فيصل بـن فهد الرميح

[فيصل بـن فهد الرميح @FF_Alrumaih]

﴿ فقلتُ استَغفرِو رَبكُم انّهُ كان غفّاراً ﴾

[فيصل بـن فهد الرميح @FF_Alrumaih]

قالت أنت اللي فتن وصفه خدينات القلايد
قلت أنا اللي يفتـنه عاتق . . ولا تاويه لبّـه

قلبي المتبول عند الغانيات أضحى وقايد
كل ما رمّـد لهيبه . . مرّته عنقـاء تشبّـه

الوكاد إنّي لقيت اللي على الغـزلان .. قايد
ما لهذا الزين وصف ولا لهذا السحر غبّـه

[فيصل بـن فهد الرميح @FF_Alrumaih]

وانا لا جفلت وقالت إنا ماغيّر اثنين
اقول استحي وتقول مانت على خبري

وتقرب شوي شوي واشعر بنفسي لين
تلاقى يديني من ورى عودها المبري

واتمتم لها و أشر على حبتيـن التيـن
ليا مـت حطيهم نصايب على قبري

[فيصل بـن فهد الرميح @FF_Alrumaih]

اكرهك واحبك ولا ابيك واغير
واشتاق وادور على البعد زلـه

زحمة مشاعر مالها اي تفسير
يالغـزي اللي عاجـز اني احلـه

مرات اشوف ان ماورا محبتك خير
ومرات اشوفك مصدر الخيـر كلـه

ومرات ابشكر فيك حتى المقادير
ومرات اسـب وقت جمعنا بظلـه

[فيصل بـن فهد الرميح @FF_Alrumaih]

كل الغناديـر في كفـه وانتي على مرقبٍ عالي
لو دونك القوم مصطفّه ماحركوا ميلة عقالي

[فيصل بـن فهد الرميح @FF_Alrumaih]

الصعب هلاّ قلت ياصعب سهلا
دامك تبيني فانت ياصعب شوقي

احب اعسف (المهـرة اللي تغلى)
واحب اروض كل طـرف يمـوقي

[فيصل بـن فهد الرميح @FF_Alrumaih]

وأنا أكرم من تلفّاظ الحـروف الجارحة .. وأجـود

[فيصل بـن فهد الرميح @FF_Alrumaih]

و أنا أبرك أيـام عمـري كلها يـوم أجيك
و أسعـد حياتي إذا قالوا حبيبـك وصل

من كثر ما أغليك أبيع اللي معي وأشتريك
ومن كثر ما أهواك عن كل البشـر منفصل

و من كثر حبي .. عليـك اغـار من والـديك
ولي عـام كامـل وانا افكر وسرحـان فيك

[فيصل بـن فهد الرميح @FF_Alrumaih]

سواد الليل وبلون الشفق في شعرك المنثور
أحسّده لطيره الهواء من فوق جيدك على لبّك

يـ كّن حتى الظلام بلمعته ياخذ شعاع النور
و يسكب من سناه الفتنـة اللي صاغها ربك

على خـدك نهارٍ ! يستفـز الصبح لأجل يثور
وعلى عينك مناهل وألقت الظامي وسط جبّك

بين ربات الجمال الفاتنات الكاملات الحور
وقف حاسدك مذهول ما يقدر على سبّك

أنا المفتون والمشتاق والمستسلم المكسور
وأنا اللي بين كل هالناس ؟ أكثر واحد يحبك

[فيصل بـن فهد الرميح @FF_Alrumaih]

يا سيّد الغيد .. لا تشْره ولا نشْره
حاولت اجي عند ضنّك بس ما امداني

اخرم مثل خرمة التايب على الدشره
واشتاق وعيونك الثنتين تشعاني

رموشك اطول بواجد من شهر عشره
والمشكلة كل رمش احلا من الثاني

[فيصل بـن فهد الرميح @FF_Alrumaih]

لا إله إلا الله وحده لا شريك له، له الملك
وله الحمد وهو على كل شي قدير

[فيصل بـن فهد الرميح @FF_Alrumaih]

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

[فيصل بـن فهد الرميح @FF_Alrumaih]

اخذت من طرد الهوى ماكفاني
واليوم ياطـرّادته .. هاكـم إياه

شدّوا حباله في ظهـور السواني
ولا اغرفوا من جمّته وأشربو ماه

[فيصل بـن فهد الرميح @FF_Alrumaih]

