تهّشام

أذرّ الشعر بعيون السهر وترَمْد أجفاني*

[تهّشام @Evlort_]

https://t.co/4xNEsJT6rR

[تهّشام @Evlort_]

"يا بعد من قلت له سمعًا وطاعه
وألتفت يمي وبادلني حماسي

من كثر ماني أحبّه عن قناعه
لو عطاني ثوبه بيطلع.. مقاسي"
❤️

[تهّشام @Evlort_]

"هني والله اللي فيك مايقبل التبديل
يبيع الحياة إن قيل له لأجلها بعها

يعرف إنك أجمل ماخلق بين هذا الجيل
جمالك مهوب الحاجه اللي يضيعها!

محبتك عنده واجبه خلي التأجيل
أبواب الهوى قد شرعت لك مصارعها"
❤️

[تهّشام @Evlort_]

"انتي اللي تستحقين .. مالا تملكين
من كنوز الارض ومن الحفاوه والرحاب

والله انك يوم تمشين بين العابرين
ودي أن الارض تحتك ذهب ماهي تراب"
❤️

[تهّشام @Evlort_]

"معك قلبٍ لو يميل الوقت كلّه جايزٍ لي
أعرف إنه ما يعرف من الظنون إلا النقيَّه

جعلني ما أنسى معاريفه و لا أخلّيه للِّي
ما يداري رقّته وإحساسه وشمْسه وفيَّه"
❤️

[تهّشام @Evlort_]

"يالله يالِّلي تسجد الناس لِرضاه
يا آمرٍ خلقه على حج بيته

تفرج لمن سدِّه على الناس مابْداه
راضي على مقسومك الِّلي عطيته

من شيٍ يسلّ الحال والجسم يبراه
والناس ما يشفُونه إن ما شفيته"
🩶

[تهّشام @Evlort_]

"عسى ربي يتمم فرحتي ويزيدني بجود
ويملا حياتي إنجاز .. وأحلام ورديّة
وعسى كل طموحٍ سكنني يصبح له وجود
وعسى دربي دوم مزروع بخطوة قوية"
❤️

[تهّشام @Evlort_]

"انا مانيب اللّوحه اللي ترشدك على الطريق
انا الطريق .. اللي عليه اللوحه اللي ترشدك"
❤️

[تهّشام @Evlort_]

"عسى لي أثر طيب ومواقف وذكرى خير
ونفس تنول إللي تمناه .. يا ربي

ولا تبتليني بالسعي في نصيب الغير
ولا تضيّع سنيني وانا أدور لطبي

وهب لي بصيرة ما توردني التقصير
تميّز قلوب الناس في كرهي وفي حبي

ونورني أشوف الحقيقة مثل ما تصير
أنا أشوف الأشياء مثل ما يشتهي قلبي"
❣️

[تهّشام @Evlort_]

"وإن عذربوك الأوادم .. خلّ صدرك وسيع
ماعذرب عناقيد العنب غير الذي ما طالها"
❣️

[تهّشام @Evlort_]

"من عرفتك .. وأنا ماغير أردد
أشهد ان الزمن لا بغى يعطي، عطى"
❣️

[تهّشام @Evlort_]

"باقي على عيد الأضحى عدّة أيام
ياللي غرامك داخل القلب بارك

كل عام وأنت بخير ياخير كل عام
ياعيد قلبي.. جعل عيدك مبارك"
❤️

[تهّشام @Evlort_]

«أحبك جعل حبٍ يجي من بعدك يعاف
وأنا حالفٍ حبك مع الوقت .. ما أخونه

ليا شفت وجهك والله أن ماعلي خلاف
فلا تنشد اللي شاف غايته وش لـونه؟»
❤️

[تهّشام @Evlort_]

"بكره تشعّ ان قاله الله أمانيك
مهما غفت في ليل الأقدر شمسك

لا يشغلك عن فرحة الجاي ماضيك
ولا يسرقك من واقعك صوت هجسك

ولا تيأس ان يبست منابت مساعيك
بكره يسيل الغيم ويطول غرسك"
❣️

[تهّشام @Evlort_]

"لا ياخذك بي الظن والشك والريبه
وأنا أسمى من على هالدنيا مرّك

أنا اللي لو أحتالت دنيتك الغريبه
شرّعت حضني وقلت قلبي مقرك

أحبك وأحبك لو هي علي ضريبه
مستعد أضم فيك خيرك وشرّك"
❤️

[تهّشام @Evlort_]

"وجيه العابرين تمرّني ما تلفت الأنظار
مدامك لافت أنظار القصيد و لافت أنظاري

أنا كل اللي أعرفه .. أحبك حب بـ استمرار
وأشوفك راحة أيامي و أشوفك أجمل أقداري

وغريب الدار في حبّك ما عاد انه غريب الدار
خذا حلو السنين و جاك لا بايع ولا شاري"
❤️

[تهّشام @Evlort_]

"جعل يفداك القصيد اللي يثير إعجابك
تدري إن ذكراك.. بين الذكريات ازينها

حافظك بـ أصغر تفاصيلك وأدقّ اسبابك
ومعتبرك أجمل توافيق القدر وأثمنها"
❤️

[تهّشام @Evlort_]

"أحبك ولو عادت جميع الوجيه أغراب
خذيتك أمان يشرد الخوف من طيبه

أشوف الحياه اللي مع الناس ملح وذاب
و أشوفك يقينٍ يقطع الشك و الريبه

أبيع السنين الي بدونك بـ رخص تراب
وأساوم على اللحظه معاك انت باللي به"
❤️

[تهّشام @Evlort_]

"من كثر ماني على حياتك .. أخاف
ودي لو أعطيك من عمري عمر للأخير

خذني معك أرتوي خذني معك للجفاف
أنا معك مستعد أواجه أقسى مصير

تعيش في قلبي الأول من أول طواف
و يا جعلك تعيش به لين الوداع الأخير"
❤️

[تهّشام @Evlort_]

"فداك العمر وأيام الشباب ولمّة الاقراب
وسنينٍ تجي وتروح قبلك ماهيب محسوبة

وفداك القلب وراعي القلب وربوعه الأجناب
ياوجهٍ من عرفته .. صارت الأيام مرغوبة"
❤️

[تهّشام @Evlort_]

"العيد والله ثالث العيد يا سعود
لا هو لا الأول .. ولا هوب ثاني
شوفك معي فالدار طيب وموجود
يعوضني في ما مضى من زماني"
❤️