فهد راشد الزعبي 🇰🇼

( اللهم ارحم واَلدي تحت التراب )

[فهد راشد الزعبي 🇰🇼 @F9riii]

اللهّم
ان نمت طويلاً فاغفرلي ونقّني من
ذنوبي ويسرلي من يدعو لي بعد موتي.

[مبارك بن وافي @bn_wafi]

صراعي الداخلي عيّا معي يستجيب
واليا شكيت الاوادم ما اعرفوا مقصدي

ما بين شرهة صديق وبين صدّة حبيب
ولو يعرفون الخفى ؟ "تشبّثوا في يدي"

[مبارك بن وافي @bn_wafi]

انا مواطن كويتي ولائي ماهو لـ إيران
حدود الخليج اشوفها كلها حدودي

يا كويت السعد والعز لا خانوا الجيران
تباهي على وجه الثرى جارك سعودي 🇸🇦

#جاور_السعودية_تسعد

[مبارك بن وافي @bn_wafi]

ارسل صواريخك وتلقى من يفادي
في واجب الدار نقدم مالنا منّه

لو راحت أعمارنا لجل البلد عادي
من مات منّا شهيد ويدخل الجنه

[د. مشعل الزعبي @alzuaby]

البنادَم مَيِّتٍ مهما تطول أيامه
وفي رضا الله من يسوق الروح ما له مِنَّة

اِشْتَر الجنة .. قبل لا تَكْثَر السوَّامَة
لا تهابِ الموت .. ما قدَّامك إلا الجنة

[مبارك بن وافي @bn_wafi]

الوجيه اللي من الحقد روّيانه
ما نصرها الله وهي دوم "منهزمه"

الكويتي ، الله اللي رفع شانه
ما يخون الدار فـ السلم و الأزمه

ماهم بـ منّا حدٍ خاين أوطانه
وفي وجود امثالهم مالنا لزمه

حن فدايا الدار والشيخ وأعوانه
" كلنا وياه في شوره وحزمه "

#الخلية_الارهابية

[مبارك بن وافي @bn_wafi]

لو تدري الارض بـ إنك مندفن فيها
قالت ياكبر الجميل اللي ملا بطني

[محمد عبدالله الزعبي @iialzubi]

العزوم تقرّب الغاية اليا صارت بعيده
من تباعد غايته يقضي حياته ما وجدها .

[مبارك بن وافي @bn_wafi]

يالراحل اللي عقبك الصدر جيّاش
ما جيت لحظه فـ الخيال ونكرتك

وشلون بنسى عطفك اللي معي عاش
وانا لا مات اللي ما اعرفه ذكرتك !

[فهد راشد الزعبي 🇰🇼 @F9riii]

﴿وَلَسَوْفَ يُعْطِيكَ رَبُّكَ فَتَرْضَىٰ﴾

[مبارك بن وافي @bn_wafi]

ظنّي من الحب يمكن صابتك بطره
ما عاد بيني وبينك صادر ووارد

يا نسل جدٍ عريب وسيرته عطره
يوم ان شبه الجزيره كون ومطارد

الفارس اللي مضاريبه تجي خطره
وشلون من ترثته ياتي ظبي شارد

[د. مشعل الزعبي @alzuaby]

لا جيت أبخفي شعوري عن محبّيني
تفضحني عيوني .. وتحرجني آهاتي

حتى مصلّين مسجدنا دروا فيني
من كثر ما يسمعون اسمك بدعواتي

[فهد راشد الزعبي 🇰🇼 @F9riii]

" القلب عاده ينتظر منّك علوم "
لكن ترى ماهو على خبرك خضر

[فهد راشد الزعبي 🇰🇼 @F9riii]

@akealenezi ماشاءالله
بالمبارك وعسى الله يوفقه ويتممله على خير

[مبارك بن وافي @bn_wafi]

حبيبي عقب ما غاب وجهك وغاب الصوت
ما كن السعاده والهنا ودّهم قربي

ادوّر على لقياك لو خاطري مبهوت
مثل من يدوّر نسمةٍ من هوى الغربي

انا رغبتي فـ عيونك وعودك المنحوت
ليا شفتهم يكفون عن زادي وشربي

ترى العمر يمشي والليالي علينا تفوت
متى نلتقي ويجيبك الله مع دربي ؟

انا كيف ما اضحي عشانك واذوق الموت
ولي لابةٍ ضحت لجل جارها الحربي

[مبارك بن وافي @bn_wafi]

باقيٍ أنت المنال ومطلبي واللي بغيته
يبطي غيابك يحد القلب عن غاية مراده

نعرف الغربه من يسافر عن بلاده وبيته
" كيف قلبي مْتغرب وسط بيته في بلاده " !

[فهد راشد الزعبي 🇰🇼 @F9riii]

تمنيت شي .. وقدر الله شي وصار
ولا لي سوى وجه الرضى لوتصنعته
٫
انا كنت احسب إن راحة العبد فيما اختار
اثـر خيـرة المـولى لـ عبده مسنّـعته

[مبارك بن وافي @bn_wafi]

انت حبّك ما لقيته على جال الطريق
ما تجيبه غير دعوّة حجيجٍ في منى

يا عفيفٍ تجمع الزين والساس العريق
جدك اللي يروي السيف الاملح والقنا

جيت من بطن السحايب كما الغيث الدفيق
تنجي اللي طول عمره حياته في عنا

منهو اللي يكسب رضاك يوم انك تضيق
ويتجرع كل لوعات حزنك غير انا ؟

ايه احبّك واشهدني وسط حبّك غريق
وحالفٍ ما اخون حبّك ليا يوم الفنا

[فهد راشد الزعبي 🇰🇼 @F9riii]

زينة الدنيا القلوب اللي وفاها عاده
والعيون اللي ليا أخطينا تغاضت عنّا

[فهد راشد الزعبي 🇰🇼 @F9riii]

الحظيظ اللي عرف نفسه وريّح باله
ما رهن عمره لبنك أحلامه الورديّة
٫
والرضا سلعة .. كريمٍ طيب الله فاله
من مخافة ربّه أبيض وجه وأبيض نيّة