والا أمبرطورة الخافـق ومشهاتي
تطربخ فـ بركت الخفـاق برجليها

يا أول محطة غرامٍ من محطاتي
ليـالٍ جمعتني فيـك .. يسقيها

إي والله إني عشقت أرضاك بذاتي
ما به مساحة بقلبي ما مشيتيها

يا نيلي العذب يا دجلاي يا فراتي
يا ديرة الحـب شارعها وكبريها

يبلغ قصيدةٍ .. عليها من حركاتي
ما يجذب الدهشة لعيوني قاريها

[فيصل بـن فهد الرميح @FF_Alrumaih]

انا وش الي جابني للحـب غير اني عنيـد
احارب اكثر من ثغر واواجه اكثر من عدو

وارجع بعدها ( للغلا الواحد ولثغر الوحيد)

ياللّي ذبحت لخاطر عيونك ، من عيوني فدو
ولا زلت أكرّرها و أنا في كامل العقل الرشيد

جعل السعد فـ أيامي إللي ما غدو وإللي غدو
يروح فيها رمشـك الضافي ومبسمك الفريـد

أتلا عهدنا يوم قلت .. مسافـر قريّـب بدو
والبدو تطلق كلمة قريّب على الشيّ البعيد

[فيصل بـن فهد الرميح @FF_Alrumaih]

"شفتك في خيالي بين طيّات الدفا والقرب
و ناديتك فديتك خل يْدينك لا توخّرها

عقلنا واِلتطم حب المواجه يالعفيف الذّرب
كما موجٍ لطم في غبةٍ واغرق بواخرها

حبيبك يا حبيبي من سلالة هل دروع وحرب
ولا يعشق من أصناف الجواهر كود فاخرها

وسقت الرجل صوبك ياحبيبي والليالي جرب
ولا اهتميت في ناس تبي ترفع مناخرها

حبيبك ياحبيبي من سلالة هل الدروع وحرب
ولايعشق من اصناف الجواهر كود فاخرها

تفاخر يابعد من (حط له بين الحنايـا درب)
تفاخر وافتخر واغلى القصايد فيك اسخرها"

[فيصل بـن فهد الرميح @FF_Alrumaih]

قالت انا الحمد لله و الثناء و الشكر
قلت انتي اللقمـه الي بعد ما كلتهـا

قالت انا الموت قلت انتي عذاب القبر
قالت لا بالله يا ابن الذيب مصختهـا

الله عطاها شـرف مريم و تقوى عمر
و انا ليا ذعذع الغربي توسـدتها

[فيصل بـن فهد الرميح @FF_Alrumaih]

كنت أظن الريح جابت .. عطــرك يسلم علي
كنت أظن الشوق جابك .. تجلس بجنبي شوي

[فيصل بـن فهد الرميح @FF_Alrumaih]

تِبطـون ما ذِقتـو مَشاعـر خَفوقي
قَلبي سَلَبه اللّي ما تسوّون ظِفـره

[فيصل بـن فهد الرميح @FF_Alrumaih]

توقّي لا يروح الليل ثلّثة فضفضة وجْدال
عزاك من الغياب اقبال قلبي يوم ناديتي

مشيتك يا أعذب دروبي من السلسال للخلخال
مساري ليلةٍ شيطانها مزمار وخبيتي

قوامك يحييّ اموات القلوب وبسمك قتّال
وأحبك أكثر ما افنيتي قلب وكثر ما احييتي

وش اللي يمنع نفوس البشر ما تحسد الفنجال
مادام أنّه يلامس جمرتينك لا تقهويتي

تعشّب بك قميصٍ في بياضك ما تعب يختال
وعاش الأخضر العشبي ومات الأخضر الزيتي

وأنا لا ضيف فـ رحابك ولا راحل ولا نزّال
أنا في صوتك بلادي وأنا في ضحكتك بيتي

أشوف إن عنقك الساعة وعقرب عنقك السلسال
و جيت اضبط مواعيد التلاقي في حسب توقيتي

[فيصل بـن فهد الرميح @FF_Alrumaih]

أقلط بقلبي شفّ نفسك يا رعبوبي
تلقى مميز عن العالم محلك به

لو أعذلوني و حطوا بك و حطوبي
غلاك فالقلب ماشيءٍ تحرك به

و لو حطوا الناس دونك دوبهم دوبي
ما أتركك حتى يصير الدم للركبه

وش تنفع الناس لو ضيعت مطلوبي
شيءٍ ماهو يجمع الشملين وش لك به

لو قالوا الناس عيب أنت أجمل عيوبي
يا حلو عيبي .. ليا من صار وصلك به

لو قالوا تتوب .. لا والله ما أتوبي
مؤمن بحبك و هرج الناس مشرك به

من صوتك العذب مأكولي و مشروبي
ولو غاب قلبي هجير الشوق يفتك به

عاشق ولاحاصلٍ لي شوف محبوبي
انشهد أني أنكبت والنكبه النكبه