائکس ، ری پوسٹس سے میرے ایک رپلائی سے جو فرق پڑتا ہے وہ تو پڑے۔ کبھی کبھی دوہرے تہرے کردار نبھاتے ہوئے تھکاوٹ ہوجاتی ہے تو جی چاہتا ہے یہ سلسلہ تو چھوڑ دیا جائے۔ پھر مجھے اپنا وہ دوست یاد آجاتا ہے جو آٹھ دس گھنٹے بائک چلانے کے بعد اپنی پڑھائی کے ساتھ بھی اگر اپنا کام اپنی ذمہ داری سمجھتے ہوئے کررہا ہے تو مجھے کیا تکلیف ہے۔ میں اس دوست کو اپنی موٹیویشن سمجھتا ہوں۔ آج اسلام آباد دھماکے کی خبر آئی تو ساتھ چل رہا تھا کہ وہاں بائیک سروس بائیکیاکے رائڈرز بھی کھڑے ہوتے ہیں جو اس دھماکے کا نشانہ بنے۔ فورا اس کا خیال آیا اور دل بیٹھ سا گیا۔شہید ہونے والوں کے جتنے نام جہاں جہاں دستیاب تھے دیکھے۔ اس کا نام اس میں نہیں تھا۔ زرا تسلی ہوئی۔ لیکن پھر خیال آیا جو شہید ہوگئے وہ بھی تو میرے دوست کی طرح تپتی دھوپ میں سخت سردی میں اپنا روزگار کماتے ہیں۔ زیادہ تر طالبعلم یا پھر وہ لوگ جنکی عمر کوئی سخت کام کرنے کی نہیں رہی یا وہ جنہیں کوئی اور کام نہیں ملتا۔ سخت محنت ، سخت مشقت۔ معلوم نہیں کیسی کیسی ذمہ داریاں۔ کیسے کیسے بوجھ۔ کتنے بچے۔ کیا کیا مجبوریاں۔ پھر ان ہزاروں لاکھوں لوگوں کا خیال آیا جو کبھی قصہ خوانی بازار دھماکے کا نشانہ بنے تو کہیں کسی فٹبال سٹیڈیم میں دھماکے کا۔ کچھ داتا دربار دھماکے کی زد میں آگئے تو کچھ بری امام۔ جو شہید ہوئے انکی الگ کہانیاں۔ جو زخمی ہوئے انکی الگ۔ کچھ عمر بھر کے لیے معذور ہوکر اپنے گھر والوں پر بوجھ بن گئے تو کچھ ابھی تک شاید اس ٹراما سے ہی باہر نہیں نکلے ہوں گے جس سے وہ اڑتی گردنیں ، کٹے بازو اور پھٹی ہوئی لاشیں دیکھ کر گزرے ہوں گے۔ ہم میں سے کس نے کبھی سوچا ہے کہ ان ہزاروں لاکھوں لوگوں پر یعنی ان لاکھوں خاندانوں پر کیا گزری ہوگی جو دس بیس سال پہلے ان دھماکوں کا شکار ہوئے؟ انکے بوڑھے ماں باپ کس کرب سے گزرتے ہوں گے؟ کتنی بیوائیں بے یارو مددگار گھروں میں پڑی سسکتی ہوں گی؟ کتنی بیٹیاں باپ کے دست شفقت کے بغیر کن حالات میں گھروں سے رخصت ہوئی ہوں گی؟ کتنے بچوں نے سکول چھوڑا ہوگا؟ کتنوں کی جمع پونجی علاج معالجوں پر لگ گئی ہوگی؟ انکا تو موت کے وقت کہیں نام نہیں آتا۔ انکی لاش مرنے والوں کی گنتی میں اضافہ کرتی ہے۔ انکی کٹی ہوئی ٹانگ زخمیوں کی گنتی میں۔ کیا کبھی کسی نے ان لوگوں کی خبر لی؟ کیا کسی نے انکی داد رسی کی؟ کیا کسی جگہ انکے چہرے دکھائی دیے جو اس سب سے متاثر ہوئے؟ کہیں بھی نہیں کبھی بھی نہیں۔ اور المیہ یہ کہ وہی کھیل اب دوبارہ کھیلا جارہا ہے۔ ایک ڈکٹیٹر ، ایک ذہنی مریض ، ایک پاگل اور اسکا نیم پاگل ٹولہ اپنے مفادات کی خاطر ایک بار پھر ہزاروں لوگوں کے گھر اجاڑنے کے لیے پر تول رہا ہے۔ انہیں ایک اندھی جنگ میں جھونکنے کی تیاری میں ہے۔ ان لاشوں ، ان زخمیوں کے بدلے امریکی آقاؤں کی آشیر باد ملے گی۔ توسیع ملے گی۔ سینوں پر میڈل سجیں گے۔ تنخواہوں میں سو فیصد اضافہ ہوگا۔ دو سو ارب ڈالر کی ایمپائر دوگنی چوگنی ہوگی۔ پلاٹوں کی خرید و فروخت میں پراپرٹی ٹیکس میں چھوٹ ملے گی۔ ہمارے قاتل ، ہمارے امن کے قاتل ہمارے سینوں پر مونگ دلتے ہوئے خود کو ہمارا محسن ٹھہرائیں گے۔ ہمیں اپنا نجات دہندہ قرار دیں گے۔ ہمیں ہمارے مستقبل کا ضامن قرار دیں گے۔ ہمارا ہر حق اس “ خدمت “ کے عوض چھین لیں گے۔ ہمیں جہنم میں دھکیل کر ہماری لاشوں پر اپنی جنتیں تعمیر کریں گے۔ ہم مرتے رہیں گے۔ وہ جیتے رہیں گے۔

86

3K

750

53

98K

0

93

Ehuphemistic

@Euphemistic2020

Who to follow

Last Seen Users on Sotwe

Trends for you

Most Popular Users